ဒညင်းသီးအရသာကြိုက်မိမှတော့
အနံ့ကိုခဏမေ့ထားရမှာပဲ

ကြက်ဖတွန်လို့မိုးလင်းတာလား
မိုးလင်းခါနီးလို့ကြက်ဖတွန်တာလား
ဘာပဲဖြစ်ဖြစ်
မိုးလင်းဖို့ပဲအရေးကြီးတယ်လေ

ဘယ်လောက်ပဲနံနံ…..အီး….က…အီး…..ပဲ
နှိုင်းယှဉ်ခြင်းတွေကကိုယ်လွတ်မရုန်းနိုင်သေးသရွေ့
သူကတော့ပိုဆိုးပါတယ်ပြောနေဦးမှာပဲ

ငိုချင်းမချပြတတ်တဲ့ဇာတ်မင်းသားလို
ခွန်းတောက်မဆိုတတ်တဲ့လူရွှင်တော်လို
တစ်ခါတလေ
ငါ့ကိုယ်ငါလျှို့ဝှက်ပစ်လိုက်တာ
အိပ်မက်တွေတောင်…ဆိုင်သူမသိသေးတဲ့အထိပဲ

“ရူး”နေရာက”သွပ်သွပ်ခါ”သွားတဲ့
“ရူးသွပ်ခြင်း”မျိုးနဲ့
အိပ်မက်တွေကိုထုဆစ်ဖို့တစ်ရေးအိပ်ကြည့်တော့
ကြယ်တွေအများကြီးဝန်းရံထားတဲ့
ကောင်းကင်လှလှလေးတစ်ခုတွေ့တယ်

လမင်းဖြစ်လာမလားဆိုတဲ့မျှော်လင့်ချက်ကလေးနဲ့
ကိုယ့်ကိုယ်ကိုငွေ့ရည်ဖွဲ့ပြီး
ကောင်းကင်အထိတက်ကြည့်ခဲ့ပေမယ့်
တိမ်တိုက်တစ်ခုအဖြစ်
တစ်ကိုယ်လုံးအရည်ပျော်ရင်းတဖျောက်ဖျောက်ကြွေကျခဲ့ရတာပဲအဖတ်တင်

အခွင့်ရှိရင်တော့
ကျွန်တော်…….နောက်တစ်ကြိမ်အငွေ့ပျံရင်း
ထပ်ကြိုးစားကြည့်ချင်သေးတယ်
ရင်ဘတ်ထဲကရေတွေမခမ်းသေးသရွေ့ပေါ့ဗျာ