တစ်ခါက အိမ်ထဲမှကြည့်နေတုန်း ရွယ်တူတွေ မိုးထဲလေထဲ လွတ်လွတ်လပ်လပ် ခွေလှိမ့်သွား

ကြသည်။ စက်ဘီးတာယာဟောင်းကို တုတ်တိုဖြင့်ရိုက်၍၊ စက်ဘီးသံခွေအလယ်မှ တုန်ထိန်း

သံဖြင့်၊ ထမင်းပန်းကန်ပြားရွယ် ခွေလေးကို ဂေါ်ပြားလိုဟာမျိုးနှင့် ထိန်းကာထိန်းကာ။

ခွေများသည ရေအိုင်ကိုဖြတ်နိုင်ပြီး လမ်းပေါ် အရာထင်ကျန်သွားခဲ့သည်မှာ အလွန်သဘော

ကျစရာ။ ခွေနောက်သို့ လိုက်ထိန်းရသော အရသာမှာလည်း နှစ်ခြိုက်ဖွယ်၊ ပြေးနေရသော်

လည်းလည်ပတ်နှုန်းနှင့် လမ်းကိုကြည့်ရင်းမောရမှန်းမသိ

သူ လူလားမြောက်ပြီ။ သူ လူလားမြောက်ကြောင်း ခွေလှိမ့်ခြင်းဖြင့် ပြသချင်သည်။

သူ့ မှာ ကိုပိုင်ခွေ မရှိပါ။ အလွန်တောင့်တမိပါသည်။ သူ့ ဦးလေးငယ် ကြင်နာစွာလုပ်ပေးသော

ဝါးစိမ်းခွေမှာ လှိမ့်ရအဆင်မပြေပါ၊ ပျော့လွန်းသောကြောင့်ပင်။ နေသာသောတစ်ရက် ဆန်ပြာ

သောစကောကိုယူပြီး ခွေလှိမ့်မိသဖြင့် အမေရိုက်ခံရပါသည်

ခု သူ့ မှာ ခွေတွေအများကြီးရှိလာပါသည်။ ကားတာယာခွေ၊ စက်ဘီးခွေ၊ ဆိုက်ကယ်ခွေ၊

လေယာဉ်ပျံဘီးခွေ၊ ဘယ်ထွန်စက်ဘီးခွေ၊ သံခွေ၊ အလှိုင်းခွေ၊ စီဒီခွေ၊ ဒီဗီဒီခွေ

သို့ သော် သူဂွေလှိမ့်ရသောအရွယ်မဟုတ်တော့ဟု မည်သူမည်ဝါ သတ်မှတ်လေသည်မသိ။

သူ့ လိုအရွယ်တွေ တစ်ယောက်မှဂွေလှိမ့်တာ မတွေ့ ရတော့ပါ။

ဒါပေမယ့် သူ ခွေလှိမ့်ချင်နေပါသည်၊ ခွေပဲလှိမ့်ချင်နေပါသည်။ မိုးရွာထဲ ခွေလှိမ့်ခြင်း ငယ်ငယ်

က ပိုအေးတဲ့ဆောင်းစောစောကုန်စုံဆိုင် ဟင်းခတ်တစ်ခုခု သွားဝယ်ရခြင်းတို့ ကို အလွန်တမ်း

တမိသည်။ ယခု မိုးရွာနေပါသည်။

သူနှင့် သက်တူရွယ်တူများ ခွေလှိမ့်သည်ဖြစ်စေ၊ မလှိမ့်သည်ဖြစ်စေ၊ သူကတော့ခွေပဲလှိမ့်ချင်

နေပါသည်

သူ အခု ကြီးပြင်းလာပြီ။ အိမ်ထောင်သားမွေးကလေးများပင် ဂွေလှိမ့်သည့်အရွယ် ကျော်လွန်

ကြပြီ သူတို့ ခွေလှိမ့်ခြင်းကို မသိကြတော့ပါ။

တစ်ရက် သူ့ မိန်းမ မသိအောင် သူခွေလှိမ့်ဖို့ စီစဉ်နေစဉ် သူ့ မိန်းမ သိသွားပါသည်။

“ရှင် ဒီအကျင့်အရသာကို အတော်စွဲလမ်းတာပဲနော်” သူ တီဗီဆက်ကြည့်နေပါသည်။ သူမ အလွန်ပင်ပန်းပါသည်။

အမျိုးသမီးတို့ သည်အမျိုးသားတို့ ထက် ပိုမိုခံနိုင်ရည်ရှိသည်ဟု ခံယူသည်။တန်းတူအလုပ်

လုပ် ရတာအပြင် အိမ်မှုကိစ္စများလည်း လုပ်ဆောင်ကြရပါသည်။ ထို့ ကြောင့် သူ ခွေ လှိမ့်

ပါသည်။ အဘယ်ကြောင့်ဆိုသော် သူခွေလှိမ့်ပါသည်။

မအောင့်အီးနိုင်သည့် ဘယ်လိုမှထိန်းမရသည့်အဆုံး မိုးသည်းနေသော မြေနီလမ်းထဲ တရုတ်

လုပ်စစ်ဖိနပ်ကြမ်းကိုဝတ်ပြီး မန်ချက်အင်္ကျီပေါ် ရေဘူးသိုင်းကာ သူ ခွေစလှိမ့်ပါသည်။ ပထမ

ဖြည်းဖြည်းမှန်မှန် နောက် မြန်မြန်စိတ်ကူးပုံရိပ်များ ပြေးလွှားလျက် ခွေ သူ့ ရှေ့မှာ လှိမ့်နေပါ

သည်။ စပုတ်တိုင် အပေါက်ကလေးများ တစ်တန်းတည်း မြင်နေလောက်အောင် မြန်နေပါ

သည်။လမ်းမှာ ရှိသမျှ သူရှောင်လွှဲနိုင်ပါသည်။ တစ်ခါတလေ ကျောက်တုံးများကို တမင်ဝင်

ဆောင့် ကျော်လွှားခဲ့ပါသည်

တစ်နေ့ ပြီးတစ်နေ့  ခွေမှန်မှန်လှိမ့်ပါသည်။ စက်ဘီးဆိုင်မှ လွယ်လွယ်ရသော သံခွေခပ်လတ်

လတ်တစ်ခု။ သူ့ စိတ်ရောင်စုံအတိုင်း ခွေကို ဆေးမှုတ်သုတ်လိမ်း ဒီဇိုင်းဖော်ထားခြင်း ဖြစ်ပါ

သည်။ လမ်းချိုးတစ်ခုအရောက် သူ့ အရှိန်ကို အမီလိုက်လာသော ရပ်ကွက်ကျေးရွာအုပ်စုတို့ 

မှကလေးများကို တွေ့ ရသည်။

သူ့ နောက်သို့  ကိုယ့်ဂွေနှင့်ကိုယ် သံစုံမြည်ဟည်း လှိမ့်လိုက်လာကြသည်။ သူတစ်ယောက်

တည်း မဟုတ်တော့ပါ။

တစ်ယောက်တစ်ယောက် ရှောင်ရင်းတိမ်းရင်း စောင့်စောင့်ဆိုင်းဆိုင်း ခွေလှိမ့်ကြမိပါသည်။

တကယ့်ပျော်စရာ စူးစိုက်မှုတစ်ခုပင်။

ထို့ ကြောင့် ခွေလှိမ့်ခြင်းကို ကျန်အရာအားလုံးထက် သူစွဲလမ်းခြင်း ဖြစ်ပါသည်။

အကယ်၍ သင်ခေါ်သည့် ဖုန်းဧရိယာ ပြင်ပရောက်သည်တွင်သော် သူ ခွေလှိမ့်နေချိန်ဖြစ်ပါ

သည်။ခေတ္တ စောင့်ဆိုင်းပြီးပြန်ခေါ်နိုင်ပါသည် ၊ သူခွေလှိမ့်ခဲ့ပါသည်၊ သူ ခွေလှိမ့်ပါဦးမည်။

ဤဘဒ္ဒကမ္ဘာဝယ် ခွေလှိမ့်ခြင်းမှာ သူ့ အမြတ်နိုးဆုံးအရာ

ရေးသူ – လူဆန်း

၂၀၀၈၊ ဧပြီ