အဆိပ်သင့်တိမ်

တိမ်တွေကို မော့ကြည့်တော့

ဝင်နေကျ နေက

လာ အဖော်ညှိတယ် ။

မှောင်နေကျ နေ့စွဲတွေကို

ကြိုဆိုဖို့ မီးအိမ်မှာ

အလင်းတစ်ခုမှ မရှိဘူး ။

စိတ်လိုလက်ရ ခေါ်သံတွေနောက်မှာ

ဘယ်လောက်နားပိတ်ထားထား

ကြားနေကျ စကားတွေ ရှိတယ်။

ဥပေက္ခာပြုထားတဲ့ နားတွေရှိတယ်။

တခမ်းတနားရင်ခုန်သံတွေအတွက်

ဘာတွေကို ထားခဲ့သလဲ

ဘာတွေယု သွားခဲ့သလဲ

နယ်ရုပ်ကို ဖက်တွယ်နေသူတိုင်းက

ရှုံးနိမ့်မှုကို အလိုမတူစွာ ရရှိတာပဲ ။

နွေရာသီကို ငွေ့ပျောက်ရှိုက်ခဲ့မှတော့

ပြန်အန်ထွက်လာလိုက်တာ မိုးစက်တွေကြား

အသည်းခိုက်အောင် နာကျင်မှုတွေ ။

တင်းနေအောင် ဖိကိုက်ထားမိတဲ့

နှုတ်ခမ်းကြားထဲကရုန်းထွက်လာတဲ့

အလိုမကျမှုတွေ။

ငွေ့ရည်ဖွဲ့ ဆို့နင့်နေတဲ့မျက်လုံးတွေထဲ

ပွားများလာတဲ့ ပုံရိပ်တွေ

ခြောက်ကပ်ကပ် ရယ်သံတွေအောက်မှာ

ဗျာများနေတဲ့  သေကောင်ပေါင်းလဲ အသက်ရှုသံတွေ ။

ကောင်းကင်တစ်ခုတည်းအောက်မှာ

တစ်ကမ္ဘာစီနေခွင့်ပေးလိုက်ရကတည်းက

အလွမ်းနဲ့ လူသားဆန်ခဲ့သူ ။

မြစ်တစ်ခုရဲ့ ဖြစ်တည်ခြင်းလို

ဖြတ်သန်းခဲ့ရတဲ့

ဘ၀ ရဲ့ မာတိကာကိုက

နိဒါန်းလှလှ နဲ့ နိဂုံးအပျက်တွေသာပြည့်စုံခဲ့တယ်။

နတ်ခတ်ဆူး

16/8/2011

*ဝေမှူးချို – ဖြေဆေးတိမ်