အင်း….
ညတစ်စင်းနဲ့ဥာဏ်အလင်းတစ်ချို့ 
လူကိုဂရုမထားဘဲပြေးလွှား
ကျွန်တော်လည်း
ခက်ခက်ခဲခဲလိုက်ရှာ
ခပ်ကြမ်းကြမ်းနဲ့
ဖမ်းလိုက်ရတယ်ဗျာ

နဂါးငွေ့တန်းတစ်စင်းစာ
ကျွန်တော်တို့အတွက်
သိပ်ထူးလှတယ်တော့မဟုတ်
သံသရာဆိုတာသည့်ထက်
ပိုရှည်လျားတယ်

ယောင်ယမ်းသမ်းဝေ
ကြယ်တွေတောင်တဖြောင်းဖြောင်းနဲ့
လောကဓံရဲ့ 
ကျဆုံးမှု၊အောင်မြင်မှုတို့ကိုကြည့်ရှု
လူတွေ..တစ်ဦးနှင့်တစ်ဦးကြားမှာ
မြူခိုးပ၀ါတွေကာကာထားတယ်

ဥသြပေးသံမပါဘဲနှင့်
ဝင်ရောက်လာသောသူများ
လုပ်ချင်ရာတွေလုပ်
ပြောချင်ရာတွေပြော
နေတတ်သလိုနေပြီး
အချက်ပြသံမပေးဘဲနှင့်
ပြန်လည်ထွက်ခွာသွားကြလေသတဲ့

ဟုတ်ချင်လည်းဟုတ်မည်
မဟုတ်ချင်လည်းမဟုတ်
လောက၏သဘောမှာ
အမှားအမှန်ကိုပိုင်းခြားတာထက်
အရေးကြီးသောကိစ္စများကို
လက်ဝယ်ကိုင်ထားရတတ်သည်

ကျွန်တော်ကတော့ခပ်ရှင်းရှင်း
တစ်ကိုယ်တော်တည်းရွက်လွင့်
ကဗျာစပ်ရင်းနဲ့နာရီတွေကျွန်တော့်ကို
တစ်စတစ်စဖဲ့ဖဲ့ယူသွားကြတယ်

အနုပညာမှာဘာမဆိုလက်ခံတယ်
အတုကိုပဲအစစ်ဖြစ်အောင်လုပ်လုပ်
အစစ်ကိုပဲအတုဖြစ်အောင်လုပ်လုပ်
ပီပြင်နေရင်အနုပညာလက်ရာပဲ
တစ်ခါတစ်ခါနေညိုချိန်တိမ်တောက်
အနုပညာထဲကိုရောက်ရောက်နေတာ
ကျွန်တော့်သဘာဝပါ

တင်္နလာတစ်ခါတစ်ခါမှာ
ငါတစ်ယောက်တည်းပျောက်ဆုံးလိုက်
ငါတစ်ယောက်တည်းပျံသွားလိုက်
ငါတစ်ယောက်တည်းပျော်ဝင်လိုက်နဲ့
ခဏလောက်တော့နားဦးမှပဲ
အတွေးလှလှတွေတောင်
ငါ့ခေါင်းထဲဝင်ရလွန်းလို့
ငြီးငွေ့နေပြီ

အိုဇုန်းလွှာရဲ့ ပေါက်ပြဲမှုကို
ကျယ်ပြန့်တဲ့စာတစ်ကြောင်းနဲ့တော့
မဖာထေးနိုင်ဘူး
အဲ…တစ်ခုတော့ရှိတယ်
သဘာဝပေးတဲ့
အစိမ်းရောင်တေးသွားနဲ့တော့
သစ်လွင်နိုင်တယ်

ငါ…ဆန္ဒတွေနဲ့ငါ
မဟာဘုတ်မှာဘာဖွားဖြစ်ဖြစ်
အနုပညာမှာဝင်စားသင့်မသင့်
ရှောင်ရန်သင့်မသင့်ငါမသိဘူး
ယတြာအစား
အိမ်မှာတရားထိုင်ဘုရားရှိခိုး
ကုသိုလ်လုပ်တာမှအကျိုးရှိဦးမယ်                                           

                                         မိုးသစ်လေပြည်   
                                ၂၉.၄.၂၀၁၁ ၁၇း၁၂မိနစ်တွင်ပြီးစီးသည်