“ထမီချွတ်၏ မချွတ်၏”  

ပြီးခဲ့တဲ့ဥပုဒ်နေ့က ကျနော်တို့ ကြီးမိုက်ကြီးတွေ လက်ဖက်ရည်ဆိုင်မှာဆုံကြတော့

ဟိုရောက်ဒီရောက်ပေါက်တတ်ကရပြောကြတာပေါ့ဗျာ။

အဲဒီကနေသီချင်းအကြောင်းရောက်သွားပြန်ပါတယ်။

ရှေးက သီချင်းရေဆရာကြီးတွေရဲ့စာသားတွေက ဒီနေ့ထိခေတ်မှီတဲ့နေအကြောင်း

လေးနက်တဲ့စာသားတွေကိုသေသေချာချာခံစားပြီးရေးကြတဲ့အကြောင်းတွေပြောရင်းကနေ

ပြည်လှဖေဆိုထားတဲ့  “ဇွဲ”သီချင်းအကြောင်းရောက်သွားပါတယ်။

အဲဒီအထဲက မခံချင်စရာကောင်းတဲ့စာသားလေးပါ ပါတယ်။

“ဆော်ဒါလင်မနစ်ရည် ဖောက်လိုက်ရင်မြည်သတဲ့ ဘာသာခြားနဲ့ကုလားကဆိုပြန်သည်”

စာသားလေးပါဘဲ။

ကျနော်တို့မြန်မာတွေက ဘုန်းတန်ခိုးတို့ဘာတိုကို ပြောတတ်တာကိုးဗျ။

အဲတော့ မြန်မာမင်းတွေမှာ ဘုန်း ရှိတယ်လို့ပြောတော့ အဲဒါကို အင်္ဂလိပ်တွေက

နှိမ့်ချတဲ့အနေနဲ့ဘုန်း ဆိုတာ ဘိလပ်ရည်ပုလင်းဝထိပ်က

 ဖန်သီးလေးကို ဖောက်ထုတ်လိုက်ရင် ဖုန်း ဆိုမြည်တာနဲ့အတူတူဘဲလို့ နှိမ်ပြီး ပြောလိုက်တာပါ။

အဲဒီ ဖုန်းကနဲမြည်တဲ့အသံအကြောင်းကိုပြောရင်းကနေယောက်ျားတို့ ဘုန်းအကြောင်းရောက်သွားပါတယ်။

ယောကျာ်းတို့ ဘုန်းလက်ရုံး လိုပပေါ့လေ။

အဲဒီမှာ ဘုန်းနိမ့်တဲ့အကြောင်းကိုရောက်သွားပြန်ရော။

အကျီတန်းအောက်ဝင်ရင် ဘုန်းနိမ့်တယ်။

ညာဘက်လက်ရုံးကို မိန်းမခေါင်းအုံးအိပ်လိုက်ရင်ဘုန်းနိမ့်တယ်။

မိန်းမထမီလို့ ဟာမျိုးအောက်ရောက်ရင် ဘုန်းနိမ့်တယ်လို့ တစ်ယောက်ကတင်ပြလာပါတယ်။

အဲဒီကြတော့ ဘယ်လိုဆိုရင်ဘုန်းနိမ့်တယ်ဆိုတာကိုတစ်ယောက်တစ်ပေါက်ပြောကြတော့တာပေါ့။

အဲဒီအချိန်မှာ တိုးတက်တဲ့အမြင်ရှိသူနဲ့ရုိးရာဓလေ့ထုံးစံတွေကို

လိုက်နာသူကြားမှာအပြန်အလှန်ငြင်းကြတော့တာပါဘဲ။

အဲလိုပြောနေတော့ မှန်တာမမှန်တာအပထား အနိုင်မခံအရှုံးမပေးစိတ်ဓါတ်နဲ့

တစ်ဖက်နဲ့တစ်ဖက် အပြိုင်အဆိုင်အကိုးအကားတွေနဲ့ငြင်းလိုက်ကြတာ

ရေနွေးကြမ်းလဲကုန် အချိန်တွေလဲကုန် ပြောရင်းနဲ့ မာန်တွေပါလာတော့

စားပွဲခုံကို လက်သီးတွေထုထုပြီးပြောကြတော့

လက်ဖက်ရည်ပန်းကန်၊အကြမ်းပန်ကန်ရော ခုန်တွေရော ခုန်ကုန်ပါတယ်။

ကျနော်ကတော့ ရင်တွေခုန်တာပေါ။

ဘာမဟုတ်တာလေးနဲ့ ထိုးကြ ကြိတ်ကြဖြစ်ကုန်မှာစိုးလို့ပေါ့။

အဲဒီအချိန်မှာ ပေါက်တတ်ကရပြောတတ်တဲ့ “သန်းလွင်”က

“ ကဲ မငြင်းကြနဲ့တော့ သူကြားဘူးတာလေးပြောပြမယ်။

ပြီးတော့ မှဒီအကြောင်းကိုဆက်ငြင်းကြဗျာ” ဆိုပြီးပြောပါတယ်။

ဒီကောင်ပေါက်တတ်ကရ ပြောတတ်တာမှန်ပေမယ့် သူပြောလိုက်ရင် ထူးထူးဆန်းဆန်း

ဆိုတော့ အားလုံးက သူပြောမှာကို စိတ်ဝင်တစားနဲ့နားထောင်ချင်ကြပါတယ်။

စိတ်မရှည်တတ်တဲ့စိန်မောင်က “ပြောစရာရှိမြန်မြန်ပြောကွာ”ဆိုပြီး လော တော့မှ

သန်းလွင်က ဒီလိုပြောပြပါတယ်။

 

ကြာတော့ ကြာပြီဗျ။

အရင်ကျနော်တို့ငှားနေတဲ့ရပ်ကွက်လေးကဈေးနဲ့နှီးကျောင်းနဲ့လဲနီးတယ်။

နောက် မြို့ထဲနဲ့သိပ်မဝေးတာရယ် အိမ်လခကလဲသိပ်မများတော့ လခစား

 ရုံးသမားကျောင်းသမားတွေငှားပြီးနေတာများပါတယ်။

လူလတ်တန်းစားတွေနေတဲ့ရပ်ကွက်လို့ပြောရင်လဲရသပေါ့။

အဲဒီအရပ်ထဲမှာ ခြံဝင်းကြီးတစ်ခုထဲမှာ အိမ်တန်းလျားဆောက်ပြီး ငှားတဲ့သူတွေလဲရှိပါတယ်။

အဲဒီခြံကြီးထဲက အိမ်လေးတွေကအိမ်လခဈေးသက်သာတော့ နေတဲ့လူတွေကနည်းနည်းတော့

စုံတယ်ပြောရင်လဲရပါတယ်။

ကျနော်တို့နှစ်ယောက်လက်ထပ်မယ်ဆိုတော့ အိမ်ခွဲနေမယ်ဆိုပြီး                                                                                                                                                                                     ဒီရပ်ကွက်ထဲမှာဘဲ လာငှားနေလိုက်တာပါ။

ကျနော်တို့အိမ်နဲ့ သုံးအိမ်လောက်မှာ ကျနော်တို့လိုဘဲအိမ်ငှားနေတဲ့

လူငယ်လင်မယားရှိသပေါ့။

လူငယ်ချင်းဆိုတော့လဲ မြင်ရင်နုတ်ဆက်ပြုံးပြ ဒီထက်တော့ ပိုမသိပါဘူး။

ကျနော်တို့က အိမ်ရှင်နဲ့ကျနော်တို့  ဟိုဘက်ခန်းဒီဘက်ခန်း။                                                                                                                                                                                                                    တစ်ခြမ်းစီဆိုတော့နည်းနည်းလေးတော့ကျဉ်းပါတယ်။

သူတို့နေတဲ့အိမ်လေးကတော့  အိမ်ရှင်က အိမ်ရှေ့မှာ နှစ်ထပ်နံကပ်တိုက်နဲ့နေပြီး                                                                                                                                                            

 အဲဒီအ်ိမ်ရဲ့နောက်မှာတော့အိမ်ငှားထားဘို့အတွက်အိမ်လေးတစ်လုံးဆောက်ထားပါတယ်။

အိမ်ငှားထားတဲ့အိမ်လေးက ခြေတံရှည်အမြင့်လေးပါ။

အိမ်အရှေ့ဘက်မှာ ၀ရန်တာလေးထုတ်ပေးထားပါတယ်။

သူတို့အိမ်လေးရဲ့ဘေးဘက်မှာ တော့  အိမ်ရှင်ရော သူတို့ပါ အတူသုံးတဲ့ရေလောင်းအိမ်သာဆောက်ထားပါတယ်။

အဲတော့ အိမ်သာသွားမယ်ဆိုရင် သူတို့အိမ်ရဲ့ ၀ရန်တာအောက်ကနေတော့ ဖြတ်သွားရပါတယ်။

အောက်ထပ်မှာအိမ်ရှင်ရဲ့မီးဖိုခန်းနဲ့စတိုခန်းပေါ့။

သူတို့က အိမ်သီးသန့်လိုဖြစ်နေတော့ သူတို့အိမ်လေးကိုကျနော်တို့ကသဘောကျခဲ့ကြတာပေါ့။

 

သူတို့လင်မယားကလဲ မနက်အလုပ်သွား ညမှပြန်ဆိုတော့ ညအိပ်ချိန်လောက်ဘဲနေတဲ့သဘောပါဘဲ။

နှစ်ယောက်စလုံးကလဲ ဘာမှဆူဆူပူပူမရှိ။

ဒါပေမယ့် သူတို့က ဘာသာခြားဖြစ်နေတာရယ် ဘာသိဘာသာနေတတ်တာရယ်ကြောင့်

ပါတ်ဝန်းကျင်နဲ့သိပ်အဆက်အဆံတော့ မရှိကြဘူး။

ဒါပေမယ့်လဲ အိမ်ရှင်နဲ့တော့ မပြေလည်ဘူးဆိုတဲ့အသံမကြားခဲ့ရပါဘူး။

 

တစ်ရက်တော့ သူတို့အိမ်ဘက်က ဆူဆူညံညံကြားလို့ထွက်ကြည့်လိုက်တော့ သူတို့လင်မယားက အိမ်အပေါ်က။

အိမ်ရှင်မိသားစုတွေက အိမ်အောက်ကအော်ဟစ်ပြီး ရန်တွေဖြစ်နေကြတာပါ။

ရပ်ကွက်ထုံးစံအတိုင်း ရန်ဖြစ်တယ်ဆိုတော့ ၀ိုင်းအုံကြည့်ကြတာပေါ့။

မသဲမကွဲကြားနေရတာတော့ “ကျမတို့ က မိုက်ရိုင်းတဲ့အထဲမပါဘူး၊လူများတယ်ဆိုပြီး လာအနိုင်မကျင့်နဲ့ ”လို့

ကောင်မလေးကအော်ပြောနေသံကြားနေရသလို။

“သက်သက်မဲ့အကျင့်ယုတ်ပြီး ငါတို့အိမ်ကယောက်ျားတွေ ဘုန်းနိမ့်အောင်လုပ်တာ”ဆိုပြီး အော်ဟစ်ပြောနေတာကိုတော့

ကြားရပါတယ်။

ကျနော်တို့လဲ ရပ်ကွက်ထဲကသတင်းစုံတဲ့သူကိုခေါ်မေးရတာပေါ့။

မနေ့တုံးက ကောင်မလေးက ရေလဲထမိန်ရယ် သူ့ထမိန်လျှော်ထားတာရယ်ကို ၀ရန်တာမှာလှမ်းသွားပါသတဲ့။

အိမ်ရှင်ရဲ့သားမက်ကအိမ်သာသွားဘို့အသွားမှာ ၀ရန်တာမှာလှန်းထားတဲ့ထမီကိုမြင်တော့                                                                                                                                       

သူတော့ဘုန်းနိမ့်ပါပြီဆိုပြီးဒေါသူပုန်ထပါသတဲ့။

အဲဒီမှာ အဲဒီလူရဲ့မိန်းမက ကောင်မလေးလှန်းထားတဲ့ထမီတွေကိုတုတ်နဲ့ထိုးချပြီး အဲဒီနားက ဗွက်အိုင်ထဲကို ပစ်ချလိုက်ပါသတဲ့။

ကောင်မလေးအလုပ်က ပြန်လာတော့ သူ့ထမီအကောင်းတွေ ဗွက်ထဲရောက်ကုန်တော့ စိတ်တိုပြီးဆဲမိပါသတဲ့။

အဲဒီမှာ အိမ်ရှင်ရဲ့အိမ်ရှင်ရော သူ့ သမီးတွေ ချွေးမတွေကရောဝိုင်းပြီး ကောင်မလေးကိုဆဲကြပါသတဲ့။

အဓိကကတော့ ကောင်မလေးက ၀ရန်တာမှာထမီလှန်းထားတဲ့အောက်က သူတို့အိမ်နေတဲ့ယောက်ျားလေးတွေ

ဖြတ်သွားရတော့ ဘုန်းနိမ့်တယ်။

ဒါတမင်သက်သက်ယုတ်မာတာဆိုပြီးစွတ်စွဲပါသတဲ့။

ကောင်မလေးကလဲ “အခုရက်မုိးဆက်တာရွာတော့ နေပွင့်တဲ့အချိန်လေးမှာ ခြောက်အောင်အိမ်အပြင်ထုတ်လှန်းတာ

တမင်လုပ်တာမဟုတ်ဘူး”ပေါ့။

ဒါပေမယ့် အိမ်ရှင်ဘက်က လူများတော့ တစ်ယောက်တစ်ပေါက်နဲ့ဆိုတော့မပြီးနိုင်မစီးနိုင်ပေါ့၊

တစ်ယောက်နဲ့တစ်ယောက်အပြန်အလှန်ပြောတာကြာလာတော့  အစက ဘေးကနေကြည့်နေတဲ့ပရိသတ်ကလဲ

ပါဝင်ဆွေးနွေးသူအဆင့်ကို တက်လှမ်းလို့လာကြပါသတဲ့။

ကောင်မလေးတွေကို သနားတဲ့လူတွေကတော့

” ဒီလောက်လေးနဲ့အကဲကိုင်တာ ကောင်မလေးက နှစ်ယောက်ထဲဆိုပြီး သက်သက်မဲ့ ဗိုလ်ကျတာပါ”

အိမ်ရှင်နဲ့ပုလဲနံပသင့်သူတွေကလည်း

 “ဒီအိမ်က ယောက်ျားလေးတွေရှိတာသိရက်နဲ့လုပ်တာ ဘုန်းနိမ့်ကုန်တာပေါ့ တမင်မိုက်ရိုင်းတာပါအေ”

ဘက်မလိုက်တဲ့သူတွေကတော့

”ကောင်ကလေးတွေကလဲ လူမြင်ကွင်းမှာ မိန်းမထမီ မလှမ်းသင့်ဘူး၊

အိမ်ရှင်ကလဲမြင်ရင် တက်ဖယ်လိုက်ရင်ရနေတာကို ပျက်စီးအောင်ဗွက်ထဲပစ်ချတာတော့ မလုပ်သင့်ဘူး”

သိပ်မကြာခင်လေးတင်မှာ ဟိုဘက်ရပ်ကွက်မှနေတဲ့ ကောင်မလေးဘက်က လူတွေရောက်လာတော့

ရန်ပွဲအရှိန်က ပိုမြင့်လာပြီး တစ်ဖက်နဲ့တစ်ဖက်ငယ်ကျိုးငယ်နာတွေပါ ဖော်ပြီး အော်ဟစ်ဆဲတဲ့အဆင့်ရောက်လာပါတယ်။

ပွဲကြည့်ပရိသတ်ကလဲ အစကတော့ ဝေဖန်ချက်ထင်မြင်ချက်တွေပေးရုံသက်သက်။

ဘေးကနေ ၀ိုင်းကြည့်နေရုံသက်သက်။

နောက်ကြာလာတော့  အိမ်ရှင်ဘက်နဲ့ အိမ်ငှားဘက် ဂိုဏ်းတွေကွဲပြီး ပွဲကြည့်ပရိသတ်အခြင်းခြင်း

 တစ်ယောက်နဲ့တစ်ယောက်ရန်တွေဖြစ်ကုန်ပါရော။

ခဏနေတော့ ဟိုဘက်အမျိုးဒီဘက်အမျိုး သတင်းကြားနဲ့လိုက်လာပြီး ယောက်ျားတွေပါ  ချမယ်ရိုက်မယ်ဆိုဖြစ်လာပါတယ်။

ပိုဆိုးသွားတာက တစ်ယောက်က ဖွလိုက်တော့ မဆီမဆိုင်တဲ့လူမျုိးရေးတွေပါ ပါလာပြီးရန်ပွဲကကြီးကျယ်သွားပါရော။

အဲတော့မှ  ရပ်ကွက်အုပ်ချုပ်သူတွေရောက်လာပြီးနှစ်ဖက်လုံးကို ရုံးခေါ်သွားရတဲ့အဆင့်ထိရောက်သွားပါသတဲ့။

ရုံးရောက်တော့လဲ နှစ်ဖက်က စကားများလို့မပြီး။

ပွဲကြည့်ပရိသတ်ကလဲ ရုံးအထိလိုက်လာပြီးအားပေး။

အဲဒီရုံးလေးနားမှာ ယာယီမုန့်ဈေးတန်းလေးတောင်ဖြစ်သွားပါသတဲ့။

 

ဒီပြဿနာရဲ့အစက အိမ်ရှင်က အိမ်ငှားတွေကို စာချုပ်မပြည့်ခင်ပြောင်းပေးစေချင်တာက စတာပါတဲ့။

အိမ်စာချုပ်က တစ်နှစ်ကျန်ပါသေးသတဲ့။

အိမ်ရှင်သားအငယ်မင်္ဂလာဆောင်မှာမို့ ဒီအိမ်ကိုပြန်လိုချင်တာပါတဲ့။

ဒါပေမယ့်လဲ အိမ်ငှားကောင်ကလေးတွေကလဲ နှစ်ပြည့်မှဖယ်ပေးနိုင်မယ်ဆိုပြီး အချေအတင်ဖြစ်ကြပါသတဲ့။

စပေါ်နှစ်ဆ ပြန်အမ်းမယ်အိမ်ပြန်လိုချင်တယ်ပြောလဲမရ ဆိုတော့ တစ်ယောက်နဲ့တစ်ယောက်မသင့်မတင့်စဖြစ်ပါသတဲ့။

အဲဒီရက်မှာ မိုးတွေက ဆက်တိုက်ရွာ အ၀တ်တွေက မခြောက်ဆိုတော့ နေလေးပွင့်တဲ့ရက်မှာ ယောကျာ်းဝတ်ရော

သူထမိန်တွေပါ ၀ရန်တာမှာထုတ်လှမ်းလိုက်တာမှာပြဿနာတက်သွားတာပေါ့။

 

 အဲဒီမှာ ရုံးက တာဝန်ရှိတဲ့လူတွေက နှစ်ဖက်စလုံးကို မေးတော့တာပေါ့။

ဒါပေမယ့် အလုအယက်ပြောကြ ၀ိုင်းအုံပြောကြတော့ ဘယ်သူ့စကားနားထောင်ရမှန်းမသိ။

တစ်ဖက်နဲ့တစ်ဖက် အခြေအတင်ပြောကြ ပွဲကြည့်ပရိသတ်ကလဲဝိုင်းအော်နဲ့ဆိုတော့ အုတ်အုတ်ကြွက်ကြွက်။

ရုံးကလူတွေကလဲ သူတို့ဆုံးဖြတ်ရမှာအတော်လေးအကျပ်အတည်းဖြစ်နေပါသတဲ့။

 

အဲတော့ ဒီကိစ္စကိုဖြေရှင်းပေးဘို့ အရပ်ထဲက သမာဓိရှိပြီးအားလုံးလေးစားကြတဲ့” ဗမာပေါင်ချိန် ဦးလှဖေ” ကိုသွားခေါ်လာပါသတဲ့။

သူလဲရောက်လာရော အားလုံးနည်းနည်းတော့ငြိမ်သွားပါတယ်။

အဲတော့ တစ်ယောက်ခြင်းဖြေဆိုပြီး ကောင်မလေးကို အရင်စမေးပါတယ်။

“ကောင်မလေးက တမင်လုပ်တာမဟုတ်ပါဘူး။

မိုးတွေဆက်တိုက်ရွာလို့ နေပွင့်တဲ့ရက်မို့များများလှန်းမိတာပါ။

ထမီလှန်းတာကလဲ အခုမှမဟုတ်ဘူး အရင်ကတည်းကလှန်းတာပါ”လို့ဖြေတော့။

 

“ဒါကြောင့် မို့ အခုရက်သူတို့အိမ်ကယောက်ျားတွေဘာလုပ်လုပ်အဆင်မပြေတာ”ဆိုပြီးအိမ်ရှင်ဘက်က

ဗျောက်ဖောက်သံကြားတော့ ဗမာပေါင်ချိန်က ဟိတ်ဆိုအသံပေးလိုက်မှအားလုံးတိတ်သွားပါသတဲ့။

နောက်အိမ်ရှင်ဘက်ကိုမေးတော့ ပြောချင်တဲ့သူတွေများနေလို့ “တစ်ယောက်ထဲဘဲပြော”ဆိုပြီး

ခပ်မာမာနဲ့ဟောက်လိုက်မှ သူတို့အိမ်က အစွာဆုံးအလတ်မ ကနုပ်ခမ်းတလန်ပန်းတ်လန်နဲ့

ဖြစ်ကြောင်းရယ်ကုန်စင်ပြောပါတော့သတဲ့။

အဆုံးသတ်မှာတော့ ဘာသာခြားကြောင့်ဆိုတာကို ဖိတွယ်သွားပါလေရော။

သူတို့နှစ်ဖက်ပြောတာလဲနားထောင်ပြီးတော့ ဗမာပေါင်ချိန်လဲ စိတ်တော့အိုက်သွားပုံရပါတယ်။

အဲဒါနဲ့ အိတ်ထဲပါတဲ့ကွမ်းယာလေးကို ထုတ်ပြီး မြုံ့ရင်းစဉ်းစားနေပါသတဲ့။

ပရိသတ်ကတော့ ဘယ်လိုဖြေရှင်းမလဲဆိုတာကို အရမ်းကိုသိချင်တော့

အချင်းချင်းတွတ်ထိုး အသံတော့ မထွက်ရဲ အော်ခွဲလို်က်မှာတော့ကြောက်ပါတယ်။

 

ကွမ်းတစ်ယာလောက်လဲကုန်ရော သူ့မျက်နှာက ခပ်ပြုံးပြုံးလေးဖြစ်သွားပါတယ်။

 

ပြီးတော့မှ အရင်ဆုံးကောင်မလေးကို စပြီးဆုံးမပါတယ်။

နောင်လူမြင်ကွင်းမှာ မိန်းမအသုံးအဆောင်တွေကို မလှန်းသင့်ကြောင်း

လူမြင်တင့်တယ်အောင် နေထိုင်သင့်ကြောင်း ပြောတော့ကောင်မလေး နောင်ဆင်ခြင်ပါမယ့်လို့ပြောပါတယ်။

အိမ်ရှင်ဘက်ကိုလဲ နောင်ဒီလိုလှန်းထားတာမြင်ရင်သက်ဆိုင်ရာကိုတိုင်ပြီးဖယ်လိုက်ရင်ရတာကို

ပျက်စီးအောင် မလုပ်ရဘူးလို့ပြောတော့ ပွဲကြည့်ပရိသတ်က အသံတိုးတိုးလေးနဲ့ထောက်ခံကြပါတယ်။

အဲဒီမှာ အိမ်ရှင်ဘက်က အစွာမလေးက

သူ့ထမီဗွက်ပေတာ ပြန်လျှော်ရင်လည်းရတယ် အသစ်ပြန်ဝယ်ရင်လဲဖြစ်တယ်။

သူ့တို့အကိုတွေမောင်တွေ ခဲအိုတွေ ထမီအောက်ဝင်လို့ဘုန်းနိမ့်တာ ဘာနဲ့ပြန်အလျှော်ပေးမှာလဲလို့မေးတော့

ပရိသတ်ထဲက ဟုတ်ပေသားဘဲဆိုပြီးဖြစ်ကုန်ပါလေရော။

အဲဒီမှာ သူတို့ အိမ်အကြောင်းသိနေတဲ့ဗမာပေါင်ချိန်က မေးခွန်းတွေမေးပါတော့တယ်။

“နင်တို့အိမ်က နှစ်ထပ်အိမ်ဆိုတော့ဘယ်လိုနေကြသလဲ”

“ကျမတို့ ညီအမအပျို သုံးယောက်ရယ် အဖေနဲ့ အမေရယ်က  အပေါ်ထပ်မှာနေကြတယ်။

အောက်ထပ်က မောင်လေးနဲ့အကိုက တစ်ခန်း အမတို့လင်မယားက တစ်ခန်းနေတယ်”

လို့ခပ်ဆောင့်ဆောင့်ဖြေပါတယ်။

မဆိုင်တာမေးတယ်ဆိုတဲ့အချိုးနဲ့ပေါ့။

အဲဒီမှာ ဗမာပေါင်ချိန်က

“ဒါဆိုရင် နင်တို့အိမ်ကယောက်ျားတွေဘုန်းနိမ့်တာ ကောင်မလေးထမီလှန်းတာနဲ့ မဆိုင်ဘူး”လို့

ပြောတော့ အိမ်ရှင်ဘက်ကလူတွေက “ဘက်မလိုက်ပါနဲ့”လို့ဝိုင်းပြောကြပါတယ်။

“ကဲဒါဆို နင်တို့က ထမီအောက်ကနေဖြတ်သွားလို့ထမီအောက်ရောက်လို့ ဘုန်းနိမ့်တာကိုလက်ခံတယ်ပေါ့”

လို့မေးတော့ “ဒါအမှန်တရားဘဲလေ”လို့ ၀ိုင်းဖြေကြပါတယ်။

အဲဒီမှာ

“အေး အဲဒါဆိုရင် နင်တို့အိမ်ကလူတွေဘုန်းနိမ့်တာ နုင်တို့ကြောင့်ဘဲဖြစ်ရမယ်။

အိမ်ကျတော့ ပြန်စဥ်းစားလိုက်။

နင်တို့မိန်းမတွေက အပေါ်ထပ်မှာနေတယ်။

နင်တို့အိမ်ကယောက်ျားတွေက နင်တို့အောက်မှာနေတယ်။

အဲတော့ နင်တို့အိမ်က မိန်းမတွေ အ်ိမ်ပေါ်တက်ရင် ထမီမပါဘဲ တက်ကြသလား၊”

လို့လဲမေးလိုက်ရော ဝေါကနဲရီသံကြီးထွက်လာပြီး  ပြဿနာပြီးသွားပါတယ်။

အဲတော့မှ

“မင်းတို့ကွာ ဘာမဟုတ်တာလေးကို ပြဿနာကြီးဖြစ်အောင်လုပ်တယ်။

ဘေးလူတွေကလဲ ကိစ္စလေးတစ်ခုဖြစ်လာရင် သင့်မြတ်အောင်လုပ်ပေးမယ်မရှိဘူး။

ပိုဆိုးသထက်ဆိုးအောင်ဝိုင်းမြှောက်ပေး။

ကာယကံရှင်တွေကလဲ တက်ထောင်မောင်းနင်းနဲ့။

ရှေးရိုးစွဲအယူအဆတွေကို ခေတ်နဲ့ညီအောင်စဉ်းစားပြီးမှလက်ခံကြ။

အေးဒါပေမယ့် ရှေးအယူလက်မခံဘူးကွဆိုပြီး ဖင်ပိတ်ငြင်းဘိုလဲမလိုဘူး။

သင့်တင့်မျှတအောင်စဉ်းစားဘို့တော့လိုမယ်”လို့ပြောပြီးထွက်သွားတော့ မှလူစုကွဲသွားတာပေါ့။

ဒါလေးက ကျနော်ကြုံဘူးတာလေးပါ။

 

သန်းလွင်ပြောအပြီးမှာတော့ ထမီအောက်ဝင်ရင်ဘုန်းနိမ့်တယ် မနိမ့်ဘူးဆိုတဲ့ ပြဿနာလဲ

ကျနော်တို့လက်ဖက်ရည်ဝိုင်းမှာဆက်မဆွေးနွေးတော့ပါဘူး။

ကဲခင်ဗျားတို့ရော ဘယ်လိုထင်သလဲ ပြောကြည့်ပါအုံး………………………………..

 

ကိုပေါက်လက်ဆောင်အတွေးပါးပါးလေး

 

(26-11-2011)

 

 

 

 

“