အားလုံးဟာ
ကိုယ့်ဘက်ကိုယ်ကြည့်
ကိုယ့်အတွက်ကိုယ်ကြည့်တတ်တာ
သဘာဝဆိုပေမယ့်
တခါတရံ
၃၆၀ ဒီဂရီ လှည့်ကြည့်တတ်မှ
သူများဘယ်လိုကြည့်လဲ
မြင်တတ်သွားမယ်
နားလည်တတ်သွားမယ်…။

ကျေးဇူးပြုပြီး
ကျေးဇူးမတင်ချင်နေပါ
စေတနာစော်ကားပြီး
ကျေးဇူးတော့ မကန်းကြပါနဲ့
လူပဲ လူပီသအောင်နေရင်း
လူသားအဆန်လွန်တာများတော့လဲ
သူများကို ထိခိုက်တတ်တယ်ဆိုတာ
နားလည်ကြပါ…။

သည်းခံတယ်ဆိုတိုင်း
ပြုံးနေတယ်ဆိုတိုင်း
အနိုင်ကျင့်လို့ရမယ်လို့
မတွေးကြပါနဲ့
ရေမြွေတောင် အဆိပ်မရှိပေမယ့်
ကိုက်တတ်သေးတာပဲ…။

တစ်ကြိမ်တစ်ခါတော့
မဖြစ်နိုင်တာကို စိတ်ကူးဖူးတယ်
ဟန်ဆောင်ပြုံးနေတာတွေကိုရပ်ပစ်လို့
ကလေးဆိုးတစ်ယောက်လို
အော်ဟစ်ပြီး ရန်တွေ့လိုက်ချင်တယ်
နှုတ်ခမ်းဆူပြီး
မမြင်ချင်ယောင်ဆောင်လိုက်ချင်တယ်
လုပ်ကြည့်ပါလား
အဆင့်မရှိပဲ ရိုင်းစိုင်းလိုက်တာလို့
ပြောဖို့ ပါးစပ်တွေက
အဆင်သင့်…။

အော်…တရားကျဖို့ကောင်းလိုက်တာနော်
မုသာဝါဒကို အချိန်အခါအလိုက်
ပြောလို့ သုံးလို့
အဆင်ပြေကြလို့
ကိုယ်ကိုယ်တိုင်ပါ အပါအ၀င်ပေါ့…။

ကောင်းပါတယ်
နေတတ်ရင် ကျေနပ်စရာကြီးပါဆိုတဲ့
လောကကြီးထဲမှာ
ငါပဲအနေမတတ်တာလား
လောကကြီးကပဲ
ကျေနပ်စရာ မကောင်းတာလား…။

ထားပါလေ
အဓိကအရေးကြီးတာက
နေတတ်ဖို့ထက်
အသေတတ်ဖို့ဆိုတာ
မမေ့ဖို့ ကိုယ့်ကိုယ်ကို
သတိပေးရင်း
အင်း….
အသေတတ်ဖို့…။