အသက်ကြီးလာရင် ဆိုင်တဆိုင်ဖွင့်မယ်

ကဗျာတွေချည်းပဲရောင်းမယ်။

ကဗျာတို၊ ကဗျာလတ်၊ ကဗျာရှည်၊ ကဗျာအပိုင်းအစတွေ

ဗျည်းတွေ၊ သရတွေ၊ စကားလုံးတွေ၊ စာကြောင်းတွေ၊ စာပိုဒ်တွေ

အသံတွေ၊ နရီတွေ၊ စည်းတွေ၊ ၀ါးတွေ၊ ရစ်သမ်တွေ

ဒဏ်ရာတွေ၊ အောင်မြင်မှုတွေ၊ သောကတွေ၊ သုခတွေ

ဂန္တ၀င်လဲပါမယ်၊ ရိုမန်တစ်ဇင်တွေလဲပါမယ်

မော်ဒန်လဲပါမယ်၊ ပို့စ်မော်ဒန်လဲပါမယ်

အချစ်တွေ၊ အမုန်းတွေ၊ အချစ်နဲ့အမုန်းရောထွေးနေတာတွေ

တွယ်တာထိန်းသိမ်းခြင်းတွေ၊ အသစ်အဆန်းရှာဖွေခြင်းတွေ

ကဗျာထဲလှပနေတဲ့ ၀ါဒတွေနဲ့

ကဗျာထဲ ပုံပျက်ပန်းပျက်ဖြစ်နေတဲ့ ၀ါဒတွေနဲ့

ကမ္ဘာကြီးထဲက ကဗျာတွေရမယ်

ကဗျာတွေထဲက ကမ္ဘာကြီးကိုလဲရမယ်။

တစ်ခုပဲ

ကဗျာတွေမှာ ဈေးနှုန်းကပ်မထားဘူး

ကဗျာကို ကဗျာနဲ့ပဲ ၀ယ်ရမယ်။     ။

                                                                             ( ရှိန်ဝါ )