ရုတ်တရက်ပျောက်ကွယ်သွားရန်မဖြစ်နိုင်သော်လည်းအမှန်တရားတစ်ခုကိုဖွင့်ထုတ်ပြရမည်ဆိုလျှင်ကျွန်တော်သည်သူမအတွက် အိပ်မက်တစ်ပုဒ်သာဖြစ်ပါသည်။

@

[ က ]

            တစ်ခါတစ်ရံတွင်အဖြစ်အပျက်တစ်ချို့သည်ပြန်တွေးချင်စရာမကောင်းလောက်အောင်ပင်လွမ်းဆွတ်ဖွယ်ကောင်းသည်ဟုကျွန်တော်ထင်မြင်မိပါသည်။ထိုအတွေးသည်ကျွန်တော်၏ကျဉ်းမြောင်းသောခပ်တိမ်တိမ်အယူအဆတစ်ခုဖြစ်နိုင်သည်။သို့သော်စိတ်ခံစားမှုကို(ကိုက်ညီလျှင်တစ်ခါတစ်ရံ)ဦးစားပေးလေ့ရှိသောကျွန်တော်၏အတွင်းစိတ်အပိုင်းအခြားတွင်တော့မေ့ဖျောက်ရနိုင်တော့မည်မဟုတ်သောအချက်အလက်များစွာသည်ပြည့်သိပ်စွာနေရာယူလျှက်ရှိနေခဲ့ပြီဖြစ်သည်။ထိုအရာအတွက်သူမမည်သို့ခံစားသည်ဖြစ်စေ၊ ကျွန်တော် ကျေနပ်ပါသည်။

            သမရိုးကျဇာတ်လမ်းတစ်ပုဒ်ဆန်သော၊နေ၊ရေ၊လေတိုက်စားမှုဒဏ်နှင့်မဆိုသလောက်သာငြိစွန်းမည်ဖြစ်သော၊လူငယ်ကြိုက်R&Bသီချင်းများစွာထဲမှစာသားအနည်းငယ်ဆန်နိုင်သောကျွန်တော်တို့နှစ်ယောက်၏ဇာတ်လမ်းသည်အခန်းပေါင်းမြောက်များစွာဖွဲ့နွဲ့သီကုံးရလောက်အောင်အထိလည်း စိတ်ယူးယဉ်မဆန်ခဲ့ပါ။  

@

[ ခ ]

ထူးဆန်းသည်ဟုသတ်မှတ်လျှင်ရမည်ဖြစ်ပြီး၊သမရိုးကျနိဒါန်းဟုအမည်တပ်လျှင်လည်းလက်ခံရမည်ဖြစ်သောအဖြစ်အပျက်တစ်ခုသည်အသက်ဝင်လှုပ်ရှားမှုပေါင်းမြောက်များစွာနှင့်ပြည့်နှက်လျှက်ရှိသောမန္တလေးမြို့ရှိမနက်ခင်းနေ့စွဲတစ်ခု၏ကျွန်တော်တက်ရောက်နေသောသင်တန်းတွင်ဖြစ်ပေါ်ခဲ့၏။ထိုနေ့မတိုင်မီအထိသူမအားနည်းနည်းလေးမျှသတိမထားမိခြင်းသည်လိမ်ညာမှုမရှိသောကျွန်တော်၏အမှန်တရားဖြစ်သည်။

            သူမသည်သင်တန်းမှဆရာသင်နေချိန်တွင်အမြဲတမ်းလိုလိုChattingထိုင်နေတတ်သောကျောင်းသူတစ်ယောက်ဖြစ်သည်။ကျွန်တော်သဘောကျနှစ်ခြိုက်ခြင်းမရှိသည့်မျက်ဝန်းအမည်းချယ်ခြင်းအားခုံမင်စွာပြုမူတတ်သောခေတ်ဆန်ဆန်မိန်းကကလေးတစ်ယောက်လည်းဖြစ်ပြန်၏။သာမာန်အကျင့်စရိုက်ရှိသည့်မိန်းကလေးများနှင့်ဆန့်ကျင်စွာနေထိုင်တတ်သည့်သူမသည်ကျွန်တော်နားမလည်သောလျှို့ဝှက်သည့်ကောက်ကြောင်းတစ်ခုဖြစ်သည်။

            အရင်းနှီးဆုံးသူငယ်ချင်းတစ်ယောက်တည်းသာရှိသော၊အသိမိတ်ဆွေနည်းပါးသောကျွန်တော်သည်ထူးခြားမှုမရှိသောလူငယ်တစ်ယောက်ဖြစ်၏။တွေ့ဆုံဖူးသောလူများစွာမှပေးလေ့ရှိသည့်မှတ်ချက်များတွင်ကျွန်တော်လက်ခံရသောဝါကျတစ်ကြောင်းမှာ(ခင်ဗျားကစကားနည်းပြီးတော်တော်လျှို့ဝှက်တယ်)ဟူ၍ပင်။စိတ်ခံစားမှုနှင့်ကိုက်ညီလျှင်ကဗျာရေးလေ့ရှိသော၊အားလပ်ချိန်တွင်သီချင်းနားထောင်ရှိသည့်ကျွန်တော်သည်အေးဆေးသောလူတစ်ယောက်ဖြစ်နိုင်ပါသည်။အရာရာသွေးအေးလွန်းသောကျွန်တော့်အားဘယ်သောအခါမျှစိတ်တိုင်းကျခြင်းမရှိသောသူမသည်ကျွန်တော့်အတွက်တော့သဘောကျနှစ်ခြိုက်လှ၍ကျွန်တော်ရွေးချယ်ဖတ်ရှုသော မော်ဒန်စာရေးဆရာတစ်ယောက်၏အက်ဆေးဆန်သောဝတ္ထုတိုများစွာထဲမှ ရုပ်ရည်ချောမောလှပခြင်းမရှိသည့် ဇာတ်ကောင်မိန်းကလေးတစ်ယောက်ဖြစ်သည်။

            ဆန့်ကျင်ဘက်ပုံစံများနှင့်တည်ရှိသောကျွန်တော်နှင့်သူမအကြားသို့နူးညံ့ညင်သာသောအရာတစ်ခုသည်ခပ်သာသာမျောလွင့်စီးဝင်လာခဲ့သည်။“အချစ်’’။လူပေါင်းမြောက်များစွာမလွန်ဆန်နိုင်သောထိုစကားစုထဲတွင်ကျွန်တော်နှင့်သူမသည်လည်းပုံစံတစ်မျိုးစီဖြင့် ကျရှုံးခဲ့ကြပါသည်။

@

သူမပေးသောမှတ်ချက်များအောက်မှ ကျွန်တော်

            ခင်မင်ရင်းနှီးသောလူများနှင့်သာစကားပြောသောတတ်သောကျွန်တော်သည်ပေါင်းသင်းဆက်ဆံရေးညံ့ဖျင်းသောလူတစ်ယောက်ဖြစ်၏။ အကြောင်းကိစ္စတစ်ချို့ဖြင့်ချိန်းဆိုလျှင် အချိန်တိကျစွာရောက်နေလေ့ရှိသော ကျွန်တော်သည် ရှေးရိုးစွဲစာအုပ်ကြီးသမားဖြစ်သည်။ မြန်မာဝတ်စုံအား ထဘီခပ်ရှည်ရှည်နှင့်ဝတ်ဆင်ထားသော မိန်းကလေးများအားတွေ့လျှင် စိတ်ဝင်တစားကြည့်ရှုလေ့ရှိသည့်ကျွန်တော်သည်မျိုးချစ်ပုဂ္ဂိုလ်တစ်ယောက်ဖြစ်ပြန်၏။ကျွန်တော်သည်လေနှင်ရာလွင့်ဝဲနေတတ်သည့်ခပ်ပေါ့ပေါ့တိမ်မျှင်တစ်စဖြစ်သည်။အရောင်ပြောင်းလဲမှုနှုန်းမြန်ဆန်သည့် ညနေခင်းတိမ်စိုင်တစ်ချို့ဖြစ်သည်။

            သူမ၏ယခင်ရည်းစားဟောင်းများအကြောင်း၊တိုက်ဆိုင်၍ကြားသိရလျှင်အလိုမကျမှုပေါင်းများစွာနှင့်တစ်နေကုန်မှုန်မှိုင်းနေတတ်သောကျွန်တော်သည်သူမခေါ်ဆိုသောဦးစိတ်တိုဖြစ်၏။သူမကျွန်တော့်ကိုစိတ်မကောက်လျှင်သူမစိတ်တိုင်းကျလုပ်ဆောင်ပေးလေ့ရှိသောကျွန်တော်သည်သူမ၏ဂျိုကာလေးဖြစ်သည်။သူမစိတ်ဆိုးလျှင်ချော့ရမည်မှန်းမသိသောကျွန်တော်သည်ရည်းစားမထားဘူးမှန်းသိသာစေသည့်ခပ်တုံးတုံးယောက်ျားတစ်ယောက်ဖြစ်သည်။

        ကျွန်တော်၏အသွင်အပြင်နှင့်စရိုက်လက္ခဏာများအားပုံစံအမျိုးမျိုး၊ဥပမာပေါင်းမြောက်များစွာနှင့်သူမသုံးသပ်ခဲ့ဖူးပါသည်။

@

နိဂုံး

အကြောင်းပြချက်တစ်ချို့နှင့်ကျောခိုင်းသွားသောကျွန်တော်နှင့်သူမ၏နှုတ်ဆက်ချိန်အခန်းမှသူမ၏ဒိုင်ယာလော့ခ်အချို့အားကောက်နုတ်တင်ပြအပ်ပါသည်။

                        ” ရှင့်ရဲ့အဲဒီအေးဆေးပြီးသိုဝှက်တဲ့ပုံစံကိုကျွန်မ စချစ်မိခဲ့တယ်၊ ရှင့်ရဲ့အသေးစိတ်အမူအကျင့်

                         အားလုံးကိုပဲကျွန်မစွဲလမ်းခဲ့တယ်၊ တစ်ကယ်တော့ ကျွန်မ မှားယွင်းခဲ့တာပဲ၊

                         တဖြည်းဖြည်းနဲ့ ကျွန်မချစ်ခဲ့တဲ့ရှင့်ရဲ့ပုံစံတွေအားလုံးဟာ သည်းခံချင်စရာမကောင်း

                         လောက်အောင် မုန်းတီးစေခဲ့တယ်၊ အဲဒီလောက်သွေးအေးပြီး အရာရာလျှို့ဂှက်တဲ့

                         သူဟာလူတစ်ယောက်ဖြစ်ဖို့မကောင်းဘူး၊ ရှင်ဟာခံစားမှုမရှိခဲ့စက်တစ်ခု၊ စက်ရုပ်တစ်ရုပ်၊

                         ဒါမှမဟုတ် ကြိုးဆွဲပြီးကခိုင်းလို့ရတဲ့ရုပ်သေးရုပ်တစ်ရုပ်ပဲဖြစ်သင့်တယ်၊

@

အချစ်ဆိုသောအရာကိုဖွဲ့ဆိုရာတွင်ကျွန်တော်သည်သူမအတွက်အပြစ်ကြီးကြီးအစိုင်အခဲတစ်ခုဖြစ်သည်။လူငယ်ကြိုက်R&Bသီချင်းများစွာထဲမှစာသားအနည်းငယ်ဆန်နိုင်သောကျွန်တော်တို့နှစ်ယောက်၏ဇာတ်လမ်းသည်အခန်းပေါင်းမြောက်များစွာဖွဲ့နွဲ့သီကုံးရလောက်အောင်အထိလည်း စိတ်ကူးယဉ်မဆန်ခဲ့ပါ။

                                                               @ @ @

                                                                                                            ရွှေကိုယ်နတ်(UCSM)

                                                                                                            [ 24.1.2012 (10:15)PM ]