တစ်ရက်ကျနော်တို့ လက်ဖက်ရည်ဆိုင် ထိုင်နေကြတုန်း “ကိုဆွေ” က အခုရက်အတွင်း သူ့လုပ်ငန်းခွင်ထဲမှာ အဆင်မပြေတာ ၊သူ့အထက်က လူက သူကိုမကြာခဏခေါ် ခေါ်ပြီးဆူတာ အကျပ်ခံရတာတွေကို စိတ်ပျက်လက်ပျက်နဲ့ ပြောပြနေပါတယ်။သူတို့ရောင်းတဲ့ကုန်ပစ္စည်းကလည်း အခုလိုကျောင်းဖွင့်ရက်ဆို  ရောင်းမကောင်း တတ်ပါဘူး၊ရောင်းမကောင်းတော့ဝင်ငွေနည်းဝင်ငွေနည်းတော့ ဘောစိက မန်နေဂျာကိုခေါ်မေး                                                                            မန်နေဂျာက ကိုဆွေတို့လိုတာဝန်ခံခေါ်ကျပ် ၊ကိုဆွေကတစ်ခါ စူပါဗိုက်ဇာကိုခေါ်ပြီး အမိန့်တွေပေး၊                                                                                                                            

စူပါဗိုက်ဇာက တစ်ခါအရောင်းကောင်လေးတွေကို ခေါ်ပြီးထပ်ကျပ် မုန့်လုံးစက္ကူကပ် ဇာတ်လမ်းပေါ့ဗျာ။

“ကိုဆွေ” က သူအကျပ်ခံရတာကို အားရပါးရ ငိုပြနေတုန်းမှာ “ဦးမင်း”က “မင်းအခုလို အပြစ်တင်ခံရတာ အဆဲခံရတာ ကံကောင်းတယ်မှတ် “လို့လည်းဝင်ပြောရော “ကိုဆွေ”တစ်ယောက်တော်တော်လေးခီးသွားပါတယ်။

” အပြစ်တင်ခံရတာ ကို ကောင်းတယ်ပြောတာ သည်တစ်ခါကြားဘူးသေးတယ်”လို့စိတ်တိုတဲ့လေသံနဲ့ပြောပါတယ်။

အဲဒီအခါကျမှ “ဦးမင်း” က “ကိုဆွေ”ကို                                                                                                                                                                                                                    ”  ဟုတ်တယ်ကိုဆွေရ လူမှန်ရင် ချီးမွမ်းတာကိုလဲ ခံရမယ် အပြစ်တင်တာကိုလဲ ခံရမယ် အမြဲတမ်းအပြစ်တင်ခံနေရတဲ့သူကတော့စိတ်ဓါတ်တွေကျလာမယ် အေး သူက ကိုယ်မှားတာကို ပြင်နိုင်ဘို့ အသိတရားလေး ၀င်သွားတော့တော်သေးတယ်အမြဲတမ်း ကောင်းတာလေးတွေကိုဘဲ ရွေးအပြောခံနေရတဲ့သူတွေက တော့ သူ့ကိုယ်သူ ရူးမှန်းမသိ ရူးသွားတတ်တယ်ကွ “လို့ပြောချလိုက်ပါတယ်။

စကားဝိုင်းက နည်းနည်းလေးတော့တင်းသွားပါတယ်။

ဒါပေမဲ့” ဦးမင်း”ကဆက်ပြောပါတယ်။

”  မင်းတို့စဉ်းစားကြည့်ကွာ လူတစ်ယောက်က ကိုယ့်ကောင်းတာ ညံ့တာ တော်တာ လျှော်တာတွေကို အမှန်အတိုင်းသိနေ ကြားနေရတယ်ဆိုရင် သူ့မှာအချိန်မီ ပြင်ဆင်ဘို့အခွင့်အရေးရတယ်လေ မကောင်းတာကိုဖုံးဖိပြီး ကောင်းတာလေးတွေကို ဘဲ သူ့အကြိုက်လိုက်ပြောတာကိုဘဲခံနေရတဲ့လူတစ်ယောက် အဘို့ကတော့သူလုပ်သမျှမှန်တယ်ကောင်းတယ် ပြင်စရာမလိုဘူး ဆိုတဲ့စိတ်တွေဝင်လာ ပြီး မှားလို့မှ မှားမှန်းမသိဖြစ်ကုန်တော့ နောက်ဆုံးအချိန်လဲရောက်ရော အကုန်လွန်ကုန်ပြီလေ     လုံးဝအဖတ်ဆယ်လို့ကိုမရအောင် ရူးနေပြီ “လို့အရှည်ကြီးပြောပါတယ်။

သူကဆက်လိုက်ပါသေးတယ် ” အေး မင်းတို့ကို အပြစ်တင်တဲ့လူကို ကျေးဇူးတင် ငါ့ကိုမရူးအောင်လုပ်ပေးနေတဲ့ကျေးဇူးရှင်ဆိုပြီးတော့၊အေးငါပြောတာမယုံရင်ကိုယ့်ဘေးနားကလူတွေဖြစ်ပျက်သွားတာကိုပြန်စဉ်းစားကြည့်လိုက် “လိုပြောပြီးထပြန်သွားပါတယ်။

ကျနော်လက်ဖက်ရည်ဆိုင်က နေ အချိန်တန်လို့အိမ်ကိုပြန်သာလာပါတယ် ဦးမင်းပြောလိုက်တာတွေကိုခေါင်းထဲကဖယ်ထုတ်လို့မရပါဘူး။                                                     အိမ်ရောက်လို့စာရေးစာပွဲကိုထိုင်မိမှ သူပြောတာတွေဟုတ်ပါလားလို့ ဦးနှောက်ထဲမှာတရေးရေးမြင်မိပါတော့တယ်။

ဟိုးရှေးက ကျနော်တို့မြန်မာမင်းတော်တော်များများ ကို သူ့လက်အောက်က မူးမတ်အပေါင်း အနားကပ်လို့ပြောခွင့်ရသူတွေအပေါင်းက သူစိတ်ဆိုးမှာစိုးလို့  ကောင်းတာတွေလေးတွေကိုဘဲရွေးပြောခဲ့ကြတဲ့အတွက် ၊လွန်လေပြီးသော ကာလမှာရော လက်ရှိမှာရော အဖြစ်မှန်ကိုဖုံးကွယ်လို့ကောင်းတာလေးတွေကိုသာဖုံးကွယ်နေကြတဲ့အတွက် ကိုယ်လုပ်တာ ကိုယ်ဆုံးဖြတ်တာ မှန်တယ်ထင်ပြီးစိတ်ကူးနဲ့ရူးနေတာကတော့လက်တွေ့ပါ။ လုပ်ငန်းခွင်တွေထဲမှာ လည်းသည်အတိုင်းပါဘဲ။အောက်ကလူက အမှန်အတိုင်းမပြော ဘူး ကောင်းတာလေးတွေကိုဘဲရွေးပြောတော့အထက်ကလူ အရူးထသမျှအောက်ကအကောင်အထည်ဖော်ရတဲ့သူမှန်သမျှ ဒန် ဒန့်ဒန် ခံ ခံ့ ခံပေါ့ဗျာ။

တစ်ချို့သောလူများကြတော့လဲ ဟိုဘယ်ဘ၀က ဘယ်သူနဲ့ ဘယ်လို ပဌာန်းဆက်ရှိတာ ဘယ်မင်းကြီးနဲ့ဘယ်လိုတော်စပ်ခဲ့တာ ဆိုပြီး

ပဌာန်းဆက် အရူးထပြီးဘယ်သူမှမလုပ်ရဲတဲ့အလုပ်တွေ သဘာဝမကျတာတွေကို စိတ်ရူးပေါက်သမျှထလုပ်ပါတယ်။ဒီလိုလူမျိုးကတော့နာမယ်ထင်ရှားလူကြိုက်များတဲ့သူတွေမှာဖြစ်လေ့ဖြစ်ထရှိတတ်ပါတယ်။

တစ်ချို့ကျတော့လဲ ကိုယ်က သူများနဲ့ကိုမတူ လုံးဝကိုမြင့်နေတယ်လို့ထင်ပြီး အကြီးကြီးတွေတွေး အကြီးကြီးတွေပြောလို့လွတ်သွားပါလေရောဗျာ။

တစ်ချို့ကြတော့လည်း သူ့ကိုယ်သူ ငါလုပ်သမျှအမြဲမှန်တယ်ဆိုပြီးထင်ရာတွေရမ်းလုပ်တော့ဒုက္ခတွေရောက်တဲ့သူတွေကလဲတစ်ပုံတပင်ပါ။

ကဲ သူများကို သာ ခပ်တည်တည်နဲ့ဝေဖန်နေလိုက်မိတာ။

ကျနော်ကိုပေါက်ကိုယ်တိုင်ကရော သူများအကြိုက်ကို ဘာကြောင့်ညာကြောင့်ဆိုတာတွေကို အကြောင်းပြလို့ဘယ်နှစ်ခါများမြောက်ပင့်ပေးလို့ ကောင်းတာတွေချည်းရွေးပြောမိပါသလဲ?

ကိုယ့်ကို မကင်းနိုင်သောသူ ကိုယ်က ဒုက္ခပေးလိုက်မှာကို စိုးတဲ့သူ ကိုယ်က လုပ်ပေးလိုက်ရင် အိုကေသွားနိုင်တယ်ဆိုတဲ့ လူ ကိုယ့်မျက်နှာကိုကြည့်နေရတဲ့သူတွေက

ကိုယ်ကြားချင်တာလေး ကို ဘယ်နှစ်ကြိမ်လောက် နားထောင်ပြီး ဘယ်နှစ်ကြိမ်လောက် ရူးခဲ့မိခဲ့သလဲ ?

ဆိုတာလေးကို ပြန်စဉ်းစားလိုက်ပါအုံးမယ်ဗျာ။

အိမ်ဘေးနားကချာတိတ်တွေ ဖွင့်ထားတဲ့ သီချင်းထဲမှာ” ကောင်းတာတွေဝတ်ကောင်းတာတွေစား   “လို့ဂျေမီကတော့အသံကုန်အော်နေတာပါဘဲ။

ခင်ဗျားတို့ရောဗျာ ကောင်းတာတွေကို ဘယ်လောက်ပြောပြီး ဘယ်လောက်နားထောင်ဘူးပါသလဲ?

……………………………………………………………………………………………………………………………

ကိုပေါက်လက်ဆောင် အတွေးပါးပါးလေး