ပတ်ပုန်းလမ်းမထဲ စ၀င်လာကတည်းက ထိုင်းဘဲတစ်ပွေက တကောက်ကောက်

လိုက်မြူဆွယ်ကာ ရွှေကြိ်ုလုပ်နေသည်။ ရောင်စုံဆလိုက်မီးများအောက် လှုပ်ထိုး

ယိမ်းခါနေသော အရိပ်များ.က ရင်ခုန်မြန်စေသည့်ကောက်ကြောင်းများကို

ကြေညာလျက် ။ စတိတ်စင်ထက်တွင်စတီးချောင်းများကိုအဖော်ပြု တိရိစ္ဆာန်များ

သဖွယ် ဈေးကွက်တင်ရောင်းနေသည့် မိန်းကလေးများ ။

စိတ်ထဲနှောက်ကျိလာသည်။ ရှုပ်ထွေးလာသည်။ အော်ဂလီဆန်လာသည်။

သည်နေရာပတ်ဝန်းကျင်ရှိလေထုရနံ့ကပဲ ကျွန်တော်နှင့် မတည့်သလိုလို။

ပတ်ပုန်းလမ်းမကြီးကတော့မသိကျိုးကျွံ ပြုလျက်။ ခဏတာအစွန်းရောက်နိုင်မှုများ၊

မူးယစ် ရီဝေမှုများနှင့်အတူ ပတ်ပုန်းက ဗန်ကောက်သို့ လာရာလမ်းကို

မီးထိုးပေးထားသည်။ ပတ်ပုန်းရှိ လိင်အင်္ဂါအခြေခံ ဖျော်ဖြေမှုများက သင့်ကို

အံသြတကြီးဖြစ်စေလျှင် ဘာမျှမထူးဆန်း။ ပတ်ပုန်းရှိလူအုပ်ကြီးက

ငွေသာပါလျှင်သင့်ကိုဖူးဖူးမှုတ်မည်ဆိုသည်ကိုဘာမှသံသယဖြစ်စရာလည်းမရှိ။

ဟိုတယ်က ကောင်လေးက ပြောထားသည်။ မာဖီးယား များကျက်စားရာနေရာတဲ့ ။

ဟုတ်သည်။ ပတ်ပုန်းရှိလူများက မာဖီးယား စိတ်ဓာတ်။ အနိုင်ကျင့်ရန်လည်း

ဝန်မလေး၊ ရိုက်နှက်ထိုးကြိတ်ရန်လည်း ထမင်းစားရေသောက်။  ထိုင်းစကားမတတ်၊

မြန်မာ ပတ်စပို့ ကိုင်၊ ပြဿနာတက် အမှုအခင်းဖြစ်လာ၊  သေချာသလောက်က

အနိုင်ရဖို့မမြင် ။ ပတ်ပုန်းထဲကကမ္ဘာသည် သီးခြား ကမ္ဘာလေးလည်းဖြစ်နိုင်သည်။

ထို့အတူ ဂလိုဘယ်ကမ္ဘာသဘောလည်း ဆောင်လျက်။ အသားအရောင်မျိုးစုံ ကူးလူးလျက်၊

ဆန္ဒပေါင်းစုံလည်း ဖလှယ်လျက် ။ပတ်ပုန်း ညက သင့်ကို လွတ်လပ်စွာ

ရွေးချယ်ခွင့်ပေးမည်။ သင်ရောက်လာခြင်း သို့မဟုတ် သင်ရှောင်လွှဲသွားခြင်းအတွက်

ပတ်ပုန်းဆိုသည့် နေရာလေးနှင့်အတူဗန်ကောက်မြို့ကြီးကတော့ အဖြေရှာနေမည်တော့

မဟုတ်ချေ။

( ဗန်ကောက် ညတစ်ညအား ခံစားခဲ့မိခြင်း)