(၁)

 

 

 

မော်ဒန်နှင့် မပတ်သတ်သော အသင့်အား
မော်ဒန်တစ်ခု သို့ မော်ဒန်တစ်စုက လာပတ်သတ်ကြလိမ့်မည်
သို့သော် အကျွန်ုပ်ကတော့ အိမ်အဝတွင် စာတန်းတင်ထားသည်
်မော်ဒန်မရ၍ မော်ဒန်မရေးပါ။

 

 

 

– – – – – – – – – – – – – –

 

 

 

သူများတကာ အူဝဲ အူဝဲ ဟူ၍ မွေးဖွားလာချိန်

 

ဝဲအူ ဝဲအူ ဆိုပြီးမွေးလာသောကျွန်တော့်ကို ဟို ထဘီအနီအပြာများက မကြည်ကြပါ။

 

အငိုမှားနေ၍လားတော့မသိ ဖင်ကို ခပ်စပ်စပ် (ငရုတ်သီး ခပ်နေခြင်းမဟုတ်ပါ) ရိုက်နှက်လေသည်။ ကျွန်တော်ကလည်း ကျွန်တော်ပဲလေ။

 

အဲဒီလိုပြောလို့ အစက ကျွန်တော်မဟုတ်ဟုလို့တော့ မဆိုလိုချင်ပါ။

 

ပြောချင်တာကတော့ ကျွန်တော်က ကျွန်တော်ပေါ့။ သူတို့က မညာမတာရိုက်မှတော့ ဘယ်ရမလဲ။

 

သိတယ်မလား … ဟွန်း အော်ငိုပြစ်တာပေါ့။

 

 

 

 

 

အဖေက အပြေးအလွားလာပြီး တော့ ဘာလေးမွေးလဲမေးတယ်။

 

ကျွန်တော်အဲဒီတုန်းကသာ စကားထပြောတတ်ရင်ပြောပြစ်လိုက်ချင်တာ။ အဖေက လူမဟုတ်လို့လားလို့။ မွေးမှတော့ လူလေးမွေးတာပေါ့။

 

ဒါပေမယ့် အမေကတော့ထူးထူးဆန်းဆန်းပဲ။ ဆရာမ ခြေလက်အင်္ဂါစုံရဲ့လားတယ့်…။

 

အဲဒီမှ ကျွန်တော်လည်း သတိရတယ်။ ဟုတ်ပါ့ ငါ့များဘာကျန်ခဲသလဲပေါ့….ဆုတောင်းလိုက်ရတာ။

 

တကယ်ပြောတာ အဲဒီတုန်းက ကျွန်တော်ဟာလေး ပြတ်ကျန်မှာကြောက်နေခဲ့တာ….။

 

                                      သားလေးမွေးတယ်

 

 

 

 

 

အဖေကတော့ ထကနေလိုက်တာ။ စဉ်းတော့စဉ်းစားမိတယ်။ထိုင်ကရင်ရောမရဘူးလားလို့။

 

တွေးမိတယ့် အတွေးတွေက အဲဒီကတည်းက ကြောင်တောင်တောင်တွေ။ အမေတိုက်တယ့် နို့တောင် ပြောင်းပြန်စို့ဖို့ကြိုးစားသေးတယ်။

 

အမေကတော့ ကမျင်းကြောလေး ခုထိ နို့်ကို မပြတ်နိုင်သေးဘူးဆိုပြီးဆဲတယ်ဗျာ။ခုမှ ဘာရှိဦးမှာလဲ ။

 

(၄)တန်းတက်ခါစရှိသေးတာကို။

 

 

 

ဆ၇ာမက အိမ်ကို လာတိုင်တယ်။ လာတိုင်ရအောင်လည်း ကျွန်တော့်အိမ်က ရဲစခန်းမဟုတ်မှန်း ကျွန်တော်သိပါတယ်။

 

အမေလည်းသိတယ်။ အဲဒါကိုပဲ ဆရာမက အိမ်ကို လာတိုင်တယ်ဗျာ။

 

 

 

           ရှင့် သားက ပြောစကားနားမထောင်ဘူး။

 

 

 

           ဘယ်လို ….. ကျွန်မသားက ဘာဖြစ်နေလို့လဲ ဆရာမရယ်။

 

 

 

အမေကတော့ စိတ်ပူပြီးမေးတာပေါ့။ စိတ်ပူတယ်ဆိုလို့ ရင်ဘတ်ထဲမှာ ဂတ်စ်အိုးတွေထပေါက်တာတော့မရှိပါဘူး။ ဒီလိုပဲ အများပြောသလို

 

စိတ်ပူတယ် လို့ပဲ ပြောကြည့်တာ။အဲ ပြောပဲပြောလို့ရတာ။ စိတ်ပူတာကတော့ ကြည့်လို့မရဘူးဗျ။ အင်းလေ တွေ့မှ မတွေ့ရတာ။

 

 

 

           ဒီမယ်လေ… စာမေးပွဲဖြေတယ့် အဖြေလွှာလည်းကြည့်ဦး။

 

 

 

ဆရာမက ကျွန်တော့် အဖြေလွှာစာအုပ်ကို လှမ်းပေးတယ်။

 

 

 

           တွေ့လားရှင့်သားရေးထားတာ။

 

 

 

           ဟင့်အင် မတွေ့ဘူး

 

 

 

ဟုတ်တာလည်းဟုတ်သည်။ အမေက  ကျွန်တော့် ဆယ်တန်းစာကို ဘာနားလည်မှာမို့လို့လဲ။

 

ဒါပေမယ့် နားတော့လည်သင့်သည်။ ပြနေတာက မြန်မာစာအဖြေလွှာပဲ။  ဒါပေမယ့် အမေကတော့ တကယ်ပဲနားမလည်ဖြစ်နေသည်။

 

ဆရာမက စာရွက်ကို ဟိုလှန်ဒီလှန်လုပ်နေပြီးမှ တနေရာအရောက်တွင် အမေကို ချပြလိုက်သည်။ နရင်းကို ချ ပြီးပြတာတော့မဟုတ်ပါ။

 

သို့သော် ချတော့ပြလိုက်ပါသည်။

 

 

 

            အော်ဒါစာစီစာကုံးပဲ ဆရာမရယ် ဘာများထူးဆန်းလို့လဲ ဟဲဟဲ

 

 

 

            အဲဒီစာစီစာကုံးကိုပဲ ပြောနေတာလေ သေချာလည်းဖတ်ကြည့်ဦး

 

 

 

           အမေလည်းယောင်နန နှင့် ခေါင်းစဉ်ကိုလှမ်းဖတ်သည်…. မေးခွန်းထုတ်သူသိပါသည်

 

 

 

            ဆရာမ  ဘာမှားလို့လဲ……..

 

 

 

            အဲဒီမယ်လေ… ခေါင်းစဉ်ကိုမတွေ့ဘူးလား

 

 

 

           တွေ့တယ်လေဆရာမကလည်း  မေးခွန်းထုတ်သူသိပါသည်လေ

 

 

 

          အမေကတော့ သူ့အမြင်တိုင်း ပြန်ပြောသည်။ ဟုတ်တာပဲရေးထားတာက လည်းအမှန်ပဲကို။

 

 

 

          အင်းလေ အဲဒီ့ခေါင်းစဉ်ကိုပြောတာပဲ

 

 

 

         ဘာမှားလို့လဲ ဆရာမရဲ့ အော် သိပြီ ဆရာမက မေးခွန်းမေ့သွားလို့ သားဆီလာမေးတာမလား…

 

 

 

        အမေကလည်း သူ့အထင်တိုင်းပဲဖြေသည်။ ဟုတ်တာပဲ မေးခွန်းမေးသူသိပါသည်… ဆိုမှတော့ ဆရာမကမေ့လို့လာမေးတာနေမှာပေါ့။ အမေ နဲ့ ကျွန်တော်က အတွေးသွားတူနေသည်။

 

 

 

          အာ   အဒေါ်ကြီးကလည်း ကျမကတော့ ကျမထုတ်တယ့် မေးခွန်းသိတာပေါ့

 

 

 

          အင်းလေ ဆရာမကသိတယ် ဆိုမှတော့ ပြီးပြီပေါ့  ဟင်းဟင်း

 

 

 

     အမေကတော့ အဖြေရှာတွေ့သွားသည့်ပုံ မျိုးနှင့် ရယ်တောင်ရယ်နေလိုက်သေးသည်။  ဆရာမကတော့ ဟိုက် တစ်လုံးထွက်ပြီးငိုင်ကျသွားသည်။ ငိုင်ပြီးတော့ ကျလာသလား ၊ ကျပြီးမှငိုင်လာတာလားတော့မသိ ၊ ဆရာမ ကတော့ ဟိုက်တစ်လုံးထွက်သွားတာ သေချာသည်။

 

 

 

         အဲဒီလို ပြောတာမဟုတ်ဘူးလေ အဒေါ်ကြီးရဲ့… ကျမကမေးခွန်းထုတ်တာပါ။ ဒါပေမယ့် ဒါက ခေါင်းစဉ်မဟုတ်ဘူးလေ

 

 

 

         အမ်… ဆရာမပြောတော့ ဆရာမက မေးခွန်းထုတ်တာဆို

 

 

 

       အမေက တအံတသြော်နှင့် မေးခွန်းပြန်ချွေနေသည်။

 

 

 

          အင်း ဟုတ်တယ်လေ

 

 

 

         ဒါဆို ခေါင်းစဉ်က မဟုတ်ဘူးဆိုတော့ ဆရာမက မှားထုတ်ထားတာပေါ့…

 

 

 

         အာအဲလိုပြောတာလည်းဟုတ်ဘူးလေ

 

 

 

        ဒါဆို ဘာလဲဟင်…

 

 

 

      ဆရာမ အကြံအိုက်သွားသည်ထင်… အကြံအိုက် ရအောင်လောက်လည်း နေကမပူပါ။ သို့သော် မန်းလေး နေကတော့ တော်တော်ပူပါသည်။ ထို့ကြောင့်ထင် ဆရာမ အကြံအိုက်လျက်ရှိသည်။ ယပ်တောင်ပေးဖို့စိတ်ကူးခဲ့သော်လည်း မပေးဖြစ်ခဲ့ပါ။

 

အကြောင်းမှာ ကျွန်တော်လည်း အိုက်လျက်ရှိပါသည်။

 

 

 

        ကျမထုတ်တာက တခြား

 

 

 

         ဆရာမထုတ်တယ့်ခေါင်းစဉ်က တခြားတယ့်လား

 

 

 

        အာ… အဒေါ်ကြီးကလည်း ကျမ စကားကို ဆုံးအောင်နားထောင်ပါဦး။

 

 

 

     ဆရာမစိတ်နည်းနည်းတိုသွားသည်နှင့်တူသည်။ အသံကနည်းနည်းကျယ်သွားသည်။ သို့သော် အမေကို ဒီလိုသွားလုပ်လို့မရ။

 

ထိုသို့ဆို အမေက သူများထက် နှစ်ဆ ပြန်လုပ်တတ်သည်။ အမေလည်း ဒေါသထွက်သွားသည်နှင့်တူသည်။ မာန တစ်ချက်က မျက်နှာပေါ်တက်ပြေးသွားသည်။ ကျွန်တော်အသေအချာ တွေ့လိုက်သော်လည်း ဆွဲယူမတားမြစ်နိုင်ခဲ့ပေ။

 

 

 

 

 

      ဒီမယ်ဆရာမ ကျမသားကို ကျမ ထိန်းမယ်။ ဆရာမဒီလိုတော့ လာအော်စရာမလိုဘူး။ အပြစ်လည်းပြောစရာမလိုဘူးး။ ဒီကျောင်းမှာမထား နောက်နေ့ကျောင်းလာထုတ်မယ်။ ဆရာမလည်း ခုချက်ချင်းဒီကထွက်သွားပါ။

 

 

 

 

 

       ဆရာမကတော့ အမေကို ကြောင်စီစီနှင့် ကြည့်နေဆဲပင်။ ကြောင်တွေလည်း ဆရာမနောက်တွင် စီတန်းရပ်လျက်ရှိသည်။ နေ့လည်ရောက်နေပြီဖြစ်သည်။ သူတို့လည်းထမင်းဆာပြီ။ ကျွန်တော်လည်း ထမင်းဆာပြီ။ ဆရာမကတော့ ဆာမဆာမသိ မျက်ရည်ဝဲလေးနှင့် ထွက်သွားသည်။

 

 

 

        အမေကတော့ငယ်ငယ်ကလို  ခါးကနေမ၍ ကျောင်းဝန်းထဲကနေ ကျွန်တော့်ကို ခေါ်ဆောင်မသွားတော့ပါ။ သို့သော်သေချာတာကတော့ ကျွန်တော် ကျောင်းကနေထွက်လာပါသည်။ ဟုတ်ကဲ့သူများတကာကတော့ ကျောင်းသုံးကျောင်းပြောင်းရင်မကောင်းတယ့်။ ဆယ်ဂဏန်းမျ ကျောင်းနံပါတ်များကတော့ ကျွန်တော် ခြေရာများ ထင်ကျန်ခဲ့ဖူးပါသည်။

 

သို့သော် အဲဒါထား…. ယခုတော့ ကျွန်တော်လည်း တက္ကသိုလ် တက်နေပြီဖြစ်သည်။

 

 

 

         ငယ်ငယ်ကတည်းက အတွေးတွေက ကပြောင်းကပြန်နှင့် ကျွန်တော်တက္ကသိုလ်တက်သည်ဆိုတော့လည်း…။ အဲ အတွေးက ကပြောင်းကပြန်ဆိုမှ သတိရသည်။ သတိကို ရလာခြင်းမဟုတ်ပါ။ သတိရသွာခြင်းလည်း မဟုတ်ပါ။ သတိရခြင်းသာ။

 

ငယ်ငယ်ကကျွန်တော် မုန့်သွားစားသည်။

 

 

 

ထပ်တစ်ရာဆို၍ တအံတသြ နှင့်သွားစားခြင်းဖြစ်သည်။ သို့သော် ကျွန်တော်လှန်ရှုာတော့ ဂျုံကိုသာတွေ့ရသည်။ လှေကားလေးပင် မတွေ့။

 

အဲဒါနဲ့ ။ အဲဒါနဲ့ ရန်ဖြစ်တာပေါ့။ အဖေကတော့ ဘယ်ရမလဲ အာဂါသတ္တိပဲ။ ကျွန်တော့်ကိုချီပြီး ပြေးတာ ဖိနပ်တောင်ကျန်ခဲ့တယ်။ မပြေးရင်ဘယ်ဖြစ်မလဲ ဟိုက ဓားမကြီးနဲ့လေ။ ငယ်ငယ်လေးကတည်းက အဲလို လျှောက်တွေးလာခဲ့တာ။

 

 

 

– – – – – – – – – x x x x x x x x x – – – – – – – –

 

 

 

 

 

                                                          (၂)

 

 

 

              အခန်းထဲဝင်လာတော့… အားလုံးကထနှုတ်ဆက်ကြသည်။ ကျွန်တော့်ကိုမဟုတ်ပါ ။ ကျွန်တော့်အနောက်မှကပ်လျက်ဝင်လာသော

 

ဆက်ရန်

 

ဆား