ဒီရက်တွေ….
အရမ်းကို အလုပ်များနေတာ….
ဘာတွေမှန်းကိုမသိဘူး….

ငါ့ ထမင်းချိုင့်လေး အရာမယွင်းပဲအိမ်ပြန်ပြန်ပါနေတာ….ဘယ်နှရက်ရှိပြီလဲမသိဘူး
တစ်ခါတစ်ခါ….ထမင်းစားဖို့တောင်မေ့နေတတ်တယ်….
ဒါပေမယ့်…..နင့်အကြောင်းတွေတွေးဖို့တော့…..ငါဘာလို့ဘယ်တော့မှမေ့လို့မရတာလဲ….

ဟိုတစ်ရက်က…
မနက်ကျောင်းသွားဖို့ပြင်တာ….မျက်နှာကိုအလှတွေပြင်ပြီး မျက်ခုံးမွေးကိုတစ်ဖက်ထဲဆွဲလိုက်မိတယ်…
ကျောင်းရောက်မှ သူငယ်ချင်းတွေပြောလို့သိရတယ်….
ငါလဲ စိတ်နဲ့ လူနဲ့မကပ်ဘူးထင်ပါရဲ့….
ဒါပေမယ့် နင်နဲ့ပတ်သက်ရင်တော့…..ငါအမြဲသတိရှိနေတတ်တာဘာကြောင့်လဲ…
ငါ ပိုနာကျင်စေမယ့်အကြောင်းတွေပေါ့….

မအားတဲ့ကြားထဲက…..နင့်ကိုသတိရနေမိတယ်….
စိတ်ညစ်နေရင်လဲ….နင့်အကြောင်းတွေးပြီးပျော်နေတတ်တယ်….
အလုပ်တွေရှုပ်နေပေမယ့်…..လာမှာမဟုတ်တဲ့နင့်ဖုန်းကိုမျှော်နေမိတယ်….
တစ်ခါတစ်ခါလဲ….မအားတဲ့ကြားက….နင်ကျောင်းရှေ့ရောက်လာမလားမျှော်မိပြန်တယ်….

ငါနင့်အကြောင်းတွေမတွေးချင်တော့ဘူး….
နင့်ကြောင့်လဲမနာကျင်ချင်တော့ဘူး….
အလုပ်တွေရှုပ်နေချင်တယ်….
ဒါဆို နင့်အကြောင်းတွေးချိန်တွေနည်းနည်းလျော့သွားမလားပေါ့…..
နင့်ကြောင့် နာကျင်ရတာတွေ နည်းနည်းသက်သာမလားပေါ့….

ဒါပေမယ့်….ဘယ်လောက်အလုပ်များများ….
ထမင်းစားဖို့ မေ့ရင်မေ့မယ်….နင့်အကြောင်းတွေမေ့မသွားဘူး…..
နောက်ဖေးက ဟင်းအိုးတူးနံ့ကို သတိမထားမိပဲနေရင်နေမယ်….
လူကြားထဲဖြတ်လျှောက်သွားတုန်း….နင်သုံးတတ်တဲ့ရေမွှေးနံ့ရရင်….ငါသတိထားမိနေတတ်တုန်း….
ကျောင်းကပေးတဲ့ အိမ်စာတွေ လုပ်ဖို့ မေ့ရင်မေ့သွားမယ်….
နင့်အကြောင်း…ကဗျာဖြစ်ဖြစ် စာဖြစ်ဖြစ်တော့ ပုံမှန်ရေးဖြစ်နေတုန်း….

ဒီရက်တွေ….
ငါအရမ်းအလုပ်များနေတယ်….
ပုံမှန်မဟုတ်တဲ့အပြုအမူတွေလုပ်နေမိတဲ့အထိပေါ့….
ဒါပေမယ့်…နင်နဲ့ပတ်သတ်တဲ့ခံစားချက်နဲ့….အပြုအမူတွေအားလုံးကတော့….
ပုံမှန်ပါပဲ……