ပန်းပွင့် အယ်လ်ဘမ် ( ၁ )

အဖြူရောင်တွေ လက်လက်တောက် အဘယ်နတ်ဘုရားရဲ့ ဖန်ဆင်းမှုနဲ့ ခင်ဗျား ဒီလောက် တောက်ပ နေရသလဲ။ ညှို့ဓာတ်ပြင်းတို့နဲ့

ကျွန်တော့်ရဲ့ အိပ်မက်တွေကို ဘယ်နှကမ္ဘာအထိ ခင်ဗျား ချုပ်နှောင်ထားဦးမှာလဲ။ အသေကောင် လို ခင်ဗျား ရဲ့ မျက်ဝန်းအောက်မှာ

ဝပ်စင်းခဲ့ရတဲ့ ကျွန်တော့်ရဲ့ သက္ကရာဇ်တွေ … ခင်ဗျား ကတော့ ပြုံးလျက်ပါပဲလား မစံပယ်။

ဒီလို နှင်းငွေ့တွေ ရိုက်ခတ်လေ့ရှိတဲ့ ဆောင်းဦးညတွေကို ကျွန်တော် မုန်းမိတယ်။ အလှတစ်ပါးမှာ ကျရှုံးခဲ့ရတဲ့ လူတစ်ယောက်ရဲ့

ဘ၀ ။ နောက် ပြီးတော့ နောက်ဆက်တွဲ ဆိုးကျိုးများ။ မသာယာလှဘူး။ မသာယာခဲ့ဘူး။ ဘယ်တော့မှလည်း သာယာဦးမှာ မဟုတ်ပါဘူး။

ဒါတွေကို ခင်ဗျား သိချင်မှ သိလိမ့်မယ်။ သိချင်စိတ်လည်း ရှိချင်မှ ရှိလိမ့်မယ်။ ဒီလိုပဲလေ ကျွန်တော်ဆိုတဲ့ကောင်ကလည်း မလိုအပ်တာတွေ

ရေစီးကမ်းပြိုရမယ်ဆို ကမ္ဘာဦးကတည်းက ရေတွက်ရင် ပထမဆုံး ပဲမဟုတ်လား။ ဘယ်လိုပဲဖြစ်ဖြစ်

သေချာမှုတစ်ခုကတော့ ကျွန်တော် ခင်ဗျားကို ချစ်နေဆဲပါပဲ။

@    @     @

နေမသာတဲ့ နေ့ မိုးမရွာတဲ့ နေ့ .. ဒီလို အေးစိမ့်မှုလေးတွေ ခန္ဓာကိုယ်အနှံ့ အင်းဆက်ပိုးမွှားတွေလို ကပ်ညှိ စိမ့်ဝင်နေတဲ့ နေ့မျိုးတွေမှာ

ခင်ဗျား မယုံကြည်တဲ့ အချစ်ဆိုတာကို ကျွန်တော်က အလေးထား တန်ဖိုးထား မြတ်မြတ်နိုးနိုး ခွဲခြမ်းစိတ်ဖြာနေတတ်တယ်။

ဒီလိုပဲပေါ့။ အချစ်နဲ့ နောက်ဆက်တွဲ အလွမ်းတွေလည်း ဒရောသောပါ ကျွန်တော့်  ဦးနှောက်ထဲကို သို့မဟုတ် ကျွန်တော့် နှလုံးသားထဲ

ကို ရောက်လာခဲ့တယ်။ ကျွန်တော် ခင်ဗျားကို တကယ် လွမ်းနေခဲ့တယ် မစံပယ်။ ကဗျာဆရာတွေလို ကျွန်တော့်အလွမ်းတွေက

နုရွ နေမှာ မဟုတ်ဘူး။ လှပ နေမှာမဟုတ်ဘူး။ ခမ်းနားနေလိမ့်မယ်လို့လည်း မထင်မိဘူး။ ဘာလို့လဲ ဆိုတော့ ကျွန်တော့်အလွမ်းက

ကျွန်တော်တစ်ယောက်တည်း စိတ္တဇ ဆန်ဆန် ခံစားနေရတဲ့ ခံစားမှု တစ်ခုမို့လို့ပါ မစံပယ်။ ကျွန်တော် လွမ်းနေကြောင်း ခင်ဗျား မသိလို့

ကျွန်တော် ခင်ဗျားကို စိတ်ဆိုးမှာ မဟုတ်ပါဘူး။ ကျွန်တော် စိတ်ဆိုးလို့လည်း ခင်ဗျားက ၀မ်းနည်းနေမှာ မဟုတ်ပါဘူး။

ဘာပဲ ဖြစ်ဖြစ် ကျွန်တော် ခင်ဗျားကို လွမ်းနေတယ်ဗျာ။

@   @   @

ကျွန်တော့်အလွမ်းတွေက ရွှေမှုန်ကြဲမထားပါဘူး။ ရိုးရိုးလေးရယ်ပါ။ အချစ်ရူးတွေလိုလည်း အချိန်ပြည့်  စိတ်ထဲထည့်ပြီး ပေတေ လေလွင့်

စားချိန်တန် စား အိပ်ချိန်တန် အိပ် ပြီးတော့ လွမ်း အိပ်စားလွမ်း ဆိုပြီး ကိုယ့်ကိုယ်ကို မထိခိုက်အောင် လွမ်းနေတာလည်း မဟုတ်ပါဘူး။

ရိုးရိုးလေးရယ်ပါ။ ခင်ဗျားနဲ့ ပတ်သက်တဲ့ အမှတ်တရ အချို့များ ကျွန်တော့်ရှေ့မှာ မနေတတ်မထိုင်တတ် ရောက်လာတဲ့ အချိန်ဖြစ်ဖြစ်

အလိုက်ကန်းဆိုးမသိတဲ့ မိတ်ဆွေဆိုသူတွေ ခင်ဗျားနာမည်ကို ထည့်ပြောတဲ့ အချိန်ဖြစ်ဖြစ် အဲ့လို ဖြစ်နိုင်ချေ အကြောင်းတရား တစ်ခုခု

ပေါ်ပေါက်မှသာ ကျွန်တော် လွမ်းတာပါ။ ခက်တယ် မစံပယ်။ ခင်ဗျားကို လွမ်းလိုက်တိုင်း ကျွန်တော့် ရင်က စူးစူး အောင့်တတ်တာကတော့

ဝဋ်ကြွေးတစ်ခုပေပဲလား။ ကျွန်တော် အနေနဲ့ ခင်ဗျားကို လွမ်းတယ်ဆိုတဲ့ ခံစားချက်လေးကို မထိန်းကွပ်နိုင်ဘဲ စိတ်ထဲ လွှတ်ပေးမိလိုက်

ရုံ သက်သက်လေးရယ်နဲ့ ကျွန်တော့်မှာ နာကျင်မှုကိုပဲ အပို ခံစားနေရတယ်။ ဒါတွေ ဒီလို ခံစားရလို့ ခင်ဗျားကို ကျွန်တော် အပြစ်မတင်

ပါဘူး။ ကိုယ်မကောင်းလို့ ခေါင်းရွေ့တယ်ပဲ ကျွန်တော် သဘောထားလိုက်ပါတယ်။ တိုက်ဆိုင်မှုတွေကိုတော့ ကျွန်တော် အတတ်နိုင်ဆုံး

ေ၇ှာင်၇ှားသင့်တာပေါ့ဗျာ။

@   @    @

သေချာစဉ်းစား ကြည့်လိုက်ရင် ခင်ဗျားလို ကျွန်တော်က ဘာလို့ စိတ်ဓာတ်မခိုင်မာရသလဲ … သေချာစဉ်းစားကြည့်လေ စဉ်းစားလို့

မရလေပဲ။ ခင်ဗျားက အရာရာကို ဆင်ခြင်တယ်။ ကျွန်တော်က စိတ်နောက်ကိုယ်ပါ။ အခုဆို ခင်ဗျား မပေးဘဲ ကျွန်တော် ယူခဲ့တဲ့

လက်ဆောင်တွေ ကျွန်တော့် ဆီမှာ အဟောင်းနံ့ သင်းသင်းနဲ့ နေ့တိုင်း ကျွန်တော့်ကို တိုက်ခိုက်လို့။ ခင်ဗျားနှုတ်ခမ်းသုတ်ခဲ့တဲ့

တစ်ရှုးပေပါ။  ခင်ဗျား ခေါင်းက ပြုတ်ကျကျန်ရစ်ခဲ့တယ် စံပယ်နှစ်ပွင့်။ မင်ကုန်လို့ ခင်ဗျား လွှင့်ပစ်ခဲ့တဲ့ ဘောလ်ပင် တွေ ။ ခင်ဗျား

ခုံနံပါတ်တပ်ထားတဲ့ နောက်ဆုံးနှစ်က နောက်ဆုံးစာမေးပွဲ မေးခွန်းလွှာတွေ။ ကျွန်တော့်သူငယ်ချင်း ရေးပေးခဲ့တဲ့ ခင်ဗျား ပုံတူ ခဲခြစ်။

နောက် ဘာရှိဦးမလဲ။ အများကြီးပဲဗျ။ ကျွန်တော် အထိန်းအသိမ်းမကောင်းလို့ ပျောက်သွားတာတွေလည်း ရှိသေးတယ်။ ခက်တော့

ခက်တယ် မစံပယ်။ ခင်ဗျားကို မြတ်နိုးလှပါပြီရဲ့ ဆိုတဲ့ ကျွန်တော်လိုကောင်ကတောင် ခင်ဗျား နဲ့ ပတ်သက်တဲ့ပစ္စည်းတွေကို ဒီလို

ပျောက်ပျက်အောင် ထားမှတော့ ခင်ဗျားကတော့ ဝေးပြီ ထင်ပါရဲ့။ ဘာပဲ ဖြစ်ဖြစ် ကျွန်တော့်ရင်ထဲက ခင်ဗျား ထွက်ခွာမသွားသေးတာ

ကတော့ သေချာပါသေးတယ် မစံပယ်။ ခင်ဗျားရဲ့ ရူးကြောင်ကြောင် ဒဿန စကားလုံးတွေ ကျွန်တော် ပြန်လည် ကြားချင်မိသေးတယ်။

ခင်ဗျားရဲ့ မာနထက်ထက်နဲ့ ချိန်ညှိထားတဲ့ အပြုံးတွေ ကျွန်တော် မြင်ချင်မိသေးတယ်။ တစ်ခါတစ်လေ လူကြီးရုပ်ကြီးနဲ့ ကလေးတစ်

ယောက်လို လွတ်လွတ်လပ်လပ် ရယ်လိုက်တဲ့ ခင်ဗျားရဲ့ ရယ်မောပုံလေးကိုလည်း ကျွန်တော်မြင်ချင်မိသေးတယ်။ အစသဖြင့်ပေါ့ဗျာ။

ခင်ဗျားနဲ့ ပတ်သက်သမျှ ခင်ဗျား အပါအ၀င် အရာအားလုံးကို ကျွန်တော် ပြန်လည် ထိတွေ့ ခံစားချင်မိသေးတယ်။ ဟိုး အရင်

ခင်ဗျားနဲ့ စပြီး မတွေ့တော့တဲ့ သောကြာနေ့ကနေ ဒီနေ့ အထိ ကျွန်တော် ပြန်လည်..။

@   @   @

မိုးအိမ်လူ

6 November 2011

PM : 9:20