ကျုပ်နာမည်က ဂဠုန်.ကျုပ်ရဲ့အားအင်ကတော့ ဘယ်လောက်ကြီးသလဲမမေးနဲ့။ ပြောရရင်ခင်ဗျားတို့အံ့သြသွားမယ်။ ကျုပ်ရဲ့ခန္ဓာကိုယ်က ကြီးလွန်းလို့ စာကလေးကတောင် အဖေခေါ်ရမယ်။ တကယ်ပြောတာ လူကောင်ကသေးသေးလေး နာမည်နဲ့ဘာဆိုဘာမှ မဆိုင်တာ။ တချို့ကပြောတာတော့ နာမည်စီးတာတဲ့။ ထားလိုက်ပါတော့ဗျာ။ ဒါတွေပြောနေရင် ပြီးမှာမဟုတ်တော့ဘူး။ အဲ… ဒီဇာတ်လမ်းလေးကိုပြောရင်တော့ ကျုပ်ရဲ့သတ္တိအကြောင်းပြောပြရလိမ့်မယ်။ သည်းခံပြီးတော့ နားထောင်ပေးဗျာ။ ကျုပ်က ရွာမှာအင်မတန် သတ္တိကောင်းတဲ့ကောင်။ လုမှု၊ ၀ှက်မှု၊ ဓားပြမှု၊ လူသတ်မှု အားလုံး ကျုပ်လုပ်မယ်ထင်လား။ မလုပ်ဘူး။ ဒါပေမယ့်လို့ ကျုပ်ကခိုးတဲ့နေရာမှာ အင်မတန်ဝါသနာကြီးတဲ့ကောင်။ မိဘတွေကတော့ သူခိုးနက္ခတ်နဲ့မွေးတာလို့ပြောတယ်။ ကျုပ်လည်းနက္ခတ်ပညာရှင်မဟုတ်တော့ သေချာမသိဘူးဗျာ။ အဲလိုရင်းကိုပြောရရင်တော့ ကျုပ်ကတိုလီမုတ်စတွေ့ရင်မနေနိုင်ဘူးဗျ။ တစ်နေ့တော့ဗျာ ကျုပ်ကိုကျုပ်သူငယ်ချင်းတွေက ၀ိုင်းပြီးအချွန်နဲ့မပေးကြတယ်။ ကျုပ်ကို သူကြီးအိမ်ထဲမှာရှိတဲ့ သူကြီးတောင် ဖိမ့်ဖိမ့်တုန်အောင်ကြောက်ရတဲ့ သူကြီးမိန်းမရဲ့ထမီကိုသွားခိုးခိုင်းတယ်ဗျာ။ အဲဒီလိုခိုးပေးရင် ကျုပ်ရဲ့သတ္တိကိုယုံမယ်တဲ့။ မခိုးနိုင်ရင်တော့ ကျုပ်ကသတ္တိမရှိတဲ့ကောင်တဲ့။ အဲဒီလို ကျုပ်ရဲ့သတ္တိကိုလာစမ်းတော့ ကျုပ်ကလည်း သူတို့ရဲ့စိန်ခေါ်မှုကိုလက်ခံလိုက်တာပေါ့ဗျာ။ သူကြီးအိမ်ကိုဝင်ခိုးဖို့ ကျုပ်အရင်ဆုံးပလန်တွေဆွဲတာပေါ့ဗျာ။ ကောင်းကင်မှာ ကြယ်မရှိလမရှိတဲ့ လမိုက်ညမှာ ကျုပ်သူကြီးအိမ်ကိုဝင်ခိုးဖို့ ဆုံးဖြတ်ချက်ချလိုက်တယ်။ အဲဒီလိုနဲ့လမိုက်ညကိုရောက်လာပြီ။ ကျုပ်လည်းသူကြီးအိမ်ကိုဝင်ခိုးဖို့ ကြိုတင်စီမံထားတဲ့အတိုင်း သူကြီးတို့အခန်းပြတင်းပေါက်ကနေ အခန်းထဲကိုကျော်ဝင်လိုက်တာပေါ့ဗျာ။ ခင်ဗျားတို့ မြို့မှာကြည့်ကြည့်နေတဲ့ သိုင်းကားထဲကလိုခုန်ဝင်လိုက်တာပေါ့။ ကျုပ်ကပဲကံမကောင်းတာလား။ ကံတရားကပဲကျုပ်ကိုမျက်နှာသာမပေးတာလားမသိဘူး။ ကျုပ်လည်းအခန်းထဲရောက်ရော သူကြီးဆီကအသံကြားရတယ်။ ‘ဘူ’တဲ့။ တော်သေးတာပေါ့ သူကြီးလေလည်တဲ့အသံမို့လို့။ ကျုပ်လည်းလုပ်စရာရှိတာလုပ်ဖို့ သူကြီးကတော်ရဲ့အဝတ်တွေကိုရှာတာပေါ့ဗျာ။ အဲ…အဲဒီမှစတွေ့တာပေါ့ဗျာ။
“ဟေ့ ငါ့အခန်းထဲမှာဝင်နေတာဘယ်အကောင်လဲ”
သူကြီးဆီက အဲဒီလို မေးတဲ့အသံကြားတော့ကျုပ်လည်းလန့်သွားတယ်။ ရုတ်တရက်ဆိုတော့ လန့်ဖြတ်ပြီးပြန်ဖြေလိုက်မိတယ်ဗျာ။
“ဘယ်သူမှမဟုတ်ဘူး” လို့။
အဲဒီမှာကျုပ်ဖြေတာကို ကြားပြီးထလာတာက ကျုပ်ထင်သလို သူကြီးမဟုတ်ဘူး။ သူကြီးကတော်ဖြစ်နေတယ်။ အမှန်တော့ ကျုပ်တို့ရဲ့သူကြီးကယောင်ပြီးအော်တာတဲ့။ ကျုပ်လည်းအဲဒီအချက်ကိုမေ့သွားတယ်။ အဲဒီမှာပဲ သူကြီးကတော်နှင့်တွေ့ပြီး ကြောင်လက်ထဲရောက်နေတဲ့ ပုတ်သင်ညိုလေးလို သနားစရာမျက်နှာပေးလေးနဲ့ တောင်းပန်ရတော့တာပေါ့ဗျာ။ သူကြီးကတော်ကလည်း ကျုပ်ကိုဘယ်အချိန်တည်းကကြည့်မရလဲ မသိဘူး။ တစ်ခါတည်းကို မြို့နယ်ရဲစခန်းပို့တော့တာပဲ။ ဒီလိုနဲ့ ကျုပ်ဒီထဲကိုရောက်တာဗျ။ အဲခဏလေးဟိုမှာ ခပ်ချောချောရဲသားကြီး (သူတို့က အဲဒီလိုဖားပေးရတယ်ဗျ) လာနေလို့။
“ဟေ့ကောင်ဂဠုန် မင်းကိုလွတ်ငြိမ်းချမ်းသာခွင့်နှင့် လွှတ်ပေးမယ်။ မနက်ဖြန်ကြရင် မင်းပြန်ဖို့ပြင်ထား” တဲ့။
ဟာကျုပ်ပျော်လိုက်တာဗျာ။ မနေ့ကမှထောင်ကျတယ်။ မနက်ဖြန်အိမ်ပြန်ရတော့မယ်တဲ့။ ပျော်လိုက်တာ။ ဘယ်လိုပျော်မှန်းကိုမသိဘူး။ အထက်ကလူကြီးတွေကိုလည်းတကယ်ကျေးဇူးတင်တယ်သိလား။ သမ္မတကြီးအပါအဝင်ပေါ့။ ကျုပ်လေ သမ္မတကြီးကိုဦးထိပ်ပန်ပြီးနေ့တိုင်း မေတ္တာပို့တော့မယ်။ တကယ်ဗျာ။ သမ္မတကြီးကျန်းမာချမ်းသာပါစေလို့….