“မီးရေရှား…………………..”

 

ဒီမြို့ကြီးအနှစ်တစ်ရာတင်းတင်းပြည့်တဲ့နှစ်မှာ ကျုပ် ဒီမြို့ကြီးရဲ့ရင်ခွင်ထဲကိုရောက်လာခဲ့တာပေါ့။

ကျုပ်မွေးတဲ့နှစ်မှာဘဲငလျင်တွေတစ်နေ့ထဲအကြိမ်အများကြီးလှူပ်တာတဲ့။

ဒါပေမယ့် ကျုပ်ကတော့ သူလိုငါလို မထူးတဲ့သာမန်လူပါဘဲ။

ကျုပ်တို့မြို့က မင်းနေပြည်ဆိုတော့ ကျုံးတွေလဲရှိသပေါ့။

အဲတော့ကျုံးရေကို လဲသုံးလို့ရတာပေါ့။

ကျုပ်တို့ခပ်ငယ်ကတော့ကျုံးပါတ်ပါတ်လည်မှာရှိတဲ့လမ်းအပြတိုင်း အပြတိုင်းမှာ အများပြည်သူသုံးဘို့

ကျုံးရေကန်လေးတွေလုပ်ပေးထားပါတယ်။

အဲဒီတုန်းက အခုလို မီတာရေတွေ ဘာတွေလဲရှိပါဘူး။

ကျုံးနားနီးသူက ကျုံးရေသုံး။

မြစ်နားနီးသူက မြစ်ရေသုံး။

ဘာနဲ့မှ မနီးတဲ့လူတွေက အ၀ီစိရေသုံးပေါ့။

ဟိုးရှေးရှေးကလူဦးရေနည်းလို့လားတော့ မသိပါဘူး နွေတောင်မှရေအခက်အခဲဖြစ်တယ်ဆိုတာ

မကြားဘူးပါဘူး။

ဒီမြို့သား မှန်ရင် တစ်နေ့နှစ်ခါတော့ ရေ၀၀ ချုိးနိုင်ပါတယ်။

ဆောင်းတွင်းတော့ မချိုးဘူးပေါ့ဗျာ။

ဘာရေသန့် ဟုတ်လား။

ကျုပ်တို့ငယ်ငယ်ကတော့ ရေသန့်တွေဘာတွေကြားဘူးပေါင်ဗျာ။

ကြည်နေရင်သန့်တာဘဲ။

မြစ်ရေကတော့ နီတီတီ နောက်ချင်ချင်ရှိတော့ ရေအိုးထဲကျောက်ချဉ်လေးထည့်ထားလိုက် သူ့ဖာသာသူ အနယ်ထိုင်သွားတာပါဘဲ။

အ၀ီစိရေကတော့ ပေါ့ရွှတ်ရွှတ်။

ကျုပ်တို့လို ကျုံးရေသောက်လာတဲ့သူကတော့ကျန်တဲ့ရေ သောက်လို့အရသာမရှိဘူးထင်တာဘဲ။

ကျုံးရေကမှသောက်လိုက်ရင် ချိုပြီးလေးလေးပင်ပင်ရှိတာ။

ဒါကလဲကျုံးရေ အမြဲသောက်လာတဲ့လူမှသိတာရယ်။

ဘာတဲ့တစ်ခါ ဂျပန်ကဆိုလားဘာဆိုလား သုတေသနအဖွဲ့က မန်းလေးကျုံးရေကိုလာစမ်းသပ်ကြတာ။

သူတို့ပြောသွားတာပြန်ကြားရတာ  လန့်များလန့်စရာ။

ဒီကျုံးရေထဲမှာ ပိုးမွှားရှစ်ဆယ်ကျော် ရှိတယ်ဆိုလားဘဲ။

ကြာရှည်သောက်ရင် ရောဂါရမတဲ့။

ပြောလိုက်ချင်ပေါင်ဗျာ ကျုပ်အဖွားအသက်ရှစ်ဆယ်ထိနေသွားတာ သူ့တစ်သက် ဒီကျုံးရေဘဲသောက်သွားတာ။

အသက်ကြီးလို့သာလူကြီးနာနဲ့ဆုံးသွားတာ ဘာရောဂါဖြစ်တယ်လို့မှကြားခဲ့ပေါင်ဗျာ။

 

ကျုပ်တို့ငယ်ငယ်က လျှပ်စစ်ရုံးကြီးကတော့ဘူတာသွားတဲ့78လမ်းနဲ့26ဘီလမ်းဒေါင့်မှာဟီးနေတာပါဘဲ။

ဒါပေမယ့် အဲဒီတုန်းက မန်းလေးမြို့နေရာတော်တော်များများက အိမ်တိုင်းမှာလျှပ်စစ်မီးမရှိပါဘူး။

ဘာဖြစ်လဲရေနံဆီမီးခွက်ထွန်းနေကြတာပေါ့။

ဖယောင်းတိုင်မီးထွန်းနေကြတာပေါ့။

ကျုပ်ငယ်ငယ်က နေခဲ့တဲ့ 25လမ်းလမ်း80ကကြေးနန်းဝင်းထဲဆိုရင် ၀င်းထိပ်က ရဲမှူးကြီးအိမ်ရယ်

သူကြီးအိမ်ရယ်နှစ်အိမ်ဘဲလျှပ်စစ်မီးရှိတာပါ။

ကျန်တဲ့ဝင်းထဲကအိမ်အားလုံးကတော့ ရေနံဆီမီးခွက်ဘဲထွန်းကြတာပေါ့။

ဒါပေမယ့် ကျုပ်တို့ဝင်းသေးသေးလေးထဲမှာ အစိုးရပေးထားတဲ့ ဓါတ်တိုင် နှစ်တိုင်တောင်ရှိသဗျ။

ဘယ်တော့မှ မီးပျက်တယ်ဆိုတာမရှိ ညခြောက်နာရီကနေ့ မနက်ခြောက်နာရီထိလင်းထိန်ဝင်းလက်လို့။

အဲမီးလုံးကျွမ်းရင်တော့ကိုယ်ထူကိုယ်ထလဲပေါ့ဗျာ။

ကျုပ်ငယ်ငယ်က ရှစ်တန်းထိ အဲဒီဓါတ်မီးတိုင်အောက် စာထိုင်ကျက်ရင်း စာမေးပွဲတွေအောင်လာခဲ့တာပါဘဲ။.

ကျုံးဘေးက ပေတစ်ရာထိပ်ထွက်လိုက်ရင် လမ်းမတန်းတွေဆိုရင် မာကျူရီမီးတွေမှ ထိန်လို့၊

ဆောင်းတွင်းဆို ဒီမာကျုရီမီးတိုင်အောက်မှ ပုရစ်တွေထွက်ကောက်ကြတာပေါ့။

ညများဆိုရင်ကျုံးဘေးက ထွက်ကြည့်လိုက်ရင် မြောက်ဘက်က မန်းလေးတောင်ပေါ်မှာလဲ မီးတွေလင်းထိန်လို့။

လမ်းကြားတွေမှာတော့ ဘတ်သီး ၀ါကျင်ကျင် တစ်ရာအားလေးတွေတွေထွန်းပေးထားတာပေါ့။

ကျုပ်တို့ခပ်ငယ်ငယ်က မှောင်လွန်းတဲ့ညဆိုတာမရှိသလောက်ရယ်။

လမ်းဓါတ်မီးတိုင်တွေက လင်းထိန်နေတာပါဘဲ။.

နောက်အိမ်တိုင်းအိမ်တိုင်းကလဲ လျှပ်စစ်မီးအသုံးနည်းကြပါတယ်။

မီးထွန်းတာလောက်ရှိတာပါ။

ပန်ကာဖွင့်တာလောက်ဘဲရှိတာပါ။

နောက်အလွန်ဆုံးသုံးမှ ရေဒီယိုလောက် ကက်ဆက်လောက်ဖွင့်ကြတာ။

 

အခုခေတ်နောက်ပိုင်းမှာတော့ ခေတ်ကြီးကတိုးတက်။

အထူးသဖြင့်လျှပ်စစ်ပိုင်းကဏ္ဍပေါ့။

အကျီလုံချည်မီးပူတိုက်  ရင်လဲ………………… လျှပ်စစ်နဲ့ဘဲ။

အ၀တ်လျှော် ရင်လဲ………………… လျှပ်စစ်နဲ့ဘဲ။

ထမင်းဟင်းချက် ရင်လဲ………………… လျှပ်စစ်နဲ့ဘဲ။

တီဗွီ အောက်စက်ဖွင့် ရင်လဲ………………… လျှပ်စစ်နဲ့ဘဲ။

အင်တာနက် တို့ စလောင်းတို့ဆိုရင်လဲ ……………လျပ်စစ်နဲ့ဘဲ။

အေးအောင်လုပ်ချင် ရင်လဲ………………… လျှပ်စစ်နဲ့ဘဲ။

ပူအောင်လုပ်ချင်ရင်လဲ ………………လျှပ်စစ်နဲ့ဘဲ။

ဘာလုပ်လုပ်လျှပ်စစ်မပါတာမရှိတော့ဘူး။

အဲတော့ လဲ လျှပ်စစ်ဆိုတာ အလိုအပ်ဆုံးထဲမှာ မရှိမဖြစ်ထိပ်ဆုံးပေါ့။

လျှပ်စစ်ထုတ်တာ တိုးမတိုးတော့ မသိဘူး သုံးတာကတော့အဆပေါင်းများစွာတိုးလာပါတယ်။

အရင်ကတော့ လောပိတရေအားလျှပ်စစ်တခုထဲရှိတာပေါ။

နောက်တော့ ရေအားလျှစ်စစ်စီမံကိန်းတွေတခုပြီးတစ်ခုသတင်းစာထဲမှာရော ရုပ်မြင်သံကြားမှာရော

ပါ ပါလာပါတယ်။

တစ်ခုအသစ်ဖွင့်ရင် မင်းသမီးမင်းသားအသစ်တွေ အဲဒီပေါ်တက်ပြီး တစ်ခါကကြတာပါဘဲ။

လျှစ်စစ်ထုတ်လုပ်တာသာ တစ်ခုပြီးတစ်ခုတိုးလာတယ်သာပြောတယ် မီးက ပျက်ပြီးရင်းပျက်ရင်းပါဘဲ၊

အလှည့်ကျစနစ်ခွဲတမ်းစနစ်ဆိုပေမယ့် လာချိန်မှာ မလာဘဲပျက်ချိန်ကျတော့ အတိအကျပျက်တတ်တဲ့

မြန်မာ့လျှပ်စစ်ကတော့ စံတင်ထိုက်ပါရဲ့၊

မီးတွေပျက်တော့ အင်ဗာတာတဲ့ ဆူညံပွက်တဲ့မီးစက်ဆိုတာကအလုပ်တွေဖြစ်ပြန်ရော။

ဟောအဲတော့ အဲဒီမီးစက်တွေသုံးဘို့ ဓါတ်ဆီဆိုတာက လိုလာပြန်ရော။

လိုအပ်ချက်တစ်ခုပြည့်ဘို့အတွက်လိုအပ်ချက်နောက်တစ်ခုက အသင့်စောင့်နေသလိုပါဘဲ။

ပြီးခဲ့တဲ့ သုံးနှစ်လောက်ကစပြီးတော့ မီးမှန်ပြိး ဆက်တိုက်ရလာတာပါဘဲံ။

24နာရီအပြည့်ရတာပါ။

အဲတော့လဲဟန်ကျပြီဆိုပြီး တွေးမိတာပေါ့။

အဲဒီတန်းကများ နေ့ရောညပါ မီးလာတော့ အင်ဗာတာတွေမီးစက်တွေ မသုံးရဘဲ မိူတောင်တက်နေပါတယ်။

နောင်တော့ လဲ ဒုံရင်းပြန်ဖြစ်လို့ လာလိုက်ပျက်လိုက် ပျက်လိုက်လာလိုက်သံသရာထဲပြန်မျောသွားတာပါဘဲ.။

သိပ်မကြာသေးခင်ကတော့ မြစ်ဆုံရေအားလျပ်စစ်စီမံကိန်းဂယက် အတော်လေးထလိုက်ပါရဲ့။

ဂျာနယ်ထဲမှာ ဖတ်လိုက်ရတာ မြန်မာပြည်မှာ လျှပ်စစ်ဓါတ်အားကို ကုန်အောင်မသုံးနိုင်လို့ အပြင်မှာရောင်းစားနေရတယ်ဆိုဘဲ။

မှတ်မှတ်ရရ အဲဒီနေ့က အဲဒိအကြောင်းဖတ်နေရင်းမီးပျက်သွားလို့ ဖယောင်းတိုင်ထွန်းပြီး ဆက်ဖတ်ရတာပါဘဲ။

ထားပါတော့ ဒါတွေက ပြီးသွားပြီလို့။

 

မနှစ်က မိုးတွင်းရော ဆောင်းတွင်းပါ မီးအတော်လေးမှန်နေလို့ ဟုတ်ပြီ ဆိုစိတ်ချမ်းသာ နေတာ ဒီနှစ်

နွေလဲရောက်ရော ဒုံရင်းပြန်ရောက်သွားပြီးပျက်တာပါဘဲ။

မီးလာတဲ့အခါ မီးအားကမပြည့် အ၀င်နှစ်ဆယ်သုံးဆယ်ဘဲရှိပြန်တော့လာခဲ့

မီးအားမြှုင့်စက် ဆိုတဲ့ ထရန်စဖော်မာမပါရင် မီးသုံးလို့မရတော့ပါဘူး။

မရဆိုရင် အ၀င်ကလေးငါးဆယ်ဘဲရှိတာကိုးဗျ။

ကျုပ်စိတ်ထဲတွေးမိတာ 110 နဲ့ 220များမှားပြီးလွှတ်နေသလားပေါ့နော်။

တစ်ခါတစ်လေအ၀င်က တစ်ဆယ်ဆယ့်ငါး။

အဲဒါကို မီးဝင်အောင် ထရန်စဖော်မာကို တင်ထားတော့ ဘယ်ဘက်က ခလုပ်တောင် ညာဘက်အဆုံးရောက်တဲ့ထိတင်ရပါတယ်။

အဲလိုတင်ထားပြိး အပြင်ထွက်တာ တို ည အိပ်ပျော်သွားတာတို့နဲ့ကြုံတော့

မီးအား220ကျော်ရင်ပြုတ်ရမယ့် ခလုတ်က မပြုတ်တော့ မီးထလောင်ရောပေါ့ဗျာ။

ဒီနှစ်သင်္ကြန်ပြီးကတည်းက မီးမမှန်တော့ပါဘူး။

ကော်ဖီမစ်များလို သရီးအင်ဝမ်း သုံးရက်လာ တစ်ရက်ပျက်မယ်ပြောလားပြောရဲ့.။

ခြောက်နာရီလာခြောက်နာရီပျက်လဲပြောရဲ့။

ကျုပ်ကတော့ အလုပ်ရှပ်ခံမှတ်မနေပါဘူး။

လာရင်လာတယ်လို့ မှတ်လိုက်တော့အေးရော။

 

ခက်တာက မီးမလာရင် ရေလဲမလာတော့ဘူး။

ကျုပ်တို့နေတဲ့ ကန်တော်ကြီးက စည်ပင်တိုက်ခန်းတွေက စည်ပင်ရေကိုသုံးရပါတယ်။

ဧရာဝတီမြစ်ထဲကို အ၀ီစိတွင်းတူးပြီး 35လမ်းမြတောင်ကျောင်းနားက ရေတွန်းစက်ကနေကျုပ်တို့ဘက်

တွန်းပို့ပေးတယ်ပြောတဘဲ။

အဲဒါကလဲ မီးလာမှတွန်းရတယ်ပြောပြန်တာဘဲ။

2000ခုနှစ်ကျုပ်ဒီတိုက်ခန်းရောက်စက ဘယ်အချိန်ဖွင့်ဖွင့် ပိုက်က ရေကျတာပါဘဲ။

ဘာမော်တာနဲ့မှစုပ်စရာမလိုပါဘူး။

ဖွင့်လိုက်တာနဲ့ဝေါကနဲဘဲ။

နေရကောင်းမှန်းမသိလို့  ထင်ပါရဲ့ နေတဲ့သူ နည်းပါသေးတယ်။

အခုနောက်ပိုင်းတော့ နေတဲ့သူလဲများလာသလိုရေလည်းရှားလာပါတယ်။

အစက ကျုပ်တို့နေတဲ့အောက်ထပ်က မော်တာမလိုဘူး။

 

မနက်ခြောက်နာရီဆိုရေလာ နေ့လည်တစ်နာရီတစ်ခေါက်လာ နောက်ညနေလေးနာရီတစ်ခေါက်လာ။

လာရင်လဲရေကပိုက်အပြည့်။

နောက်ပိုင်းတော့ ည သန်းခေါင်သန်းနွဲမှ ရေလာတော့တယ်။

လာပြန်တော့လဲ ကလေးသေးပေါက်သလောက် နည်းနည်းလေး။

အဲဒိတုံးက မော်တာမပါလဲ ရေ နည်းနည်းချင်း လာတာကိုစောင့်ခံလို့ရသေးတယ်။

နောက်တော့ အပေါ်ထပ်ကလူတွေက မော်တာမတပ်ရင်ရေမရတော့ အခန်းတိုင်းမော်တာတပ်ရော.။

ကျုပ်တို့လဲ ရေမရတော့ဘူးဖြစ်တော့ သူများနည်းတူမော်တာတပ်ရတော့တာပေါ့။

သူတို့စည်းကမ်းတွေမှာ မော်တာမတပ်ရဘူးတော့ပြောသံကြားဘူးပေမယ့် မတတ်ရင်ရေမရတော့

တတ်ရတာပါဘဲ။

အဲတော့ မီးမလာရင် မော်တာမလည် မော်တာမလည်တော့ ရေမရတော့ဘူးပေါ့။

ပြီးခဲ့တဲ့သင်္ကြန်ရက်က မနက်တစ်ခါ နေ့လည်တစ်ခါ ညတစ်ခါရေလာတော့ အဟုတ်မှတ်နေတာ

သင်္ကြန်လဲပြီးရော ရေမလာတော့ဘူး။

ရေက ညသန်းခေါင်မှလာတော့တယ်။

အဲဒါတောင်ရေတွန်းစက်ရှိတဲ့ 35လမ်းမှာ မီးမပျက်မှရေတွန်းလို့ရတာ။

အဲဒီနေရာ မီးပျက်ချိန်နဲ့ရေတွန်းချိန်ကြုံရင် ရေမပေးတော့ဘူး။

ညပိုင်းမီးလာပြိဆိုတာနဲ့ ရှိတဲ့တိုက်ခန်းအားလုံးကမော်တာတွေဖွင့်ပြီးရေစုပ်ကြတာ

ပျားအုပ်ကြီးပျံနေတိုင်းအတိုင်း တ၀ီဝီနဲ့။

ဒါပေမယ့် အခုရက်မှာတော့ ဘယ်အိမ်မှရေ ရလိုက်တာမရှိဘူး။

ရေမော်တာဖွင့်ပြီးအိပ်ပျော်သွားလို့ မော်တာလောင်တဲ့သူလောင်။

ကျုပ်တို့အောက်ထပ်ကတော့ မော်တာနဲ့ဆွဲရင် ရေတစ်စက်ခြင်းကျလာပါတယ်။

အဲဒါလေးကို ခွက်နဲ့ခပ် ကျန်တဲ့အိုးတွေထဲထည့်ပေါ့။

အဲလို့နဲ့ သုံးစရာရေရှိအောင် လုံ့လစိုက်ရတော့တာပါဘဲ။

 

ခက်တာက မီးအားက မငြိမ်ဘူး။

အိမ်မှာက လက်လှည့်ပြီးတင်ရတဲ့ထရန်စဖော်မာကိုသုံးတာ.။

အဲတော့ မီးအားကတက်လိုက်ကျလိုက်ဆိုတော့ ထရန်စဖော်မာက ပြုတ်ပြုတ်ကျသွားတော့ မော်တာကမလည်တော့ဘူး။

အဲဒီမှာ တာဝန်တွေခွဲရတော့တာပါဘဲ။

ကျုပ်က ရေပိုက်နားလေးစောင့်ထိုင်။

တစ်စက်ခြင်းကျလာတဲ့ရေကို ခွက်နဲ့ခံ။

အိမ်မှာရှိတဲ့ ဇလုံတွေ အိုးတွေ ခွက်တွေထဲ လိုက်ဖြည့်။

ကျုပ်မိန်းမက ထရန်စဖော်မာနားမှာ ခုံတစ်လုံးနဲ့ထိုင်။

မီးအားတက်လာရင်အမြန်ချ။

ကျသွားရင် ချက်ခြင်းလက်နဲ့လှည့်ပြီး ပြန်တင်လို့

ရေမီးစစ်ဆင်ရေးကြီးကို ပူးတွဲဆောင်ရွက်ကြပါတယ်။

ညဆယ်တစ်နာရီလောက် ရေလာချိန်က စလိုက်ရင် မနက်2နာရီလောက်ပြီးပါတယ်။

ဟိုတစ်ရက်ကတော့ ရေလာနေတုန်းမီးပြတ်သွားရော။

မီးစက်ရှိတဲ့အိမ်ကတော့ မီးစက်တွေနိုးပြီး ဆက်ဆွဲကြတာပေါ့။

မီးစက်မရှိတဲ့ကျုပ်တို့ကတော့ မီးပြန်လာမလား ထိုင်စောင့်ရင်ငုတ်တုတ်မိုးလင်းခဲ့ရပါလေရော။

ဒါပေမယ့် အဲဒီညက ဘယ်သူမှရေ မရလိုက်ပါဘူး။

ရေက တစ်စက်မှကျမလာတော့ ရေတွန်းစက်ကို လှမ်းပြီး ဖုန်းတွေနဲ့မေးတော့

သူတို့ဆီမှာလဲ မီးပျက်နေတော့ ဘာမှ မတတ်နိုင်ပါဘူးတဲ့ ကောင်းရော။

 

အရင်ကတော့ ထမင်းဟင်းချက်တာ တော့ မီတာရေ။

သောက်တာကတော့ရေသန့်ပေါ့။

အခုရက် လာတဲ့မီတာရေက တစ်ခါတစ်လေ သံဂျီးရေ ခပ်နောက်နောက်။

အဲတော့ စဉ့်အိုးထဲ ကိုကျောက်ချဉ်ခပ် အပေါ်ယံကြည်တာလေးသုံး။

အမူန်အမွှားတွေပါတဲ့ရေကို သွန်ပစ်။

ထမင်းဟင်းချက်တာရယ်သောက်တာရယ် က ရေသန့်နဲ့ပေါ့။

ဖြစ်ချင်တော့ မနေ့ညနေက ထမင်းချက်ခါနီးမှ ရေသန့်ကုန်နေလို့ အိမ်နားက စတိုးဆိုင်သွားဝယ်ပါတယ်။

သူတို့လဲရေသန့်ပြတ်နေလို့ဆိုတော့ ရေသန့် မရခဲ့ဘူး။

ကျန်တဲ့ဆိုင်တွေလဲ ထိုနည်း၎င်း။

အဲဒါနဲ့ဘဲ ရေသန့်ဘူးလေးတွေနဲ့ခွဲထည့်ထားတာကိုပြန်သွန်ပြီး ထမင်းချက်ရတော့တာပေါ့။

 

ကျုပ်အသက်လဲကြီးပါပြီ။

လက်သီးလက်မောင်းတန်းပြီဲးမပြောနိုင်တော့သလို ပြောလဲ  မပြောရဲတော့ပါဘူး။

သိပ်ဲထွေထွေထူးထူးတော့ မမေးချင်ပါဘူး။

ဒါပေမယ့် ဖြေနိုင်သူများရှိရင် ဒါလေးတွေတော့ မေးကြည့်ချင်သားရယ်။

ကုန်အောင်မသုံးနိုင်ဘူးလို့ကြားခဲ့ရတဲ့ လျှပ်စစ်စွမ်းအားတွေက အခုဘယ်ရောက်ကုန်လဲ  ?

(မသိဘဲပွားတာလား မရှိဘဲကြွားတာလား )

နောက်ရေတွန်းစက်ကနေတစ်ဆင့်ရေပေးနေတာ လူတွေအိပ်တဲ့ညသန်းခေါင်မှာဘာလို့ရေပေးနေလဲ?

နေ့ပိုင်းမှာ ရေပေးရင်မရဘူးလား?

ရေပေးရေးဌာနမှာရော မီးပျက်ရင် မီးစက်မောင်းပြီး ရေတင်မပေးနိုင်ဘူးလား?

ဆိုတဲ့မေးခွန်းတွေ မေးချင်လိုက်တာ။

ခက်တာက ဘယ်သူ့မေးလို့မေးရမှန်းမသိတာပါဘဲ။

ကျုပ်ငယ်ငယ်ကတဲက ဘယ်မှမပြောင်းဘဲနေခဲ့တဲ့မြို့။

ကျုပ်ချစ်ခဲ့တဲ့မြို့။

နာမယ်ပြောင်းများစွာရှိခဲ့တဲ့မြို့။

နောက်ဆုံးမင်းစံခဲ့တဲ့မြို့။

ကျုံးမြိုရိုး နန်းတော် ရှေးက ပကတိအတိုင်းကျန်ခဲ့တဲ့မြို့။

အခုတော့ဒီမြို့နာမယ်ကိုပြောင်းလိုက်ချင်ပြီဗျာ။

နာမယ်လှလှလေးပေါ့။

“မီးရေရှားမြို့ “လို့…………………….

“မီးရေရှားမြို့ “လို့…………………….

“မီးရေရှားမြို့ “လို့…………………….

“မီးရေရှားမြို့ “လို့…………………….

“မီးရေရှားမြို့ “လို့…………………….

“မီးရေရှားမြို့ “လို့…………………….

“မီးရေရှားမြို့ “လို့…………………….

 

(မီးရေရှားမြို့လို့ နာမယ်လှလှလေးပေးခဲ့သော အမည်မသိတဲ့အမကြီးကိုကျေးဇူးတင်လျှက်)

 

 

 

ကိုပေါက်လက်ဆောင်အတွေးပါးပါးလေး

(16-5-2012)