“မျက်နှာများ၏………….မများ၏”

ဒီနေ့ မနက်ပိုင်းမှာ ကျနော်အကိုကြီးကြက်တော ဆီက ဖုန်းလာပါတယ်။
ညနေအလုပ်ပြန်ရင်သူ့အိမ်ကိုဝင်ခဲ့ဘို့လှမ်းမှာတာပါ။
ဒါနဲ့ဘဲ ညနေအလုပ်ဆင်းတော့ နန်းရှေ့က သူ့အိမ်ကို ၀င်သွားလိုက်ပါတယ်။
ကျနော်ရောက်တော့ ကိုကြက်တော ကအဆင့်သင့်စောင့်နေပါတယ်။
“ပြောအကို ဘာကိစ္စလဲ………”
“မင်းတူတော်မောင်မင်္ဂလာကိစ္စဟ မင်းအမတွေက သဘောမတူတော့ဘူး ပြောနေကြလို့”
“ဖိုးလုံး အရင်တွဲနေတဲ့ကောင်မလေးနဲ့ဘဲမဟုတ်လား ဘာဖြစ်ရပြန်ပြီလဲ”
အဲဒီအချိန် ဘေးနားမှာထိုင်နေတဲ့ “မမရွှေ “က
“အဲဒီကလေးမလေးက မျက်နှာများသတဲ့ ငပေါက်ရေ”လို့
အလိုမကျတဲ့အသံနဲ့ဝင်ပြောပါတယ်။
“သေချာလို့လားအမရ သူတို့တွဲနေတာဖြင့်နှစ်တောင်ပေါက်နေမင့်ဟာ”လို့ကျနော်ကမေးတော့
“သူ့ကောင်မလေးက ယောက်ျားလေးတွေတရုန်းရုန်းနဲ့သွားလာနေတာ သိနေ မြင်နေရတာကြီး”လို့ပြောတော့
“မမရွှေရာ ခုခေတ်ကလေးတွေက ဒီလိုသွားလာနေကြတာဘဲဟာ။
သူငယ်ချင်းတွေဖြစ်မှာပါ”လို့ပြောတော့
“ငါတို့ကတော့ ဒါမျိုးကြိုက်ပေါင်”လို့ မေးလေးငေ့ါပြောပါတယ်။
“မမရွှေအဲဒါကြောင့် အပျိုကြီးဖြစ်နေတာ”လို့ကျနော်က စတော့
“အမလေး………ကိုယ်မလိုချင်လို့ ကိုယ်မယူတာ ။
အဖြစ်မရှိလို့မှတ်မနေနဲ့။
ငါငယ်ငယ်က သာ နန့်နန့်တက်ခဲ့ရင် နင်တို့မြေးတောင်ချီနေရပြီ”လို့ နုပ်ခမ်းတလန်ပန်းတလန်နဲ့ပြန်စွာနေတဲ့
သူ့အမကိုကြည့်ပြီး ကိုကြက်တောက ပြုံးပါတယ်။

ဒီမိသားစုလေးက ကျနော်နဲ့ဆို တ၀မ်းကွဲမောင်နှမတွေပါ။
ကိုကြက်တော့ တို့ မမရွှေတို့ အမေနဲ့ကျနော်အမေက ညီအမအရင်း သူတို့အမေကအကြီး ကျနော့်အမေကအငယ်။
သူတို့နဲ့ကြပြန်တော့လဲ ကျနော်ကအငယ်သူတို့ကအကြီး။
အရင်တုံးကတော့ တစ်ဝင်းထဲ တစ်ဝိုင်းတဲအတူနေခဲ့ကြပေမယ့် အသီးသီးအိမ်ထောင်တွေကျ
တော့ တကွဲတပြားစီ။
ဒါပေမယ့် မောင်နှမအရင်းတွေလို ဆိုးတိုင်ပင်ကောင်းတိုင်ပင်။
“ငပေါက်ရေ ညနေအိမ်လာခဲအုံး”ဆိုရင်သူတို့အိမ်တခုခုဖြစ်တာသေချာပြီ။
ရောက်မှသာ အကောင်းအဆိုးသိရတာပါ။

ကိုကြက်တောက သားတစ်ယောက်ထဲရှိပါတယ်။
သူကလဲအေးအေးဆေးဆေးသမား။
လုပ်ချင်တာလုပ်ဘာမှဝင်မပါဘူး။
မမရွှေကတော့ ရှေးအပျုိုကြီး များထုံးစံအတိုင်းေ နရာတကာပွစိပွစိ။
ကျနော်တို့ခေတ်က အဖိုးအဖွားတွေရဲ့ ဆုံးမပဲ့ပြင်မူ့အောက်မှာနေလာတော့ ပိပိပြားပြား။
အပြင်ကိုလည်းသိပ်မထွက်တော့ အခုခေတ်ကြီးနဲ့လိုက်မမှီပြန်။
ကိုကြက်တော မိန်းမ “မမအေး”နဲ့သူနဲ့ကတော့ အင်မတန်လိုက်ဖက်ညီိတဲ့ သမီးယောင်းမနှစ်ယောက်။
မမရွှေလုပ်သမျှ မအေးက ထောက်ခံသလို မအေးလုပ်သမျှ လည်းမမရွှေက ကောင်းတယ်လို့လက်ခံပါတယ်။
အဲတော့ အိမ်မှတစ်ခုခုဖြစ်ရင် သူတို့နှစ်ယောက်ကတစ်ဖက်ကိုကြက်တောက တစ်ဖက်။
ကိုကြက်တောကလဲ သူပြောလို့မှ မနိုင်ရင် ကျနော့်ကိုလှမ်းခေါ်တတ်ပါတယ်။.

ခဏနေတော့ မမအေးအပြင်ထွက်လာပါတယ်။
ကျနော်တို့စားဘို့ လက်ဖက်သုတ်ပန်းကန်နဲ့ပေါ့။
ကိုကြက်တောက တော့
“ငပေါက် မင်းအမတွေ မင်းသာကြည့်နားချပေတော့ တွဲနေတုံးက ဘာမှမပြောဘဲ
အခုယူခါနီးမှသဘောမတူဘူးလုပ်လို့ရမလားဟ”ဆိုပြီး အပြင်ထွက်ချသွားပါတယ်။
ကျနော့်မှာအမနှစ်ယောက်ကို ခုခေတ်ကလေးများက ကျားရယ်မရယ်သိပ်မခွဲဘဲ
သူငယ်ချင်းပေါင်း ပေါင်းကြတဲ့အကြောင်း ၊
ဆိုင်ကယ်နောက်က ခါးဖက်လိုက်သွားလဲ သမီးရီးစားမဟုတ်တဲ့အကြောင်း၊
ညဉ့်နက်သန်းခေါင် အတူသွားကြလာကြတာ မထူးဆန်းတဲ့အကြောင်း၊
ကောင်မလေးက ကောင်လေးတွေနဲ့အတူတွဲသွားတိုင်းလဲ မျက်နှာများတယ်ပြောလို့မရဘူးပေါ့ဆိုတာတွေကို
ရှည်ရှည်ဝေးဝေးပြောပြတော့မှ မတတ်သာလို့လျှော့လိုက်ရတဲ့ပုံစံမျိုးနဲ့
“ရှပ်ရှပ်ယှက်ယှက်အေ ကိုယ်ကြိုက်ရင်ကိုယ်ယူကြ”ဆူိုပြီးထသွားပါတယ်။
ဒါပေမယ့် မျက်နှာက ခပ်ပြုံးပြုံးဆိုတော့ ပြေလည်ပြီလုိ့ အောင့်မေ့ရပါတယ်.။

လက်ဖက်သုတ်စားရင်းရီ ကြမောကြနဲ့ ရှေးဟောင်းနှောင်းဖြစ်တွေပြောကောင်းနေတုန်း
“ကြီးရွှေ”လို့ခေါ်သံကြားလိုက်တာနဲ့ ကျနော်တို့အားလုံးစကားပြောတာရပ်သွားပါတယ်။
အသံပိုင်ရှင်ကတော့ ကျနော်တို့ရဲ့တူတော်မောင် မောင်ကိုကို ပါ။
အလုပ်မယ်မယ်ရရ မလုပ် အိမ်ကပေးသမျှပိုက်ဆံကိုသုံးချင်ရာသုံး။
မလောက်ရင် အဒေါ်တွေဦးလေးတွေဆီလိုက်တောင်း။
မပေးရင်ဂျီတိုက်ဆိုတော့ သူနဲ့ကျနော်ကီးမကိုက်ပါဘူး။
ကျနော်က သူနဲ့ဆိုခပ်တည်တည် ခပ်တင်းတင်းဘဲနေပါတယ်။
သူက “ဦးပေါက်ရောက်နေတာလား”ကျနော်ကို နုတ်ဆက်ပေမယ့်
“ အေး “လို့တစ်ခွန်းထဲဘဲ ခပ်ပြတ်ပြတ်ပြောလိုက်ပါတယ်။

ခဏနေတော့ သူထပြန်သွားမှဘဲ စိတ်သက်သာရာရပါတယ်။
ပြန်ဆိုသူ့လက်ထဲကို မမအေးက တစ်ထောင်တန်တစ်ရွက်ထည့်ပေးလိုက်တာကိုး။
ကျနော်ထပြန်မယ်လုပ်ခါနီးမှာ ကိုကြက်တောတို့သားဖိုးလုံးရောက်လာပါတယ်။
သူက “လေးပေါက် မပြန်နဲ့အုံး ကော်ပြန့်ကြော်တွေဝယ်လာတယ် အဆာပြေစားပြီးမှပြန်”
လို့ပြောပါတယ်။.
အဲဒါနဲ့ကျနော်လဲ ပြန်ထိုင် စောစောက မူန်မဲနေတဲ့မျက်နှာတွေပျောက်ပြီး
စကြနောက်ကြနဲ့ ပြန်ဖြစ်လာပါတယ်။
စားသောက်ပြီးကျနော်လဲအိမ်ပြန်လာခဲ့ပါတယ်။
အိမ်အပြန်လမ်းမှာတော့ မစဉ်းစားပါဘဲ စိတ်ထဲရောက်လာတာကတော့” မျက်နှာများတယ်”
ဆိုတဲ့စကားလုံးလေးပါဘဲ။
ဟုတ်ပ မျက်နှာများတယ်ဆိုတာကို ကျနော်တို့ တစ်တွေက မကောင်းဘူးလို့သတ်မှတ်ထားသကိုးဗျ။
သေသေချာချာပြန်တွေးကြည့်တော့မှ ကျနော်ကိုယ်တိုင်ကလည်းမျက်နှာများတဲ့လူဖြစ်နေပါကလားလို့
သိလိုက်ရပါတယ်။
စစခြင်းအကိုအမတွေနဲ့တွေ့တော့ ပြုံးပျော်နေတဲ့မျက်နှာပေးနဲ့။
နောက်မနှစ်သက်တဲ့တူတော်မောင်ရောက်လာတော့ ခပ်တည်တည်ဖြစ်သွား။
ဟောချစ်တဲ့ တူကလေးရောက်လာပြန်တော့ တပြုံးပြုံး။
ဒါလဲ မျက်နှာများတာဘဲလို့ပြောရင်ရပြန်ပါတယ်။
ပြန်တွေးရင်းတွေးရင်းကိုယ်လဲမျက်နှာများခဲ့တဲ့အကြောင်းလေးတွေစဉ်းစားမိတော့ ပြုံးမိပြန်ပါတယ်။

ကျနော့်ဘ၀ကို ပြန်တွက်ကြည့်တဲ့အခါ နာမည်နှစ်မျိုးနဲ့နေ့စဉ်ဘ၀တွေကို ဖြတ်သန်းနေတာကိုတွေ့မိပါရဲ့။
ကိုပေါက်ဆိုတဲ့နာမယ်နဲ့ကတစ်ဘ၀ မှတ်ပုံတင်ထဲမှာပါတဲ့နာမယ်နဲ့ကတစ်ဘ၀ပေါ့။
ငယ်စဉ်ကလေးဘ၀မှာအဖွားပေးခဲ့တဲ့ကိုပေါက်ဆိုတဲ့နာမယ်နဲ့ကျင်လည်ခဲ့ပေမယ့် အလည်တန်းကျောင်းသားဘ၀ကတည်းက ဒီနာမယ်ကို မသုံးဘဲဖျောက်လိုက်တော့ ဒီနာမယ်ကိုသိသူအတော်လေးနည်းသွားပါတယ်။
“ပေါက်”ဆိုတဲ့စကားလုံးလေးက ကျနော်တို့လူငယ်ဘ၀မှာ ရူးသွပ်တယ်လို့ သဘောဆောင်တဲ့အတွက်
ဒီနာမယ်ကို ဆက်မသုံးတော့တာပါ။
အဲဒီကျောင်းသားဘ၀ကစလို့ ကျနော်နဲ့ပါတ်သက်သမျှ သူငယ်ချင်းတွေ မိတ်ဆွေတွေ အလုပ်နဲ့ပါတ်သက်တဲ့ သူမှန်သမျှကိုမှတ်ပုံတင်ထဲက နာမယ်နဲ့ ဘဲဆက်သွယ်လာခဲ့လိုက်တာ 2009ခုနှစ်အထိပါဘဲ။
သက္ကရာဇ်2009မှာတော့ကျနော့်ဘ၀အချိုးအပြောင်းတစ်ခုနဲ့ကြုံရပါတယ်။
တစ်ရက် အလုပ်ထဲက ကလေးတွေက အင်တာနက်မှာမြန်မာစာလုံးသုံးပြီးစာရေးလို့ရပြိလို့သတင်းပေးပါတယ်။
နောက် အင်တာနက်မှာ ဘလော့ဂါတွေက မြန်မာစာနဲ့စာရေးနေကြပြီဆိုတာကို သိလိုက်ရချိန်မှာ ငယ်ငယ်ကတည်းက ကိန်းအောင်းနေတဲ့ “ရေးချင်ပိုး”လေးက ထလာပြန်ပါတယ်။
အဲဒီမှာ အင်တာနက်သုံးတတ်အောင်သင် ပိုစ်တွေတင်လို့ ဘလော့ဂါဖြစ်လာတော့သုံးတဲ့နာမည်က
ကိုပေါက်(မန္တလေး)။
စာတွေရေး ချက်တင်တွေထိုင်တော့ လေလှိူင်းထဲကမိတ်ဆွေတွေတစ်စထက် တစ်တိုးပွားလာပါတယ်။
ကျနော်ဂျီတော့ထဲမှာလာပြိး အက်တဲ့သူဆိုရင်တကယ့်ကိုလေးလေးစားစား ဆက်ဆံပါတယ်။
ကိုယ့်စာဖတ်သူဆိုပြီးတော့ပေါ့။
တစ်ခါကတော့ လူတစ်ယောက်က အက်လာလို့ တကယ့်ကိုယဉ်ကျေးလိမ္မာလုပ်မိပါတယ်။
ပြောပြီးမှ “ဖွတ်ကောင်က လိမ္မာနေလိုက်တာ ငါများဘယ်သူမှတ်နေလဲ ကျီးကန်း ကွ။
မဖားနဲ့ ပုံမှန်ဆက်ဆံ” လို့ပြောမှ ကိုယ်နဲ့ပြောတဲ့သူက ငယ်သူငယ်ချင်းဆဲမနာ ဆိုမနာ
အကောင်ဖြစ်နေတာကို သိရပြန်ပါတယ်။
ဒါပေမယ့် ကိုပေါက် လို့ခေါ်တဲ့သူအားလုံးကို လေးစားစွာဆက်ဆံပါတယ်။
ဒီနာမယ်ခေါ်သူအားလုံးက ကိုယ်မမြင်မသိဘူးသူ တွေဖြစ်နေတတ်ပြီး လေထဲက မိတ်ဆွေတွေအများစုရှိနေလို့ပါဘဲ။
နောက်တစ်ချက်က ဒီ နာမယ်နဲ့ဆက်ဆံသူအားလုံးက ကျနော်နဲ့ ၀ါသနာတူ စာပေကို ချစ်မြတ်နိုးသူ
တွေ ဖြစ်နေလို့ပါ။
ထပ်ပြောရင် ဒီလူတွေက ကျနော်နဲ့ အပေးအယူ တွေမျော်လင့်ချက်တွေမရှိဘဲဆက်ဆံကြတဲ့
မိတ်ဆွေတွေဖြစ်နေလို့ပါဘဲ။
အဲတော့ ကိုပေါက်လို့ခေါ်သူမှန်သမျှလူတွေအားလုံးကို စီးပွားရေးကြောင့်ဆက်ဆံနေသူတွေနဲ့
မတူတဲ့ လေးစားခြင်းနဲ့ခင်မင်ခြင်းနဲ့ဆက်ဆံပါတယ်။

ကျနော့်နေ့စဉ်ဖြတ်သန်းမူ့ကဈေးသည်ဘ၀ပါဘဲ။
နိုင်ငံခြားက လူတွေ ဘယ်လိုရောင်းကြ၀ယ်ကြတယ်ဆိုတာကို တော့ မသိတတ်ပါဘူး။
ကျနော်တို့ရွှေမန္တလေးမှာတော့ မြန်မာပြည်ထုံးစံအတိုင်းအကြွေးရောင်းရတာပါဘဲ။
အကြွေးရောင်းရတယ်ဆိုတော့ ဖောက်သည်အဆင့်တွေကွဲကုန်တာပါဘဲ။
တစ်ချို့ကငွေမြန်တယ် သူမှာတဲ့ ပစ္စည်းမပို့ခင်ကတည်းက ငွေလွှဲပေးတယ်
(အလွန်ရှားသောအမျိုးအစားလူနည်းစု)
တစ်ချို့ကတော့ မဆိုးဘူး ပစ္စည်းရောက်တာနဲ့ငွေလွှဲပေးတယ်။
အချို့ကတော့ တစ်ပါတ် အချို့ကတစ်လ အချို့ကနှစ်လ
အချို့ကအဟောင်းပေးအသစ်ယူ။
(အဲလိုလူမျိုးက ပစ္စည်းမကုန်မချင်းပိုက်ဆံမရတော့ သုံးလေးလ)
အချို့ကတော့ မတောင်းမခြင်းမပေး ၊
တစ်ချို့ကတော့ တောင်းတာတောင်မပေး ဆိုတော့ လူအမျိုးမျိုးနဲ့ဆုံရတာပါ။
အဲတော့ငွေလိုချင်လို့ပစ္စည်းရောင်းတဲ့ကျန်ာမှာလည်း လူတစ်ယောက်ချင်းစီအပေါ်မှာလိုက်ပြီး အနေအထားအမျိုးမျုိး လေသံအမျိုးမျိုး မျက်နှာထားအမျိုးမျုိးနဲ့ဆက်ဆံရတော့တာပါဘဲ။
&&&&&&&&&&&&&&&&&&&&&&&&&&&&&&&&&&&&&&&&&&
“ကျနော်မှာထားတာ မရောက်သေးလို့လှမ်းဆက်တာ”
“ ခင်ဗျားအရင်ပေးစရာတစ်စောင်ကျန်သေးတာပေးပြီးမှာရမှာ “
“ ဟာ……အဲဒါက လေးသောင်းကျော်ကျော်လေး လေဗျာ “
“ ဒါပေမယ့် နှစ်လတောင်ရှိပြီလေဗျာ ငွေအမောင့်များတာ ကိစ္စမရှိဘူးဗျာ ၊
ရက်ကြာတော့ ကျနော်လဲငွေမလည်ဘူးလေ “
“ ဒါဆိုလဲ နက်ဖြန်လွှဲပေးလိုက်မယ်ဗျာ “
“ ရပါတယ် ကျေးဇူးပါ ငွေလွှဲရောက်တာနဲ့ ချက်ခြင်းပို့ပေးလိုက်မယ် နောက်သာ အဲလောက်ကြာအောင်မထားပါနဲ့ နော် “

&&&&&&&&&&&&&&&&&&&&&&&&&&&&&&&&&&&&&&&&
“ အကျိရေ …………မ၀ယ်တာကြာပြီနော် ။
ရောင်းမကောင်းတာတော့ မဖြစ်နိုင်ဘူး ဘယ်သူဆီဝယ်နေလဲမှ မသိတာ “
“ …………………………………………………………….. “
“ ကျနော်က အမတို့ကို အားကိုးပြီးရောင်းနေရတာနော် သူများနဲ့ဈေးကွာနေရင်ပြောပါ ညှိပေးပါမယ် “
“………………………………….. “
“စိတ်မဆိုးပါနဲ့ အမရယ် လူသစ်တွေက အကျိ မှန်းမသိလို့ အဲလိုပြောလိုက်တာနေမှာပါ
ကျနော်တောင်းပန်ပါတယ် “
“ …………………………………..“
“ ရတယ် နောက်ကျနော်ဖုန်းသာတိုက်ရိုက်ဆက်လိုက် အဆင်ပြေစေရမယ်“

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
“ ကိုသော့ ပြီးခဲ့တဲ့လက ကျန်တာလေး လွှဲလိုက်ပြီလား “
“ ………………………………. “
“ ပစ္စည်းရောက်ရင်လွှဲပေးမယ်ပြောလို့ ပို့လိုက်တာ အခုတစ်လတောင်ကျော်နေပြီ “
“ …………………………….. “
“ခင်ဗျားပြောလိုက်ရင်ဒါမျိုးချည်းဘဲဗျာ”
“…………………………………. “
“ခင်ဗျားကသာဆောရီးလုပ်နေ ဘောစိက ကျုပ်ကိုနေ့တိုင်းထုနေတာ “
“…………………………………………………………. “
“တော်ပြီ နောက်ဆို ငွေရောက်မှ ခင်ဗျားမှာတာပို့တော့မယ် “
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
“မင်း မောင်ထူးမှာတာတွေထပ်ပို့လိုက်တယ်ဆို “
“ ဟုတ်ဆရာ………….“
“ငွေက ဘယ်လိုပေးမှာတဲ့လဲ “
“ သူက ဘဏ်ဖွင့်ရက်လွှဲမယ်ပြောတယ် အာစရိ “
“မင်းရူးနေလားသူက ပစ္စည်းမှာရင် သောကြာနေ့ညနေမှ ဘဏ်ပိတ်ချိန်မှ မှာတာ။
ပိုက်ဆံတောင်းရင် ဘဏ်ဖွင့်တဲ့နေ့လွှဲမယ်ပြောတာထုံးစံလေ နောက်ဘယ်တော့မှလွှဲတာလဲမဟုတ်ဘူး “
“ ဒီတစ်ခါသေချာလွှဲမယ်ပြောပါတယ်“
“ မင်းအဲလောက် ‘အ’လားကွာ သူက ယူပြီးတာနဲ့ သူပေးချင်တဲ့အချိန်မှပေးတဲ့လူကို မင်းမို့ယုံတယ် “
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
“ ………………………………..“
“ ရတယ် အကိုလိုချင်တာသာ ပြောလိုက်ပါ ဒီက ပို့ပေးလိုက်ပါမယ် “
“ …………………………………………“
“ စီးပွားဖက်တွေဘဲအကိုရာ ငွေအကြောင်းထည့်ပြောမနေနဲ့ အကိုက ထွက်ပြေးမယ့်သူမှ မဟုတ်တာ “
“……………………………………………… “
“ စိတ်ချ နက်ဖြန်မနက်စောစော ကားဂိတ်ရောက်အောင်ပို့ပေးလိုက်မယ် ကျေးဇူးပါအကိုရေ “

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
“……………………………. “
“ ငါ့ကောင်ရ ခဏခဏခွင့်ယူလို့ မရဘူးလေကွာ “
“ ………………………………….“
“ငါကအလုပ်နဲ့လူကွက်တိထားတာဟလူများနေရင် မင်းတို့ ၀င်ငွေနည်းမှာစိုးလို့ “
“ ……………………………………… “
“ ဟ သူငယ်ချင်းမင်္ဂလာဆောင်တာ မနက်ပိုင်းကူလိုက်လေကွာ တစ်နေကုန်ဆိုတော့ ငါက ဒီမှာခက်ပြီပေါ့ “
“ ……………………………. “
“ ရတယ် မင်းတို့က ငါ့ကိုခွင့်တောင်းတာမဟုတ်ဘူး အသိပေးတာ ကြိုက်သလိုသာလုပ်ကြ“

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
“ ………………………………. “
“ ရပါတယ်အမ ရေ ကျနော်ခွင့်တင်ပေးထားလိုက်ပါမယ် “
“ ………………………………………………. “
“ အားမနာပါနဲ့ နေကောင်းမှာသာ အလုပ်ဆင်းခိုင်းလိုက်ပါ “
“ …………………………………. “
“ ဒီလောက်လေးနဲ့ ကျေးဇူးတင်စရာမလိုပါဘူး အမရယ် လူရင်းတွေဘဲဥစ္စာ “
“………………………………………….. “

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
“……………………………..”
“မင်းလစာကြိုထုတ်ရအောင် ဒီနေ့မှာ ဆယ်ရက်ဘဲရှီသေးတယ်”
“……………………………..”
“ဟ မင်းတို့က လစာကြိုထုတ်လို့ရတယ်ဆိုပြီး စွတ်သုံးတော့ ဘယ်လောက်မလဲဟ”
“……………………………..”
“ရတယ် ဒီတစ်ခါတော့ ထုတ်ပေးလိုက်မယ် နောက်ဆို လ၀က်ကျော်မှကြိုသုံးထုတ်ပေးမယ်.တစ် နှစ် သုံးလေးလဲ လျှော့လုပ်အုံး”
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&

“……………………………..”
“ဟ ငါ့ကောင်ရ မင်းတကယ်ထွက်မှာလား”
“……………………………..”
“ငါကမင်းတို့ကောင်တွေကို ခေါင်တည်ပြီးခရီးထွက်ဘို့စီစဉ်ထားတာလေ”
“……………………………..”
“အေးပြောမရလဲ ဘယ်တတ်နိုင်မလဲ ထွက်ပေ့ါကွာ၊
အေးထွက်ပြီးရင်တော့ ငါ့ဆီဘယ်တော့မှပြန်မလာခဲ့နဲ့”
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
“……………………………..”
“အကိုတို့လုပ်ပေးရင်ဖြစ်ပါတယ်ဗျာ”
“……………………………..”
“အားမနာပါနဲ့လိုတာပြုတာပြောလိုက် ကျနော်တို့ဘက်က ဖြစ်အောင်လုပ်ပေးပါမယ်”
“……………………………..”
“အပေးအယူသဘောလို့တော့သဘောမထားပါနဲ့ ကျနော်တို့က ဂါရ၀ပြု တဲ့ သဘောသက်သက်ပါ”
“……………………………..”
“အခုလိုစောင့်ရှောက်ပေးတာ ကျေးဇူးပါအကိုရာ.”

&&&&&&&&&&&&&&&&&&&&&&&&&&&&&&&&&&&&&&&&&&
“……………………………..”
“ခင်ဗျားတို့ဆရာနဲ့ကျနော်ပြောပြီးသားဗျ”
“……………………………..”
“အဖွဲ့ချင်းမတူဘူး ဟုတ်လား”
“……………………………..”
“ဒီလိုသာတစ်ယောက်ခြင်းလိုက်ပေးနေရရင် ငါတို့ကသေရောပေါ့ကွာ”
“……………………………..”
“တော်ပြီ မင်းကြိုက်တာသာလုပ်ပေတော့ ငါကတော့ ထပ်မပေးနိုင်ဘူး
“……………………………..”
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&

“……………………………..”
“ငါ့လဲလခစားလေကွာ သူများကိုချေးဘို့ပိုက်ဆံအပိုမရှိဘူးဟ”
“……………………………..”
“တကယ်မရှိလို့ပြောတာ ဟ”
“……………………………..”
“မင်းစိတ်ဆိုးလဲဆိုးတော့ ငါတကယ်မရှိလို့ပြောတာ”
&&&&&&&&&&&&&&&&&&&&&&&&&&&&&&&&&&&&&&&&&
“……………………………..”
“ရပါတယ်ဗျာ အချင်းချင်းတွေဘဲ.”
“……………………………..”
“အားမနာပါနဲ့ လိုတယ်ဆိုဖုန်းဆက်လိုက် .”
“……………………………..”
“လာပို့ခိုင်းလိုက်ပါမယ်”
“……………………………..”
&&&&&&&&&&&&&&&&&&&&&&&&&&&&&&&&&&&&&&&&&&&&&&&
“……………………………..”
“ဟုတ်ကဲ့ခင်ဗျ.”
“……………………………..”
“ကလေးတွေက မသိလို့ပြောလိုက်တာနေမှာပါ”
“……………………………..”
“စိတ်ချပါ နောင်ဒီလိုမဖြစ်စေရပါဘူး”
“……………………………..”
“တောင်းပန်ပါတယ်ခင်ဗျာ.”
**************************************************************

ဒါကတော့ မှတ်ပုံတင်ထဲက နာမယ်နဲ့ကျနော်နေ့စဉ်လှူပ်ယှားနေရတဲ့ဘ၀ပါဘဲ။
လူအမျုိးမျုိးကို မျက်နှာပေးအမျိုးမျုိး လေသံအမျိုးမျိုးနဲ့ဆက်ဆံနေရတဲ့ဘ၀ပါဘဲ။
လက်တောင်အတိုအရှည်မညီတော့ အနေအထားအလိုက်ဆက်ဆံရတာပါဘဲ။
ဒါလည်းမျက်နှာများခြင်းတစ်မျို့လို့ ဆိုနိုင်ပါတယ်။
ဒါကြောင့်
မျက်နှာများသင့် မများသင့်ဆိုတာကတော့………………………….
……………………………………………….

ကိုပေါက်လက်ဆောင်အတွေးပါးပါးလေး
(27-5-2012)
(ဒီအတွေးလေးကိုချပေးတဲ့ မန်းလေးဂေဇက်ရွာသူ မမ ကို အထူးကျေးဇူးတင်ပါတယ်ခင်ဗျာ)