သူငယ်ချင်း

လူတိုင်းမှာမျက်လုံးနှစ်လုံးနဲ့ အသည်း နှလုံး တစ်ခုပဲပါတယ်။

ငါ့မှာ ပိုင်ဆိုင်ထားတဲ့ မျက်လုံးနှစ်လုံးက နင့်ပုံရိပ်တွေပဲမြင်ယောင်နေပြီး

တစ်ခုထဲသော နှလုံးသားကလဲ နင့်ကိုပဲ ခုထိချစ်နေခဲ့တာ နင်ယုံပါ့မလား ။

အေးစက်စက်နင့်မျက်ဝန်းတွေနဲ့ ဆုံမိတိုင်း နွေးနေအောင်ခုန်နေတဲ့ နှလုံးသားနဲ့

ငါရဲ့ ဆယ်စုနှစ်တွေ ခုထိအသက်ဝင်နေတုန်း ။

နင့်ကိုမနေ့ကပဲ တွေ့ခဲ့သလို အမြဲလွမ်းဆွတ်နေခဲ့တာလေ ။

ဘယ်သူမှမသိတဲ့ ငါ့ချစ်ခြင်းအတွက် အရှုံး၊ အနိုင်ဆိုတာတွေလဲ ရှိမှာမဟုတ်တော့

တစ်ချိန် နင့်ကို ချစ်နေယင်းနဲ့ပဲ နင်ပျောက်သွားတဲ့ထိ ငါ့နှလုံးသားကို စောင့်ကြည့်ဖို့ပဲကြိုးစားခဲ့တယ် ။

လွယ်တကူ မပျော်ဝင်လွယ်တဲ့ ငါ့မာနတွေ

အေးစက်စက်နဲ့ နွမ်းလျလျ နင့်မျက်နှာလေး ကိုမြင်ယောင်မိတိုင်း

ဘယ်မှာ သွားရှာ မှန်းတောင်မသိခဲ့ဘူး ။

မိသားစုထဲမှာရော အလုပ်ထဲမှာပါ အမြဲတက်ကြွပျော်ရွှင်နေတဲ့

ငါ့ရင်ဘတ်ထဲမှာ နင့်ကိုမေ့လောက်အောင် ချစ်နေတဲ့ ချစ်ခြင်းတွေနဲ့

သိပ်ကို နာကျင်နေရပါတယ်ဆိုတာ နင်ငါ့နားမှာ နေပြီး

ငါလက်တွေကိုသေချာလာတွဲမယ့် အချိန်မှာ ငါပြောပြချင်တယ် ။

အဲဒိ့ခါကျရင် နင့်အကြောင်းအိမ်မက်တွေ မျက်ရည်မကျဘဲ အကြိမ်ပေါင်းမျာစွားငိုခဲ့တဲ့ ငါ့နှလုံးသားတခုအကြောင်း နင့်ကိုတွေ့ပြီးမှ ပိုနွေးလာတဲ့နေရောင်ခြည်တွေ အကြောင်း ၊ ပိုလှလာတဲ့ မိုးစက်တွေ  ၊ ပိုစိမ်းဖန့်လာတဲ့  နှင်းစက်တွေအကြောင်းပေါ့ နင့်ကိုပြောပြမယ်နော် ။

နင့်ကိုချစ်တယ်