ကျွန်တော် ၏ အကိုသည် လက်ရှိတွင် စလုံးသို့ သွားနိုင်ရန် အတွက်ရန်ကုန်သို့ တက်လာကာ ကျွန်တော်၏ အိမ်တွင် နေထိုင်ပြီး အင်္ဂလိပ်စာသင်တန်းများ တက်ရောက်နေသည် ၊၊ သူ၏ ဇာတိမှာ မိုးကုတ် ဖြစ်ပြီး သူ၏ မိသားစုမှာလည်း မိုးကုတ်တွင်သာ ရှိသည် ၊၊ ကျွန်တော် နှင့် ဆွေမျိုးစပ် လျှင် တစ်ဝမ်းကွဲ အကို ဖြစ်သည် ၊၊ သူ ၏ အမည် ရင်းမှာ ကျော်သူရ ဖြစ်ပြီး အလွယ်အားဖြင့် ဖိုးကျော်ဟုခေါ်သည်က များသည် ၊၊ သူသည် ဆယ်တန်း တွင် ဂုဏ်ထူးလေးဘာသာ ရရှိပြီး အမှတ်ကောင်းကောင်းဖြင့်အောင်ထားသူ ဖြစ်သည် ၊၊ သို့ သော် မည်သည့် တက္ကသိုလ် ကောလိပ်မှ မတက်ဘဲ စ လုံးသို့ သွားနိုင်ရန်သာ အဓိက ကြိုးစားခဲ့သူဖြစ်သည် ၊၊သူသည် အင်္ဂလိပ်စာ ဘာသာ ရပ်ကို အဓိက ထူးချွန်သည် ၊၊ သူဆယ်တန်းနှစ်တုန်းက မိုးကုတ်တွင် စစ်ဆေးသော တတိယ နှစ် ဆုံး စာမေးပွဲ တွင် မိုးကုတ်တစ်မြို့ လုံး အင်္ဂလိပ်စာ ဂုဏ်ထူး ရသူ ငါးယောက်မျှ ပင် မရှိ ၊၊ ထို ဂုဏ်ထူးရသူ စာရင်းများထဲတွင် သူပါသည် ၊၊  သူ၏ မိသားစု မှာ အနည်းငယ် နွမ်းပါးကြသည် ၊၊ သူ ၏ မိခင် မှာ ကျောက်ပွဲစား အလုပ် ဖြင့် ကျင်လည်လုပ်ကိုင်ပြီး သူနှင့် သူ၏ ညီမ ငယ်တို့ အား လုပ်ကိုင်ကျွေးမွေးနေသူဖြစ်သည် ၊၊ သူ၏ ဖခင် ကျွန်တော် ၏ ဦးလေး မှာ အလုပ် မည်မည်ရရ မရှိပေမဲ့ မိသားစု အရေးတွင်ကူညီသည် ၊၊ ရသည့် နည်းဖြင့်ငွေရှာပေးတတ်သည် ၊၊ (ဒုစရိုက် အလုပ်များကို ရှောင်ကြဉ်သည် ) ၊၊ ကျွန်တော်၏ ဦးလေးသည် ကျွန်တော် မှတ်မိသလောက် (ကျွန်တော်တို့ မိသားစု မိုးကုတ်တွင် နေခဲ့ဖူးသည့်အချိန်က) ရိုးအေးပြီး သဘောကောင်းသူဖြစ်သည် ၊၊ တစ်ခါတစ်ရံ အရက်သောက်တတ်သည် ၊၊ သို့ သော် အရက်သမားများကဲ့သို့ မူးရစ်ရမ်းကားတတ်သူ မဟုတ် ၊၊ သူသည် သူ၏ သားနှင့်သမီးကို လွန်စွာ ချစ်ပြီး အလိုလိုက်သည် ၊၊ 
ကျွန်တော် ၏ အကို သည် ကျွန်တော်တို့ အိမ်သို့ ရောက်လာချိန် တွင်သူ ၏ စာများကို ကြိုးစားသည့်အပြင် ဆယ်တန်းဖြစ်သော ကျွန်တော့်အတွက် မရသည့်စာများကို ပြန်သင်ပေးခြင်း ၊ စာကူကျက်ပေးခြင်းဖြင့် ကူညီ ပေးသည် ၊၊ သူ ရန်ကုန် သို့ လာပြီး အင်္ဂလိပ်စာသင်တန်းများ တက်ရောက်မည်ဟု ရည်ရွယ်ထားခဲ့စဉ်က သူ ၏ မိသားစုသည် ရန်ကုန် ရှိ အဆောင်တစ်ဆောင်ဆောင် တွင်နေစေပြီး တက်ရောက်စေရန် ပြောကြားခဲ့သည် ၊၊ ထို အကြောင်းကို သူ၏ အမေ က ကျွန်တော်၏ အဖေအား ဖုန်းဖြင့်ဆက်သွယ်ပြောပြစဉ် အဖေက အဆောင်တွင် မနေစေဘဲ အိမ်တွင်သာနေပြီး တက်ရန် ပြောခဲ့သည် ၊၊ ထို့ ကြောင့်ပင် ကိုဖိုးကျော်သည် ကျွန်တော်တို့ အိမ်သို့ ရောက်လာခဲ့ခြင်းဖြစ်သည် ၊၊ သူ ရောက်လာခဲ့သဖြင့် ကျွန်တော် ၏ ကျောင်းစာများတွင် တိုးတက်မှု ရှိသည့်အပြင် အဆင့် များမှာလဲ တစ်ဆ တစ်ဆ တိုးတက်ကောင်းမွန်လာသည် ၊၊
သူ၏ အင်္ဂလိပ်စာ သင်တန်းမှ စာမေးပွဲကြီးလဲ ပြီးဆုံးလေပြီ ၊၊ စလုံးသို့ ပို့ ရန် စကာတင်ရွေးချယ်သော အယောက်သုံးဆယ်ထဲတွင်သူပါသည် ၊၊ ကျွန်တော်မှတ်မိသလောက် သူ သည် အဲဒီ အချိန်တုန်းက အလွန်ပျော်မြူးနေသည် ၊၊ သူ၏ ရည်ရွယ်ရာပန်းတိုင်သို့ရောက်ရန် အစပျိုးသော ပထမဦးဆုံးအောင်မြင်မှုပင် မဟုတ်ပါလော ၊၊ သို့ သော် အခက် အခဲတစ်ခုဖြစ်လာသည်က  စလုံးသို့ သွားရန် အတွက် လိုအပ်သော ငွေ သူ နှင့် သူ့ မိသားစုထံတွင် အလုံအလောက် မရှိ ၊၊ ကျွန်တော်တို့ မိသားစု မှ စိုက်ထည့်ပေးရန်ဆိုသည်ကလဲ ကျွန်တော်တို့ သည်လဲ အချမ်းသာကြီးမဟုတ် ၊၊ လူတန်းစေ့နေနိုင်ထိုင်နိုင်ရုံသာ ရှိသည် ၊၊ ကျွန်တော် မှတ်မိပါသေးသည် ၊၊ အဲဒီတုန်းက လိုအပ်သည့် ငွေပမာဏသည် ဆယ်သိန်းခန့် ရှိသည် ၊၊ သူ ရန်ကုန်သို့ ရောက်လာကတည်းက သူ့ မိသားစု သည် သူ့ ထံသို့ တစ်လ တစ်ခါပုံမှန့် ငွေပို့ တတ်သည် ၊၊
သို့ သော် အားလုံး စုပေါင်း ထားသောငြား ငွေဆယ်သိန်းခန့် လိုနေသည် ၊၊ စလုံးသို့ သွားရန် အချိန် ဆယ့်ငါးရက်ခန့် သာ လိုတော့သည် ၊၊ သူ သည် ကျွန်တော်တို့ မိသားစုကို ခဏမျှ နှုတ်ဆက်ပြီး သူ၏ အိမ်သို့ ခေတ္တပြန်သွားခဲ့ပြီ ၊၊ ကျွန်တော် ပြောရန် တစ်ခု ကျန်သွားသည်မှာ သူ့ ထံသို့ တစ်လ တစ်ခါပို့ သောငွေကို ရှာသူမှာ သူ၏ မိခင်သာဖြစ်သည် ၊၊ ထို့ ကြောင့်ပင် သူ ၏ စိတ်တွင်သူ ၏ အဖေကို ဖု နေခဲ့သည် ၊၊ သိပ်မကြာ ပေ၊၊ ကိုဖိုးကျော် ရန်ကုန်သို့ ပြန်ရောက်လာသည် ၊၊ ကိုဖိုးကျော် ၏ အမေ ဖုန်းဆက်ကာ ကျွန်တော့် အမေကို  ဖိုးကျော်နှင့်သူ့ အဖေ ပြသနာ တက်ခဲ့သည့် အကြောင်း ပြောပြခဲ့သည် ၊၊ အဓိက အကြောင်းအရင်းမှာလဲ သူ့ အမေကိုသာ ငွေရှာခိုင်းပြီး ဖခင်ဖြစ်သူက ငွေမရှာပေးသည့်အတွက်ဖြစ်သည် ၊၊ ကိုဖိုးကျော် သူ့ အဖေ နှင့် ပြသနာ တက်စဉ်က ပြောခဲ့သည့် စကားများသည် သူ့ အဖေ ၏ နှလုံးကို ပြင်းထန် စွာ ဂယက်ရိုက်ခဲ့သည့်ဟန် ရှိသည် ၊၊ သူ၏ သား လိုအပ်သော ငွေ ဆယ်သိန်းကို လောလောဆယ်တွင် မရှာပေးနိုင်သောလဲ သူ ၏ မိသားစု အတွက် ရှာဖွေပေးမည် ဟု ဆိုကာ ကျောက်တွင်း တွင် ကျောက်ရှာသည့်အလုပ်ကို လုပ်ကိုင်ခဲ့သည် ၊၊ ၄င်း ကိုတော့ ဖိုးကျော် မသိရေးချ မသိခဲ့ပါချေ ၊၊ ဖိုးကျော် စလုံးသို့ သွားရန် ငါးရက်ခန့် သာ လိုတော့ သည် ၊၊ ထို လိုအပ်သော ငါးရက် အတွင်း တွင် လွန်စွာ ၀မ်းနည်းဖွယ်ကောင်းသော ဖြစ်ရပ် တစ်ခု ဖြစ်ခဲ့သည် ၊၊ ဖိုးကျော်၏ ဖခင် ကျောက်တွင်းတွင် တွင်းပိပြီးသေဆုံးခဲ့သည် ၊၊ သူ့ အတွက် လျော်ကြေးငွေ ဆယ့်နှစ်သိန်း ရခဲ့သည် ၊၊ ထိုအကြောင်းကိုမူ ကျွန်တော့်မိသားစု ရော ၊ ကိုဖိုးကျော်၏ မိသားစု ရော မည်သူ မှ ကိုဖိုးကျော် အား အသိမပေးခဲ့ပါချေ ၊၊ ကိုဖိုးကျော် သွားရန် သုံးရက် ခန့် အလိုတွင် သူ လိုအပ်နေသော ငွေ ဆယ်သိန်းကို မိုးကုတ်မှ ရန်ကုန်သို့ လွဲပြောင်းပြီးခဲ့ချေပြီ ၊၊ထိုစဉ်က အတိုင်းမသိ ၀မ်းသာသွားသော ကိုဖိုးကျော် ၏ မျက်နှာကိုကြည့်ရင်း ကျွန်တော် ကြိတ်ငိုခဲ့ရသည် ၊၊
ထိုငွေများကို အမျိုးတစ်ယောက်ဆီမှ ချေးကာပို့ ပေးခဲ့သည်ဟု ကိုဖိုးကျော်၏ မိခင်က မုသားပြောခဲ့သည်၊၊ယနေ့ သည် ကိုဖိုးကျော် စလုံးသို့ သွားမည့် နေ့ ဖြစ်သည် ၊၊ ကိုဖိုးကျော် သည် မိုးကုတ်သို့ ဖုန်းဆက်ပြီး သူ့ အမေ နှင့် သူ ညီမလေးတို့ အားနှုတ်ဆက်ခဲ့သည် ၊၊ သူ ၏ ဖခင် အကြောင်းကိုမူ စိုးစဉ်းမျှပင် မမေးခဲ့ ၊၊ ကိုဖိုးကျော် သည် သူ့ အဖေ ကို သွားခါနီးအထိပင် စိတ်ဆိုးပြေဟန် မတူ ၊၊ ကျွန်တော်တို့ မိသားစု သူ့ အား လေဆိပ်သို့ လိုက်ပို့ ခဲ့သည် ၊၊ ကျွန်တော့် မျက်စိ ရှေ့ တွင်ပင် ကိုဖိုးကျော် ပါသော လေယာဉ် စတင်ထွက်ခွာနေပြီဖြစ်သည် ၊၊ တဖြေးဖြေးနှင့်ေ၀၀ါးေ၀၀ါးသွားကာ လေယာဉ်ပျံသည် မျက်စိ အောက်မှ ပျောက်ကွယ်သွားပြီ ဖြစ်သည် ၊၊ ကျွန်တော်တို့ မိသားစုသည် တစ်ယောက် မျက်နှာတစ်ယောက်ကြည့်ကာ ဆွံ့ အ နေကြသည် ၊၊ ကိုဖိုးကျော် သည် သွားခါနီးအချိန်ထိ ဖခင်ကို စိတ်ဆိုးနေမြဲဖြစ်သည် ၊၊ သူ့ အတွက် ဘာမှ အသုံးမကျဟုထင်ထားခဲ့သော သူ၏ဖခင် ကျွန်တော်၏ ဦးလေးသည် နောက်ဆုံးတွင် သူ၏ အသက်နှင့်လဲကာ သူ့ သားလိုအပ်နေသော ငွေဆယ်သိန်းကို ရှာပေးခဲ့သည် ၊၊ မိဘဟူသည်ကား သားသမီး အတွက် လိုအပ်နေသော အရာများအားလုံးကို တတ်နိုင်သမျှ ဖြည့်ဆည်းပေးတတ်ကြသည် ၊၊ ကျွန်တော်တို့ မိသားစု လေဆိပ်မှ ကျောခိုင်းထွက်ခွာခဲ့ချေပြီ ၊၊ ကျွန်တော်၏ အဖေသည် တစ်ခုခုကို တွေးနေဟန်ဖြင့် အငှားကားပေါ်တွင်လိုက်ပါလာသည် ၊၊ကျွန်တော်၏ အမေသည်လဲ တစ်စုံ တစ်ရာမှ မပြော နှုတ်ကား ဆွံ့ အနေသည် ၊၊ ကျွန်တော်သည်လဲ တစ်စုံတစ်ရာကိုမျှမပြောနိုင်၊၊ စိတ်ထဲတွင် ၀မ်းနည်းစိတ်သာ လွှမ်းမိုးနေသည် ၊၊ ကျွန်တော်တို့ စီးနင်းလိုက်ပါလာသော အငှားကားသည် ကတ္တရာ လမ်းပေါ်တွင် ပြေးနေသည် ၊၊ ကိုဖိုးကျော် သွားခွင့်ရခဲ့သော စလုံးခရီးစဉ်သည် သူ့ ဖခင် ၏ သွေးနှင့် ရင်းပြီး သွားခဲ့ရသော ခရီးစဉ်ဆိုသည်ကိုမူ ကိုဖိုးကျော် မသိရေးချ မသိခဲ့ချေ ၊၊