ပြင်းရှရှ ရေတစ်ဖန်ခွက်
ငါမော့သောက်လိုက်ချိန်
ခန္ဓာကိုယ်တစ်ခုလုံး
ပူနွေးသွားတယ်

အသိအာရုံတွေေ၀၀ါးနေချိန်
ပတ်ဝန်းကျင် အလင်းရောင်
ဂီတသံစဉ်တွေကြား
နင်ယိမ်းနွဲ့နေချိန်
ငါ့နှလုံးသားလဲ နင်နဲ့အတူ
ယိမ်းနွဲ့လို့ပေါ့

တမင်တကာ ကြံရွယ်ထိတွေ့ခဲ့ရတဲ့
နင့်နှုတ်ခမ်းက
ဖန်ဆင်းတဲ့
နွေးထွေးမှု
ရင်ဘတ်ထဲထိ စီးဆင်းတယ်

စိတ်မဆိုးပါနဲ့
ငါခိုးယူခဲ့တဲ့ အနမ်းက
ပါးပြင်မှာထက်
ရင်ထဲမှာ ချိုမြစေတယ်

ပတ်ဝန်းကျင် က ညို့ငင်အားတွေထက်
နှုတ်ခမ်းလေး ပေါ်က နှင်းဆီနံ့
တစ်သက်တာ မှတ်မိစေတယ်

ငါပိုင်ဆိုင်တဲ့ တိမ်တွေကြား
နင်ပျော်နိုင်ပါ့မလား
ငါဖန်ဆင်းမဲ့  အလင်းမဲ့နေ့တွေကြား
နင်နေနိုင်ပါ့မလား

ဝိုင်ချိုတစ်ခွက် ငါမတတ်နိင်ဘူး
ကော်ဖီခါးခါးတစ်ခွက်တော့ ငါပိုင်တယ်
အမြဲတမ်း ပြည့်စုံမှုတွေနဲ့
နေသားကျနေတဲ့နင်
သုညဆိုတာ ဘယ်နားလည်ပါ့မလဲ

ဒီအတွေးတွေနဲ့ငါ
ပျော်ရွင်စွာကခုန်နေကြတဲ့
လူတွေကြား မှိုင်တွေလို့ပေါ့

ဟိုးအမြင့်ဆုံးက ငါ့ဆီကို
နင်ခုန်ဆင်းလာမယ်ဆိုရင်တောင်
သက်တောင့်သက်သာရှိမှာ မဟုတ်ဘူး
အကျမနာစေချင်ဘူးဟာ

လေတစ်ချက်တိုက်ရင်တောင်
ပြိုလဲမဲ့ ငါဘ၀
နင့်အနမ်းတစ်ချက်နဲ့ပဲ
ထားခဲ့ပါ

နင့်ကိုစွန့်လွတ်ဖို့
ငါတစ်ဘ၀တော့ သေဆုံးမှဖြစ်မယ်
ဒါပေမဲ့
နင်လိုအပ်နေချိန်
လက်ယပ်ခေါ်လိုက်ပါ
ငါဘယ်ဘ၀ရောက်ရောက်
ငါပိုင်ဆိုင်တဲ့ တိမ်တိုက်တစ်ခုနဲ့
ငါဖန်ဆင်းနိုင်သမျှရယ်
နင့်အတွက် ငါ့အသက်ရယ်ပါ
အဆစ်ပေးလိုက်မယ်

ငါ့နှလုံးသားက
နင့်နာမည် တစ်ခွန်းရွတ်လိုက်တိုင်း
နှလုံးသားရဲ့ အပူချိန် တိုးတိုးလာတယ်
အပူချိန် 1500ဒီဂရီ
ငါသေဆုံးတော့မယ်
သေချာတာကတော့
နင့်ကိုချစ်တဲ့
ငါနှလုံးသား
မီးသင့်ကျောက် ဖြစ်သွားလဲ
နင့်နာမည်ကိုပဲ အော်နေအုံးမှာပါ
အပူချိန်တွေ ဘယ်တော့မှအဆုံးသတ်မှာ
မဟုတ်ပါဘူး

ဒီကမ္ဘာကြီးအတွက် ဒုတိယနေတစ်စင်းဖြစ်တဲ့
အထိ ငါ့နှလုံးသားက
နင့်နာမည်ကိုအော်နေမှာပါ…….။………။

27.9.2010