တောင်ပံကတော့ ဖြန့်ထားတာပဲ
ဇူလိုင်ကတော့ ရောက်မလာသေးဘူး။

သစ်ရွက်ကလေးယုံအောင်
ကျွန်တော် ဘယ်လိုကြွေပြရမလဲ…နွေရယ်
လွဲဖူးခဲ့တဲ့ ၂၄ နာရီတွေထဲ
တောင်ပံပါတော့…
တစ်ကိုင်းထဲနားချင်ခဲ့ဖူးတာပဲ။

ယုံပါတော့ သစ်ရွက်ကလေးရယ်
အလင်းလည်းမဟုတ်
အမှောင်ယောင်ဆောင်ထားတဲ့
(ငါ) ခပ်ကြောင်ကြောင်တေလေက
ညနေခင်းလေးကုန်သွားမှာကိုလည်း
ကြောက်ဖူးသူပေါ့။
 

စကားလေးနှစ်ခွန်းကို
ပန်းနုရောင်တံတားထိုးပြီး
နားထောင်သွားတဲ့ကောင်းကင်
(အသက်ရှူတောင်မှားလို့)
အနာပေါ်လည်း နွေကျပြီမေမေ။

နောက်ဆုံး…
ဇူလိုင်ကို မိုးစာကျွေးဖို့များ
(ကျွန်တော့်ဘက်) နဂါးဦးခေါင်းလှည့်ခဲ့လေရော့လား
နွေနှောင်းသစ်ရွက်လေးရယ်
သူ့မှာလည်းသူ့ တိမ်တိုက်တွေနဲ့
ကျွန်တော့်မှာလည်း ကျွန်တော့် မျှော်လင့်ချက်တစ်ချို့နဲ့ကြောင့်မို့
ကျွန်တော်လွမ်းနေတာလေး
သူမ…
သိသွားမှဖြင့်။
 

နေပိုင်