တစ်ခါတစ်ခါတော့လည်းအင်္ကျီအငှားဘောင်ဘီအငှားနဲ့
ကျနော့်ကိုကျနော်အတ္တတွေများများနဲ့အငှားချရင်တယ်
(ကျနော့်ကောင်းကင်မှာမိုးမှောင်တွေကျနေတတ်တဲ့အချိန်တွေဆို)
ဟောဒီကောင်မိုက်တွင်းနက်နေပုံများအမေ့အတွက်ဝမ်းရေစပ်တယ်ဆိုရင်
အညွန်းအညွတ်တောင်ပန်းပါရဲ့အမေရယ်
ဖတ်ဖူးတဲ့ကဗျာတစ်ပုဒ်ထဲကလိုပါဘဲအမေကရောက်လေရာမှာသီးပါပွင့်ပါဆိုလို့
့အခုကျနော်မှာသုညသီးတွေသီးပွင့်နေပါပြီအမေ
ဒီမြို့ပျက်ထဲကပေါင်မုန့်မီးကင်တစ်ချပ်နဲ့ ကော်ဖီတစ်ခွက်
ဟော့ဒီကောင်မနက်တွေကို
အမေ့ရဲ့မြစ်ရေစိမ်နဲ့ ဆီတိုဖူးတစ်စက်လောက်မလွမ်းမိုးနိုင်သေးပါဘူး
ကျောက်ချရပ်နားဖို့ မဖြစ်သေးတဲ့ ခေတ်ရဲ့ တေးသွားတွေလိုပါဘဲ
တစ်ထွာဆိုတဲ့ဝမ်းအတွက်ခြေတစ်လှမ်းတိုင်း ခြေတစ်လှမ်းတိုင်းမှာ
အမေ့ရဲ့ထနိမိုးထရံကာအိမ်လေးကိုအလွမ်းတွေနဲ့ 
ရောစပ်ပေါင်းဖတ်ချင်နေတုန်းပါ
မ၀ယ်ပေးဖြစ်သေးတဲ့ အဖေ့အတွက်ဖိနပ်တစ်ရံရယ်
မမှီလိုက်တော့တဲ့ညီမလေးရဲ့ ဘ၀သစ်နေတွေရယ်
အရာအားလုံးကိုပြန်တွေ ကျနော်ဆွေးနေတုန်းပါအမေ
မီးဇာမကုန်ဆီမခမ်းခင်တစ်နေ့………
အဖေရယ်၊အမေရယ်၊ညီမလေးရယ်၊ကျနော်ရယ်လက်စုံတွဲပြီး
မိသားစုထမင်းပွဲလေးနွဲဖို့ 
ကျနော်ခြေထောက်တွေကိုကြိုးတုတ်လို့ 
ကျနော်အမျိုးယုတ်မဟုတ်ကြောင်းလာပြပါမယ် အမေ။
(19.8.2010)ခင်းခင်း