မြက်ခင်းစိမ်းတွေဘေးက ကျားတစ်ကောင်

ဒါသိက္ခာရှိရှိ
ငါ့ကိုယ်ကျင့်တရား
ငါဟာ ကျားဆိုတာလေ
မြက်မစားတဲ့ကျားပေါ့
အဲ့ဒီမြက်တွေ
ဘယ်လောက်နုချိုသလဲ
မြည်းစမ်းကြည့်ရအောင်
ငါဟာ နွားမဟုတ်ဘူး .  .  .
တစ်ဖက်သက်ချစ်သူဆိုတာ
ရန်သူ မဟုတ်ပေမယ့်
စိမ်းစိုစို မြက်ခင်းချိုတွေပေါ့၊
စကားလုံးတွေမမှားပါဘူး
ငါခတ်တဲ့ လူ့အကဲ အဲ့ဒီလောက်မှမညံ့ပဲ
အမြင်တွေ မှားယောင်ဆောင်
ငါကြိုက်တဲ့ အသားတွေလို
ပြောင်းမမြင်နိုင်တာ
ငါဟာ မြက်မစားတဲ့ကျားမို့ .  .  .

“ငါနားမလည်ပါဘူးလို့” မင်းမပြောနဲ့
ဘယ်သူ နားလည်ဖို့လိုတာ
နှစ်ခါလောက် ထပ်စဉ်းစားကြည့်
သိက္ခာရှိတဲ့ မုဆိုးဘ၀ကို
တစ်ကယ် နားမလည်တာမင်း
တစ်ခြားရရ စားစား နွားတွေလို
ငါ့အသဲ မပျော့ပေမယ့်
ရေစား လေစားတဲ့အခါ
ငါကမ်းပါး ပြိုလာမှာစိုးလို
. . . . . . . . . . .  .
းးးးးးးးးး
းးးးးးး
မင်းချေလှမ်းတွေကို နားလည်
    ရပ်တန့်ပေးပါ.  .  . ။  ။  ။