ငြိမ်သက်စွာကျွန်တော်ထိုင်နေသည်။ငြိမ်သက်စွာအတွေးတွေပျံ့လွင့်နေသည်။ ငြိမ်သက်စွာပဲကိုယ့်ကိုကိုယ် ရှာဖွေနေမိသည်။ရှေ့တည့်တည့်တွင်ဧရာဝတီမြစ်ကြီး။ အ၀ါရောင်မြစ်ရေကတသွင်သွင်စီးလျက်။              စီးဆင်းသောမြစ်ရေကိုဘယ်တော့မှ ပြန်မရနိုင်ဆိုသောစကားအားအမှတ်ရမိသည်။ ကျွန်တော့်အသိစိတ်များ       လည်း မြစ်ရေနှင့်မျောပါသွားလျက်၊ တစ်ခါတစ်လေမြစ်ရေကိုဆန်တက်ပြန်ရောက်လာလျက်။ လူ့ဘ၀ဆိုသည်            ကလည်း စုန်ချည်ဆန်ချည်သံသရာခရီးထဲမျောပါလျက်။ နိဗ္ဗာန်ဆိုသည်က အပြောလွယ်သလောက် ရောက်ဖို့          ကမလွယ်။ ကျွန်တော်ထိုင်နေသည်ကမကွေးဘက်မြစ်ကမ်းနံဘေး။ ခပ်လှမ်းလှမ်းတွင်မကွေးတံတားကြီး။      တစ်ဘက်ကမ်းတွင်မင်းဘူးမြို့။ တစ်ဘက်ကမ်းတွင်မြင်နေရသည်က မြစ်ကမ်းနံဘေးရှိအ၀ါရောင်မြေသား                ကမ်းပါးများ၊ စိမ်းစိမ်းစိုစိုသစ်ပင်အုပ်အုပ်များ၊  ပြောက်တိပြောက်ကျား အိမ်ကလေးများ၊ ကုန်းမြင့်မြင့်များထက် တည်ထားသော စေတီပုထိုးများ။ ထင်ရှားသည်ကမင်းဘူးမြို့ပေါ်မှ ထိုးထိုးထောင်ထောင် ရေဒီယိုတိုင်များ။           မကွေးတံတားထက်ဖြတ်မောင်းသွားသောကားသံများကတစ်ခါတစ်လေအာရုံထဲဝင်ရောက်ကာ                   လှုပ်နိုးလိုက်သည်။

ဧရာဝတီမြစ်ကြီးက ငြိမ်သက်စွာပဲကျွန်တော့်ကိုအဖော်ပြုနေသည်။ နားလည်မှုရှိစွာကျွန်တော့်ကိုအနှောင့်             အယှက်မပေး။ သူနှင့်ကျွန်တော်ကစိမ်းမနေ။ သူ့ကိုကျွန်တော် ငါးနေရာခန့်မှကျော်ခွသွားဖူးသည်။ မြစ်ကြီးနား၊              ပခုက္ကူ၊ မကွေး၊ ပြည်၊ ညောင်တုန်း မြို့များတွင်ဖြစ်သည်။ သူ့ကိုကျွန်တော် မှတ်မိသလိုသူကလည်း     မှတ်မိပါလိမ့်မည်။မြစ်လယ် တွင်တစ်ဝက်တစ်ပျက်ပေါ်နေသောကျွန်းကလေးဆီအကြည့်ရောက်သွားသည်။ ယခင်ကထိုကျွန်းမှာအတော်လေးကြီးမား   ကျယ်ပြန့်သည်။ ယခုတော့ မိုးကာလမို့ မြစ်ရေတက်ကာ          သု့အပိုင်စားနယ်မြေ ကျဉ်းသွားရသည်။ ထိုကျွန်းကလေးအားအမှီပြု စိုက်ပျိုးဝမ်းစာရှာ နေရသူများ၏                     ဘ၀လည်း ကျဉ်းမြောင်းသွားရသည်။ မြစ်ကြီးကတော့မသိကျိုးကျွံပြုလျက်။ တကယ်က မြစ်ထဲရှိဘ၀တွေက        သူ့နယ်မြေကိုနယ်ချဲ့လာခြင်းပင် မဟုတ်လား။ နွေရာသီလိုကာလများတွင်မူ ဖုတ်လှိုက်ဖုတ်လှိုက် အသက်               ရှင်အောင် ကြိုးစားနေရသော ဧရာဝတီမြစ်ကြီးကို ကျွန်တော် သနားမိသည်။ သူ့ကို အပြစ်မဆိုမိ။ သူသည်မြန်မာတို့၏ သွေးသားမိတ်ဆွေရင်း။ သူစွမ်းသလောက် သူပေးဆပ်နိုင်သလောက်ကျွန်တော်တို့ကို သူက ကျေးဇူးပြုလျက်။ခုတော့သူ့ကျန်းမာရေးအတွက်စိုးရိမ်နေရကြောင်း အသံတွေကျယ်ကျယ်လောင်လောင်        ကြားနေရပြီ။ “ဧရာဝတီရေ ကျန်းမာချမ်းသာပါစေ” ။  ထူးအိမ်သင်က ရာဇ၀င်များရဲ့ သတို့သမီးတဲ့။                ဧရာဝတီကို အစဉ်လှပ နုပျိုစေချင်လိုသည် ဟု ထင်သည်။ ကိုခင်ဝမ်းကလည်း ပြည်ဘက်ကမ်းမှ နေ၍     …ဧရာဝတီ…ဧရာဝတီ ..မဟာသဘာဝရှင် ဟု တကြော်ကြော်ခေါ်ခဲ့ဖူးပါသည်။ ဧရာဝတီကို ဂုဏ်ပြုခဲ့သူတို့မှာ အနုပညာသမားများချည်းတော့ မဟုတ်ပေ။ ဧရာဝတီထဲတွင် အလှတွေရှိသည်။ ဘ၀တွေရှိသည်။ အမိမြေကို   ကာကွယ်သူတို့၏ ၀ိဥာဉ်တွေလည်းရှိနိုင်သည်။ မြစ်ရိုးတစ်လျှောက် တည်ထားခဲ့သော ခံတပ်များက          ခေါင်းထဲဝင်လာသည်။ ဓနုဖြူ၊ ၀က်ထီးကန်၊ သပြေချောင်း၊ မြင်းကွန်း၊ မင်းလှ ခံတပ်များ စသည်ဖြင့် ။              ဧရာဝတီမြစ်ထဲ တွင်ပင် မြန်မာလူမျိုးဦးနာအောက်က အင်္ဂလိပ်ပိုင် ဧရာဝတီဖလိုတီနာ ကုမ္ပဏီနှင့် အပြိုင် သင်္ဘောပြိုင်ဆွဲခဲ့ဖူးသည်ကိုသမိုင်းစာအုပ်ထဲ ဖတ်ခဲ့ရသည်။ ဧရာဝတီကသမိုင်းထဲတွင် အမိအရနေရာ                 ယူထားသည်။ ဧရာဝတီ ကိုအစားထိုးနိုင်မည့်သူ ကျွန်တော်မမြင်မိသေး။

ခုံတန်းလေးထက် သက်တောင့်သက်သာ အနေအထားမျိုး  ကျွန်တော်ပြောင်းထိုင်လိုက်သည်။ ခပ်လျှောလျှောခြေဆင်းထိုင်နေစဉ် ရှေ့ဘက်မှကမ်းဘေးကာထားသည့်သံတန်းများအပေါ်အမျိုးသမီးနှစ်ဦး အ၀တ်တွေလာလှမ်းသည်။ ခ၀ါသည်အလုပ်ဖြင့်အသက်မွေးနေသူများပင်။ ဧရာဝတီမြစ်ရေကသူတို့၏အဓိက အရင်းအနှီးတစ်ခုပင်။ “ဧရာဝတီရေ.. အခြေခံလူတန်စားတွေကို မမေ့လိုက်ပါနဲ့” ။ ကျွန်တော့်ကို        ထိုအမျိုးသမီးများက သိပ်ဂရုထားပုံမပေါ်။ ကျွန်တော့်လိုမျိုး တစ်ခါတစ်လေ မြစ်ကမ်းနံဘေး အေးအေးလူလူ လာထိုင်သူမျိုးကို မြင်ဖူးနေကြ ဖြစ်လိမ့်မည်။ မြစ်ထဲတွင်တစ်ခါတစ်လေဖြတ်သွားသောသစ်လုံးတင်သင်္ဘောနှင့်      စက်လှေအချို့ မှလွဲ၍ အသွားအလာရှင်းနေသည်။ ပို့ဆောင်ရေးတွင် ရေလမ်းကို ယခင်လောက် သိပ်အားမကိုး ကြတော့ဟုဒေသခံများကဆိုကြသည်။ မြင်ကွင်းထဲတံငါလှေလေးတစ်စင်းဝင်လာသည်။ လူတစ်ဦးကလှေဦးတွင်           ထိုင်ကာ ငါးမျှားတံလေးကို ရေထဲချလိုက်သည်။ လှေလေးက ရေစီးအတိုင်းမျောပါလျက်။ ခဏအကြာ ထိုလူ      လက်ပြန်မြှောက် လိုက်တော့ ငါးမျှားတံတွင် ငွေရောင်ငါးကလေးတစ်ကောင်။ ဘ၀တစ်ခုက အခြားဘ၀တစ်ခုကို မျှားယူလိုက်ခြင်းပင်။ ကျွန်တော်လည်း ကျွန်တော့်ကိုကျွန်တော် မျှားယူလိုက်သည်။ အတိတ်ကို မတွေးကြေး၊ အနာဂတ်ကိုမမျှော်ကြေး။

အကြည့်က မြစ်ထဲမှကောင်းကင်ထဲ ပျံတက်သွားပြန်သည်။ အပြာရောင်နောက်ခံကောင်းကင်ထက် ဖြူလွလွ           တိမ်စိုင်များ။ စိတ်ကူးက လန်းဆန်းသလိုဖြစ်လာသည်။ လက်ရှိအခြေအနေနှင့် အပ်စပ်လွန်းသည့် သီချင်း စာသားကို နှုတ်ကဆိုညည်းလိုက်မိ၏။.xxxတိမ်တွေဖွဲ့စည်းထား xx မြင်သာရုံအခိုက်အတံ့လေးမှာ တိမ်တွေပြိုကွဲသွားxxငါထိုင်နေခဲ့တာအားလုံးပေါင်းကြည့်တော့xxတစ်ရက်နှစ်ရက်လောက်ထက်            မပိုနိုင်ပါလား xxx the ants အဖွဲ့၏ပထမဆုံးအခွေရောင်စုံချောကလက်ထဲတွင်ထူးအိမ်သင်က၀င်ရောက် ကူညီဆိုပေးထားသော သီချင်း ..။  ၁၉၉၆ ခုနှစ် ကျွန်တော် ၉ တန်းကျောင်းသားဘ၀လောက်က ဖြစ်သည်။             တိမ်တွေကအချိန်နှင့်အမျှပုံစံတွေပြောင်းလျက်။ ကျွန်တော်တို့ဘ၀တွေကရော?xxx မရည်ရွယ်ခဲ့ခြင်းများ                    ရည်ရွယ်ရာအခိုက်အတံ့လေးမှာနေရာယူပြီးသွား xxx.။ လက်တွေ့ဘ၀ထဲ ဖြစ်လာတာတွေကလည်း ရည်ရွယ်တာတွေရော မရည်ရွယ်ထားတာတွေရော ပါနေသည်။ အစိုးမရခြင်း မတည်မြဲခြင်း အနတ္တတရား        အနိစ္စတရားတွေ။ ဧရာဝတီ ရေ..စိတ်မကောင်းပါဘူး ..လောကဓံတရားကို မင်းလည်း ပြေးမလွတ်ဘူးနော်။             ဧရာဝတီကိုကျွန်တော်နှုတ်ဆက်လိုက်သည်။ လှိုက်လှိုက်လှဲလှဲနှင့်ဖြစ်သည်။ မြစ်ပြင်တစ်ခုလုံးသိမ်းကျုံးကြည့်                   ကာပုံရိပ်များကို ဦးနှောက်ထဲသိမ်းဆည်းလိုက်သည်။ ဧရာဝတီကလက်ဆောင်ပေးသည့်လေညင်းလေးများအား              အားရပါးရ ရှူသွင်း လိုက်သည်။ ကျွန်တော့်ကို သယ်ဆောင်သွားမည့် ခြေလှမ်းတွေကဧရာဝတီနှင့် ဝေးရာ…             သို့သော်။ ဧရာဝတီနှင့် ပတ်သက်ပြီး အမှတ်တရတွေက ကျွန်တော့်အတွက် ဘယ်တော့မှဝေးနေမည်                   မထင်တော့။ ။