“ဖြစ်သင့်တာလေးတွေပြောကြရအောင် အမှတ်တစ်(  ယာဉ်ရပ်နားခနဲ့မန္တလေး)”

 

မန္တလေးမှာ 78လမ်း၊လမ်း80၊82လမ်း၊84လမ်း၊26ဘီလမ်း ၊လမ်3း0 ၊35အေလမ်း ဆိုတဲ့လမ်းတွေက အဓိကလမ်းမကြီးတွေဖြစ်ကြပါတယ်။

အဲဒီလမ်းမကြီးတွေပေါ်က သတ်မှတ်ထားတဲ့နေရာတွေမှာမော်တော်ကား တို့ ဆိုင်ကယ်တို့ရပ်တယ်ဆိုရင် ယာဉ်ရပ်နားခကောက်ပါတယ်။

အရင်ကတော့ ဆိုင်ကယ်တစ်စီး တစ်ရာကောက်ပါတယ်။

တကယ်ကောက်ခံတာက မန်းလေးစည်ပင်သာယာကပါ။

ဒါပေမယ့် ပုဂ္ဂလိက ကို ကန်ထရိုက်ပြန်ပေးတယ်လို့ ထင်ပါတယ် ရပ်နားခကောက်ခံသူတွေက ၀န်ထမ်းပုံမပေါက်ဘဲ မိုက်ကယ်ပုံပေါက်နေတာများလို့ပါ။

အဲဒီလမ်းမတန်းမှာရှိတဲ့ စားသောက်ဆိုင် မုန့်ဆိုင် ဘဏ် လက်ဖက်ရည်ဆိုင်တွေမှာလာကြတဲ့သူနဲ့

ကောက်ခံသူကြားမှာ ဒီယာဉ်ရပ်နားခ နဲ့ပါတ်သက်ပြီး မကြာခဏစကားများကြရပါတယ်။

အဲဒီအခါမှာ အချို့သော ဘဏ်တွေ နဲ့ ဆိုင်တွေက ယာဉ်ရပ်နားခကို သူ့တို့ဆီလာတဲ့သူ့ဖောက်သည်က မပေးရအောင်ကြိုတင်လို့ ညှိနိုင်းလို့ဆောင်ပေးလိုက်တော့ အဲဒီနေရာအတွက်က ပြဿနာအေးသွားပါတယ်။

(ဆောင်ထားတဲ့ဆိုင်များကလဲ ဆိုင်လာယာဉ်များအတွက်ရပ်နားခပေးဆောင်ရင်မလိုပါဆိုပြီး စာကပ်ထားတတ်ပါတယ်)

 

ဒါပေမယ့် ယာဉ်ရပ်နားခကို စိုက်မဆောင်တဲ့ဆိုင်အတွက်ကတော့ အဲဒီဆိုင်ကိုလာတဲ့သူနဲ့ကောက်ခံသူကြားမှာပြဿနာကတော့ ဖြစ်မြဲ့ပါဘဲ။

အစကတော့ လမ်းပေါ်မှာမရပ်ဘဲ ဆိုင်ရှေ့က ပလက်ဖောင်းပေါ်ရပ်ရင် မကောက်ပါဘူး။

နောက်တော့ ပလက်ဖောင်းပေါ်ရပ်ရင်လဲကောက်ပါတော့တယ်။

နောက်တစ်ချက် ဆိုင်ကယ်ပေါ်က လူမဆင်းဘူး ကားမဆင်းဘူးဆိုရင်မကောက်ပါဘူး။

အဲတော့ လူနှစ်ယောက်လာတယ်ဆိုရင် တစ်ယောက်က ဆိုင်ကယ်ပေါ်မှာ နေပူမိုးရွာ စောင့်နေပါတော့တယ်။

အမှန်တိုင်းပြောရရင် တော့ ငွေ တစ်ရာ ဖြစ်ဖြစ် နှစ်ရာဖြစ်ဖြစ် ရှာရဖွေရခက်တဲ့ ခေတ်ဆိုတော့

သက်သာနိုင်တဲ့ နည်းလမ်းရှိရင် သက်သာအောင်လုပ်မှာကတော့ ကျနော်တစ်ယောက်ထဲမဟုတ်ဘူး လူတိုင်းပါဘဲ။

 (5-10-2011)နေ့ မနက်10နာရီကျော်ကျော်လောက်မှာ လမ်း80 28နဲ့ 29လမ်းကြားက

လမ်းအရှေ့ဘက်တန်းက ဒမ်ဘိုဆိုင်မှာကျနော်တို့ မုန့်ဝင်ဝယ်ပါတယ်.။

ထုံးစံအတိုင်း  နှစ်ယောက်လာတော့ ကျနော်က ဆိုင်ကယ်ပေါ်မှာရပ်စောင့်နေခဲ့ပါတယ်။

ကျနော်ရပ်စောင့်နေတဲ့ဘက်က မိုးပြာရောင်ရှပ်အကျီ မီးခိုးရောင် ဘောင်းဘီရှည်(စည်ပင်သာယာအရောင်)၀တ်ထားပြီး လက်မှာ အခွန်ကောက်ခံသူ ဆိုတဲ့လက်ပါတ်ကို ပါတ်ထားတဲ့ ကောင်လေးတစ်ယောက်က  ၀ီစီတတွီတွီမူတ်ပြီးလမ်းအနောက်ဘက်ခြမ်းမှာရှိတဲ့သူလိုဝတ်စုံဝတ်ထားတဲ့ ကောင်လေးတွေကို လှမ်းအချက်ပေးနေပါတယ်။

 

 

မုန့်ဝယ်လို့ပြီးလို့ သွားမယ်လဲလုပ်ရော အဲဒီကောင်လေးက ယာဉ်ရပ်နားခ 50ကျပ်ဆိုပြီးတောင်းပါတယ်။

ကျနော်က ဆိုင်ကယ်ပေါ်က မဆင်းတဲ့အတွက် မပေးနိုင်ဘူးလို့ပြောတော့ အဲဒီကောင်းလေးက ခင်ဗျားဆိုင်ကယ်က စက်ရပ်ထားလို့ပေးရမယ်တဲ့။

ကျနော်က အရင်ကလဲ လူတစ်ယောက် စောင့်နေရင် မပေးရဘူးလို့ပြောတော့ အခုပေးရတယ်လို့အဲဒီကောင်လေးက ပြန်ပြောပါတယ်။

ငွေငါးဆယ်ကျပ်ဆိုတာထက် သူတုိ့ ပါးစပ်ထဲရှိတာကိုပြောတောင်းတယ်လို့ စိတ်ထဲမှာခံစားရတော့ မပေးနိုင်ဘူးလို့ပြောလိုက်တဲ့အခါ ကျနော့် ဆိုင်ကယ်ရှေ့ဘီးပေါ်ကို ခွရပ်ပြီး မပေးရင် မထွက်ရဘူးဆိုတဲ့လူပါးဝတဲ့ပုံစံနဲ့လာရပ်နေပါတယ်။

(သူတို့ပြောတဲ့ဥပဒေရှိလား မရှိလားဆိုတာကတော့ အသေအချာမသိပါဘူး။

ဒါပေမယ့် အရင်လူတွေတုံးက ဆိုင်ကယ်ပေါ်ကမဆင်းရင် ပေးစရာမလိုဘူး ဆိုတာကို အတိအလင်းကျင့်သုံးခဲ့တော့ ကျနော်ကလဲ ပေးစရာမလိုဘူးလို့ သတ်မှတ်ပါတယ်။)

မှတ်မှတ်ရရ မနှစ်ဆောင်းတွင်းတုံးက လမ်း80 လမ်3း0ဒေါင့်က အာရှဖိနပ်ဆိုင်မှဖိနပ်ဝယ် တုံးက

ဖြစ်ခဲ့တာလေးကိုတော့ ပြောချင်ပါသေးတယ်၊

ထုံးစံအတိုင်းကျနော်က ဆိုင်ကပ်ပေါ်က ရပ်စောင့်နေတာပေါ့။

ဒါပေမယ့်လုံချည်ပြင်ဝတ်ချင်တော့ ဆိုင်ကယ်ပေါ်က ခဏဆင်းပြီုးလုံချည်ပြန်ဝတ်၊

ဆိုင်ကယ်ပေါ်ပြန်ထိုင်နေပါတယ်။

ဖိနပ်ဝယ်ပြီးဆိုင်ကယ်လဲ ထွက်မယ်လုပ်ရော ရပ်နားခဆိုလာတောင်းပါတယ်။

ဆိုင်ကယ်ပေါ်မှာလူရှိတယ်လို့ပြောတော့  စောစော ကဆိုင်ကယ်ပေါ်ကဆင်းတယ်လေ၊လို့ပြောတော့ ကျနော်က ခဏလေးလုံခြည်ပြင်ဝတ်တာဘဲ လို့ ပြန်ပြောတော့

အကြာကြီးဆင်းဆင်း ခဏလေးဆင်းဆင်း ဆင်းရင်ကောက်မယ် မဆင်းရင်မကောက်ဘူး လို့ ပြောတာနဲ့

ပေးလိုက်ရပါတယ်။

အဲဒီလို ကြုံဘူးတော့ ဒီနေ့မှာလဲ ပေးစရာမလိုဘူးလို့ ကျနော် ကလည်းယူဆပါတယ်၊

အဲဒီကောင်လေးက ကျနော်တို့လဲ တာဝန်အရခိုင်းလို့လုပ်တာ လို့ ခပ်မာမာပြောတော့

ကျနော်က အဲဒါဆို မင်းကို တာဝန်ပေးတဲ့သူကိုပြော ငါအခုမေးမယ် ဟုတ်ရင်ပေးမယ် မဟုတ်ရင်မပေးဘူး

ဆိုတော့ သူက ဒါတာဝန်ဘဲဆိုတာကို တွင်တွင်ပြောပါတယ်။

သူက ငါးဆယ်ထဲပါလို့ပြောတော့ ငါတို့အရင်က တစ်ရာပေးရတာတို့ နှစ်ရာတန်ပေးလိုက်ရင် မအမ်းဘဲ ယူသွားတာတွေ ကျတော့ ငါတို့က ဘယ်သူ့သွားတောင်းရမလဲမေးတော့ အဲဒါတွေက အရင်ကဟာကျနော်တို့နဲ့မဆိုင်ဘူး

အဲဒါကြောင့်မို့ လူပြောင်းကောက်ခိုင်းတာလို့ပြောပါတယ်။

နောက်တော့ ကျနော့်ဇနီးသည်က ရှက်တော့ ပေးလိုက်ပါ။

ဒါနဲ့ဘဲကျနော်က တစ်ထောင်တန်ထုတ်ပေးတော့ ကျနော်ပိုက်ဆံအိတ်ကိုလှမ်းကြည့်ပြီး ခင်ဗျားထဲပါတဲ့တစ်ရာတန်ပေးလို့တောင်းတော့ ကျနော်ကလဲ ခပ်ရှင်းရှင်းဘဲပြောလိုက်ပါတယ်

မင်းကိုပေးထားတဲ့အမိန့်ထဲမှာ ဘယ်လိုပိုက်ဆံမျုိုးကိုပေးရမယ်လို့ ညွှန်ကြားထားတယ်ဆိုရင်ပေးမယ်

မင်းကလဲ အတိအကျဆိုတော့ ငါ့ဘက်ကလဲ အတိအကျဘဲ မင်းတာဝန်ထမ်းဆောင်တာမှန်ရင် မင်းဘက်က

ပိုက်ဆံပြန်အမ်းနိုင်အောင် ကြိုတင်ပြင်ဆင်ထားလို့ပြန်ပြောလိုက်ပါတယ်။

အမှန်တိုင်းပြောရရင် သူက သာ ကောင်းကောင်းမွန်မွန်တောင်းမယ်ဆိုရင် တစ်ရာပေးရလဲ ပြဿနာမရှိပါဘူး။

50ကျပ်ဆိုတာ စီးကရက်တစ်လိပ် အကြော်တစ်ခုဘိုးဘဲရှိပါတယ်။

အဲတော့မှ သူ့ပိုက်ဆံအိတ်ထဲက အနုတ်တွေကိုထုတ်အမ်းပါတယ်။

အဲဒီထဲမှာ 200တန်အစုတ် ပါလာပါတယ်။

(ဓါတ်ပုံနဲ့တကွဖော်ပြထားပါတယ်)

အခွန်ကောက်တဲ့ကောင်လေးက တာဝန်အရလို့ ပါးစပ်ကပြောပေမယ့် ၀န်ထမ်းဖြစ်တယ်ဆိုတဲ့

သက်သေခံကဒ်ပြားကတော့ မရှိတာဘဲ လား၊ဒါမှမဟုတ်သူကဘဲ မချိတ်ဘဲသိမ်းထားတာလား၊

တရားဝင်ခန့်ထားတဲ့ဝန်ထမ်းမဟုတ်ဘဲ တစ်ဆင့်ပြန်ပြီးနေ့စားနဲ့ ငှားထားတာလားဆိုတာကတော့

ကာယကံရှင်တွေကိုတိုင်ဘဲသိပါမယ်။

 

ပြီးတော့မှ ကျနော်ကို စည်ပင်သာယာအမှတ်အသားပါတဲ့လက်ခံဖြတ်ပိုင်း ထုတ်ပေးပါတယ်။

သူပေးတဲ့လက်မှတ်ကတော့စည်ပင်သာယာက ထုတ်ပေးတဲ့လက်မှတ်ပါဘဲ။

 

အဲဒီစာရွက်ရဲ့နောက်ကျောမှာတော့ ဘာကြောင့်ယာဉ်ရပ်နားခကောက်ခံရတယ်ဆိုတဲ့အကြောင်းတော့

အတိအကျရေးပြထားပါတယ်။

(ဒီအတိုင်းမှန်လို့ကတော့ ပေးဆောင်ရမယ်ဆိုတာကိုလဲ သဘောပေါက်ပါတယ်၊

ပေးလဲပေးသင့်ပါတယ်။

ဒါပေမယ့် ပထမအချက်မှာပါတဲ့ ယဉ်ကြောမပိတ်ဆို့ရေးဆိုပေမယ့် အချို့သောနေရာမှာတော့ လမ်းမပေါ်မှာဆိုင်ကယ် ကားရပ်ထားတာက လမ်းပေါ်မှာအတော်လေးနေရာယူထားတာကိုေ တွ့ရပါတယ်၊)

ဒါကတော့သိရှိလိုက်နာရန်ဖြစ်ပြီး ဘယ်လိုအနေအထားဆိုရင်ပေးရမယ် ဘယ်လိုအနေအထားဆိုရင်

ပေးစရာမလိုဘူးဆိုတာကတော့ မပါပါဘူး။

ရှေ့စာမျက်နှာမှာကတော့ အချိန်ဘယ်လောက်ကြာကြာထားရင်ဘယ်လိုပေးဆောင်ရမယ်ဆိုတာကို အတိအကျရေးပေးထားပါတယ်။

ဒါပေမယ့်စည်ပင်သာယာကထုတ်ပေးတဲ့လက်မှတ်မှာ ဖြည့်သွင်းစရာအချက်အလက်တွေကို

စံနစ်တစ်ကျ အတိအကျ အသေအချာ ဖြည့်သွင်းရအောင်  ပုံနှိပ်ပေးထားပေမယ့် ကျနော့်လက်ထဲရောက်လာတဲ့စာရွက်ကတော့ ပြီးစလွယ်ဖြည့်ပေးထားတဲ့စာရွက်လေးဘဲရပါတယ်။

 (ဓါတ်ပုံထဲမှာကြည့်လိုက်ပါ)

 

ကျနော်က မင်းနာမယ်ရေးပေးဆိုတော့ ဘယ်သူမှန်း ဘယ်ဝါမှန်းမသိရတဲ့လက်မှတ်အတိုလေးထိုးပေးပါတယ်။

ဖြည့်စွက်စရာတွေကို ဘာမှ အတိအကျဖြည့်မထားပါဘူး။

ဒါကိုမြင်ရတော့ မြိုရွာသာယာရေးအတွက် အခွန်ကောက်ခံတဲ့ကိစ္စက ဒီလောက်ပေါ့ပေါ့တန်တန်ရှိသလား၊

အဖြစ်ဘဲလုပ်ရသလားလို့ တွေးမိပါတယ်။

နောက်ဒီအခွန်ကောက်ခံသူဆိုတဲ့ကောင်လေးရေးပေးတဲ့စာရွက်မှာ မှင်ခံ ခံရေးထားတာ မတွေ့ရပါဘူး။

အဲတော့ သူနေ့စဉ်ကောက်ခံလို့ရတဲ့ငွေဘယ်လောက်ရတယ်ဆိုတာ ဘယ်ပုံဘယ်နည်းနဲ့ပြန်လည်လို့ စစ်ဆေးမှာလဲ ၊သူကရော သူကောက်လို့ရတဲ့ငွေမှာ သူများကို ပြန်အမ်းတာ ပိုပါသွားသလို လိုပြီးအမ်းမိ

သလား ဆိုတာကိုဘယ်လိုသိနိုင်မှာလဲ ၊ဒီလိုဟာကွက်ရှိနေမှတော့ သူကောက်ခံလို့ရတဲ့ငွေကို အကုန်အစင်

ပြန်အပ်မယ် မအပ်ဘူးဆိုတာကို ဘယ်လိုသိနိုင်မှာလဲလို့လဲ တွေးကြည့်တော့ အဖြေမရှိပါဘူး၊

နောက်အခုအချိန်မှာ ဟောင်းနွမ်းစုတ်ပြဲနေတဲ့ ငွေစက္ကူတွေကို အသစ်နဲ့ပြန်လည်ပြီးလဲပေးနေချိန်မှာ

မြို့တော်စည်ပင်သာယာရေးအတွက် အခွန်ကောက်ဘုို့တာဝန်ယူထားတဲ့သူကဘာလို့များ

ငွေစက္ကူအစုတ်တွေကိုပြန်အမ်းပေးနေပါသလဲ။

ငွေစက္ကူအကောင်းကို ပြန်အမ်းနိုင်ဘို့အတွက်ကြိုတင်ပြင်ဆင်လို့မထားဘူးလား။

ကျနော်က အေး အခုခေတ်ပြောင်းသွားပြီး မဟုတ်ရင်တိုင်ရုံဘဲဆိုတော့ မခန့်ပေါက်နဲ့ တိုင်ချင်ရာတိုင်လို့ရတယ်လို့ပြောပါတယ်။

ပြည်သူ့ဝန်ထမ်းအစစ်တစ်ယောက်သာဆိုရင်ဒီလို ပြန်ပြီးပြောမယ်လို့ မထင်ပါဘူး။

ငွေငါးဆယ်ဆိုတာ က တန်ဘိုး မများပေမယ့် အခုလို အကြွေးတောင်းတဲ့ပုံစံနဲ့အတောင်းခံရတာကိုတော့

သိပ်ပြီးနေရာမကျဘူးလို့ထင်ပါတယ်။

နိုင်ငံတော်ကိုစံနစ်သစ် မူသစ်နဲ့ ချီတက်နေချိန်မှာ ဒီလို ကိစ္စမျုိုးတွေက ပြည်သူနဲ့ဝန်ထမ်းကြားမှာ

အထင်အမြင်လွဲစရာဖြစ်လောက်တယ်လို့ လဲထင်မိပါတယ်။

နောက် လိုအပ်တယ်လို့ထင်တာလေးကိုပြောရမယ်ဆိုရင် ဘယ်လိုအနေအထားမျိုးမှာဆိုရင်

ယာဉ်ရပ်နားခပေးဆောင်ရမယ်ဆိုတာ အများမြင်သာတဲ့နေရာမှာ ဆိုင်းဘုတ်ချိတ်လို့ထားမယ်

ဆိုရင် ကျနော်အခုအငြင်းပွားရသလို ငြင်းရခုံရဖြစ်မယ်မထင်ပါဘူး။

ကျနော်ကလည်းအ ရင်တုံးက မပေးခဲ့ရလို့ မပေးနို်င်ဘူးလို့ငြင်းတာပါဘဲ၊။

တိတိကျကျသာ ဖော်ပြထားရင် ပေးသင့်ပေးထိုက်တဲ့ အခွန်အကောက်ကိုပေးမှာ အမှန်ပါဘဲ။

ဘာလို့လဲဆိုတော့ ကျနော်ကိုယ်တိုင်လဲ ဒီမြို့မှာ တစ်သက်လုံးနေထိုင်ကြီးပြင်းလာသူတစ်ယောက်ဖြစ်တော့

ကိုယ်နေတဲ့မြို့အတွက်ကောင်းအောင်လုပ်တာကို လက်သင့်ခံရ ပေးဆောင်ရမယ်ဆိုတာ လက်သင့်ခံပါတယ်။

အခုအချိန်မှာကောင်းသောဘက်ကို ဦးတည်လို့ အားလုံးက ကြိုးပမ်းဆောင်ရွက်နေချိန်မှာ ကျနော်ကြုံသလို

ကြုံရတာမျုိးကတော့ မဖြစ်သင့်တော့ဘူးလို့ယုံကြည်ပါတယ်။

ဖြစ်သင့်တာလေးကိုပြောရမယ်ဆိုရင်တော့

(1)  ဘယ်လိုရပ်ရင် ဘယ်လို အခွန်ပေးဆောင်ရမယ်ဆိုတာ အများမြင်သာတဲ့နေရာမှာ အမြဲတမ်းဆိုင်းဘုတ်ချိတ်ဆွဲထားသင့်ပါတယ်။ (သတင်းစာထဲမှာကြေငြာပြီးသားဆိုရုံနဲ့တော့မလုံလောက်ပါဘူး)

(2)  အခွန်ပေးဆောင်ရမယ့်သူကလည်း တိတိကျကျပေးဆောင်သင့်ပါတယ်။

(3)  အခွန်ကောက်ခံသူတွေကလဲ တဆင့်ခိုင်းတဲ့သူတွေမဟုတ်ဘဲ ၀န်ထမ်းတွေဖြစ်သင့်သလို

ဝန်ထမ်းကဒ်ပြားကို ရင်ဘတ်မှာ မြင်သာအောင်ချိတ်ဆွဲလို့ထားသင့်ပါတယ်။

(4)  အခွန်ပေးဘို့သတ်မှတ်ရာမှာလဲ အကြာကြီး မဟုတ်ဘဲ မိနစ်ပိုင်းလောက်သာရပ်တယ်ဆိုရင်

တော့ မကောက်သင့်ဘူးလို့ယူဆပါတယ်။

      (5)နောက်အခွန်ကောက်ခံပြီးလို့ ပြန်ပေးတဲ့အခါမှာ ရေးသွင်းဘို့လိုအပ်တဲ့အချက်အလက်တွေကို

           စနစ်တကျ တိတိကျကျ ရေးသွင်းသင့်ပါတယ်။

          (လိုအပ်လို့သာ ဘယ်လိုဖြည့်သွင်းရမယ်ဆိုတဲ့ပုံစံတွေချပေးထားတာကိုး)

      (6)အခွန်ကောက်ခံရရှိတဲ့ငွေ ကို အပြည့်အ၀ပြန်လည်ရရှိဘို့အတွက်ကတော့

           မှင်ခံတစ်ခုထားပြီး လက်ခံတစ်ခု ကို ယူထားမယ်ဆိုခဲ့ရင်

          မရိုးသားတဲ့ဝန်ထမ်းက အကုန်မပေးဘဲ ချန်ပြီးမှ သက်ဆိုင်ရာရုံးကိုအပ်တာတို့၊

           အလွန်ကိုမေ့တတ်တဲ့ဝန်ထမ်းက ကောက်ခံရတဲ့ငွေတွေကိုမေ့ပြီးအိမ်ယူသွားတာတို့

          ဆိုတာမျိုးတွေကို တားဆီးနိုင်မယ်ဖြစ်ပါတယ်။

      (7)အခွန်ကောက်ခံတဲ့ဝန်ထမ်းကိုလည်း ပြန်လည်လို့ အမ်းနိုင်အောင်ငွေစက္ကူအကြွေကိုလည်း

          လုံလောက်အောင်ပေးထားသင့်ပါတယ်။ ဒါမှသာ အနုတ်ပေးပါတောင်းရတာတို့ အစုတ်ပေးရင်

         မယူဘူးဆိုတဲ့ပြဿနာကင်းမှာပါ။

ဒါကတော့ လစ်ဟာနေတဲ့ ကွက်လပ်သေးသေးလေးကိုထောက်ပြလို့ ဖြည့်ပေးတာဖြစ်ပါတယ်။

တစ်ခါရပ်နား ခငွေက အနည်းဆုံးငါးဆယ်ဆိုပေမယ့် မနက်(6)နာရီကနေညနေ(6)နာရီအတွင်း

မှာ ယာဉ်ရပ်နားခပေးဆောင်ဘို့ သတ်မှတ်ထားတဲ့ နေရာတွေနဲ့ မန်းလေးမြို့မှာ ရှိနေတဲ့ဆိုင်ကယ်

ကားဦးရေနဲ့တွက်ကြည့်မယ်ဆိုရင် တစ်နေ့တစ်နေ့ကိုကောက်ခံလို့ရမယ့်ငွေက မနည်းလောက်ဘူး

လို့ စိတ်တွက် တွက်ကြည့်မိပါတယ်။

ကောင်းစေချင်ရင် အားလုံးပြင်မှရမယ်လေ။
ဒါကတော့ ကျနော်ခံယူချက်ပါ။
တစ်စုံတစ်ယောက်ကို ထိခိုက်စေလိုတဲ့ စိတ်နဲ့ မဟုတ်ဘဲ ကောင်းစေချင် ပြင်ကြစေချင်တဲ့စိတ်နဲ့
တိတိကျကျတင်ပေးလိုက်ပါတယ်။
အင်ထုပြီး ထင်ရာရေးတယ်လို့ မှတ်နေမှာစိုးလို့ ဓါတ်ပုံနဲ့တွဲတင်တာပါ။

ကဲ လက်တွေ့ဆိုတာ သိရအောင် ဓါတ်ပုံနဲ့တကွတင်ပြပေးလိုက်ပါတယ်။

 

ဒီပိုစ်ကို မန်းလေးတိုင်းဂျာနယ်မှာ ဓါတ်ပုံနှင့်တကွ ပုံနှိပ်ဖော်ပြပြီးဖြစ်ပါတယ်။

 

ကိုပေါက်လက်ဆောင်အတွေးပါးပါးလေး

(6-10-2011)