ပန်းကလေးတွေကပြောတယ်………နင့်ရနံ့  က

အရမ်းမွှေးပျံ့  တယ်တဲ့။

ငါနဲ့  အတူသယ်ဆောင်မသွားနိုင်ဘူးတဲ့။

လေပြည်လေညှင်းလေးတွေသီဆိုသွားတယ်။

ကားတော့ကားပါပဲ…..

ဆိုက်ကားနဲ့   ပြိုင်ကား  ခြားနားသလို

တတ်တာတော့တတ်တာပါပဲ

ပညာနဲ့    အလိုက်မသိတာလို

တူတော့တူတာပါပဲ……………… 

မင်းသမီးနဲ့……လူကြမ်းလို………..

ပန်းချီကားတစ်ချပ်ထဲ…စုတ်ချက်တင်ဖို့မဖြစ်နိုင်ဘူး….။

ရသမြောက်အောင်လွဲချော်နေတဲ့….ခေါင်းစဉ်က

ငါ့ရဲ့  အချစ်ပါ……….။

နင်ယူပါစေတော့ဆိုပြီးပေးမိပေမဲ့……

အမြင့်ဆုံးထိ  တန်ဖိုးလျော့နည်းမှု…..နဲ့

အိမ်မက်တွေ  စီးပွားပျက်ကပ်စိုက်ရတယ်။

အို……….ဇွဲမလျှော့ပါဘူးဆိုမှ

မိုးသံလေသံထဲ……….တိမ်တွေမည်းတူးနေပြီ။

မိုးရွာတော့မှာလား….?……

ငါ့မှာထီးမရှိဘူး…..

ငါ့မှာမိုးကာမရှိဘူး…….

ငါ့မှာ……မျှော်လင့်ချက်ပဲရှိတယ်။

နင်ကြိုတင်ဟောပြောသလို…..

မိုးထစ်ခြုန်းရွာတော့တယ်။

ငါပြေးဖို့တောင်အင်အားမရှိပြီ။