မော်ဒန်ကဗျာ ခံစားကြည့်ဖို့ ဆိုတာ ၀င်္က၀ုတ္တိကို အထူးသဖြင့် ပိုနားလည်ရမယ်။ သွယ်ဝိုက်ရေးထားတဲ့ စာသားတွေ ပြန်လည်ဖော်ထုတ် နိုင်ရမယ်။ ပြီးရင်တော့ စကားလုံးတွေ စီပြီတော့ အကျယ်ချဲ့ အဓိပ္ပာယ်ဖော်ကြတာပါပဲ။ ကဗျာရေးသူအချင်းချင်း ဆိုရင်တော့ ပိုနားလည်လွယ်ပါတယ်။ ခံစားချက်ချင်းတူရင်လည်း ကဗျာက ပိုဖတ်လို့ကောင်းတယ်။ ခက်ဆစ်တွေ ဖော်ထုတ်နိုင်ရင်တော့ အတိုင်းထက် အလွန်ပေါ့ဗျာ။
    ကဗျာကို အဓိပ္ပာယ် ရှင်းထုတ်နည်း နည်းနည်းပြောပြမယ်။
“သူ့ အတွက် ငါ့ အချစ် ရူးမိုက်တယ်
တစ်ခုလပ် မဆန်ခဲ့လို့ပေါ့”
    ဤ စာသားရဲ့ အဓိပ္ပာယ်က တခုလပ်ဆိုတာက မရင်ကျက်ခြင်းရဲ့ အနက်ကိုရှင်းတာပါ။ ရိုးရိုးရှင်းရှင်း နားလည်ရမယ် ဆိုရင်တော့ အတွေ့အကြုံမရှိလို့ အချစ်မှာ ရှေ့နောက်မကြည့်ပဲ ချစ်တယ်ပေါ့ဗျာ။
နောက်တစ်ခုကတော့…
“ပတ်လမ်းမှာတော့ ငါ့ဘ၀ဆူးကို
ဖယောင်းဆူးလို့ မှတ်တယ်ကွ“
    အဲ့ဒီမှာ ရှင်းပြချင်တာက ပတ်လမ်းဆိုတာ သံသရာကိုပြောတာပေါ့။ ဘ၀ဆူးဆိုတာကတော့ ကြမ်းလွန်းတဲ့ ဘ၀လို့ ဆိုနိုင်တယ်။ နောက်ဆုံးအကြောင်းကတော့ ဆူးက ဖယောင်းလိုဖြစ်သွားရင် မနာကျင်တော့ဘူးမလား။ အဲ့ဒါကို အနှစ်ချုပ်ပြရရင်တော့ အကောင်းမြင်စိတ်နဲ့ ဘ၀ကြမ်းမှာ နေပျော်တယ်လို့ ယူဆနိုင်ပါတယ်။
ကဲ…တတိယ အကြောင်းအရာ ရောက်လာပြီ။
“ကမ္ဘာဦးဆိုတိုင်း လာမပြောပါနဲ့
စာအုပ်ကြီးဆိုတာ ခြကိုက်ဖို့ သက်သက်ပါ”
    ဒီစာသားမှာတော့ ရှေးတုန်းက အယူအစတွေကို တွန်းလှန်ခြင်းကို ဆိုလိုတာပါ။ အချိန်တန်ရင် ဒီစာသားတွေက ခတ်သစ်မှာ ဆန်းစစ်ကြရမှာပဲ မဟုတ်လား။ အသစ်တွေနောက် အသစ်ထပ်ပေါ်နေသမျှ ရှေ့တုန်းက အသစ်တွေက အဟောင်းဖြစ်သွားပါရော။ ခတ်နဲ့အညီ ယူဆပါလို့ ဆိုလိုတာပါ။
    ဒါကတော့ ကျွန်တော် သိသလောက် မော်ဒန်ကဗျာ ဖတ်နည်းပေါ့။ တခြားသူတွေလည်း သူ့နည်းနဲ့ သူ ဖတ်ကြမှာပါ။ တကယ် မော်ဒန်ကဗျာ ဖတ်နည်းရော စပ်နည်းရော ကျွမ်းကျင်သူများသို့ ဤစာရေးသားခြင်း မဟုတ်ပါ။ မသိသေးသော သူများအတွက်ပါ ဖြစ်ပါသည်။
    ကျွန်ုပ် ရေးသားလိုက်ခြင်းကြေင့် မသိသေးသူများ အကြောင်းအရာ တစ်ခုစ နှစ်ခုစ ၀င်သွားရင်ပဲ ရေးရကျိုးနပ်ပါလိမ့်မည်။
သိပ်သိ သိပ်တတ်လို့ ရေးသားခြင်း မဟုတ်ပါ။ ကျွန်ုပ်သိသမျှသည် အလွန်နည်းနည်းလေးမှ နည်းနည်းလေး ဖြစ်ပါကြောင်း…
စေပိုင်ထွဋ်(ပုသိမ်)