“ဒီရင်ခွင်လေးမှာ ခိုလှုံဘူးသူတိုင်း ဒီနေရာလေးရောက်ခဲ့ရင် ဘယ်လိုခံစားရမယ်ဆိုတာကို ”

မန်းလေးတက္ကသိုလ်ဘက်ထဲမှာ ငုဝါပင်ရှိမလားလို့ အလုပ်အားတဲ့တစ်ရက်မှာသွားရှာလိုက်ပါတယ်။

ဝင်ဝင်ချင်း အရင် ရုက္ခဗေဒ ဌာန နားမှာ တစ်ပင်တွေ့လိုက်ပါတယ်။

အဲဒါနဲ့ သံဇကာနဲ့ပိတ်ထားတဲ့အထဲကို ခပ်တည်တည်နဲ့ဝင်သွားလိုက်တော့ အဲဒီနားမှာခုံတွေနဲ့

ထိုင်နေသူတွေက ဘယ်လဲလို့မေးပါတယ်။

ဓါတ်ပုံခဏရိုက်မယ်လို့ပြောရင်း ဆက်ဝင်သွားလိုက်ပါတယ်။

အထဲရောက်တော့စိတ်ပြောင်းသွားပါတယ်။

မိန်းအဆောက်အဦးကြီးကိုလဲမြင်မိရော ကျောင်းအတူတက်ခဲ့တဲ့ရက်များက သူငယ်ချင်းတွေကို

သတိရမိပါတယ်။

မိန်းလှေခါးထစ်များမှာထိုင်။

လာသမျှကောင်မလေးတွေကို မထိတထိစ။

အချင်းချင်းလဲတစ်ယောက်နဲ့တစ်ယောက်စ။

လှတယ်ဆိုရင်ငေးကြည့်၊

သူငယ်ချင်းများနဲ့ပေါက်ကတွေပြောပြီးရီကြ။

ညနေခင်းများမှာ မတောက်တစ်ခေါက် ဂစ်တာတီးတာကို အားလုံးက ကီးကြောင်တွေနဲ့

ဝိုင်းဆိုကြ။

အဲဒီတုံးက မန်းလေးတက္ကသိုလ်မြေမှာဘိုထီး သီချင်းများ ခေတ်စားခဲ့။

ညညဆိုရင် ရွှေမန်း သစ္စာအနားမှာ သွားလို့ အခမဲ့ဖျော်ဖြေရေးတွေလုပ်ကြ။

မမေ့နိုင်စရာရက်များပါဘဲ.။

မိန်းရှေ့ကနေထွက်လာပြီး တမာလမ်းလေးအတိုင်း  အရှေ့ဘက်ကိုထွက်လာခဲ့။

ရွှေမန်းဆောင်အရှေ့အဖြတ် နောက်ဆုံးနှစ်အရောက် ဒီအဆောင်အနောက်ဘက်ဒေါင့်မှာ

ဖွင့်ထားတဲ့ကင်းတင်းမှာထိုင်ပြီးမုန့်အတူစားခဲ့ကြတာကို ဖျပ်ကနဲ့သတိရမိ။

ရွှေမန်းဆောင်အရှေ့ဘက်မှာရှိတဲ့ တင်းနစ်စ်ကွင်းကိုမြင်တော့ အရင်က ဒီကွင်းမှာ

အမြဲကစားလေ့ရှိတဲ့သူငယ်ချင်းလေးကိုအမှတ်ရ။

အခုတော့ ဒီတင်းနစ်ကွင်းလေးက ခြုံနွယ်ပိတ်ပေါင်းတွေနဲ့ ဖုံးလွှမ်းပျက်စီးနေတာကိုမြင်ရ။

ရွှေမန်းဆောင်အရှေ့ဘက်ကလမ်းလေးအတိုင်းလာရင်း ဘတ်စကက်ဘောကွင်းနားအရောက်

တိုင်းနဲ့ပြည်နယ်လက်ရွေးစဉ်တွေတောင်ထွက်အောင်စွမ်းဆောင်ခဲ့တဲ့ ကွင်းကြီးက အခုတော့

အထီးကျန်တစ်ကိုယ်ရေ။

သူ့ရှေ့နားက တမာပင်တန်းကိုမြင်တော့ အပြန်အလှန်စွပ်စွဲချက်တွေနဲ့လမ်းခွဲစကားဆိုနေကြတဲ့

ချစ်သူနှစ်ဦးရဲ့ ဇာတ်သိမ်းခန်းမှာ တမာပင်ရိပ်အောက်မှာ စိတ်မသက်မသာနဲ့ နားထောင်ရင်း

ရပ်စောင့်ခဲ့ရတာကိုသတိရ။

အခုတော့ တစ်ယောက်က အပျိုကြီးဆရာမကြီးဖြစ်လို့ နောက်တစ်ယောက်ကတော့ဘယ်ဆီနေမှန်းမသိ။

ရတနာပုံအဆောင်နားအရောက်သူ့မြောက်ဘက်မှာတော့ အရင်က ကင်းတင်းလေးတစ်ခုရှိခဲ့။

အဲဒီအထဲကမှ ကျနော်တို့အဖွဲ့ထိုင်နေကျ ဒေါ်သန်းအကြော်ဆိုင်ကိုသတိရမိ။

အနေတော်လောက်ကြော်ထားတဲ့ဘူးသီးကြော် မန်းကျည်းအချဉ်ရည်ကောင်းကောင်း

ကောက်ညှင်းပေါင်းပူနွေးနွေး  ခြံထွက်နွားနို့စစ်စစ် ခပ်ပျစ်ပျစ်ကို ပြန်လည်တမ်းတ။

အခုတော့ဒီနေရာလေးမှာ အဆောက်အဦးတွေနဲ့ဖြစ်။

ဒေါ်သန်းလဲဘယ်ဆီကိုရောက်တယ်မသိနိုင်တော့။

သစ္စာဆောင်ရှေ့ရောက်တော့ ကျောင်းသားဘ၀က စာမေးပွဲဖြေရ စာသင်ခဲ့ရတဲ့ ကပ်တဲတွေကို သတိရမိ။

အရင်က ဘာသာပေါင်းစုံက တက္ကသိုလ် ကျောင်းသူကျောင်းသားများနဲ့စည်ကားခဲ့တဲ့  စာသင်ခန်းများက အုတ်တိုက်အဖြစ်ပြောင်းသွားပေမယ့် အသုံးပြုခြင်းမရှိတာကို တွေ့ရ။

အရင်က ဥဒဟို ၀င်ထွက်သွားလာခဲ့တဲ့ အင်းဝအဆောင်များ  ဦးရာဇတ်စာကြည့်တိုက် အပန်းဖြေရိပ်သာ

ရူပဗေဒ လက်တွေ့ခန်း သင်္ချာစာသင်ခန်း မိန်းအပေါ်ထပ်မှ ဓါတုဗေဒခန်းမ အားလုံးအမှတ်ရစရာ။

အင်မတန်မာနကြီးသောအလှမယ်ကို ခပ်နောက်နောက်ကောင်လေးတစ်ယောက်က

အင်းဝနဲ့ ဦးရာဇတ်ခန်းမကြားကလမ်းကလေးဘေးမှာပေါက်နေတဲ့ အပင်က ပန်းကိုခူးပြီး

လိုက်ပေးလို့ ပြဿနာတက်ခဲ့တာကို ပြန်အမှတ်ရမိ။

အခုတော့ ဒါတွေကလွမ်းစရာတွေဖြစ်။

အပျော်တွေကို ဖြစ်တည်စေခဲ့သော စာသင်ခန်းမရဲ့ ကော်ရစ်ဒါများ၊

အထက်တန်းကျောင်းသားဘ၀မှ တက္ကသိုလ်အကူး  လွယ်အိတ်လွယ်စရာမလို

ပုံနှိပ်စာအုပ်ဆောင်စရာမလို ရှေ့က ဆရာသင်ပေးတာကို ကိုယ့်နည်းကိုယ့်ဟန်နဲ့မှတ်ရတဲ့

အနေအထားက ဘ၀င်ခပ်ပါးပါးလေးမြင့်စရာ။

ဆရာတွေသင်ကြားပေးတဲ့ ဗဟုသုတအကြောင်းတွေ တိုးတိုးတိတ်တိတ်မထိတထိနဲ့

အငုံ့စိတ်ကိုနုိးဆွပေးခဲ့သော စာသင်ခန်းမများ။

အခုတော့ ၀င်ခွင့်မရှိ။

သံတိုင်များနဲ့ ပိတ်နှောင်ထား၊

မြန်မာ့ ပြည် သမိုင်းမှာ ဂန္ထ၀င်အမွေအနှစ် ဖြစ်တဲ့ မန်းလေးတက္ကသိုလ်မြေရဲ့

လွန်လေပြီးသောကာလများက လွမ်းဆွတ်စရာ။

စာသင်ခန်းမများ ပိတ်။

ကျောင်းကြီးကတိတ်ဆိတ်။

ပညာသင်ခွင့်တွေပိတ်၊

စိတ်တံခါးများပိတ်။

အနုပညာခန်းမက သံစဉ်များပျောက်ဆုံး။

ယဉ်ကျေးမူ့တွေဆိတ်သုဉ်း။

စာကြည့်တိုက်ထဲကစာအုပ်များ ဖုံတက်။

အတွေးအခေါ်များလဲ မိူတက်။

တိတ်ဆိတ်သည်ထက်တိတ်ဆိတ်၊

ခန့်ညားထည်ဝါသော တက္ကသိုလ်ရဲ့ အနှစ်သာရများပျောက်ချင်းမလှပျောက်ဆုံးခဲ့။

မိန်းတောင်ဘက်လှေခါးထစ်များမှာစင်ထိုးလို့ နှစ်စဉ်ကျင်းပမြဲ ဂီတပဒေသာကပွဲကိုသတိရခဲ့။

ဒီနေရာလေးက ဘဲ “မောတော့ မောတာပေါ့ ဒါပေမယ့် မမောဘူး”ဆိုတဲ့ သီချင်းလေးပျံ့လွင့်ခဲ့

“ဂစ်တာခေါက်ပြီး သီချင်းဆိုတော့  အာခေါင်ခြောက်ပြီး ကွဲအက်နေ”လို့ ဆိုတဲ့                                                                 နွေနံနက်ခင်း သီချင်းကို နားဆင်ဘို့

ညသန်းခေါင်ယံအထိရပ်စောင့်ခဲ့ရတာတွေကအိပ်မက်ပမာ။

တက္ကသိုလ်ညခင်းများမှ မြန်မာပြည်အနှံ့အပြား ကျော်ကြားလာမယ့် ဂီတသမား အသစ်များပေါ်ထွက်ခဲ့။

နံရံကပ်စာစောင်များမှတစ်ဆင့် လူငယ်စာရေးဆရာများပေါ်ထွက်ခဲ့။

ဒါတွေကတော့ အခုချိန်ပြောရင်ယုံတမ်းစကားလိုလို။

ကိုယ်ထင်ရာစိုင်းလို့ရခဲ့တဲပ ဦးအုန်းမဲလက်ဖက်ရည်ဆိုင် လေးလဲပျောက်ဆုံး။

ဒီလိုနဲ့ဘဲသတိရခြင်းများစွာနဲ့ ပြန်ခဲ့ရပါတယ်၊။

ဒီရင်ခွင်လေးမှာ ခိုလှုံဘူးသူတိုင်း ဒီနေရာလေးရောက်ခဲ့ရင်

ဘယ်လိုခံစားရမယ်ဆိုတာကို တော့ အသိချင်သားဗျာ။

ကိုပေါက်လက်ဆောင်အတွေးပါးပါးလေး။

20-4-2013