မီးစာကုန်ဆီခမ်းလုမီးအိမ်တစ်ခုနှင့်အတူ

မိုးရေတစ်ပေါက်နှစ်ပေါက်နဲ့
ကျွန်တော်လမ်းပျောက်သောသူဖြစ်ခဲ့
မျှော်လင့်ခြင်းကန္တာရကိုမှ
ပင်လယ်ထင်မိတဲ့ကောင်ပဲလေ…
(ရှိပါစေတော့
 အထင်မှားလက်စနဲ့မှားပါရစေ)

စိမ်းစိုလွင်မြနေအောင်ကိုလွမ်းတယ်ဆိုတာ
ကျိန်စာပဲလား…ပေးဆပ်ခြင်းလား
အမှန်နဲ့အမှား
ခွဲခြားနည်းကိုကျွန်တော်မတတ်မြောက်သေးဘူး
သေချာပါတယ်
ကျွန်တော်စူးစူးနစ်နစ်ကိုချစ်မိခဲ့တာပဲ

လမင်းရဲ့ ဖြူစဉ်တဲ့သံစဉ်ကို
တို့တတွေအတူခံစားကြပါစို့ရဲ့ 
ကြယ်စင်တွေဖြူဆွတ်နေသလို
ကျွန်တော်သူ့ကိုဝေနေအောင်ချစ်တယ်

မြေကမ္ဘာကကောင်းချီးမပေးတောင်
မြှားနတ်မောင်ကသိပါလိမ့်မယ်
ဖြူဖျော့တုန်ရီတဲ့ဆောင်းတစ်ခုနဲ့
ကျွန်တော်ပြုစားခံခဲ့ရတဲ့နေ့
အခုတော့….
(ကြမ္မာကိုကလွန်ပါတယ်)
နေ့မစေ့လမစေ့လာမေ့ခိုင်းနေပြီ။

သွားမယ်…
ခရီးအနီးအဝေးကိုကျွန်တော်ဂရုမစိုက်ဘူး
စုန်းတိုက်ပဲခံခံကျားကိုက်ပဲခံခံ
ကျွန်တော်သူ့ကိုချစ်တဲ့အမှန်တရားအတွက်
ကိုယ့်လျှောက်လမ်းကိုကိုယ်ဆက်လှမ်းမယ်
နက္ထတ္တဗေဒရဲ့ ဗေဒင်တွေဘယ်လိုပဲဖြစ်နေနေပါ

ချစ်သူရေ……..
ကိုယ်တစ်ယောက်ခြေလှမ်းအမှောက်အမှားတွေနဲ့
ပြေးလမ်းကသွေမသွားအောင်တော့
စောင့်ရှောက်ပေးလှည့်ပါဦးလားကွာ……….
(အခက်အခဲတွေအားလုံးခွာသံအောက်မှာ
 မီးတောက်နဲ့အတူပျောက်စေသတည်း)
                                                                      မိုးသစ်လေပြေ