ဝါတွင်းချိန် (မင်းသုဝဏ်)

Professional Authors

PoemsCorner Choices

ဝါတွင်းချိန် (မင်းသုဝဏ်)

ငှက်ကလေးက စိုးစီ စိုးစီ
ဝင်းပေါက်မှာမြည်။
ချိန်တန်ပြီ ညီမထွေးရဲ့
ဆွမ်းချက်စို့လေး … ။ ။

ဦးပေါင်းကို ဆွမ်းတော်တင်
သုံးချောင်းထောက်ပြင်။
သံလွင်လွင် ကြေးစည်တီး
ထွန်းတဲ့ဆီမီး။ ။

အမျှတဲ့ သုံးကြိမ်ဝေ
သွန်းတဲ့ညောင်ရေ။
မာပါစေ ကမ္ဘာသား
ထက်အောက်နံလျား။ ။

ရွာဦးက ကြေးစည်သံ
ကျောင်း ဝေဠုဝန်။
ဆွမ်းတော်ခံ ကိုရင်ြွကလိမ့်
ဆွမ်းအုပ်ပြင်ပ။ ။

ကိုရင်ကြီးပျိုတို့မောင်
ညှိုးနွဲ့ယောင်ယောင်။
ပျိုတို့မောင် မာပါစ
မေးလိုက်ပါကြ။ ။

မာပါရဲ့ အထွေးရယ်
ပြောလိုက်ပါကွယ်။
ရွာလယ်မှာ ကိုရင်ပန်းလို့
ညှိုးလျရိနွမ်း။ ။

ကပ္ပိယ အဘိုးအို
ဆိုးလှတယ်ဆို။
တို့ကိုရင် ထိပ်ပြောင်သားကို
ခေါက်လိမ့်လေလား။ ။

ဟင်းလေးကို ကျိုချက်လို့
မနက်က ထည့်လိုက်တယ်
ကိုရင့်ဖို့ကွယ်။
ရွာလယ်မှာ သူငယ်လဲတယ်
ဆွမ်းတော်ခွက်ကွဲ။ ။

ချာရစ်လေးမပျောက်ခင်
ထွက်ခဲ့စေချင်။
လိင်ပြန်ရင် ဆံရှေထားပါနဲ့
သန်းတွေကများ။ ။

လိင်ပြန်ရင် ကိုရင်ဝတ်ဖို့
ပလေကပ် အနံကျယ်
ဈေးကြိုက ဝယ်။
အနံကျယ် ခါးပုံနွဲ့တယ်
ဆုတ်လိုက်ပါ … တဲ့။ ။

ဆွမ်းတော်ခံ ကိုရင်ြွကတော့
မယ် စလို့ မေးလိုက်တယ်။
ရှင်လိင်ပြန် ဘယ်တော့ရက်
ထွက်ခဲ့ပါမယ်။
မျက်နှာငယ်ငယ်
ဘယ့်နှယ်မှ မမိန့်။
သည်တဝါ အနိုင်ခဲလို့
နွှဲရရှာလိမ့်။ ။

ကိုရင်ကြီးလာမယ်ဆို
ဝင်းပေါက်ကကြို။
အို .. အလို ကိုရင်ထွက်ကယ်
ငါး ငပိချက်။ ။

မင်းသုဝဏ်
(၂၁၊ ၅၊ ၁၉၃၆)

In: ကဗျာ,မင်းသုဝဏ် Posted By: poemscorner Date: May 3, 2010

Leave comment commentinfo

1 Comment & 766 views

Comment #1