စိတ်ကူးယဉ်ဆန်သောအိပ်မက်တစ်ချို့ဖြင့်အသက်ရှင်ရပ်တည်နေထိုင်ရာပတ်ဝန်းကျင်တွင်မွေ့ပျော်နေနိုင်ရန်ကြိုးစားနေရသူမှာ ကျွန်မဆိုသည့်ကောက်ကြောင်းတစ်ခုသာ ဖြစ်ပါသည်။

@ @ @

အပိုင်း ( က )

         ပြက္ခဒိန်စာရွက်များပေါ်မှသီချင်းတစ်ပုဒ်ထွက်ကျလာခဲ့လျှင်သူ့ကိုသတိရပါဟုအမြဲလိုလိုပြောတတ်သောလူတစ်ယောက်သည်ကျွန်မ၏ဘ၀တွင်အချိန်များစွာကြာမြင့်သည်အထိမပျောက်မပျက်တည်ရှိနေပါလိမ့်မည်။ရှင်းသန့်ကြည်လင်သောမျက်ဝန်းနှင့်ပန်းသွေးရောင်နှုတ်ခမ်းတစ်စုံပိုင်ဆိုင်ထားသည့်ကျွန်မချစ်ခင်နှစ်သက်လှသောဆန့်ကျင်ဘက်လိင်ထိုယောက်ျားတစ်ယောက်ကို ကျွန်မ လွမ်း၏။

         နာမည်ကြီးအနုပညာရှင်များထွက်ရှိသော၊တန်ဖိုးကြီးရတနာတစ်မျိုးထွက်ရှိရာအလွန်ချမ်းအေးလှသည့်တောင်ပေါ်မြို့လေးမှလူတစ်ယောက်သည်ယခုအချိန်တွင်မည်သို့သောအသက်ရှင်ရပ်တည်ခြင်းမျိုးဖြင့်နေထိုင်နေသည်လည်းဆိုတာကျွန်မစိတ်ဝင်စားလှပါသည်။ဆောင်းရာသီ၏အအေးဒဏ်ပြင်းထန်လှသည့်ကာလအပိုင်းအခြားတွင်အနွေးထည်ဝတ်ရန်အလွန်အပျင်းထူသောကျွန်မအားအတင်းအကြပ်ဝတ်ဆင်ရန်တိုက်တွန်းလေ့ရှိသူမှာသူသာဖြစ်၏။ကျွန်မကြိုက်နှစ်သက်လှသည့်ဂီတအမျိုးအစားများ၏သီချင်းခွေအသစ်ထွက်တိုင်းကျွန်မအတွက်မမေ့မလျော့ဝယ်လာပေးတတ်ခဲ့သောသူသည်တစ်စုံတစ်ယောက်အားသတိရစိတ်ဖြင့်သီချင်းတစ်ပုဒ်ကိုဖွင့်၍နားထောင်ကောင်းနားထောင်နေပါလိမ့်မည်။ထိုသီချင်းသည်သူနှင့်ကျွန်မအကြိုက်တူ၍ကျွန်မကိုမကြာမကြာဂစ်တာတီး၍သူဆိုပြတတ်သော“Idiots’’၏ “ချန်ခဲ့’’လည်းဖြစ်နိုင်ပါသည်။သို့တည်းမဟုတ်မော်ဒန်ဆန်သောအရေးအဖွဲ့နှင့် ကဗျာ၊ ၀တ္ထုအမျိုးအစားကိုသာဖတ်ရှုတတ်သည့်သူသည်မော်ဒန်ဝတ္ထုတစ်ပုဒ်အား ဖတ်ရှုနေနိုင်ပါလိမ့်မည်။

          အေးချမ်းဆိတ်ငြိမ်ရာအရပ်ဒေသတွင်ကျွန်မနှင့်သူအတူရှိချိန်တိုင်း၊ရီဝေစွာကျွန်မကိုငေးမောကြည့်ရှုတတ်သော သူသည် အမှတ်တရအဖြစ်ဓာတ်ပုံတစ်ပုံသော်မျှမပေးထားခဲ့သည့်ကျွန်မအားလွမ်းဆွတ်သတိရသည့်အခါဘာနှင့်အစားထိုးစိတ်ဖြေဖျောက်သည်လဲ မသိပါ။

@ @ @

အပိုင်း ( ခ )

          ရည်ရွယ်မထားပါဘဲနှင့် မတော်တဆအဖြစ်အပျက်တစ်ခုမှအစပြု၍ စတင်တွေ့ဆုံခဲ့သော ကျွန်မတို့နှစ်ယောက်သည် အိပ်မက်တစ်ပုဒ်ထဲသို့တိုးဝင်ရန်စိတ်အားထက်သန်ခဲ့ကြသည်။အကြောင်းအရာတစ်ချို့နှင့်စိတ်ရှုပ်ထွေးအဆင်မပြေသည့်အချိန်တိုင်း ကျွန်မနှင့်အတူသူပါ အချိန်များစွာကြာအောင် ငြိမ်သက်စွာနေခဲ့ဖူးကြသည်။

         သူရေးဖွဲ့သောအချစ်ဝတ္ထုတိုများပုံနှိပ်စာမျက်နှာများပေါ်တွင်မကြာမကြာပါလာသည့်အခါ၊သူနှင့်ကျွန်မအပြန်အလှန်ဆွေးနွေးလေ့ရှိခဲ့သည်။ခေါင်းမာစွာနှင့်ဘယ်သောအခါမှအလျှော့မပေးတတ်ခဲ့သောကျွန်မအားသူ့ဘက်မှသာလက်မြှောက်အရှုံးပေးတတ်ခဲ့သည်။ကျွန်မထက်အသက်(2)နှစ်ကြီးရုံမျှနှင့်ကလေးဟုသုံးစွဲသောသူ၏နာမ်စားကြောင့်သူ့ရှေ့မှောက်မှာပင်ကျွန်မရယ်မောမိခဲ့သည်မှာလည်းအကြိမ်ကြိမ်ပင်။စကားတစ်ခွန်းအားအလွန်အထအနကောက်တတ်သည့်ကျွန်မသည်သူ၏စကားများကြောင့်မကြာခဏစိတ်ကောက်ခဲ့၏။ထိုကာလ၏မနက်ခင်းများတွင်စိတ်ဆိုးပြေရန်ကြိုးပမ်းသောသူ၏နည်းလမ်းသည်ကျွန်မအကြိုက်ဆန်စီးတို့ဟူးပျော့သုပ်အားကျွန်မအဆောင်သို့ပို့ဆောင်ပေးတတ်ခြင်းပင်။ အင်မတန်စာဖတ်ပျင်းလှသောကျွန်မအခန်းထဲတွင်သူ၏ကဗျာနှင့်ဝတ္ထုတိုများပါဝင်ထားသောစာအုပ်မျိုးစုံရှိနေပါသည်။ရက်အနည်းငယ်မတွေ့ဖြစ်လျှင်ပင်ကျွန်မဆီသို့မဖြစ်ဖြစ်အောင်ရောက်ရှိလာရင်း“အရမ်းလွမ်းလို့’’ဟုရေရွတ်တတ်သူသည်အမှန်တစ်ကယ်လည်းကျွန်မအပေါ်ရိုးသားဖြူစင်စွာကြင်နာခဲ့သည်။

         စိတ်ကူးကိုယ်စီအားသူနှင့်ကျွန်မဖလှယ်ရင်း၊အနာဂတ်အတွက်အစီအစဉ်များအားအတွေးထဲတွင်ရေးဆွဲရင်းနှင့်နေ့ရက်ပေါင်းမြောက်များစွာအားကျွန်မတို့နှစ်ယောက်အတူတကွရွှက်လွှင့်ခဲ့ကြသည်။“ကျွန်မတို့နှစ်ယောက်အခြေအနေတစ်ခုခုကြောင့် မဆုံဖြစ်ကြတော့ရင်ဘာလုပ်မလဲ’’ဟုသူ့ကိုမေးတိုင်းစိတ်ဆိုးဒေါသထွက်တတ်သောသူသည်တောင်တန်းကြီးများနှင့်သူတို့မြို့လေး၏ဘီယာဆိုင်ထဲတွင်ထိုင်ကာကျွန်မကိုစိတ်ဆိုးလျှင်ပြုမူနေကျအတိုင်းတစ်ခွက်ပြီးတစ်ခွက်သောက်ရင်းအချိန်ဖြုန်းနေမည်လားမဝေခွဲတတ်ပါ။ကျွန်မဘ၀အတွက်အသက်ရှင်ရပ်တည်မှုသည်သူဖြစ်ခဲ့သလို၊ပျော်ရွှင်ဖွယ်ကောင်းသောသူနှင့်ကျွန်မဇာတ်လမ်းသည်လည်း ထိုအချိန်ကအလွန်လှပခဲ့ပါသည်။

@ @ @

အပိုင်း ( ဂ )

         စိတ်ကူးထားသမျှနှင့်အရာအားလုံးလွဲချော်ခဲ့ပြီးနောက်ကံကြမ္မာ၏လှည့်စားချက်တစ်ခုကြောင့်ပင်သူနှင့်ကျွန်မ၏အပြီးသတ်နှုတ်ဆက်ချိန်သည်လျှင်မြန်စွာရောက်ရှိခဲ့သည်။အများတကာသတ်မှတ်ထားကြသည့်ချစ်သူစုံတွဲများအတွက်ပျော်ရွှင်ဖွယ်နေ့ရက်ဖြစ်သောဖေဖော်ဝါရီလ(14)ရက်နေ့တွင်အားလုံးနှင့်ဆန့်ကျင်လျှက် သူနှင့်ကျွန်မသည် စကားတစ်ခွန်းမျှမဆိုဖြစ်ကြဘဲ တစ်ယောက်မျက်နှာတစ်ယောက်ကြည့်ရင်းဇာတ်လမ်းတစ်ပုဒ်၏အဆုံးသတ်၌ ဝေးကွာခဲ့ကြပါသည်။

*** ထိုဖြစ်စဉ်၏နိဂုံးချုပ်အဖြေ 

          နံရံတစ်ခုခြားနားခဲ့ပြီးနောက်

          ခေါင်းစဉ်ပေးဖို့မလိုလောက်အောင်

          ဘ၀တွေဆိုတာ ပုံစံတကျစီကာစဉ်ကာ ဖြစ်လို့

          အတူတကွနှစ်သက်ဖူးတဲ့   “ Idiots ’’ ရဲ့ “ ချန်ခဲ့’’ သီချင်းက

          နှစ်ယောက်စလုံးရဲ့ ရင်ဘတ်ဟောင်းလောင်းမှာ

          ပုပ်သိုးမှုနဲ့အိပ်တန်းတက်လို့

          စိတ်စေရာရဲ့နောက်ခံမှာ

          ပန်းချီကားတစ်ချို့ရဲ့စုတ်ချက်ကြမ်းကြမ်းက

          အချိန်အခါမဟုတ် နေရာယူတယ် – – – – – !

         သူနှစ်သက်လှသည်ဆိုသောတစ်ဝက်တစ်ပျက်ရေးစပ်ထားသည့်ကျွန်မ၏ကိုယ်တိုင်ရေးဤကဗျာလေးအားအခန်းတွင်းရှိနံရံထက်တွင်စာစီ၍ ကျွန်မကပ်ထားခဲ့သည်မှာ ယခုထိရှိနေဆဲဖြစ်ပါသည်။

         ပြက္ခဒိန်စာရွက်များပေါ်မှသီချင်းတစ်ပုဒ်ထွက်ကျလာခဲ့လျှင်သူ့ကိုသတိရပါဟုအမြဲလိုလိုပြောတတ်ခဲ့သော ယောက်ျားတစ်ယောက်သည် ကျွန်မ၏ဘ၀တွင်အချိန်များစွာကြာမြင့်သည်အထိ မပျောက်မပျက်တည်ရှိနေပါလိမ့်မည်။

@ @ @

                                                                                  ရွှေကိုယ်နတ် ( UCSM )