ဥတုမမှန်ပဲနဲ့ကို ဟောဒီအချစ်တွေကရှင်သန်ချင်ခဲ့တာပါ
တစ်လမ်းလုံးပွင့်ခဲ့လေမှ
ငါဟာ ကိုယ့်ကိုယ်ကို ဆူးများမှန်းသိခဲ့ပေါ့
တံစဉ်တစ်လက်နဲ့ရောက်လာဖို့ မျှော်လင့်ဖူးတဲ့
ငါ့ရဲ့မိုးငယ်မလေးရေ…
ငါဟာမင်းရဲ့ခြေသံကိုမျှော်ရင်း
တမြည့်မြည့်အမြစ်တွယ်နေခဲ့
အဲလိုနဲ့ပဲ ငါ့အလွမ်းတွေပွင့်ရက်ရှည်ဖြစ်ခဲ့ရပြန်တယ်။

ကမ္ဘာကြီးရေ…
ငါ့ကိုထမ်းထားတဲ့ကမ္ဘာကြီးရေ…
ငါဟာသူရူးတစ်ယောက်မှဟုတ်ပါလေစ
ကမ္ဘာ တစ်ခြမ်းနဲ့နပိုလီယံအကြောင်း
အရင်ကလိုပဲ ကောင်းကောင်း သဘောမပေါက်ပြန်ဘူး
ထားပါလေ…
ငါက နပိုလီယံ
ဒါပေမယ့်ငါ့ချစ်သူကိုငါမပိုင်ခဲ့ပြန်ဘူး။

ငါဟာငါ့ဘ၀အတွက် ဓားတစ်စင်းလဲ ဖြစ်ရဲ့
အဲဒါတောင်မှ
ငါ့အတိတ်တွေခုတ်ထွင်ဖို့မေ့ခဲ့မိလေတယ်
တကယ်ဆို အချစ်ဟာ ငါ့ကျမှ လွမ်းခန်း
အဲလိုမျိုးနဲ့ပဲ ခမ်းနားတတ်ပြန်တယ်။
အဲဒီတစ်နေ့က ငါတို့ရဲ့ လက်ဖမိုးနှစ်စုံရယ်
ငါတို့ရဲ့ရယ်မောခြင်းတွေရယ်ကို
အခု…
မိုးခေါ်စာအဖြစ်ပြန်လွမ်းတယ်။

သုညနဲ့စပြီး သုညနဲ့ပဲ ဆုံးမယ့်ကောင်
ဘယ်လိုအတားအဆီးတွေနဲ့
နှောင်ဖွဲ့ပစ်ရမှာလဲ
ဟုတ်ပါတယ်ကွယ်…
သူတို့ပြောကြသလို
ငါဟာမင်းနဲ့ဆို အိမ်ဦး နဲ့ခြေနင်း
ဘယ်လိုအချင်းနဲ့မှမဖြစ်သင့်တဲ့ကောင်
ကိုယ့်ကိုယ်ကို ရွံပစ်ဖို့ပဲကောင်းတယ်။

ဒဏ်ရာတွေများနေတဲ့မျက်ဝန်းတစ်စုံ
ကြိုးအထပ်ထပ်ပြတ်နေတဲ့ဂစ်တာတစ်လက်
ပတ်ကြားအက်နေတဲ့ရင်ဘတ်ခပ်အက်အက်
အဲလိုလွမ်းရင်းခက်နေတဲ့လူတစ်ယောက်
ငါ…ရွာရိုးကိုးပေါက်လဲလျှောက်ဖြစ်တယ်။
အလင်းရောင်တွေလာရင်ငါ့ကိုပြောပါ
မနက်ခင်းတွေဆိုတာသူမအတွက်မို့
ငါဖိနပ်အပေါက်ခံပြီးပို့ရမယ်။

ကမ္ဘာကြီးရေ…
ငါလဲလျှောင်းနေတဲ့ ကမ္ဘာကြီးရေ…
သူမလေးကိုပြောပြလိုက်ပါ
ငါဟာကိုယ့်ချစ်သူကို မပိုင်တဲ့
ခေတ်သစ်နပိုလီယံတစ်ကောင်
ခုဆိုတိမ်ပြိုသံတွေနားထောင်နေပါတယ်လို့…..။         ။

                                                             နေညို