အခြေခံအချက်များ

မြန်မာကဗျာရေးဖို့အတွက် လိုအပ်တဲ့ အခြေခံအချက်တွေကို စကြည့်ကြပါမယ်။
ကဗျာရေးတဲ့အခါ အခြေခံအချက်တွေက
၁။ အသတ်၊ အလပ်
၂။ ကာရန်၊ အသံ
၃။ အစပ်၊ အဟပ်
၎။ ကြိယာ
ဆိုပြီး ရှိပါတယ်။ ဒါတွေကို သိနားလည်ထားဖို့လိုအပ်ပါတယ်။

အသတ်၊ အလပ်

အသတ် ဆိုတာ ကတော့ အက္ခရာပေါ်မှာ တံခွန်ထူထားတဲ့ ” ‘-် ” ကိုပြောတာပါ။ အလပ် ဆိုတာကတော့ အဲဒီ အသတ်တံခွန် ‎မပါဘဲ လစ်လပ်နေတာကို ပြောတာပါ။
အခြေခံမြန်မာသင်ပုန်းကြီးအရ အသတ် ၁ဝ ပါး ရှိပါတယ်။ အဲဒါတွေကတော့

က သတ် (က်)၊ င သတ် (င်)၊ စ သတ် (စ်)၊ ည သတ် (ည်)၊ တ သတ် (တ်)‎
န သတ် (န်)၊ ပ သတ် (ပ်)၊ မ သတ် (မ်)၊ ယ သတ် (ယ်)၊ ဝ သတ် (ဝ်) – တို့ဖြစ်ပါတယ်။
ဒီ အသတ် ၁၀ မျိုးကို မူလအသတ် (သို့မဟုတ်) မုချအသတ် လို့ခေါ်ပါတယ်။ ဒီကနေဆက်ပြီး ပွားလာတဲ့ ‎အသတ်တွေကိုတော့ သာမတိယအသတ် (ပါဠိပျက်) အသတ်တွေလို့ခေါ်ပါတယ်။ အဲဒါတွေကတော့
က သတ် = ခ်၊ ဂ်၊ ဃ် (မုခ်၊ ဝဂ် စသည်ဖြင့်)‎
စ သတ် = ဆ်၊ ဇ်၊ စ်ျ၊
ည သတ် = သဝေထိုးသံ၊ နောက်ပစ်သံ (ရှည် = ရှေ)‎
တ သတ် = ဋ၊ ဌ၊ ဍ၊ ဎ၊ ထ၊ ဒ၊ ဓ၊ သ
န သတ် = ဏ၊ ရ၊ လ၊ ဟ၊
ပ သတ် = ဖ၊ ဗ၊ ဘ
ဆိုလိုတာကတော့ ကသတ် နဲ့ စာလုံးတွေကို ခ်၊ ဂ်၊ ဃ် စာလုံးတွေနဲ့ ကာရန်တူယူလို့ရတယ်လို့ ဆိုလိုတာပါ။ ဥပမာ – ‎ဘုရားဖူးထွက်၊ မဂ်ဖိုလ်ရည်မျှော် ဆိုတာမျိုးမှာ ထွက် နဲ့ မဂ် ကာရန်တူပါတယ်။

ကာရန်၊ အသံ

ကာရန်

ကာရန် ဆိုတာ ကာရန္တ ဆိုတဲ့ ပါဠိစကားကနေ ဆင်းသက်လာပါတယ်။ အက္ခရာရဲ့အဆုံးသတ် (ဒါမှမဟုတ်) အဆုံး ‎အက္ခရာ လို့ အဓိပ္ပါယ်ရပါတယ်။ ကဗျာမှာဆိုရင်တော့ အက္ခရာအချင်းချင်း အသတ်တူ (သို့မဟုတ်) အသံတူ စပ်ထားတဲ့ ‎စာလုံးတွေကို ဆိုလိုပါတယ်။
အရင် အခန်းမှာရေးခဲ့သလို ကဗျာတပုဒ်မှာ အသံကာရန်၏ကောင်းခြင်း (သဒ္ဒါလင်္ကာရ) နဲ့ အဓိပ္ပါယ်၏ကောင်းခြင်း ‎‎(အတ္ထာလင်္ကာရ) နှစ်မျိုးလုံးရှိရပါမယ်။ ဒါပေမယ့် ကာရန်ကိုက်အောင် လို့ဆိုပြီး အဓိပ္ပါယ်တွေ လိုက်မြောသွားတာမျိုးတော့ ‎မဖြစ်ရပါဘူး။ ကိုယ်လိုချင်တဲ့ အဓိပ္ပါယ်နောက်ကိုသာ ကာရန်ကိုက်အောင် လိုက်ပြီးရေးရမှာပါ။ အဲဒီလိုမှမဟုတ်ရင် အရင် ‎ဆောင်းပါးမှာ ပြခဲ့တဲ့ ကဗျာတွေလို ကာရန်သာမှန်ပြီး ဘာအဓိပ္ပါယ်မှ မရှိတဲ့ ကဗျာတွေဖြစ်ကုန်ပါလိမ့်မယ်။
ကာရန်အကြောင်းပြောရင်း အလျဉ်းသင့်လို့ နဘေ အကြောင်းပါ နည်းနည်းမိတ်ဆက်ပါရစေ။
နဘေ ဆိုတာ ‘နံဘေး’ ဆိုတဲ့ စကားလုံးကနေဆင်းသက်လာတယ်လို့ ဆိုကြပါတယ်။ အရွယ်တူပျဉ်ချပ် တွေကို နံဘေးချင်း ‎‎(အလျားလိုက်) ယှဉ်စပ်ထားသလို အပိုဒ်နှစ်ခုကို ဘေးချင်းစပ်ဟပ်ဖွဲ့နွဲ့ထားတာကို နံဘေးစပ်၊ အဲဒီကနေ ‎နဘေစပ်လို့ခေါ်ကြပါတယ်။ ဥပမာ အချုပ်တန်းဆရာဖေ ရေးခဲ့တဲ့ ပန်းချီမနိုင် လေးချိုးလတ် မှာဆိုရင် …‎

ရွှေပဒုံကြာအချပ်ကို၊ လေအဟုန်လာပြီးဟပ်စဉ်က ..‎
စခန်းနော်လိုရာကွန့်နိုင်တဲ့၊ မန်းပေါ်မှာ ကိုကြာညွန့်သော်မှ …‎
ဆိုတာတွေဟာ နဘေစပ်တွေဖြစ်ပါတယ်။
ဆိုလိုတာကတော့ ကာရန်ဟာ စာလုံးတစ်လုံးပဲ အသံထွက် (သို့မဟုတ်) အဆုံးသတ်စာလုံးပေါင်း တူပါတယ်။ နဘေ ‎ကတော့ စာလုံးတစ်လုံးထက်ပိုပြီး တူရပါတယ်။ နဘေစပ်နည်း (၈) မျိုးတွေ့ရပါတယ်။ နောက်ပိုင်း အစပ်၊ အဟပ် အပိုင်းမှာ ‎ဆက်လက်ပြီး ဖေါ်ပြပေးပါ့မယ်။
ကာရန်ကိုပြန်ဆက်ရရင် အက္ခရာ၊ ပုဒ်၊ ဝါကျ တို့ရဲ့အဆုံးမှာရှိတဲ့ မြန်မာ သရတွေကိုခေါ်ပါတယ်။ ဒီတော့ ဒီကာရန်တွေကို ‎‎…‎
၁။ ဝဏ္ဏ ကာရန် – အက္ခရာအဆုံးမှာရှိတဲ့ ကာရန်
၂။ ပဒ – ပုဒ်ရဲ့အဆုံးမှာရှိတဲ့ကာရန်
၃။ ဝါကျ – စာကြောင်းအဆုံးမှာရှိတဲ့ကာရန်
ဆိုပြီး ခွဲခြားထားပါတယ်။ ဒါကတော့ သိသာစေဖို့သာ ဖေါ်ပြခြင်းဖြစ်ပါတယ်။ ကဗျာရေးရာမှာ အဲဒီလို အသေးစိတ် ‎ခွဲခြားကြည့်ဖို့ အမြဲမလိုအပ်ပါဘူး။ သိထားရင်တော့ကောင်းပါတယ်။
ကဗျာအတွက် တခြားအရေးကြီးတဲ့ အသံရှိန် (မတြာ)၊ ဌာန် (ဌာန)၊ ကရိုဏ်း (ကရဏ)၊ ပယတ် (ပယတန) ဆိုတာတွေ ‎ရှိပါသေးတယ်။ အခုအထိ စကားပြောရင် ဌာန်ကရိုဏ်းကျကျ ပြောတတ်တယ် ဆိုပြီး ချီးမွမ်း နေတာတွေ ကြားဖူးကြမှာပါ။ ‎ဒါပေမယ့် အဲဒါတွေ အကုန် အသေးစိတ်လျှောက်ရေးနေရင် လိုရင်းဖြစ်တဲ့ မြန်မာကဗျာပုံစံတွေနဲ့ ကာရန်တွေအကြောင်း ‎ရောက်တော့မှာမဟုတ်လို့ အလျဉ်းသင့်မယ်ဆိုရင် နောက်မှ ဒါတွေနဲ့ ပတ်သက်ပြီး သီးသန့် ဆောင်းပါးတစ်ပုဒ် ‎ထပ်ရေးပါ့မယ်။ (‘မတြာ‘ ဆိုတာ အသံရှိန်ကို တိုင်းတာတဲ့ မြန်မာယူနစ် (Dimensional Unit) ဖြစ်ပါတယ်။ မျက်စိတမှိတ်၊ ‎လျှပ်တပြက်၊ နွားနို့တညှစ်စာကာလကို တစ်မတြာ ကြာတယ်လို့ တိုင်းတာပါတယ်။)‎
အဲဒီတော့ ကာရန်ကိုပြန်ကောက်ရရင် မြန်မာသရ (မြန်မာကာရန်) တွေဟာ အကျဉ်းအားဖြင့် ၁၆ ပါး၊ အကျယ်အားဖြင့် ၆၄ ‎ပါး ရှိပါတယ်။ အကျဉ်း (၁၆) ပါးဖြစ်တဲ့ မူလကာရန်တွေကတော့ …‎
‎(၁) အ – ကာရန်
‎(၂) ဣ (အိ) – ကာရန်
‎(၃) ဥ (အု) – ကာရန်
‎(၄) ဧး (အေ့) – ကာရန်
‎(၅) အဲ (အယ်) – ကာရန်
‎(၆) အော (သြ) – ကာရန်
‎(၇) အက် – ကာရန်
‎(၈) အင် – ကာရန်
‎(၉) အစ် – ကာရန်
‎(၁ဝ) အည် – ကာရန်
‎(၁၁) အဉ် – ကာရန်
‎(၁၂) အတ် – ကာရန်
‎(၁၃) အန် – ကာရန်
‎(၁၄) အပ် – ကာရန်
‎(၁၅) အမ် – ကာရန်
‎(၁၆) အို (အိုဝ်) – ကာရန်
တို့ ဖြစ်ပါတယ်။
အဲဒီ မူလကာရန် (၁၆) ပါးကမှ ထပ်ပြီး ပွားလိုက်တဲ့အခါ ကာရန်ငယ် အကျယ် (၆၄)ပါး ဖြစ်လာ ပါတယ်။

ဒီ ကာရန်တွေထဲမှာ သေးသေးတင်သံ (-ံ) မပါဘဲဖြစ်နေပါတယ်။ ကဗျာဖွဲ့နည်းနိသျည်း စာအုပ်ထဲမှာတော့ ဒီ ကာရန် (၆၄) ‎ပါးကိုပဲ ပြထားပေမယ့် ကဗျာ့စွယ်စုံကျမ်းထဲမှာတော့သီးခြားဖေါ်ပြထားတာ မတွေ့ပါဘူး။ အဲဒီအစား မြန်မာသရ အကျယ် ‎‎(၆၈)လုံးကိုသာ ဖေါ်ပြထားပါတယ်။ ဒါပေမယ့် သေးသေးတင် (နိဂ္ဂဟိတ်) ကို မသတ် (မ်) နဲ့ အတူတူယူရမယ်လို့တော့ အသတ် ‎အခန်းမှာ သီးခြားဖေါ်ပြထားတာတွေ့ရတဲ့အတွက် အံ၊ အံ့ ကာရန်ဟာ အမ်၊ အမ့် ကာရန်နဲ့ အတူတူပဲ လို့ မှတ်ရပါမယ်။

အသံ

မြန်မာကဗျာတွေကို လေ့လာမယ်၊ ရေးမယ်ဆိုရင် အသံအကြောင်းကိုလည်း နားလည်ရပါလိမ့်မယ်။ အပေါ်က ကာရန် ၆၄ပါးကို ‎တက်သံ၊ သက်သံ၊ မြင့်သံ၊ တိုင်သံ ဆိုပြီး အသံလေးမျိုး ခွဲထားပါတယ်။ ဒီအသံတွေကိုမှ ဂရုသံ (လေးလေးလံလံ ‎နှေးကန်ပြင်းတွဲ အရှည်ဆွဲ ရွတ်ဖတ်ရတဲ့ အသံ) နဲ့ လဟုသံ (ပေါ့ပေါ့မြန်မြန် မနှေးကန်ဘဲ သံမှန်ဖြင့်ဆိုရသော အသံ) ဆိုပြီး ‎ပြန်ခွဲထားပါတယ်။ အဲဒီတော့ အသံလေးမျိုးကို အရင်စကြည့်ရအောင်။
၁။ တက်သံ (၁၈) ပါး
၂။ သက်သံ (၁၈) ပါး
၃။ နိမ့်သံ (၁၈) ပါး
၎။ တိုင်သံ (၁၀) ပါး … ဆိုပြီး စုစုပေါင်း (၆၄) ပါး ပြန်ခွဲထားပါတယ်။

တက်သံ (၁၈) ပါး

အောက်မြစ် နဲ့ ဝစ္စပေါက် မပါတဲ့အသံတွေကို တက်သံလို့ခေါ်ပါတယ်။ ဒီအသံတွေဟာ ဆွဲဆွဲငင်ငင်၊ ရှည်ရှည်လျားလျား၊ ‎မြည်မြည်ဟိန်းဟိန်း၊ ပြင်းပြင်းပြပြ ရွတ်ရပါတယ်။ အဲဒီအသံတွေကတော့ …‎
အာ၊ ဤ (အီ)၊ အူ၊ အေ (ဧ)၊ အော် (သြော်)၊ အင် ‎ …. (၆) လုံး
အဉ်၊ အည်၊ အန်၊ အမ်၊ အိန်၊ အိမ် ‎………………….. ‎(၆) လုံး
အုန်၊ အုမ်၊ အယ်၊ အောင်၊ အိုင်၊ အိုဝ်(အို) ………….. (၆) လုံး
တို့ဖြစ်ပါတယ်။
တက်သံတွေကို ညာသံကြီး၊ မူလသံ၊ ပကတိသံ လို့လည်းခေါ်ပါတယ်။ အသံရှိန်အနေနဲ့ (ရွတ်ဆိုတဲ့သူ အပေါ်မူတည်ပြီး) ‎နှစ်မတြာခွဲ ကနေ သုံးမတြာ ကျော်အထိ ရွတ်ဆိုနိုင်ပါတယ်။

သက်သံ (၁၈) ပါး

အောက်မြစ်ပါတဲ့အသံတွေနဲ့ အောက်မြစ်မပါပေမယ့် ပါသလိုဘဲ ဆိုရတဲ့အသံတွေကို သက်သံလို့ ခေါ်ပါတယ်။ ဒီအသံတွေဟာ ‎အားမထုတ်ရဘဲ ရွရွကလေး၊ သာသာဖြည်းဖြည်းလေး ရွတ်ရပါတယ်။ အဲဒီအသံတွေကတော့ …‎
အ (အာ့)၊ ဣ (အိ)၊ အု (ဥ)၊ အေ့ (ဧ့)၊ အော့ (သြော့)၊ အင့် ….. (၆) လုံး
အဥ့်၊ အည့်၊ အန့်၊ အမ့်၊ အိန့်၊ အိမ့် …………………………….. ‎(၆) လုံး
အုန့်၊ အုမ့်၊ အယ့် (အဲ့)၊ အောင့်၊ အိုင့်၊ အိုဝ့်(အို့) ……………….. ‎(၆) လုံး
တို့ဖြစ်ပါတယ်။
သက်သံတွေကို ဘယ်သံ၊ ချသံ၊ အောက်သံ၊ သံမ၊ အောက်မြစ်သံ လို့လည်းခေါ်ပါတယ်။ အသံရှိန်အနေနဲ့ (ရွတ်ဆိုတဲ့သူ ‎အပေါ်မူတည်ပြီး) တစ်မတြာခွဲ အထိ ရွတ်ဆိုနိုင်ပါတယ်။

နိမ့်သံ (၁၈) ပါး

တက်သံတွေကို ဝစ္စပေါက် ထည့်လိုက်တဲ့အသံတွေကို နိမ့်သံလို့ခေါ်ပါတယ်။ ဒီအသံတွေဟာ အသံရှည်ရှည်ကိုလည်း ‎မစွန့်လွှတ်ဘဲ ပြတ်ပြတ်နဲ့ တင်းတင်းမာမာ ရွတ်ရပါတယ်။ အဲဒီအသံတွေကတော့
အား၊ အီး၊ အူး၊ အေး (ဧး)၊ အော (သြး)၊ အင်း ………. ‎(၆) လုံး
အဉ်း၊ အည်း၊ အန်း၊ အမ်း၊ အိန်း၊ အိမ်း ………………. ‎(၆) လုံး
အုန်း၊ အုမ်း၊ အယ်း (အဲ)၊ အောင်း၊ အိုင်း၊ အိုဝ်း(အိုး)‎ … ‎(၆) လုံး
တို့ဖြစ်ပါတယ်။
နိမ့်သံတွေကို ညာသံငယ်၊ သံဖို၊ ဝသဇ္ဇနီသံ လို့လည်း ခေါ်ပါတယ်။ ဝသဇ္ဇနီ ဆိုတာ ဝစ္စပေါက်ကို ပါဠိလိုခေါ်တာပါ။ အသံရှိန် ‎အနေနဲ့ (ရွတ်ဆိုတဲ့သူ အပေါ်မူတည်ပြီး) နှစ်မတြာ ကနေ နှစ်မတြာခွဲ ကျော်အထိ ရွတ်ဆိုနိုင်ပါတယ်။

တိုင်သံ (၁၀) ပါး

နှိမ့်လို့ မြှင့်လို့မရတဲ့ သံရပ်၊ သံဖြတ်တွေ၊ တက်သံနဲ့နိမ့်သံ ၂ခုကြားကအသံတွေကို တိုင်သံ လို့ခေါ် ပါတယ်။ ‎အဲဒီအသံတွေကတော့
အက်၊ အစ်၊ အတ်၊ အပ်၊ အိတ်    ‎(၅) လုံး
အိပ်၊ အုတ်၊ အုပ်၊ အောက်၊ အိုက်    ‎(၅) လုံး
တို့ဖြစ်ပါတယ်။
တိုင်သံတွေဟာ ကသတ်၊ စသတ်၊ တသတ် နဲ့ ပသတ် ဆိုတဲ့ အသတ်လေးမျိုးပါတဲ့ အသံတွေဖြစ်ပါတယ်။ အလွယ်တကူ ‎မှတ်ချင်ရင် ‘ကွမ်းစားတတ်ပြီ’ လို့ အသတ်လေးခုကို မှတ်ထားနိုင်ပါတယ်။ က၊ စ၊ တ၊ ပ ဆိုတဲ့ အပေါ်မှာ အသတ်တင်လိုက် ရင် ‎တိုင်သံဖြစ်သွားပါတယ်။
တိုင်သံတွေကို သံမှန်၊ သံလတ် လို့လည်းခေါ်ပါတယ်။ အသံရှိန်အနေနဲ့ (ရွတ်ဆိုတဲ့သူ အပေါ်မူတည်ပြီး) တစ်မတြာခွဲ ‎လောက်အထိ ရွတ်ဆိုနိုင်ပါတယ်။

ဂရု၊ လဟု

ဒီအသံလေးပါးကို ဂရု၊ လဟုပြန်ခွဲရင် ….‎
တက်သံ (၁၈) ပါး (အောက်မြစ် နဲ့ ဝစ္စပေါက် မပါတဲ့အသံတွေ နဲ့ ကသတ်၊ စသတ်၊ တသတ်၊ ပသတ် ဆိုတဲ့ အသတ်လေးပါး ‎မပါတဲ့အသံတွေ) ဟာ ဂရုအသံ (ဂရုကာရန်)ဖြစ်ပြီး ကျန်တဲ့ အသံသုံးပါး (သက်သံ၊ နိမ့်သံနဲ့ တိုင်သံ ပေါင်း ၄၆ပါး) ကတော့ ‎လဟုအသံ (လဟုကာရန်) တွေ ဖြစ်ကြပါတယ်။
ဒါဆိုရင်တော့ အသံလေးပါးနဲ့ ဂရု၊ လဟု ဆိုတာကို သဘောပေါက်လောက်ပြီထင်ပါတယ်။ အလွတ် မမှတ်မိရင်လည်း ဒီမှာ ‎ပြန်ကြည့်ပြီး ကဗျာရေးတဲ့အခါ သုံးနိုင်ပါတယ်။ အလွယ်တကူ ကြည့်နိုင်အောင် ဇယားလေးနဲ့ပြထားပါတယ်။

ကဗျာရေးဖို့အတွက် လိုအပ်တဲ့ အခြေခံအချက်တွေထဲက ကျန်နေသေးတဲ့ ‘အစပ်၊ အဟပ်‘ အကြောင်း၊ ‘ကြိယာ‘ အကြောင်းနဲ့ ‎တခြားဆက်စပ်တဲ့ အကြောင်းလေးတွေကို ဆက်ပါမယ်။