အမေ မွေးတုန်းက တစ်ယောက်တည်းမို့လားမသိ

အခု ကျွန်တော့်ကို (…………..)

ပိုလိုကားရိုက်တိုင်း ရှုံးလို့လားမသိ

သူတို့က ကျွန်တော့်ကို (………..)

အဖေက စောစောသေသွားလို့လားမသိ

အတန်းထဲတွင် ကျွန်တော့်ကို (…………)

ဘဝတွင် ဘဝင်မကျစွာ နေထိုင်ရင်း

ကျွန်တော်ကလည်း ကျွန်တော့်ကို (.. ………)

( တိတ်ဆိတ်ခဲ့တာ ကြာပါပြီ ဒါပေမယ့်

ကျွန်တော်မသိချင်ယောင်နေခဲ့တယ်

အဲဒါ<…………>

လွမ်းဆွေးနေတာ ကြာပါပြီ ဒါပေမယ့်

ကျွန်တော် ငတ်မွတ်စွာနေခဲ့တယ်

အဲဒါ <…………>

ခံစားနေရတာ ကြာပါပြီ ဒါပေမယ့်

အဆွေးကားပဲ ကြည့်နေခဲ့တယ်

အဲဒါ<………….>

သိခဲ့တာလည်း ကြာပါပြီ ဒါပေမယ့်

မသိတော့လို့ မသိသလိုနေခဲ့ရတယ်

အဲဒါ<…………>…..)

< ကျွန်တော့်မှာ အမေပေးတယ့် အနှီးလေးနဲ့

နို့ဘူးလေးရှိသေးတယ် ပြီးတော့ [……….]

ငယ်ငယ်က မရှုံးလိုက်ရတယ့် ပိုလိုကားနဲ့

မျက်ရည်စတွေ ကျန်သေးတယ် ပြီးတော့ [………]

ကျွန်တော့်တွက် အဖေချန်ပေးတယ့် အမည်နာမတစ်ခုနဲ့

အသက်တစ်ခုရှိသေးတယ် ပြီးတော့ [………]

ကျွန်တော့်ကို ကျွန်တော် ထူမနိုင်ဖို့ အားအင်တွေနဲ့

အသိဥာဏ်တချို့ ရှိသေးတယ် ပြီးတော့ [……….]……>

[ ပြီးတော့ လက်ကျန် အလွမ်းနဲ့ အနမ်းတွေရယ်

အမေက ပြောပြောနေတယ့် {…………}

ပြီးတော့ ဆုံးရှုံးခြင်း နဲ့ စိုးရိမ်ခြင်းတွေရယ်

သူတို့ပြောပြောနေတယ့် {………….}

ပြီးတော့ အရင်က ဓာတ်ပုံနဲ့ အဖေပုံရိပ်တွေရယ်

သူငယ်ချင်းတွေ ပြောပြောနေတယ့် {………….}

ပြီးတော့ သိမ်ငယ်မှုနဲ့ မုန်းတီးမှုတွေရယ်

ကိုယ့်ကိုယ်ကို ပြောပြောနေတယ့် {………..}…..]

{ စကားစမြည်… စကားစမြည်… သေချာတာ

ငါ့ကို ပြောတာမဟုတ်ဘူး…

စကားစမြည်… စကားစမြည်… သေချာတာ

ငါ့ကို တွေးတာမဟုတ်ဘူး…

စကားစမြည်… စကားစမြည်… သေချာတာ

ငါ့အကြောင်းမပါကြဘူး…

စကားစမြည်… စကားစမြည်… သေချာတာ

ငါ့ကို ငါလည်း ပြန်မပြောမိဘူး… }

ထိုအတွေးတို့နောက်ကွယ်တွင် တေမိမင်း လည်းမပါပါ…။ ဘူးခံငြင်းသော တရားခံတချို့လည်းမရှိပါ…။ ရည်းစားနှင့် ကွဲသော

သူများလည်း မနေထိုင်ပါ…။ သို့သော် သူက ရှိနေသည်။ ?????

ကလေးလေးက မွေးလာကတည်းက ရောဂါနဲ့ ဟို A လေ……..

ဆေးရုံတစ်ရုံလုံး… အသံဗလံများဆူညံလျက်ရှိသည်… ။ သို့သော် ထိုကလေးနားတွင်ကား…

လူသားချင်းစာနာထောက်ထားကြပါ။

ယနေ့ ကမ္ဘာပေါ်တွင် နေထိုင်သူလူသားအားလုံးတွင် စကားစမြည်ပြောဆိုခွင့်လေးတော့ ရှိကြပါသည်။

ဆား

(၂၉.၄.၂၀၁၁)