♪♫ မနေ့ ကလိုဘဲ ဘ၀ဟာလည်း…..တီ.တီ.တီ…♪♫ ပြတ်တောက်သွားသော သီချင်းသံအဆုံး အလိုမကျသံများ တီးတိုးရေရွတ်သံများ ဆဲဆိုသံ သဲ့သဲ့ကိုတောင် ကြားလိုက်ရသေးသည်။ ဘာဘဲပြောပြော အာခေါင်တွေလည်း ခြောက်လှပီမို့  ပတ်ဝန်းကျင်ကို တစ်ချက် ဝေ့ကြည့်မိသည်။ နိုင်ငံတကာဘောလုံးအသင်းတို့ ၏ ရှေ့ ခရီးစဉ်များ၊ သွင်းဂိုး၊ပေးဂိုးများသည် ဆေးလိပ်ငွေ့ နှင့် ရေနွေးကြမ်း များအကြားတွင် စီးမျှောလျက်….( ကျဆိမ့် တစ်ခွက်နဲ့ အတူ မျှောပါသွားသော Rooney ၏ သွင်းဂိုးများတောင်ပါလိုက်သေးသည် )… နားကပ်အမဲတစ်ဖက် ဆံပင်ထောင်ထောင်ကိုယ်စီနှင့် Punk တစ်စုက နံရိုးတစ်ချောင်းထုတ်ဖို့ အရေး အချေအတင်……. ဘောင်းဘီပွတဲ့ Rapper တစ်အုပ်လည်း Generation အကြောင်း ဖုန်းကိုယ်စီနှင့် ရွတ်ဆိုလျက်..( တကယ့်တကယ် မိဘ၏ Generation ကိုကျေးဇူးတင်သင့်တယ် ရေထမ်းရောင်းတဲ့ အခြေအနေမျိုးဆို ဒါမျိုးရွတ်ဖို့ ဝါသနာရှိပါ့မလားမသိ )…. သိန်းပေါင်းများစွာကို ပါးစပ်နဲ့ သယ်နိုင်တဲ့ ပွဲစားတစ်ပွေကလည်း ဖော်ရွေတဲ့မျက်လုံးတစ်ဖက်နဲ့  ပါးနပ်တဲ့ မျက်လုံးတစ်ဖက်ကို အနက်ရောင်ဘောင်ခတ်လျှက်…. အလုပ်သမားဆေးပေးခန်းမှ ကော်လံဖြူဆရာဝန်လေး၏ အထူးကုဆေးခန်းသို့  အလည်ရောက်နေတဲ့အတွေးများ….( လူနာများကို coffee သိပ်အများကြီးမသောက်ခိုင်းသော်လည်း သူ့ ရှေ့ မှ ကော်ဖီခွက်သည် တ၀က်ကျိုးလုနေပြီ..) ခေတ်မှီကွန်ဒိုများစွာကို နှံ့ စပ်အောင်တက်ဆင်းနေသော်လည်း ( မြို့ ပြင် မိမိတို့ ဗိဗ္မာန်အိမ်စုတ်ကို မိုးတွင်းအမှီအိမ်ခေါင်မိုးမလဲနိုင်သေးသည့် )မောင်တစ်ထမ်း မယ်တစ်ထမ်း ဘိလပ်မြေသယ် လင်မယား ၂ယောက်၏ ကလေးတပြုံတမအတွက် စမူဆာအနည်းငယ်ပါဆယ်ဆွဲရန် မဟာစဉ်းစားခန်း… လမ်းသွားလမ်းလာတို့ လက်တစ်ဖက်ထုတ်တိုင်း ဂနာမငြိမ် ဖြစ်နေတဲ့ နေ့ တွက်မကိုက်သေးတဲ့ Texi ဒရိုက်ဘာ…( သူ့ ရည်စားပါးရိုက်ဖို့ လက်တစ်ဖက်ထုတ်ရင်တောင် ပြုံးပြုံးလေး အရိုက်ခံသွားမဲ့လူမျိူး)… လက်ဖက်ရည်ဆိုင်နှင့် ကားဂိတ်ကို စစ်မျက်နှာ ၂ ဖက်ဖွင့်ထားတဲ့ ကွမ်းယာသည်ကုလား၏လက်များသည် ထုံးအိုးနှင့် ကွမ်းရွက်ကြား ဗျာများလျက်….( ထိုကုလားသည် ကိုယ်တိုင်ကျတော့ ကွမ်းမစားချေ )…. ဆိုင်ရှေ့ မိတ္တူဆိုင်မှ အမျိုးသမီး၏ မျက်နှာတစ်ကွက်ကို စက္ကန့် ၃၀လောက်မြင်ရဖို့ အရေး တစ်နေ့  ၃ နာရီလောက်အချိန်လာဖြုန်းပီး ဇွဲဆုယူရန်ကြိုးစားနေတဲ့ ငနဲတစ်ကောင်၏ ၂ အိုးမြောက်ရေနွေးအိုးငှဲ့ ခိုက်…( ထိုအမျိုးသမီး၏ မျက်စောင်းတစ်ချက်ကို ပိုင်ဆိုင်သမျှနှင့် လဲယူမယ့်သဘောရှိသည် )… မိတ်ကပ်ထူထူနှင့် နှူတ်ခမ်းနီအရဲသား ညည့်ငှက်တစ်ကောင်ကလည်း မိစ္ဆာခန်းဆောင်မ၀င်ခင် သူ့ မိတ်ဆွေစွန့် ကြဲသော ပေါင်မုန့် ကြက်ဥကြော်ကို စိတ်မပါလက်မပါ ဖဲ့ခြွေလျက်…. ( သူမအဖို့ တော့ “Stomach”ဟူသောဝေါဟာရသည် အိပ်ယာဟုပင် ပြန်ဆိုလေမလားမသိ )… ၀မ်းတီး၊ ပလိန်း၊ ကြက်သံ၊ ၀က်ကုန်းဘောင်တို့ ကို နေ့ စဉ်မပြတ်အော်နေရသော စားပွဲထိုးကောင်လေး၏ ညစာအတွက် ထမင်းကြမ်းမှ ကျန်ပါ့မလား စိုးရိမ်ပူပန်မှူမျက်နှာတို့ နှင့်အတူ… မီးလာပြီဆရာ !!!….. လောဘ၊မောဟ နှင့် ဒေါသ ဆတူရောစပ်ထားသော ဆိုင်ပိုင်ရှင်သည် လေတစ်ချက်ချွန်ကာ စီဒီခွေတစ်ချပ်ကိုကောက်ကိုင်လိုက်ကာ စူထွက်နေသော ဗိုက်ခေါက်ကို မလုံ့ တလုံဖုံးအုပ်ထားသည့် စွပ်ကျယ်အဖြူနှင့် ခပ်ကြမ်းကြမ်း ပွတ်တိုတ်ပြီး စက်ထဲကောက်ထည့်လိုက်သည်။ Digital to Analog ပြောင်းလဲမှူများနှင့်အတူ ၀ါယာကြိုးနှစ်ချောင်းမှသယ်ဆောင်လာသော စီးဆင်းမှူ့ တစ်ခု နောက်ကျောကို တိုးဝင်လာမှူနှင့်အတူ ကျနော်လည်း ကျယ်လောင်သော သီချင်းသံနှင့်အတူ နိစ္စဓူဝ လောကီဇာတ်ခုံသားတို့အား ဖျော်ဖြေလျက်…တကယ်တော့ ကျွန်တော်သည် အိုဟောင်းနေသော Sound Box တစ်လုံးမျှသာ……