သွားတော့ . . .
နှစ်သိမ့်မဲ့ စကား ငါ့မှာ မရှိနိုင်ဘူး
အချစ်ပေးမဲ့ အပြစ်ဒဏ်ကို
ငါ့ ကြေကွဲ နှလုံးသားက
နာခံရဦးမယ်  . . .

မင်းသားခေါင်းဆောင်း ထားတဲ့ ဘီလူးတစ်ကောင်အဖြစ်
ငါ မှားတယ်  . . . .
ပေါင်းဖက်ဖို့ လား  ခွဲကြဖို့ လား
မတွေးတတ်တဲ့ ငတုံး ငအ တစ်ကောင် အဖြစ်
ငါမှားတယ် . . . .
“ အမှား အမှား ” တွေ ဆီ
ဦးတည်ခုတ်မောင်းနေတဲ့ ရထား တစ်စင်း အဖြစ်မှာ
နင် ကျေနပ် စေမဲ့ အကြောင်းပြချက် မျိုး က
အဖြေမဲ့ ကျဆင်းလာမဲ့  “ မျက်ရည် ” တစ်ချို့ ပဲ ဖြစ်လိမ့်မယ် . . .

ဖြစ်ချိန်တန်ဖို့ ဖြစ်ရတာ မဟုတ်ဘူး
ဖြစ်ချိန်တန်အောင် ဖန်တီး ခဲ့တာ
ငါ ကြိုးဆွဲရာ လျှောက်က နေခဲ့ရတဲ့ နင့်အဖြစ်
“ နင့်အချစ်အတွက် နင်ရင်နာလိုက်ပါတော့ ”
ချစ်သူ . . . နင့်အတွက်
ရေငုံနှုတ်ပိတ်ချိန် တို့ အိပ်တန်းတက်ချိန်ရောက်ပြီ
နင့် တရားစီရင်ရေးထံ သို့ 
ငါ “ တရားခံ ဆိုး ” တစ်ယောက် အဖြစ်
ရောက်ခဲ့ပြီ . . . .

တောင်းပန်တယ် . . .
အရင်က နင်ငါ့ကို ချစ်ခဲ့သလောက်
အခု နင် ငါ့ကို မုန်းနိုင်တယ် . . .
ငါမြေစမ်းဖို့ ခရမ်း မပျိုးခဲ့ပါဘူး
အလွမ်းတွေ သယ်သွားတာထက် စာရင်
ဒီ အတိုင်းလှည့်ပြန်တာ က
အကောင်းဆုံး မို့ 
မျက်ရည် မကျ နဲ့  လက်မပြနဲ့ တော့ကွယ် . . . .

ပြန်တော့ . . .
ဧဒင်မြို့ မှ ချစ်တဲ့သူ
ဆက် မိုက်နေရင် မောမှာပေါ့
ပိတ်ကား ထက်က ကတဲ့ဇာတ်မှာ
ငါဟာ အသဲခွဲခဲ့သူ . . .
ငါဟာ အသဲကွဲတဲ့သူ . . .

လွင့်ပစ်ခဲ့တဲ့ ပြက္ခဒိန်စာရွက်တွေထဲက
နင်နဲ့ ငါ့ ရဲ့  “သက်တမ်း” တချို့ 
အဆိပ်တက် အိပ်မက် တွေရဲ့ ကြားမှာ
တဖြုတ်ဖြုတ်ကြွေကျ ခဲ့တဲ့ “လမ်းခွဲ” တချို့ 
ဒါတွေ မေ့လိုက်တော့
သစ္စာ မစူး ပါရစေနဲ့ 
ငါ အချစ်ကို ကစားမိခဲ့လို့  . . .

ငါ အခုထိ မေ့နေခဲ့တယ်
နင့်ကို မေ့ဖို့ ကို မေ့နေခဲ့တယ်
ပြီးပြတ်သွားပြီဖြစ်တဲ့ ဇာတ်လမ်းဟောင်းလေးမှာ
အဆုံးမသတ်နိုင်သေးတဲ့ အလွမ်းငွေ့ ငွေ့ လေးတော့
ကျန်နေသေးတယ်
ပျောက်ဆုံးသွားခဲ့တဲ့ အချစ် တစ်ခုမှာ (ငါ)
နောက်ထပ် လိပ်ပြာမလုံစွာ ထပ်တွေ့ ချင်သေးတဲ့
နင့် ပုံရိပ် တွေ ကျန်သေးတယ်
ငါ သိမ်ငယ် ကြောက်ရွံ့  စွာ နင်နဲ့ ဇာတ်သိမ်းဖို့ 
အရဲကိုး ပြီး ချစ်ခွင့် ပန် ခဲ့ တယ်
တကယ် အသုံးမကျတဲ့ ငါပါ ဟာ . . . .

ပိုနေမြဲ ကျားနေမြဲ ပြန်ဖြစ် နိုင်ဖို့ အတွက်
အသဲ တစ်စုံကွဲ မှ  ပြီးပြည့်စုံနိုင်မှာ မို့ 
ငါ နောင်တ တစ်ဝက် အမှားတစ်ဖက် နဲ့ 
ချည်ထားတဲ့ကြိုးကို ဖြေလိုက်တာပါ  . . .
နင် နာကျင်ရမှာကိုလဲ သိတယ်
ငါ  နာကျင်ရမှာကိုလဲ သိတယ်
သိမ်းခဲ့တဲ့ ဇာတ် မလှခဲ့သမျှ
ထပ်လျှောက်ရမဲ့ နင့်ဘ၀ လှ ပါစေ  . . .
နင့်အတွက် ကျသမျှ မျက်ရည်နဲ့ တန်တဲ့
ဒဏ် . . . ငါ့ထံသို့ ပြန်လာပါစေ ဟာ . . . .

 “ နင့်ကို ချစ်တယ် ”
ငါ ကဗျာလေးရဲ့ အဆုံးသတ်ချိန် ထိ နင့်ကို ချစ်မယ်
နင် အပြီး အပိုင် စွန့် လွတ် လိုက်တဲ့  ငါ
ငါ့ အတွက်  အချစ်နာ ခဲ့ရတဲ့ နင့်အစား
 “ ငါ့ကိုယ် ငါ မုန်းတယ် ”

ဒါ . . . အတိတ် ရဲ့ နိဂုံး တစ်ခု
အတိတ် ရဲ့ အမှားတစ်ခု
ငါ့  မျက်ရည် ငါ ပြန်ကျစေတဲ့ အဖြစ်တစ်ခုမို့ 
နင့် အကြောင်း လုံးဝ မေ့ပစ်လိုက်ပါတော့မယ်
နောက်တစ်မျက်နှာလှန်ဖို့ အတွက်
ငါ့ အသဲ ကို ရာဇ၀င်ထဲမှာ ထိန်ချန် မြှပ်နှံ ထားခဲ့ပြီ ၊၊       ၊၊

လမင်းဇော်