valentine’s day…တဲ့
အသိအမှတ်ပြုချစ်ချင်းရဲ့…နေ့မြတ်
နင်…ပျော်နေပါစေ
ငါ….ရင်ထဲက ဆုတောင်းမိတယ်
ချစ်တယ်..ပြောခဲ့တဲ့နင်စကားတွေ
မုသားတွေများခဲ့ပေမယ့်
ငါတသက်လုံးစာ……
ယုံပေးပါတယ်…။

အတွေးတွေ…ဆွေး..
အဆွေးတွေ…တွေး…
နင့်ဓာတ်ပုံလေးကို…ငေး
ဓာတ်ပုံလေးက ငါ့ကိုငေး……လွမ်းတယ်။

ချောကလက်….နဲ့..
အခြားသောလက်ဆောင်တွေ…မလိုချင်ခဲ့ဘူးလို့
ငါပြောရင်…နင်ယုံကြည်ပါ….
ငါ့နား နီးနီးလေး…..ရှိစေချင်တယ်
နင့်..ရင်ခုန်သံလေး….ကြားချင်လို့။

အရင့်အရင်ကတည်းက
ငါကနင့်ရဲ့…အစားထိုးခံ
အခုချိန်မှ……
မရှိမဖြစ်လိုအပ်စေဖို့…
ဆုတောင်းမနေတော့ဘူး…
မပြည့်နိုင်တဲ့ လိုအင်အတွက်
နတ်တွေလည်း….စိတ်ညစ်ရမယ်။

ငါ့အတွက်..
ဒီနေ့အလွမ်းပိုနက်တယ်ချစ်သူ…
မနေ့ညက……
အိပ်ရေး….မရခဲ့ဘူး…
အချစ်ရဲ့မနာလိုခြင်းဆိုတာ
“အားငယ်ခြင်း”ကအခြေခံတယ်
အမုန်းနဲ့အချစ်မှာ
တူညီတဲ့အမြစ်
“သံယောဇဉ်”နဲ့…အခြေခံတယ်
ငါ့ရဲ့သံယောဇဉ်…..
နင့်အတွက်…တန်ဖိုးမဲ့မှတော့
ဒီတဘ၀အတွက်..
ထာဝရ
လှဲလျောင်းလောင်ကျွမ်းခွင့်အတွက်
နင့်နှုတ်ဖျားမှ….မီးစ
တစ်ပွင့်နှစ်ပွင့်လောက်
စွန့်ကျဲပါ
ရွက်ခြောက်ပင်အတွက်..လုံလောက်စေတယ်။

တဒင်္ဂနဲ့တဘ၀စာ..
ချစ်တတ်ခဲ့လို့…
အလွမ်းတောနက်ထဲမှာသာ
ချာချာလည်ခွင့်…..
valentine မှ..ပေးသနားပါ။

ဒီလိုနဲ့……….
ဒီလိုနဲ့ပဲ………….
အသဲကွဲသူအတွက်..နေရာမဲ့တဲ့
ဒီနေ့ရက်ထဲ…….ငါ့ကို….အစဉ်မေ့ဖျောက်ကြပါ…။