Home
Post Masterpiece
Register
Login
ကြွက်ကအနံ့ခံဆဲ..ကြောင်ကလက်သည်းသွေးနေတယ်။
ကျွန်တော် အခန်းထဲကို ၀င်ဝင်ခြင်း စိတ်အနှောက်အယှက် တစ်ခုကိုတွေ့လိုက်ရတယ်။ တစ်ချိန်လုံး ကျွန်တော့ဘ၀ရဲ့ အရေးကြီးလှတဲ့ စာရေးစက္ကူတွေဟာ ကော်ဇောပေါ်မှာ အမှိုက်တွေအဖြစ် မွစာကြဲနေတယ်။
ကျွန်တော့ရဲ့ ကွန်ပျူတာ charging ကြိုးဟာ အပေါက် အပြဲတွေနဲ့ ပျက်စီးနေလေပြီ။ တစ်ချိန်လုံး ကျွန်တော်အမြတ်တနိုးချိတ်ဆွဲထားခဲ့သော လူတစ်ယောက်၏ဓာတ်ပုံဟာ ကြမ်းပြင်ပေါ်မှာ မှန်ကွဲစ အပိုင်းအစတွေဖြစ်နေတယ်။ ကျွန်တော် သွေးရူးသွေးတမ်းအော်ဟစ်မိစဉ်မှာဘဲ အမှိုက်တွေ၊ မှန်ကွဲစတွေထဲမှာ နှာခေါင်းတရှုံ့ရှုံ့ လုပ်နေတဲ့ ကြွက်တစ်ကောင်ကို ကျွန်တော်တွေ့လိုက်ရပါတော့တယ်..။
“တောက်..”
ဒီလိုနဲ့ ကြွက်မုန်းတဲ့ ကျွန်တော် ကြောင်တစ်ကောင်ဖြစ်လာခဲ့တယ်။
“မေမေရေ သားဗိုက်ဆာပြီ”
အိပ်ရာက ထထခြင်း ကျွန်တော်ပြောလိုက်တဲ့ စကားကို မေမေအံ့အားသင့်သွားပုံ ရပါတယ်။
“ဘယ်လို..ငါ့သား”
“ကျွနတော်ဗိုက်ဆာပြီလို့။ အဲဒါ..ဘာရှိလဲ ကျွေးဦးလေ”
မေမေက ကျွန်တော့ကို မျက်လုံးထောင့်ကပ်ကြည့်ပြီး
“အော်..ငါ့သားရယ် ဗိုက်ဆာတာများ သွားစားလေကွယ်။ ခါတိုင်းလဲ မင်းမနက်ခင်း လက်ဖက်ရည်ဆိုင်သွားနေကြဘဲ”
“အော်..ဟုတ်လား”
ကျွန်တော့ရဲ့ အူကြောင်ကြောင်ပုံစံကို ကြည့်ပြီး မေမေရယ်ပါတော့တယ်။ ကျွန်တော်ကတော့ တစ်ခုခုမှားနေပြီလို့ ထင်လိုက်တယ်။ ဘာမှန်းလဲ မသိဘူး။ ညညတော့ စောစောအိပ်ဖို့လိုပြီလို့ ကိုယ့်ကိုယ်ကို ဆုံးမလိုက်တယ်။ ဟုတ်တယ်။ ကျွန်တော် အိပ်ရေးမမှန်တာ ကြာနေပြီ။
လက်ဖက်ရည်ဆိုင်ကို ရောက်တော့ ကျွန်တော့သူငယ်ချင်းတွေစုံနေပြီ။ ကျွန်တော်သူတို့နဲ့ ထိုင်နေတုန်း စားပွဲထိုးလေးက ကျွန်တော့ဆီကို လာချပေးတယ်။
“ဟေ့ ငါမမှာရသေးဘူးလေ”
ကျွန်တော်ပြောလိုက်တော့ ကျွန်တော့သူငယ်ချင်းတွေက ကျွန်တော့ကို နားမလည်သလို ကြည့်ကြပြန်တယ်။ စားပွဲထိုးလေးက ပြောတယ်။
“ဟုတ်တယ်လေ။ မမှာရသေးပေမဲ့ အကို မင်းဇေ က အမြဲတန်းစားနေကျလေ။ ပြီးတော့ ငါမမှာရင်လည်း နေတိုင်းလာချပေး လို့မှာထားတယ်လေ။”
“အော်..ဟုတ်လား” လို့မေးရင်း ကျွန်တော့ မနက်စာကို ကြည့်လိုက်တော့ ရှမ်းခေါက်ဆွဲတစ်ပွဲရယ် ကော်ဖီခါးခါးကြီး တစ်ခွက်ရယ်ဖြစ်နေတယ်။ ကျွန်တော် ကြောင်သွားတယ်။ ဒီမနက်စာကို ကျွန်တော် ဘယ်တုန်းက
စားဖူးလို့လဲလို့ တွေးကြည့်တော့ ကျွန်တော်မသိတော့ဘူး။ သူငယ်ချင်းတွေက ကျွန်တော့ကို တအံ့တသြမေးတယ်။
“ဟေ့ကောင် မင်းဇေ စားလေ ။ မင်းဘာဖြစ်နေတာလဲ”
“အေးကွာ…ငါအိပ်ဖို့တော့လိုအပ်နေပြီနဲ့တူတယ်”
တစ်ညနေမှာ ကျွန်တော်လမ်းလျောက်လာတုန်း ကျွန်တော့ရဲ့ မြင်ကွင်းေ၇ှ့မှာ ခွေးရူးတစ်ကောင်ကို တွေ့လိုက်ရတယ်။ ခွေးရူးဟာ ကျွန်တော့နောက်ကနေ တရစပ်လိုက်လာတယ်။ ကျွန်တော်က ရှေ့ကပြေးနေရင်းနဲ့ ဘယ်လိုမှ မလွတ်တော့ဘူးဆိုတဲ့ အချိန်မှာ ကျွန်တော်ဟာ သစ်ပင်တစ်ပင်ပေါ်ကို ခုန်တက်လိုက်တယ်။ အံ့သြစရာကောင်းလောက်အောင် ကျွန်တော့ ကိုယ်ဟာပေါ့ပါးပြီး သစ်ပင်ပေါ်ကို ကျွန်တော်ရောက်သွားတော့တယ်။
အပြန်လမ်းမှာ ကျွန်တော်ကိုယ့်ကိုယ်ကိုယ် အံ့သြရင်း ခေါင်းငိုက်စိုက်ကျနေခဲ့တယ်။ ကျွန်တော်က ကြောင်နဲ့တူတူလာတယ်။
“ငါ့သား မင်းအလုပ်မသွားတာ ဘယ်နှစ်ရက်ရှိနေပြီလဲ။ မင်းနော် ကြီးမှ တအားအပျင်းထူနေတယ်”
ဖေဖေ့စကား အဆုံးမှာ ကျွန်တော် အညောင်းဆန့်လိုက်တယ်။ ကျွန်တော် ဘာမှမလုပ်ချင်အောင် ပျင်းနေတယ်။ အရင်တုန်းကရော..ကျွန်တော်ဒီလိုဘဲလား။ ဟင့်အင်း ကျွန်တော်က စဉ်းစားလေ မေ့လေဖြစ်နေခဲ့တယ်။
ကျွန်တော်ရရှိခဲ့တဲ့ တံဆိပ်တွေ၊ စာရွက်စာတန်းတွေ၊ ဆုတွေကတော့ ကျွန်တော့ကို လူပျင်းတစ်ယောက်မဟုတ်မှန်း ဖော်ပြနေသလို.။ အိုး…ခေါင်းတွေမူးလာတယ်
“မနကဖြန်ကစပြီး အလုပ်ပြန်သွားပါ့မယ်လို့ ဖေဖေ့ကို ကတိပေးရင်း ကျွန်တော်ပြန်အိပ်ဖို့ပြင်လိုက်တယ်.။ ကျွန်တော်သတိထားမိလိုက်တာက ကျွန်တော်သန်းလိုက်တဲ့အသံက ညောင် လို့ထွက်လာတယ်။
အလုပ်ဆိုတဲ့ နေရာကြီးကို ကျွန်တော်ရောက်တော့ လူတွေ ပျားပန်းခတ်နေတာတွေ့လိုက်ရတယ်။ ကျွန်တော်တို့ ဘဏ်ရဲ့ ထုံးစံအတိုင်းဘဲ ၀င်သူဝင်ထွက်သူထွက်နဲ့ အလုပ်ရှုပ်နေတယ်။ ကွန်ပျူတာရှေ့က မကြည်ပြာ ကလည်း ကီးဘုတ်က ဂဏန်းတွေကို တဖြောင်းဖြောင်းရိုက်နေတယ်။ ကျွန်တော်နဲ့ မနေခြည်က တံခါးတဖက်တစ်ချပ်မှာ “မင်္ဂလာပါ” အော်ကြရပြန်တယ်။ လူတွေက ၀င်လာတယ်။ ငွေစက္ကူအိပ်မက်တွေနဲ့ မျက်လုံးတွေက အရောင်လက်ပြီးတော့ နှားခေါင်းကို ရှုံချည်ဖွချည် အနံ့ခံနေကြတယ်။ တချိန်က ကျွန်တော် တန်ဖိုးထားတဲ့အရာတွေကို ဖျက်ဆီးပြီး အပျက်အစီးတွေကြားထဲမှာ ကျွန်တော့ကို ပြောင်ပြနေတဲ့ ကြွက်တစ်ကောင်ကို ကျွန်တော် သတိရလာတယ်။
“တောက်”
သတိ တချက်လွတ်သွားတဲ့အချိန်မှာ ကျွန်တော့သွေးတွေ ဆူကြွလာတယ်။ ငွေစက္ကူတွေရဲ့ နောက်ကွယ်မှာ ကျွန်တော့ရဲ့ ဆုံးရှုံးမှုတွေဖြစ်တဲ့ မှန်ကွဲစတွေနဲ့ အိပ်မက်အပျက်အစီးတွေ ကိုတွဲပြီး မြင်ယောင်လာတယ်။ လက်သည်းတွေကို ကျွန်တော်ဆန့်ထုတ်လိုက်တော့တယ်။ ကျွန်တော် ကြောင်တစ်ကောင်ဖြစ်တဲ့အတွက် ကြွက်ခုတ်ရတော့မယ်။
“ညီလေး.. ညီလေး.. ကျောက်ဆည်ရောက်ပါပြီ”
ကျွန်တော့ကို ကိုင်လှုပ်လိုက်တဲ့ အထိအတွေ့နဲ့ ကျွန်တော်အိပ်ယာက နိုးလာတယ်။
“ဗျာ…ကျောက်ဆည်တောင်ရောက်ပြီလား”
ကျွန်တော် သွေးရူးသွေးတမ်း ရေရွတ်ပြီး ကားပေါ်ကဆင်းလိုက်တယ်။ စွန့်ခွါခဲ့တာကြာပြီဖြစ်တဲ့ မွေးရပ်မြေမှာ မိုးမလင်းသေးပါဘူး။ ကျွန်တော်ကတော့ အိမ်ကိုဖြည်းဖြည်းချင်း ပြန်ခဲ့တော့တယ်။
“ဖေဖေ..မေမေ”
“ဟယ်..သားပြန်ရောက်ပြီလား စောလိုက်တာ..ကိုမင်းဝေရေ..သားလေးပြန်ရောက်ပြီတော့”
“အဆင်ပြေရဲ့လား သားရယ်။ ဟိုမှာ တစ်ယောက်တည်း ကျောင်းသွားတက်တော့ ဖေဖေတို့စိတ်ပူလိုက်ရတာ”
“ပြေပါတယ် ဖေဖေ။ ဟို..ဒါနဲ့လေ ဒီအိမ်မှာ ကြွက်တွေရှိလားဟင်”
ကျွန်တော့ အမေးကို ဖေဖေကြောင်သွားတယ်။
“မရှိပါဘူးသားရဲ့ ဒီအိမ်မှာ ကြောင်တွေဒီလောက်ပေါတာ ဘယ်က ကြွက်ကရှိမှာလဲ”
“အော်..ဟုတ်။ ဒါနဲ့ သား ပင်ပန်းလာလို့ ခဏလောက်အိပ်လိုက်ဦးမယ်နော်” လို့ပြောပြီး ကျွန်တော် အခန်းလေးကို ဖွင့်လိုက်တယ်။
ကျွန်တော့ရဲ့ စာအုပ်တွေက စက္ကူစတွေ အဖြစ် ပြန့်ကြဲနေတယ်။ လက်နဲ့ ကုတ်ဖြဲခံထားရသလို ဖွာလံကြဲနေကြတယ်။ ပြီးတော့ မှန်ကွဲစတွေက ကော်ဇောတစ်ခုလုံး ကိုနေရာယူနေတယ်။ “ဒါကြွက်ဘဲ”လို့
ကျွန်တော် သွေးရူးသွေးတန်း အော်လိုက်တဲ့အချိန်မှာဘဲ ကျွန်တော့ရဲ့ မျှော်လင့်ချက် အမှိုက်တွေကြားထဲမှာ လက်သည်းသွေးနေတဲ့ ကြောင်တစ်ကောင် ကိုတွေ့လိုက်ရပါတော့တယ်။။။
နိုးဆက်နေ့
Comment #1
Phat shu arr pay twar par de