သူက ဓားနဲ့ ထိုးရင် ကျွန်တော်က သေပေးရမှာလား။

ခက်တာက နှင်းဆီရောင် နံနက်ခင်း ၊ နှင်းတွေ ဝေသလိုလိုနဲ့ ၊ အမြင်မှားမှုတွေ တစ်ထပ်ကြီး သိမ်းကျုံးပစ်သွင်းလိုက်တာ ၊ ဘယ်ရမလဲ

ကျွန်တော်ကလဲ လူပဲ ၊ ပက်ပက်စက်စက် မှားလိုက်တာ ၊ ကမ္ဘာကြီးတောင် မူးသွားတယ်။ တကယ်က ကျွန်တော်ဘက်က မှားခဲ့တာလား ၊

သူ့ဘက်က စတင် ကျူးကျော်လိုက်တာလား ၊ ကျွန်တော်ဖြင့် မဝေခွဲတတ်ပေါင်။ ဒါပေမယ့်လည်း နောက်ဆုံး ရလဒ်က တော့ ၊

ကျွန်တော့် အမှားပေါ့၊ ကျွန်တော့်အရှုံးပေါ့ ၊ အဲဒီတော့ ၊….။

သူက ဓားနဲ့ ထိုးရင် ကျွန်တော်က သေပေးရမှာလား။

ရှေးဟောင်း အီဂျစ်တွေ ရဲ့ ပုံပြင်တစ်ပုဒ်ရှိတယ်။ တစ်ခါမှာပေါ့ဗျာ နတ်ဘုရားတွေနဲ့ လူသားတွေ အသေအကြေ စစ်ဖြစ်ကြသတဲ့။

အဲ့လို စစ်ဖြစ်တော့ နောက်ဆုံးမှာ လူသားတွေ အနိုင်ရသွားတယ်။ ဘယ်လိုက ဘယ်လို အနိုင်ရသွားသလဲ ဆိုတာတော့ ကျွန်တော်လည်း

သေချာ မသိဘူး။ ကျွန်တော်ကြားဖူးတာလည်း ကြာပြီလေ။ အရင်ဘ၀ကတည်းက ကြားဖူးနေတာ။ အဲဒီမှာ ကျွန်တော့်ကို ဦးနှောက် ခြောက်

စေတာက လူသားတွေ နိုင်ပြီး နတ်ဘုရားတွေ ရှုံးတဲ့ ကိစ္စပဲ။ ခင်ဗျားလည်း အသိပဲ။ ဘယ်လိုပဲ စဉ်းစားစဉ်းစား နတ်ဘုရားဆိုတာ လူထက်

အသာကြီးပဲမဟုတ်လား။ တန်ခိုး စွမ်းပကားကော လက်နက်ကော တိုက်ရည်ခိုက်ရည်ကော။ ဒါပေမယ့် လူသားက နိုင်သွားတာပဲ ပုံပြင်

အရပေါ့နော်။ ပုံပြင်ဆိုတော့လည်း ပုံပြင်လိုပဲပေါ့ဗျာ။ ဒီတော့ အခု ကျွန်တော် ရင်ဆိုင်နေရတာက စီးချင်းထိုးတဲ့ကိစ္စလည်းမဟုတ်ဘူး

နတ်ဘုရားနဲ့ ရန်ဖြစ်နေတာလည်းမဟုတ်ဘူး။ အဲ့လို ကိစ္စမှာတောင်

သူက ဓားနဲ့ထိုးရင် ကျွန်တော်က သေပေးရမှာလား။

အပြုံးပဲဗျ။ အဲဒီအပြုံးကတော့ နတ်ဘုရားမတွေ အောချရလောက်တယ်။ ကျွန်တော်ဘာကို ဆိုလိုတယ်ဆိုတာ ခင်ဗျား သိမှာပါ။

အဲဒီ အပြုံးနဲ့ပဲ ဒီကကောင် ကျွန်တော့်မှာ နေ့ မအိပ် ညမအိပ်ပဲနဲ့ ဟို ရက်ပါလေး သီချင်းလို ဖြစ်နေတာ။ ဒါပေမယ့် ဒီလို တည့်တိုးကြီး

နှင်းဆီဖူးတွေ ကျွန်တော့်ရင်ဘတ်ကို လာထိုးမယ်လို့တော့ ကျွန်တော်လည်း ဘယ်တွေးထားပါ့မလဲ။ ဒါက ရှောခ့်လေ။ တကယ့်ေ၇ှာခ့်။

ဒီလောက်ဆို ကျွန်တော် ဘယ်သူနဲ့ ဘာတွေ ရင်ဆိုင်နေရမလဲ ခင်ဗျားသိမှာပါ။ ခင်ဗျားလည်း အချစ်ဝတ္ထုတွေ ကျမ်းကြေအောင်

ဖတ်ဖူးပြီးသားပဲ။ အဲဒီတော့ အဲဒီလို ၀တ္ထုတွေထဲမှာ သာ စာရေးဆရာက သူ့စိတ်ကြိုက် အဆန်းကြယ်ဆုံးဇာတ်လမ်းတွေဆင်

သူ့စိတ်ကြိုက် ဇာတ်တွေသိမ်းလို့ရပေမယ့် သိမ်းထားပေမယ့် ဒီမှာက တကယ့်လက်တွေ့ဗျ။ ကျွန်တော့်မှာ လူတစ်ကိုယ်လုံး ထူပူပြီး

ဘာလုပ်လို့ ဘာကိုင်ရမှန်းကိုမသိဘူး။ ကျွန်တော် သူ့ကို တစ်ချက် ခိုးကြည့်တော့ စိတ်ညစ်စရာပါဗျာ စောစောက သေလောက်တဲ့

အပြုံးလှလှကြီးနဲ့။ ကဲ

သူက ဓားနဲ့ ထိုးရင် ကျွန်တော်က သေပေးရမှာလား။

အချိန်တွေတောင် အတော်ကြာသွားပြီ။ စကားတွေလည်း နှုတ်ခမ်းတွေက ထွက်မလာဘဲ အတော်ပြောပြီးကုန်ပြီ။ ဆွေးနွေးညှိနှိုင်းမှုက

လည်း အဆင်မပြေဘူး။ ကျွန်တော့်အတွက်ပေါ့။ ချစ်ခြင်း ကိစ္စတွေ အိမ်ထောင်ပြုခြင်း ကိစ္စတွေဆိုတာကလည်း ဒီလို တစ်ထိုင်တည်း

ပြောလို့ ပြီးမလား။ ဘယ်ပြီးမလဲ။ ဘာတဲ့ ဆိုရိုးတောင်ရှိသေးတယ်။ အဲဒီဆိုရိုး ခင်ဗျားသိပါတယ်။ ကျွန်တော်ပြောနေရင် ဆရာလုပ်

တယ်ဖြစ်ဦးမယ်။ အဲဒီတော့ ကျွန်တော် တောင်းပန်စရာရှိတာ အမြန်တောင်းပန်တယ်။ မရဘူး။ လိုက်လျောသင့်တန် အကုန်

လိုက်လျောတယ်။ မရဘူး။ ကဲ ဒါဆို ဘာလုပ်ရမလဲဆိုတော့။ လုပ်ပြီ သူက သူ့လက်နက် အပြုံးထက်ထက်ကြီးကို ဘယ်လိုမျိုးလဲဆို

ဟို တရုတ်သိုင်းကားတွေမှာ သိုင်းသမားတွေ ဓားချင်းယှဉ်ဖို့ နေရာယူပြီး သူတို့ ဓားကို ဖြည်းဖြည်းချင်း စတိုင်လ်တွေ မလိုင်တွေနဲ့

ဆွဲထုတ်နေသလိုမျိုး တကယ် အသည်း ယားစရာပါဗျာ။ သူ့ရဲ့ အဲဒီအပြုံးကြီးကို ထုတ်လည်းပြီးရော

သူက ဓားနဲ့ ထိုးရင် ကျွန်တော်က သေပေးရမှာလား။

မသေနိုင်ပါဘူးဗျာ။

သူဓားနဲ့ထိုးတာ ကျွန်တော့်ကိုမှ မဟုတ်ဘဲ။

သူ့ရှေ့က ပန်းသီးကြီးကို ။

ပြီးတော့ ပြောတယ်။

ဒီပန်းသီးကို အသည်းပုံ အစိတ်လေးတွေ ခြောက်စိတ် ရအောင်စိတ်ပြီး သူ့ကို ခွံကျွေးပါတယ်။

အဟီး။ ရှေ့က ဟာတွေအတွက် ဆောရီးဗျာ။ ကျွန်တော် အထင်မှားပြီးစိတ်ကူးတွေ ယဉ်မိသွားတာ။

ကျွန်တော့် ချစ်သူလေးက အဲ့လောက်မဆိုးပါဘူးဗျ။

သူက ဓားနဲ့ ထိုးရင်……

ဟုတ်ကဲ့ .. ကျွန်တော် ပန်းသီးခွဲနေလို့ မအားသေးဘူး ဗျာ။

အခြားပိုစ့်တွေ သွားဖတ်လိုက်ဦးနော် ။ နောက်မှ တွေ့မယ်။ တာ့တာ။

@  @   @

မိုးအိမ်လူ

၁၈ နိဝင်ဘာ ၂၀၁၁

ကိုးနာရီ ထိုးပြီး နှစ်ဆယ့် လေးမိနစ်