ပြန်စားမိတဲ့ ကိုယ့်ညတွေ

နေရောင်ခြည်ဟာ တလောကလုံးအတွက်ပါ

အခုတော့ ခင်ဗျားတို့ လက်ဝါးကြီးခဲ့လေတယ်

ကျုပ်လို မှိန်မှိန်ဝါးဝါးကောင်လေးအတွက်

ခင်ဗျားတို့ လက်ချဲပေးမှ ရမဲ့ နေခြည်တစက်

ရင်ဘတ်ဟက်တက်နဲ့ကို ငတ်လွန်းရဲ့

လက်ဗလာ ခြေဗလာနဲ့ကောင်မို့

ရင်ထဲမှာ ဘယ်လောက်စို့နင့်ကြေကွဲ

မျက်ရည်တောင် မဝဲ ဝင့်ပါဘူး

ဟုတ်တယ် ခင်ဗျားတို့ လက်ဝါးတွေ ကြီးခဲ့ပါတယ်

မီးတောက်ဖို့ လောင်စာထည့်ရမယ် ငါ့ညီ တဲ့

ကျုပ်က အဲဒီသီအိုရီလည်း ပီသအောင် မရွတ်နိုင်ဘူးလေ

ရိုးရိုးလေးနဲ့ သေခဲ့ပါတယ် ကျုပ်မာနတွေ

စေလိုရာစေဆိုပြီးလည်း နေခဲ့ဖူးတယ်

ဘီယာထက်က အမြှပ်တွေလို ကြွေပေးခဲ့ဖူးတယ်

ဘာမှထူးမလာဘဲ ဝေဒနာသာ တိုးလာတော့

ဟောဒီချောင်ထဲက ကောင်သိမ်ကောင်မွှား

ကိုယ့်ညကိုယ်ပဲ ပြန်ပြန် စားနေရတယ်။

ချီရွန် ( ပုလဲ )