“မပြောစကောင်း ပြောစကောင်း ဘယ်လိုပြောရင်ကောင်းပါ့မယ်“(အပိုင်းနှစ်)

ကိုမောင်လေးပြောပြတာကို ကြားရတော့ တစ်ခါကကိုအောင်မောင်း   ပြောဘူး တာလေးကိုလည်းကျနော်ပြန်သတိရလိုက်ပါတယ်။

မန္တလေးသား ကိုအောင်မောင်းက မနက်မနက်ဆိုရင် အလုပ်က 8နာရီလောက်ရောက်အောင် အပြေးအလွားသွားရတာများပါတယ်။

အိမ်ကထွက်လာ လမ်းက လက်ဖက်ရည်ဆိုင်ဝင်ပြီးမနက်စာ စားလေ့ရှိပါတယ်။

အိမ်နဲ့အလုပ်က သိပ်အဝေးကြီးတော့လဲမဟုတ်ပြန်ပါဘူး။

ကိုအောင်မောင်းနေတဲ့  တောင်မြို့(အမရပူရမြို့)ကိုသွားတဲ့လမ်းကကပ်ကျော်ဘုရားနားမှာနေပါတယ်။

သူ့အလုပ်ကတော့ 34လမ်းကုန်စည်ဒိုင်နားမှာပါ။

ဆိုင်ကယ်နဲ့သွားလို့ ပုံမှန်လေးစီးသွားမယ်ဆိုရင်လမ်းရှင်းတယ်ဆိုရင်ဆယ်ငါးမိနစ် လမ်းရှုပ်တယ်ဆိုရင်  နာရီဝက်နီးပါးလောက်တော့ ကြာတတ်ပါတယ်။

ဒါပေမယ့် သူမနက်အလုပ်သွားတဲ့ အချိန်ကလဲအားလုံးဈေးသွားကျောင်းသွား ပျားပန်းခပ်သလိုပုရွက်အုံတုတ်နဲ့ထိုးသလိုအမြဲရှုပ်နေတာများပါတယ်။

သူသွားရတဲ့84လမ်းပေါ်မှာကစစ်ကိုင်းကားတွေရော အဝေးပြေးကားတွေရော ဆိုင်ကယ်ရော စက်ဘီးရော အမြဲတမ်းအလုအယက်သူ့ထက်ငါ မြန်သထက်မြန်အောင်သွားလာနေကြပါတယ်။

 သူကလဲအူများနည်းတူ ဆိုင်ကယ်ကို မြန်မြန်စီးမစီးချင်ဘူးဆိုပြန်တော့  အလုပ်ချိန်မီအောင် အိမ်ကစောစော ထွက်ရပါတယ်။

တစ်ရက်တော့ သူက လဲ အိမ်ကထွက်လာခါနီးမှာမိတ်ဆွေတစ်ယောက်က စကားလာပြောတော့ ခါတိုင်းထွက်တဲ့အချိန်ထက်နည်းနည်းလေးနောက်ကျနေပါသတဲ့။

အဲတော့အလုပ်မှီအောင်လောလောနဲ့သွားရတော့တာပေါ့။

လက်ဖက်ရည်ဆိုင်ရောက်တော့ ထတ္တရာတစ်ချပ်ရယ်လက်ဖက်ရည်တစ်ခွက်ရယ်မှာလိုက်ပါတယ်။

ခဏနေတော့ လက်ဖက်ရည်က ရောက်လာပေမယ့်သူမှာတဲ့မုန့်ကတော့ ရောက်မလာပါဘူး။

ဒါနဲ့ဘဲ “ဆိုင်လူကျနေလို့ နေမှာဘဲလေ”ဆိုပြီးစီးကရက်ကလေးဖွာရင်းစောင့်နေပေမယ့် စီးကရက်တစ်လိပ်သာကုန်သွားလို့ လက်ဖက်ရည်မုန့်ကရောက်မလာသေးဘူး။

သူ့ဘေးနားကခုံမှာ သူနောက်မှရောက်လာတဲ့လင်မယားစုံတွဲက ထတ္တရာတွေအားရပါးရတီးနေတာမြင်တော့နည်းနည်းတော့စိတ်တိုသွားပါတယ်။

အဲဒီအချိန်မှာ မုန့်လုပ်တဲ့နေရာကို လှမ်းကြည့်တော့မုန့်ဆရာက ဘာမှ မလုပ်ဘဲ ရပ်နေတာကိုတွေ့တဲ့အခါ

” မင်းတို့ထတ္တရာကညရောက်မှစားရမှာလား” လို့ ခပ်ငေါ့ငေါ့လေးမေးလိုက်တော့

စားပွဲထိုးလေးကလည်း မုန့်ဆရာကိုဒီအတိုင်းပြန်ပြောလိုက်တဲ့ အခါ မုန့်ဆရာက လည်းစိတ်ဆိုးသွားတဲ့လေသံနဲ့     

                “ဘယ်တုန်းက မှာထားသလဲပြန်မေးလိုက်”  

ပြောလိုက်တဲ့အခါစားပွဲထိုးလေးကလည်းအဲဒီအတိုင်းကိုအောင်မောင်းကို ပြန်လာမေးပါတယ်။

ကိုအောင်မောင်းကလဲ

 “မင်းတို့ဆိုင်မုန့်မှာရင်အချိန်မှတ်ထားရမှာလား   “

လို့ပြန်ပြောလိုက်တဲ့အခါနည်းနည်းကြီးတဲ့စားပွဲထိုးလေးက                                                                           

  “လေးလေးဘယ်သူ့ကိုမှာလိုက်လဲ  “လို့

တစ်ခါထပ်လာပြီးမေးပြန်တဲ့အခါမှာကိုအောင်မောင်းကပိုစိတ်တိုသွားပြီး                                                       

  “ဟ မုန့်စားချင်လို့ မှာတာဘယ်သူ့ကိုမှာလိုက်တယ်ဆို အလကားနေရင်းမှတ်ထားမလား ကွ”လို့

ပြောလိုက်ပါတယ်။

အဲဒီအခါမှာ ကောင်တာက မန်နေဂျာကသူ့စားပွဲထိုးလေးကို ခေါ်ပြီး မေးနေပါတယ်။

နောက် ကျနော်ဆီလာပြီး စောစောကစားပွဲထိုးလေးမေးသလိုဘယ်သူကိုမှာလိုက်လဲဆိုပြီးထပ်မေးပြန်ပါရော။

အဲဒီမှာ ကိုအောင်မောင်းလဲ စိတ်တွေတိုဒေါသတွေဖြစ်ပြီး

“မင်းတို့ဆိုင် မုန့်တစ်ချပ်မှာမိတာမုန့်မစားရဘဲ အင်တာဗျုးနဲ့ မိနေတယ် ရောင်းချင်ရင် မုန့်လာချ နောက်ထပ်တစ်ခွန်းမှ လာမမေးနဲ့   “

ဆိုပြီးအော်လွှတ်တော့ မှထတ္တရာတစ်ချပ်ကိုလာချပါတယ်။

ကိုအောင်မောင်းလဲ လာချတဲ့မုန့်ပူပူကြီးကို စိတ်တိုတိုနဲ့ ပလုပ်ပလောင်းစားပြီး ပိုက်ဆံရှင်းပြီးထွက်လာပါတယ်။

နောက်နေ့တွေမှာ အဲဒီဆိုင်ကို ဘယ်တော့မှသွားမထိုင်တော့ တာ ခုဆိုလေးငါးနှစ်လောက်တောင်ရှိသွားပါပြီ။

မုန့်လေးတစ်ခုစားရမှာနဲ့မေးခွန်းတွေဖြေရတာ မတန်ဘူးလို့ ထင်လာလို့ ပါဘဲ။