ပုံပြင်တစ်ပုဒ်

အစမှာ

သိပ်ကို ခမ်းနားခဲ့ကြတဲ့ချစ်ခြင်းတစ်စုံနဲ့ စလိုက်ကြရအောင်

သူ သင်ကြားပေးခဲ့ပါတယ်..အချစ်ကိုမယုံကြည်ဘို့ပေါ့

ခက်တာက သင်ပေးတိုင်းလက်မခံချင်တဲ့ ငါ့နှလုံးသားက ဒါမျိုးဆို ထုံပေပေ

အလျှံရဲရဲနဲ့မီးတောက်လို အာခံချင်တိုင်းအာခံနေခဲ့တာပေါ့…

ဝေးလွင့်တိမ်တွေအကြောင်းလား … ပြောစရာမလိုအောင်ဘဲ ..

နှစ်ဦးသဘောတူလွင့်မျောခဲ့ပြီးပြီပဲ …

သူရဲကောင်းတောင်တန်းတွေလိုလဲ မော့ကြည့်စရာမလိုအောင်

အဝေးမျှော်ရှု့ခင်းတွေနဲ့ မှိုင်းညို့ပြခဲ့ပြီးပြီ …

စံပယ်တွေလဲသီစရာမလိုတော့အောင် စိတ်လိုလက်ရ ဖူးပွင့်ပြခဲ့ပြီးပြီ ..

နွေရာသီရောက်မှပွင့်တဲ့ပန်းတချို့လည်း အချိန်မတိုင်ခင် ငါ့ရင်ဘတ်ထဲ ပွင့်ခဲ့ဖူးပြီ ..

ကြယ်ကြွေတွေလဲကောက်ခဲ့ဖူးပြီ (ကြယ်ကြွေဆုလဲတောင်းခဲ့ဖူးပြီ) ..

ကဲ … ခုဆိုလုပ်စရာဆိုလို့ ..

ဟန်ကျပန်ကျလွမ်းတက်ဖို့ကို တခမ်းတနားသင်ယူယုံပဲကျန်တော့မပေါ့ ..

ဆိုပါစို့

ဒီလိုနဲ့ပဲ ပုံပြင်လေးအဆုံးသတ်ခဲ့တယ် … သိပ်ကိုခမ်းနားတယ်ဆိုတဲ့

ချစ်ခြင်းတစ်ဝက်နဲ့ .. သူလိုကိုယ်လိုအသဲကွဲသမားတွေလိုပဲ …

အသဲကွဲသီချင်းတစ်ပုဒ်ဆိုရင်း.. အသဲကွဲကဗျာတွေစပ်ရင်း ..

သူ ဆိုတာ

ငါ့ရဲ့အညတရနန်းတော်ထဲက မင်းသားတစ်ပါးဖြစ်ဆဲ … ။

နတ်သမီး