ကျွန်တော်တို့  ခင်ဗျားတို့  အများသူငါတို့ 

(လင်းလွန်းတယ်……)

ဘာမှမမြင်ရတော့ဘူး

နိယာမတွေထဲ ကဗျာတွေကျကွဲနေတာ

ခွမ်း……….

…………………………………..

ခွမ်းးး……….ခွမ်းးးးးးးးးးးးးး…….။

လမ်းမတူရင် လူမထင်တဲ့ဝါဒ

ဓါးထမ်းပြီးပန်းခူးရတာ မောတယ်။

အဲဒီ့မာနလေး ဘယ်လောက်ပေးဝယ်ခဲ့ရလဲ

မနေ့ က အဟောင်းတန်းထဲမှာတွေ့မိတယ်။

သြော်……..

ခင်ဗျားစာအုပ်က တော်တော်ထူတာပဲ

ခေါင်းအုံးအိပ်ရတာ ကောင်းတယ်။

ကျွန်တော်က မိုးနေမဟုတ်ဘူး တဂိုးမဟုတ်ဘူး

ဗန်ဂိုးမဟုတ်ဘူး ဒါဗင်ချီမဟုတ်ဘူး

ရိုဒင်မဟုတ်ဘူး တော်လ်စတွိုင်းမဟုတ်ဘူး

ဒေးကားမဟုတ်ဘူး ချက်ကော့ပ်စကီးမဟုတ်ဘူး

ခင်ဗျားမဟုတ်ဘူး ခင်ဗျားဆရာမဟုတ်ဘူး

(သြော်…….မေ့ တော့မလို့ )

ကျွန်တော်က ကျွန်တော်မဟုတ်ဘူး။

အလုပ်မရှိဘူး

ကြီးဒေါ်မှာ နွားမရှိဘူး

တစ်နေ့ တစ်နေ့ သူ့ ခွေးလေးပဲကျောင်းနေရတာ

ဟေ့ကောင်……

(မဟောင်နဲ့ )။

အောင်ခြင်းရှစ်ပါးမှာ

ကဗျာဆရာ ချွတ်ခန်း မပါတာနာတယ်

(တောက်……..)။

အပစ်အခတ်တွေ ရပ်

(ဒါ……..)

ခိုးသားငါးရာနားတဲ့ ဇရပ်မဟုတ်ဘူး

အပျက်အပျက်နဲ့  ကဗျာဇာတ်နာတယ်။

ဟိုဖက်ကရေအိုးလေးတွေ ဘောင်ဘင်ခတ်

ဒီဖက်ကစပါးနှံလေးတွေ ခေါင်းတထောင်ထောင်

(ဒီလယ်ကွက်လေး အထွက်တိုးဖို့ )

စပါးကို ရေလောင်းမယ်

ထွက်နှုန်းကောင်းပါစေ…………………။

လင်းလွန်းရင်လည်း ဘာမှမမြင်ရတော့ဘူးဗျ

ဒီနေရာမှာ…….

………………………………………………….

ဓါးထမ်းပြီး ပန်း….မ….ခူး…..ရ ။                   ။

                                               မိုးထက်အောင်