နွေပုံပြင်တစ်ပုဒ်

ရင်ထဲမှာ ရှိခဲ့ဖူးတယ်

ခေါင်းအမြဲတမ်း မူးနေတတ်တဲ့ ငအ တစ်ယောက်ရယ်

အချစ်မတတ်တဲ့ ကလေးမ တစ်ယောက်ရယ်

နောက်ပြီး

ချောင်ကျတဲ့ စားပွဲတစ်လုံးမှာ

သုညက မတက်တဲ့ ရှင်သန်မှုတွေကြား

ချစ်လှစွာသော အစိမ်းရောင်များနဲ့

ကျွန်တော် လူပီသခဲ့တယ်လို့ ထင်တယ် . . . . ။  

ကျေနပ်နေခဲ့တာပါပဲ

စိတ်ချမ်းသာတယ်လို့လည်း ထင်တယ်

သေတတ်မှန်းသိရက်သားနဲ့

ဓားဖျားကို ရင်ဝထောက်မိသလို

နာကျင်ရတဲ့ အခါလည်း ရှိတယ် . . . .

မကောင်းမှန်းသိရက်နဲ့

သောက်ရတဲ့ဆေးလိပ်တစ်လိပ်လို

သူမက . . . .

တစ်သီးတစ်ခြားစွဲဆောင်နိုင်ခဲ့တယ် . . . . ။

ကျေနပ်ပါတယ် . . . .

အဖြူရောင်မြူနှင်းတွေကျခဲ့တုန်းက

ငါ သိပ်ချစ်တဲ့ ဆံနွယ်တွေအိပ်စက်ခဲ့တဲ့

ဘယ်ဘက်ပခုံးတစ်ဖက်မှာ

ကျီးပေါင်းပင် တစ်ပင် ပေါက်လို့

သူငယ်ချင်းထက် ပိုပြီး ရူးသွပ်တဲ့ငါ

ရင်ဘက်က ရှက်နေခဲ့တာ

နင် နားထောင်မယ်ဆို

ငါ ပြောပြချင်လိုက်တာ . . . . ။

အခုတော့ နင်ကြားနိုင်ပြီမလား . . . .

အိပ်မက်က လန့်နိုးလာသူတစ်ယောက်လို

ငါ မတွေဝေတော့ဘူး လေ

ပျော်ရွှင်ခြင်းဖြစ်လို့

ငါ . . ပျော်တယ်

စိတ်ချမ်းသာစရာ ဖြစ်လို့

ငါ . . ကြည်နူးတယ်

သစ္စာတရားကို ချစ်လို့

အချစ်က ငါ့သစ္စာကိုတည်စေတယ် . . . . ။

ယုံကြည်တဲ့လက်ကို

မသိစိတ်ရဲ့လက်က တွဲတယ်

အိုအောင်မင်းအောင်ပေါင်းရပါစေဆိုလို့

အိုမင်း အောင်နင်ဆွဲဆောင်တယ်

ဒါကြောင့်ပဲ . . . .

ငါကြောက်တယ် ချစ်သူရယ် . . . .

အဘိုးကြီးတစ်ယောက်ကို နင်မုန်းသွားမှာမို့ . . . . . ။

မိုးလည်းမိုးသည်း

နှင်းလည်း လွင်ပြင်ဖုံးလို့

တစ်ယောက်သောငါ့ကို နင်အရမ်းချစ်ပါကွယ်

ဘယ်လောက်ပဲ ရှည်ကြာပါစေ

နှစ်ဦးသားရယ်မောချိန်ဟာ ကုန်တာမြန်လို့

နင် နှမြောပေးပါကွယ်

ငါ့ဘက်ကို မကြည့်ဘဲ နင်ပြုမူမယ်ဆို

ဖြစ်တည်ခဲ့တဲ့ သံယောဇဉ်ရယ်

ဆောက်တည်ခဲ့တဲ့ သစ္စာရယ်

သူတို့ကိုတော့ ကြည့်ပါကွယ် . . . . ။

အဝေးမှာရယ် . . . .

နီညိုရောင်သန်းနေလို့

ဆည်းဆာချိန်ဆိုပြီး

နင်မကြည်နူးလိုက်ပါနဲ့

ဝမ်းနည်းတတ်တဲ့ စ်ိတ်က

ဖန်ဆင်းထားလို့

အခက်အလက်ဝေတဲ့ အနာဂတ်အပေါ်

သူ့ မျက်ရည်တွေ ပြုတ်ကျသွားလိမ့်မယ် . . . . ။    ။