“

ငါ့နှုတ်ခမ်းအောက်မှာ ပိတ်လှောင်နေတဲ့

ဒီအရှုံးလက်ခံစိတ်တွေအတွက်

ပြတင်းတံခါးကို ငါကိုယ်တိုင်ဆွဲဖွင့်လိုက်တယ် ။ “

ဒါဟာ ဖျားနာနေသူရဲ့ ဂျူလိုင် ပဲ …

…..

ဒါ ဗီးနပ်စ်ရဲ့ နောက်ဆုံးပုံပြင်

ကိုယ့်ရင်ထဲက ဆေးမင်နက်ကမ္ဗည်း

နတ်ဆိုးတစ်ချို့ လက်ခုပ်တီးကြတယ် …

ခုတလော …

မိုးရွာလဲ ထီးမဆောင်းတတ်တော့ဘူး

အဲဒိ တိမ်တိုက်တွေကိုက … ခေါင်းမာလာတာ မေမေ ။

မပျံသန်းနိုင်တာနဲ့ပဲ

ဒီရွှေတောင်ပံတွေကို အိပ်မက်ထဲက မောင်းထုတ်ရမလား …

တစ်ခါတစ်လေ …

ကိုယ့်ရင်ဘတ်ကို မင်နီသုတ်မိလိုက်ရဲ့ ။

သက်တန့်တွေကို ရှာဖွေတွေ့ရှိမိစေသူလေး

ငြိမ်သက်ရွှင်ပြနိုင်စေ …

မျက်ဝန်းထောင့်မှာ စွတ်ထိုင်းလာရင်

ခပ်ရိုင်းရိုင်း ပွတ်တိုက်ပစ်နေကြပဲ

နေ့တိုင်းတော့ မိုးမခေါင်လောက်ပါဘူးလေ …

စီးကရက်တစ်လိပ်နဲ့ ကိုယ့်ကောင်းကင်ကို နှစ်သိမ့်မိတယ် ။

အဝေးမှာ …

ကိုယ်နဲ့ အဝေးမှာ

ကြယ်တွေလို ကြည်လင်ပျံသန်းနေသူလေး

ဘယ်သောအခါမှ အကြွေမကောက်ရစေနဲ့ …

ကိုယ်ကတော့

သူမ… ပျောက်ကျခဲ့တဲ့ ဒိုင်ယာရီလေးထဲမှာ

စာကြောင်းရေအချို့အဖြစ် နေရစ်ခဲ့ဦးမယ် … ။

ထားခဲ့တော့… မြသဲညှာရေ

နဂါးခေါင်းလှည့်တဲ့အရပ်မှာ ကိုယ်နေထိုင်တယ် …

နတ်ဆိုးတစ်ယောက်ရဲ့ အထီးကျန်ပုရပိုဒ်

ခြေဦးတိုက်မိရင်တောင် ငုံ့မကြည့်လိုက်နဲ့ …

ကိုယ်ဟာ အထီးကျန်ရာသီခွင် ဖြစ်တယ် … ။

ဖူးပြီးရင် ပွင့် ရမှာ ပျင်းနေတတ်တဲ့ ပန်း ဖြစ်တယ် …

လင်းလိုက်မှောင်လိုက်နဲ့ လိမ်ညာတတ်တဲ့ ကောင်းကင်ဖြစ်တယ် ။

ကိုယ်တို့နှစ်ယောက်ဟာ မင်နီသတ်ထားတဲ့

ကြက်ခြေခတ်လေးလား …

ဆုံမှတ်လေးကို ကိုးကွယ်ပစ်လိုက်တယ် ။

နောက်တစ်ခါ မနက်မဖြစ်တော့ဘူးဆိုရင်တော့

အဲဒိ ည ကို ကိုယ်လဲချစ်မှာပါကွယ် …

ဥယျာဉ်သူမလေးနား ပန်းချော့တေးတို့ ခစားကြစေ။

ကိုယ့်နောင်တတွေကို အမျှဝေလိုက်မယ် …

ညှိုးကြွေမည်ဆိုသည့်တိုင်အောင်

စွယ်တော်ရွက်သာ ဖြစ်ရပါစေသား … ။ ။ K.T.H