အဖေ … မရှိတော့တဲ့
ကျွန်တော်တို့ ဘ၀လေး
ဘယ်နတ်ဆိုး မျက်စိနောက်တယ် မသိဘူး …
ခါးသီးခြင်း အမုန်းနက်နက်တွေ
မှောင်အတိချပြီး အလင်းရောင်တချို့
သိုဝှက်ထားခဲ့တယ် …

အဖေ့ရဲ့သား … ကျွန်တော်
ဒီလိုနဲ့ ယိုင်မလဲဘူး …
မုန်တိုင်းထန်တဲ့ လောကပင်လယ်မှာ
အထီးကျန်စွာ ရွက်လွှင့်ရင်း
အပြုံးတုတွေနဲ့ အတူ
ဘ၀ခရီးဆက်နေပါတယ် …

အဖေရယ် …မြင်ကြည့်လှည့်ပါ …
အမေ့ပါးပြင်ပေါ်က လွမ်းမျက်ရည်တွေ
အဆက်မပြတ်ရွာသွန်းလို့
ရင်ခွင်မှာ ပင်လယ်တစ်ခုဖြစ်နေခဲ့တာ
ဟိုးအရင် (၉)နှစ်ကတည်းကပေါ့ …

အချိန်မတိုင်ခင် ရက်စက်စွာခေါ်ယူခဲ့တဲ့
သေမင်းကို အပြစ်မတင်ရက်ပေမယ့်
ငြိမ်းချမ်းတဲ့ ကောင်းကင်အောက်မှာ
သာယာခြင်း တပွေ့တပိုက်နဲ့
အဖေ … ပျော်ရွှင်နေပါစေ … … … ။