ခင်ဗျားကတော်လိုက်တာဗျာ
ကျုပ်မရှိတော့တဲ့…..အနာဂတ်မှာ
ကုန်ကြမ်းတွေ တပွေ့တပိုက်နဲ့
အောင်ပွဲခံနေလိုက်တာ…..
မနာလိုတတ်လိုက်တာလို့ပဲ
အမည်တပ်…ကျုပ်ကို ခင်ဗျားရာဇ၀င်ထဲ
တရားဝင်ခေါက်ထားခွင့်ရှိပါတယ်
ကျုပ်ဘက်ကလည်း….
တဖက်သတ်တော့……ရူးခွင့်ကျန်နေဦးမှာပဲ။

ဒီဇာတ်ကြောင်း မတရားဘူးအထင်နဲ့ ခုံရုံးတင်ရင်တော့
ကျုပ်..သာရုံးနိမ့်သူဖြစ်လိမ့်မယ်…..
မဆုတ်သာ မတိုးသာနဲ့
အခက်အခဲတွေပွင့်လင်းမိတော့လည်း……
ခင်ဗျား…..လျစ်လျူရှုခြင်းတွေနောက်
ကျုပ်……ဖျားနာခဲ့ရတယ်

ပေ တလှည့် တူ တလှည့်နဲ့
ကျုပ်အလှည့်စောင့်……
အစွမ်းကုန်မိုက်ပြစ်လိုက်ချင်တော့
သံသရာ က ကျုပ်နား..သီသီလေးမှာ…
………..စက်ရပ်နေတာကခက်တယ်!!!

ရှုပ်ပါတယ်ဗျာ….
ခင်ဗျားကုန်ကြမ်းထဲမှာ ..
ကျုပ်ကို ဗီလိန်ထက် နည်းနည်းပိုအဆင့်မြင့်ပေးပါ
ခင်ဗျားနားရောက်မှ…ကန်းသွားခဲ့တဲ့..သူ…
ခင်ဗျားရှေ့မှပျောက်သွားတဲ့သူ…
အဲလောက်..အဆင့်လောက်ထားပြီး
ကျုပ်ကို တခါမှ မသွင်းဖူးတဲ့
ခင်ဗျားရင်ဘတ်ထဲ black list မှာNo.1 သွင်း….
မှင်နီတားထားလိုက်…..
………………
ခင်ဗျားရင်ဘတ်ထဲက ….
အဲဒီ ကြက်ခြေခတ်ကြီးပဲ
တယုတယနဲ့ ဘောင်သွင်းထားလိုက်မယ်…
ကျုပ်ကိုကျုပ်ရှက်တတ်လာအောင်လို့ပါ။

ခင်ဗျား….သမိုင်းမှာ ..ကျုပ်ကို ဘယ်လိုခေါင်းစဉ်တပ်တပ်
…ကျုပ်သမိုင်းထဲမှာတော့….
ခင်ဗျားကတရားသူကြီး ဖြစ်တယ်….
ခင်ဗျား …..ချန်ဆိုချန်
……………ကျန်ဆိုကျန်နဲ့
နောက်ဆုံး………
……မရည်ရွယ်ခဲ့ဖူးဆိုရင်တောင်
ကျုပ်နှလုံးသားထဲစိုက်ခဲ့တဲ့မြှားတစင်းအတွက်
ပစ်မှတ်မလွတ်အောင်နေမိခဲ့တာကိုပဲ
သံသရာထဲ….တသက်တကျွန်းချပစ်လိုက်ပါ။
.
ခင်ဗျား စီရင်တဲ့ ကျုပ် ရင်ခွင်
ဓားတွေအစင်းစင်းစိုက်ခဲ့ရင်တောင်
ပန်းအဖြစ်နဲ့ ယုယနေမဲ့ကောင်….
ကျုပ်..ဘယ်တော့မှ မငြင်းဘူး…..
ခင်ဗျားမှန်တယ်ဆိုတာ……

…
မှိုင်းတွေရှင်းသွားပါပြီဗျာ
ခင်ဗျား အလင်းနှစ်တွေမှာ…ကူးပါတော့
ကြယ်တလုံးတည်းနဲ့ လင်းချင်တဲ့ ကျုပ်ကောင်းကင်
ခင်ဗျားမရှိရင်…မှောင်ရုံပေါ့…
ကျုပ်မှာ…အယူခံဝင်ဖို့
အစွမ်းအစမှမရှိပဲ
အနက်ရောင်ပဲ…..ချိတ်ထားလိုက်တော့မယ်

ကဲ….ဘယ်လောက်များ….တော်တဲ့ကျုပ်လဲဗျာ။

(မိန်းခလေးတယောက်အနေနဲ့..အရေးကြမ်းတယ်တော့ မထင်ပါနဲ့…..ဒီလိုပဲ…..စိတ်ရိုင်းတွေ….လက်သပ်မွေးနေမိလို့)