လွတ်လပ်စွာချစ်တတ်သူ..~~~~    

                “ မြတ်လေး လို လွတ်လပ်စွာချစ်တတ်မယ့်တစ်နေ့ကျ ကိုကိုပြန်လာခဲ့ပါ့မယ်…ကိုကို

သွားတော့မယ်နော်” 

          ဒါဟာ ကိုကို   ကျွန်မကို   အဆက်သွယ်ဖြတ်ဖို့ပြောသွားတဲ့စကားတဲ့လား။   ကျွန်မနားကို

ကျွန်မ မယုံကြည်နိုင်ခဲ့ပါလေ။   ကိုကိုကျွန်မကိုသိပ်ချစ်ခဲ့သလို     ကျွန်မလည်းကိုကို့ကိုသိပ်ချစ်ခဲ့

တာ ကျွန်မတို့နှစ်ယောက်လုံးအသိပါ။ ခုတော့…။

          ကိုကိုပြောသွားတဲ့စကားက   အဓိပ္ပါယ်ဖော်ရခက်ပြန်သည်။   ဒါဆို ကိုကိုက   တစ်ချိန်မှာ

ပြန်လာမှာလား….။   ကျွန်မမှာရော   ကိုကို့ကို   စောင့်ပိုင်ခွင့်ပေးခဲ့တာလား…။    သေချာတာက

တော့    ကိုကို့တစ်ယောက်ကိုသာ   ချစ်ခဲ့ဖူးသည့်   ကျွန်မဟာ  ကိုကိုကလွဲ၍     တခြားတစ်ယောက်

ရင်ခွင်မှာ  ပျော်ဖို့ဆိုတာ ဒီတစ်သက်တော့     မဖြစ်နိုင်တော့ပါလေ။   နောက်သေချာတာ

တစ်ခုကလည်း   ကိုကိုဟာ ဘယ်တော့မှ   ကျွန်မချစ်သည့်   အချစ်မျိုးနဲ့ ချစ်တတ်လာမှာမဟုတ်

ခဲ့ပါ။

          “ ကိုကို့ကို မြတ်လေး လွတ်လပ်စွာနဲ့ဆက်ချစ်နေဦးမှာပါ”   

          ကိုကိုထွက်မသွားပါနဲ့လို့    ရင်ထဲကပြောနေပေမဲ့    ကျွန်မနှုတ်မှထွက်ကျမလာခဲ့ပေ။

ကိုကိုနဲ့ကျွန်မဟာ ၄နှစ်တာ   ချစ်သူသက်တမ်းရှိခဲ့ပေမဲ့    ကိုကိုကလည်းလူပျိုလူလွတ်တစ်ဦး

ကျွန်မကလည်း   အပျိုလူလွတ်တစ်ဦးရယ်လေ…။  သည်တော့ အကြင်လင်မယားတွေတောင်

 တရားဝင် ကွာရှင်းပိုင်ခွင့်ရှိနေတာပဲ။    ကျွန်မတို့ချစ်သူတွေဆီမှာဆို   ပို၍တောင်   ပြတ်စဲလမ်း

ခွဲခွင့်ရှိတာကိုး။    ကိုကို့ရဲ့ဘဝကို  ကိုကို့စိတ်ကြိုက်တည်ဆောက်ရမှာ   ကိုကို့လွတ်လပ်ခွင့်လေ။

          ကျွန်မကအရင်နှုတ်ဆက်ထွက်ခွာလာခဲ့မိ၏။   ကျွန်မရင်ထဲမှာလည်း မွန်းကျပ် စူးနစ်နေ

ခဲ့တာ  သေမတတ်ဆိုတာ  ကျွန်မ  ကိုကို့ကိုပြောမပြဖြစ်ခဲ့ပါ။ ကျွန်မ ကိုကို့ကိုမမုန်းပါ။   ဆက်၍ချစ်

နေပါဦးမည်။  ကိုကိုနောက်တစ်ယောက်နဲ့  အဆင်ပြေလက်တွဲခဲ့မယ်ဆိုလည်း  ကျွန်မ စည်းကမ်းရှိစွာ

ပဲ ဆက်ချစ်နေမှာပါ။  ကိုကို့ကို စတင်ချစ်မိကတည်းက  ကိုကို့ကိုပဲချစ်ခဲ့တာ….  ကိုကို့ကိုပဲ သန့်သန့်

လေးချစ်ခဲ့တာ…။ ကိုကို့ဘာသာ   ဘာတွေဖြစ်ခဲ့ဖြစ်ခဲ့   နောက်ဘာတွေပဲဆက်ဖြစ် ဆက်ဖြစ်   ကျွန်မ

ချစ်တာ   အဲဒါတွေမှမဟုတ်တာ။    အကယ်၍   ကိုကိုသစ္စာမရှိခဲ့လည်း    ကျွန်မချစ်နေခဲ့မှာပါ။

          “ မြတ်လေး အချစ်က တစ်ဖက်စွန်းရောက် လွတ်လပ်ပြီး သီးသန့်ဆန်လွန်းတယ်

မြတ်လေးရယ်”  

          ကိုကို့စကားတွေက ကျွန်မနားထဲ ပြန်လည်ကြားယောင်နေမိ၏။ တကယ်ပဲ ကျွန်မအချစ်က

တစ်ဖက်စွန်းရောက်လွတ်လပ်ပြီး သီးသန့်ဆန်ခဲ့တယ်ထင်ပါရဲ့ကိုကိုရယ်။

         

×××××××××××××××××××××××××××××××××××××××××××××××××××××

          ကိုကိုနဲ့ ကျွန်မ စတွေ့တာ အများသူငါလိုရိုးရိုးလေးပါ။။။။ ကျွန်မကျောင်းမှာ စာတမ်းတစ်ခုတင်

စရာရှိလို့   အင်တာနက်မှအချက်အလက်ကိုစုဆောင်းချိန်ကဖြစ်၏။   စားချိန် အိပ်ချင်မှလွဲ အခန်းထဲက

လပ်တော့ပ်ရှေ့မှာနေတတ်တဲ့ကျွန်မ။   ခုလည်း အွန်လိုင်းပေါ်ရောက်ခဲ့ပါ၏။    နိုင်ငံခြားနည်းပညာ

Website တစ်ခုထဲ    member ဝင်ရင်း   စာတမ်းအတွက်လိုအပ်တာလေ့လာနေခိုက်…  အခက်ကြုံလာ

တာက ဘာသာစကား။   တက္ကသိုလ်တက်ရင်း  ဘာသင်တန်းမှမတတ်ဖြစ်တဲ့ကျွန်မအခက်ကြုံတော့တာ

ပေါ့။

          Member တစ်ယောက်က   ကျွန်မ page လေးမှာ  ကျွန်မမသိတဲ့စကားလုံးလေးတွေကို  ဘာသာ

ပြန်ပေးခဲ့တာလေ။  masterlay တဲ့။  ကျေးဇူးတင်လိုက်တာမပြောပါနဲ့တေ့ာ။   အဲဒီကစခင်မင်ခဲ့တာ တစ်

စ တစ်စ နဲ့    ph noပေးရင်းစကားပြောဖြစ်ခဲ့တာ။   သူက မာစတာပြီးလို့    နိုင်ငံခြားကုမ္ပဏီ တစ်ခုမှာ

ထိုက်တန်တဲ့ရာထူးတစ်ခုရနေသူ။   ကျွန်မက မာစတာတန်းကျောင်းသူ။   အော်…စိတ်ကစားတဲ့

ဆယ်ကျော်သက်မဟုတ်တော့ တဲ့   ကျွန်မနဲ့ သူက  အွန်လိုင်းမှာခင်ရင်း   ရင်ခုန်ခဲ့တာဆို ဟာသတစ်ခု

ဖြစ်လေမလား။

          ဟာသတစ်ခုမဟုတ်ဘဲ   အမှန်တကယ်ဖြစ်ခဲ့တာပါ။    ညစဉ်ဖုန်းပြောရင်း Viber မှာဓါတ်ပုံတွေပို့

ပေးခဲ့ကြတာ။    ခပ်သန့်သန့်နဲ့ ရှုတည်တည်နေတတ်တဲ့   ကိုကို့ကို ကျွန်မကြွေခဲ့မိတာ ဝန်ခံပါ၏။  အမြဲ

မသေမသပ်နဲ့  ယောက်ျားလိုလို   မိန်းမလိုလိုဖြစ်နေတဲ့ကျွန်မကို    ကိုကိုကလည်းအမှန်တကယ်ချစ်ခဲ့

တယ်ဆိုတာလည်း   သိပါ၏။

          ကိုကိုနဲ့ ကျွန်မ   စတွေ့စနေ့ကတည်းက    အဲဒီ့လွတ်လပ်ခွင့်ဆိုတဲ့ပြဿနာ  စလာခဲ့တာ။

          စားသောက်ဆိုင်တစ်ခုမှာတွေ့ခဲ့တာလေ။   ခပ်မှန်မှန်နဲ့ သေသေသပ်သပ်စားတတ်တဲ့  ကိုကို။

          မသေသပ်ဘူးမဆိုသာပေမဲ့   မိမိနှစ်သက်ရာကို    ခပ်သုတ်သုတ်စားတတ်တဲ့ကျွန်မ။  မိန်းကလေး

ဆိုပေမဲ့ မွေးရာမပါခဲ့တဲ့မာယာကို     ကျွန်မအပြစ်တင်ရတော့မှာလား။

          “ ညီမက တကယ့် ဇော် လေးပဲတဲ့”        ကိုကိုပြောခဲ့တာလေ။    မြတ်လေးဇော် ပဲ ကိုကိုရယ်။

ဇော် ပဲပေါ့လို့     ကျွန်မပြန်စခဲ့သေးတယ်။

          တဖြည်းဖြည်းနဲ့   ကိုကိုနဲ့ ကျွန်မချစ်သူသက်တမ်းလေး      ရလာခဲ့ပါ၏။

          ယောက်ျာလေးသူငယ်ချင်း    မိန်းကလေးသူငယ်ချင်း   မခွဲခြားဘဲပေါင်းသင်းတတ်တဲ့   ကျွန်မကို

ကိုကိုသဘောမကျခဲ့ဘူးထင်ပါရဲ့။  

          “ ကိုယ်က မိန်းကလေးနော်”     ဆိုတဲ့ ကိုကို့အသံသြရှရှနဲ့   ဆုံးမသလိုလို    သတိပေးသလိုလို

ပြောခဲ့တာမှတ်မိပါသေးရဲ့။

          ခပ်ဖြောင့်ဖြောင့်   ကိုကို့နားမှာ   ကျွန်မထက်   အစစအရာရာ သာတဲ့မိန်းမပျိုတွေရှိနေခဲ့တာ

ကျွန်မအစကတည်းကသိတာပေါ့။     တစ်ရက်က ကိုကို့  လုပ်ငန်းတူ အစ်မချောချောတစ်ယောက်နဲ့

ကိုကို့ကားပေါ်တွေ့လိုက်ရပါ၏။     ကိုကိုကလည်း ကျွန်မကိုမြင်လိုက်ပါ၏။     ချက်ခြင်းပင် ကားရပ်ကာ

ကျွန်မဆီအပြေးလာပြီး

          “ မြတ်လေး ဘယ်သွားမလို့လဲ ကိုကို့ကားနဲ့လိုက်ခဲ့ပါ… ကိုကို့သူငယ်ချင်းနဲ့လည်းမိတ်

ဆက်ပေးချင်လို့….ကိုကို့ချစ်သူလို့ပြောပြီးပြီ..”                ကိုကိုကအရေးတကြီးမိတ်ဆက်ပေးခဲ့

ပေမဲ့ ကျွန်မ   အဲဒီ့ကားပေါ်မလိုက်ဖြစ်ခဲ့တာ…  .ကိုကို့သိက္ခာကိုယုံလို့ပါကိုကိုရယ်….။    ဒါ့ထက် ကိုကို့

လွတ်လပ်ခွင့်ကိုတန်ဖိုးထားတာပါ။     ဒါပေမဲ့ ကိုကိုစိတ်ခုသွားခဲ့တယ်ထင်ပါတယ်။

          တစ်ရက်က   ကျွန်မက ကျွန်မသူငယ်ချင်းရဲ့မွေးနေ့မို့   မွေးနေ့သွားရင်း    သူရဆိုတဲ့ယောက်ျား

လေးသူငယ်ချင်းနဲ့    မွေးနေ့လက်ဆောင်ရွေးနေခဲ့တာ   ကိုကိုတွေ့သွား၏။    သူရ ကို ကိုကိုနဲ့မိတ်ဆက်

ပေးခဲ့တယ်လေ။ကိုကိုက   သူလိုက်ပို့ပေးမယ်ဆိုပြီး    ကျွန်မကိုဆွဲခေါ်တော့     ကျွန်မရုန်းနေခဲ့မိတာ

ကျွန်မသိက္ခာကြောင့်ပါ။     ချစ်သူကြောင့် သူငယ်ချင်းခင်မင်မှုကိုအပျက်ခံရတော့မှာလားဟင်။   ခင်မင်မှု

အပျက်ခံနိုင်ပေမဲ့    ဒါဟာ ကျွန်မ ပိုင်ဆိုင်တဲ့    ကျွန်မရဲ့လွတ်လပ်ခွင့်ပါ    ကိုကိုယူသွားခဲ့တာလေ။

          ချစ်သူသက်တမ်း ၂နှစ်ပြည့်တဲ့နေ့က    ကျွန်မတို့တူတူမရှိနိုင်ခဲ့ဘူးနော်။     ကိုကိုလည်း အလုပ်

ကြောင့်ခရီးထွက်နေရသလို    ကျွန်မကလည်း   စာမေးပွဲနဲ့မို့အလုပ်ရှုပ်နေခဲ့တာ….    ဖုန်းလေးတောင်မ

ပြောဖြစ်ခဲ့ကြဘူးနော်။   ကျွန်မကို နေနိုင်လိုက်တာတဲ့။    ကျွန်မအိမ်က ဘုရားမှာ ဆွမ်း ပန်း ရေချမ်းအစုံ

ကပ်ပြီး ဆုတောင်းခဲ့တာကို    ကိုကို့ကို ကျွန်မမပြောဖြစ်ခဲ့ဘူးလေ။     တကယ်တော့ ရက်စွဲတွေထက်

အဖြစ်အပျက်     အနှစ်သာရကအရေးကြီးတာမဟုတ်လားဟင်….။။။။

          လမ်းအတူလျှောက်တော့   ကိုကို့လက်ကိုတွဲ ကိုကို့ပခုံးကိုမှီတော့    ရှက်သလိုလိုနဲ့ ကိုကို့အမူ

အယာက   ကျွန်မနားမလည်နိုင်ခဲ့ဘူးကိုကိုရယ်။     ကျွန်မကကိုကို့ချစ်သူလို့      အကုန်သိနေပြီးကိစ္စကို

ဘာရယ်ကြောင့်များ…  လို့မေးမိတော့     လူတွေရှေ့မှာတဲ့လေ။    ပတ်ဝန်းကျင်ကိုဂရုစိုက်တတ်လွန်းတဲ့

ကိုကိုပါလေ။     မဖွယ်မရာမှမဟုတ်တာ     ကိုယ့်ချစ်သူလက်ကိုဆွဲ ပခုံးကိုမှီတာ    အမြင်တင့်ပါတယ်

ကိုကိုရယ်…. 

“အဲဒါလေ ချစ်သူတွေကိုပေးအပ်ထားတဲ့ လွတ်လပ်ခွင့်ကိုကိုရဲ့”    လို့ပြောတော့

“ လာပြန်ပြီလား ဒီလွတ်လပ်ခွင့်” 

 လို့ ကိုကိုဖြေခဲ့သေးတယ်နော်။     ကိုကိုနဲ့ ကျွန်မနဲ့ကြားမှာ   အဲဒီလွတ်လပ်ခွင့်ဆိုတာလေးက

နည်းနည်းချင်းနေရာယူလာတာ    ကျွန်မတို့သတိမထားမိခဲ့ကြဘူးနော်။

          ကျောင်းပြီးလို့   သင်တန်းတွေတက်ပြန်တော့   သူငယ်ချင်းတွေများတဲ့ကျွန်မ    အိမ်ကိုတန်း

မပြန်တတ်ဘဲ    တစ်ခုခုများဝင်စားမိရင်     ကိုကိုရဲ့စိတ်ပူမှုတွေက လွန်ပါရောလေ။    ကိုကိုရယ် ကျွန်မက

တခြားနေရာတွေသွားတာမှမဟုတ်တာနော်…  လူတွေအများကြီးနဲ့ မုန့်ဆိုင်တစ်ခု..   ဒါမှမဟုတ် စား

သောက်ဆိုင်တစ်ခုလေ။    အိမ်ပြန်နောက်ကျလည်းဘာဖြစ်လည်းကိုကိုရယ်….   ကျွန်မကိုယ်ကျွန်မ လုံလုံ

ခြုံခြုံဝတ်စားထားတယ်…   ကျွန်မရဲ့သစ္စာကိုကျွန်မယုံတယ်ကိုကို။ပြီးတော့   ဘယ်လိုပဲဖြစ်ဖြစ် ကျွန်မဟာ

မိန်းမတစ်ယောက်..  .မြန်မာမိန်းကလေးတစ်ယောက်မှာရှိသင့်တဲ့    ဂုဏ်သိက္ခာနဲ့အရှက်တရားကို   ကျွန်မ

ထိန်းသိမ်းပါတယ်…. ဒါပေမဲ့ ခုခေတ်မိန်းကလေးတစ်ယောက်ရဲ့လွတ်လပ်မှုနဲ့     မျှတစွာထိန်းသိမ်းတတ်

ပါတယ် ကိုကိုရယ်……   ဒါတွေကို ကိုကို့ကိုပြောပြဖြစ်ခဲ့ရင်လေ။။။။။

          ချစ်သူသက်တမ်းပြည့်တဲ့ ၃နှစ်မှာ     ကိုကို့အိမ်နဲ့ ကျွန်မကိုမိတ်ဆက်ပေးခဲ့တယ်နော်….   ကိုကို့

ထက်စာရင်    အသက်ငယ်တဲ့ကျွန်မကို    ကိုကို့ဖေဖေ မေမေ မမတွေက   တကယ်ကိုချစ်ပေးကြပါတယ်

နွေးထွေးမှုရှိတဲ့ကိုကို့မိသားစုလေးမှာ   ကျွန်မပျော်ရွှင်မှုခံစားမိခဲ့ပါ၏။    ဒါပေမဲ့လေ ကျွန်မက အဲဒီလို

မိသားစုကပေါက်ဖွားခဲ့တာမဟုတ်တော့   ကျွန်မအပြုအမူတွေက နည်းနည်းတော့     စိမ်းသက်နေခဲ့တာ

ဝန်ခံပါတယ်ကိုကို။    ကျွန်မတို့မိသားစုက   တစ်ချို့ရက်တွေမှာ   ကျွန်မမျက်နှာကို   မမြင်လိုက်ရသလို

ဖေဖေနဲ့ မေမေ့မျက်နှာလည်းမမြင်လိုက်ဘဲ    ကုန်သွားတဲ့ရက်တွေရှိခဲ့တယ်ကိုကိုရဲ့။

          ယုံကြည်မှု   လေးစားမှု နဲ့   လွတ်လပ်မှုအချိုးကျကျနဲ့ဖွဲ့စည်းထားတဲ့  ကျွန်မမိသားစု ကျွန်မ

အနေအထိုင်…..နွေးထွေးမှု  ဦးစားပေးမှု အနစ်နာခံမှု.. အပေးအယူမျှတမှုဆိုတာတွေနဲ့သိုက်သိုက်ဝန်း

ဝန်းဖွဲ့တည်ထားတဲ့ကိုကို့မိသားစုနဲ့ ကိုကို့အနေအထိုင်တွေက    ကျွန်မတို့ကိုဝေးစေခဲ့တာလားဟင်..

          ချစ်သူသက်တမ်း ၄နှစ်ပြည့်တဲ့နေ့မှာ    ကိုကိုက ကျွန်မမိသားစုနဲ့အတူခရီးတိုလေးတစ်ခု

ထွက်မလို့စီစဉ်ခဲ့ တယ်နော်  …ကျွန်မဖေဖေနဲ့မေမေက      ကျွန်မတို့ရဲ့သိက္ခာနဲ့ လွတ်လပ်မှုကိုတန်ဖိုး

ထားတယ်ကိုကိုရဲ့။     အလိမ္မာနဲ့ငြင်းပြီး     ကိုကိုနဲ့ကျွန်မကိုပဲလွှတ်ခဲ့တာ    ကိုကို့ကိုသဘောမကျလို့…

ကျွန်မကိုလည်း     သမီးဖြစ်ရက်နဲ့လွှတ်ထားတာမဟုတ်ဘူးကိုကို။    အသိအမှတ်ပြုပြီးပေမဲ့ ကျွန်မအပေါ်

အခွင့်ရေးယူမလာတဲ့ကိုကို့စိတ်ဓါတ်ကိုလေးစားလို့…….     ကျွန်မကိုယုံကြည်လို့ကိုကိုရဲ့။ဒါပေမဲ့

ကိုကိုစဉ်းစားတာ      ဒီလိုမဟုတ်ခဲ့ဘူးထင်ပါရဲ့နော်။။။။။။

          နောက်ဆုံးတော့    ကျွန်မနဲ့ သူငယ်ချင်းသုံးယောက် နိုင်ငံခြားမှာ   သင်တန်း ၁လတက်ဖို့ဖြစ်လာ

ခဲ့တယ်။     အစကတည်းကကိုကို   အမြင်မကြည်ခဲ့တဲ့ သူရ လည်းပါတော့    ကိုကိုတားခဲ့တယ်နော်။

          “ ကိုကိုနဲ့ မင်္ဂလာဆောင်အတွက်ပြင်ရတော့မှာနော်”   ၇လကျော် ၈လလိုသေးတဲ့ မင်္ဂလာ

ဆောင်အတွက်    ကိုကိုလောနေခြင်း။   ကိုကို့မိဘ ကျွန်မမိဘတွေစီစဉ်နေတာပဲနော်။    ကျွန်မတို့အလုပ်

က မင်္ဂလာဆောင်ပြီး    နှစ်ယောက်တစ်ဘဝမှာ    အစစအရာရာ     ပြည့်စုံကြွယ်ဝတဲ့မိသားစုတစ်ခုဖြစ်

အောင်ကြိုးစားရမှာ…  .ဒါ့ကြောင့် ကိုကိုလည်းအလုပ်ကိုပိုလုပ်သင့်သလို     ကျွန်မလည်းအလုပ်ကြိုးစား

ရမှာလေ။

          “ ကိုကိုစိတ်မချဘူး မြတ်လေး….ကိုကို့အတွက် ဒီသင်တန်းမတက်ပါနဲ့လား…ကိုကိုနဲ့မင်္ဂလာ

ဆောင်ပြီးရင်လည်း အိမ်မှာပဲနေရမှာပဲလေ”                       ကိုကိုပြောလိုက်တာ    သာမာန်ဖြစ်ပါ

လိမ့်မယ်။    ဒါပေမဲ့လေ….ကျွန်မရဲ့တက်ကြွနေတဲ့စိတ်ကိုရိုက်ချိုးသွားတာ    ကျွန်မပဲသိတာကိုး။   ကိုကို့

အတွက်တဲ့လား  ။ ကိုကို့အတွက်ဆို    အသက်ကိုစတေးဖို့ဆုံးဖြတ်ထားတာပါ    ဒါပေမဲ့လေ   ဒါက ကိုကို

က ကျွန်မအပေါ်    မယုံကြည်သလို    ကျွန်မကိုမလေးစားတာကိုကိုရဲ့။     မိန်းမတစ်ယောက်မှာအသက်

ထက်     ဂုဏ်သိက္ခာကအရေးကြီးတာ     ကိုကိုမသိလေသလား။

          ကျွန်မ လေယာဉ်တံခါးဝကနေ    ကိုကိုနှုတ်ဆက်လက်ပြတော့     ကိုကို့မျက်ဝန်းထဲက မျက်ရည်

စအချို့ကိုတွေ့မိပါတယ်   ကိုကိုရယ်။    ကိုကို    ကျွန်မကိုတားချင်ရင်    အမှန်တကယ်မသွားစေချင်ရင်

အဲဒီလိုမပြောခဲ့သင့်ဘူးကိုကို။     ၄နှစ်တာတွဲလာတဲ့ကိုကို့ကိုတောင်    ကျွန်မစောင့်စည်းအပ်တဲ့နေရာမှာ

စောင့်စည်းခဲ့တာ….သူရဆိုတာ    ငယ်ချင်းလေကိုကိုရဲ့။     ကိုကို က မတူတာကို   ခိုင်းနှိုင်းပြီး ကျွန်မကို

မလေးစားခဲ့တာကိုးနော်။

          အဲဒီလက်ပြနှုတ်ဆက်ခြင်းက   နောက်ဆုံးနှုတ်ဆက်ခြင်းရဲ့လမ်းစဆိုတာ       ကျွန်မသိခဲ့ဖို့ကောင်း

တယ် ကိုကိုရယ်။     ကျွန်မ သင်တန်းတက်နေစဉ်   ကိုကို့ဆီကဖုန်းလေးတစ်ချက်ဝင်မလာခဲ့သလို  ကျွန်မ

ကိုယ်တိုင်ကလည်း    ဖုန်းလေးတစ်ချက်တောင်မဆက်မိခဲ့တာ   ကျွန်မဝန်ခံပါတယ်။   ကျွန်မသူငယ်ချင်း

တွေကတော့ပြောပါတယ်….   ကိုကိုက ကျွန်မအပေါ်ကို    ယုယမြတ်နိုးစွာနဲ့ အရမ်းချစ်တာတဲ့လေ။

ဟုတ်မှာပါ။ ကိုကို့    ကျွန်မအပေါ်ကိုချစ်တဲ့အချစ်ကို    သံသယမရှိခဲ့ပါဘူး ။    ကိုကိုဘယ်လိုချစ်တယ်ဆို

တာသိပေမဲ့    ကိုကို့အချစ်ကို   ကျွန်မတစ်ခါမှ      မေးခွန်းထုတ်ဖို့မစဉ်းစားခဲ့ပါဘူး။

          ကျွန်မ သင်တန်းကာလပြီးဆုံးလို့     မြန်မာပြည်ပြန်လာတဲ့နေ့။     ကျွန်မနဲ့ ကိုကိုပထမဆုံးပြန်

တွေ့တဲ့ရက်မှာ    ကိုကို့ကိုတွေ့လိုက်ရတော့     ကျွန်မအံ့သြသွားတာသိလား။    ဝသည် မဆိုသာပေမဲ့

ခပ်ဖွံ့ဖွံ့ကိုကို့ခန္ဓာကိုယ်ဟာလေ    တော်တော်လေးပိန်သွားတာ။     ဝါညက်ညက်ကိုကို့အသားအရေက

ဖြူဖတ်နေခဲ့တာ။    တည်ငြိမ်တဲ့ ကိုကို့မျက်လုံးတွေဟာ     ပိုပြီးတော့တောင်      အသက်မဲ့နေခဲ့တာ။

          နောက်မှ သိလိုက်ရတာက    ကျွန်မထွက်သွားတဲ့နေ့က ကိုကိုမိုးရွာထဲမှာ     ကျွန်မနဲ့ထိုင်နေကျ

ခုံလေးမှာ တစ်နေ့လုံးထိုင်နေခဲ့တာတဲ့။     အအေးမိပြီး ရက်ရှည်ဖျားလိုက်တာ     ဆေးရုံပါတက်ခဲ့ရသည်

တဲ့လေ။     အချစ်ကို အဲသည်လောက်ထိ ကိုးကွယ်ရလား ကိုကိုရယ်။

×××××××××××××××××××××××××××××××××××××××××××××××××××

          “ မမမြတ် မမမြတ်”        ဘေးနားက အသံစွာစွာလေးကြောင့်     ကျွန်မကိုယ်ကျွန်မသတိပြန်ဝင်

လာ၏။ ပါးပြင်ပေါ်မှာလည်းပူနွေးနွေးခံစားမှုတစ်ခု    ။အော်…ကျွန်မမျက်ရည်ကျနေခဲ့တာကိုး။    ပြီးခဲ့တဲ့

အတိတ်တစ်ခုကို      ကျွန်မပြန်လည်မြင်ယောင်နေခဲ့တာကိုး။

          “ မမမြတ်…အစည်းအဝေးစတော့မယ် ရုံးခန်းကိုသွားရတော့မယ်လေ”         အော်…တကယ့်

လက်တွေ့ဘဝမှာ ကျွန်မဟာ   အောင်မြင်နေတဲ့ arche    တစ်ယောက်ဖြစ်နေခဲ့ပြီပဲ။   အသက်အလတ်ပိုင်း

သို့ဝင်ရောက်ခဲ့ပြီဖြစ်တဲ့ကျွန်မဟာ    ခုချိန်ထိ ကိုကို့ကိုမျှော်နေဆဲပါ။    

              ကိုကိုပြန်လာမယ့်နေ့ထိလည်း  ကျွန်မဟာ စောင့်မျှော်ရင်းချစ်နေမှာပါ….   

   .ကိုကိုနဲ့ကျွန်မကို    ခွဲပစ်ခဲ့တဲ့         အဲဒီ့လွတ်လပ်ခြင်းဆိုတဲ့အရာနဲ့   ပေါ့လေ။

×××××××××××××××××××××××××××××××××××××××××××××××××××××××
(ခရမ်းရောင်)