အလွမ်းတွေ ခြေရာမထင်လို့
မမြင်ဘူးဆို ….
ဒီရင်က အကြွေပန်း
ပွင့်ကတည်းက ခပ်နွမ်းနွမ်းမို့
မင်း မနမ်းဝံ့ဘူး မဟုတ်လား

မျက်ဝန်းချင်း
ခလုတ်မိလိုက်တိုင်း
အခြေ မခိုင်
ယိုင်လဲ ခဲ့တာ
ငါ တစ်ဦးတည်း လား .

လက်ကလေး ဖြန့် တောင်းခံဖို့
အခွင့်အရေး ရှိတဲ့သူ .. ငါ မဟုတ်ဘူး … ။

တခါတရံ စိတ်ရှိတိုင်း
မင်းကို ငေးမောခွင့် ရချင်တယ်
မျက်တောင် ခတ်ဖို့ မေ့နေစမ်းပါစေ .. ။
ရင်တွေ တလှပ်လှပ် ခုန်သွားစမ်းပါစေ .. ။
အဲ့ဒီအချိန် ပတ်ဝန်းကျင်ဆိုတာ ငါမေ့နေချင်တယ် ။

ကြယ်တွေ ငိုတာ နင်မမြင်ဖူးတော့
ကြယ်ငိုတယ်ပြောရင် နင်ဘယ်ယုံနိုင်လိမ့်မလဲ …… ။
တိမ်ဖုံးတဲ့ ည လတင် မသာနိုင်တာ မဟုတ်ဝူး
ကြယ်လေးတွေလည်း ငိုပါတယ် ချစ်သူ .. ။

သော့ခတ်ထားတဲ့ မျက်ဝန်းတံခါးတွေ
ဖွင့်လှစ်ပေးလိုက်တိုင်း
စိတ်တွေရိုင်းစိုင်းသွားမှာ ငါစိုးတယ် ။
မင်းမျက်ဝန်းတွေ လင်းလက် မလာခဲ့ရင်
ငါ့ရင်ဟက်တက်ကွဲ သွားမှာလေ .. ။

မျှော်လင့်ချက်ကိုတော့ ငါမကိုးကွယ်ပါဘူး
နှုတ်မရတဲ့ ဆူးတစ်ချက် အတွက်
ငါတစ်သက် ပေးဆပ်ဖို့ ပြင်ဆင်ပြီးသား ။

ဘယ်အရာကိုမှ အံမတုဝံ့ဘူး
ငါမှ ဟန်မပြုနိုင်တာပဲ

ရင်ခုန်တိုင်း ရင်မောတယ်
ရင်မောလို့ စောခဲ့တဲ့ စိတ်
မင်း အတိတ်တွေ ကြောင့် လည်း
ငါအအိပ်ခက်တယ် ။

တိတ်တဆိတ်ဆိုတဲ့ နွံထဲ
ကျွံခဲ့ရသူပဲလေ

ညဆိုး တွေမှာ  ခိုကိုး
ငါ့ရင် ကြာရှည်ရိုးနေနိုင်ပါ့မလားဘဲ
ချပြလို့ မရတဲ့ ဝေဒနာ မပူတခက်
ဒီတစ်သက် ပြယ်စေမယ့် ကြမ္မာ
ပုန်းကွယ်နေဆဲပဲလား ………..။

ရုန်းမထွက်ချင်တော့ ပါဘူး
အဆုံးသတ်တဲ့ ထိ
ငါပြုံးပြနေဦးမယ်
မျှော်လင့်ချက် နဲ့ အသက်ဆက် နေတဲ့
မနက်ဖန်တွေတိုင်း
ငါ ဟာ နင့်ဘေးက ပန်းရိုင်း တစ်ပွင့်ပေါ့

မင်းမြတ်နိုးနိုး
မမြတ်နိုးနိုး
မင်းအရိပ်မှာတော့ ငါခိုကိုး ခွင့်ရချင်သေးတယ် .. ချစ်သူ

လွမ်းလှိုင်း

12:30 am
(Friday)
16.1.10