စိမ်းသူ (စိုင်းဝင်းမြင့်)

ရာသီဥတုက
ငါ့အသက်ကို လုတယ်။

ငါ့မှာ
ရင်ဘတ်ဓားတန်းလန်းကြီးနဲ့
ဘ၀နဲ့ဝေးရာ ငေးငေးနေရ
ဘ၀နဲ့ဝေးရာ လွမ်းလွမ်းနေရ။

ငါ့ကိုရတဲ့ အနုပညာကြမ်းရှရှမှာ
ငါ့အသားမဲရ
ငါ့ဖိနပ်ပါးရ
ငါ့အဆုတ်နာရ။

အဆင်မပြေတဲ့ သူငယ်ချင်းက
ငါ့ဆီလာတယ်။
အဆင်ပြေတဲ့ သူငယ်ချင်းဆီ
ငါက သွားတယ်။

ငါသောက်တဲ့ လက်ဖက်ရည်
စားပွဲထိုး အလွတ်မရဘူး။
ငါမသောက်တဲ့ “ပြန်ဆိုတေး”
ဆိုင်ရှင် အလွတ်မရဘူး။

မနေ့က
နေ့သွင်းပြည့်တယ်
မွေးနေ့ဆိုလား
ငါ မတွေ့ချင်ယောင်ဆောင်ခဲ့တာ။ ။

စိုင်းဝင်းမြင့်
ရနံ့သစ်၊စက်တင်ဘာ၊Y2K၊စာ-၃၅

In: ကဗျာ,စိုင်းဝင်းမြင့် Posted By: ဖြိုးဖြိုး Date: Jul 8, 2011

Leave comment commentinfo