မသေမရှင်ဖြစ်မှု့

အခု အလင်းခပ်တိုတိုပဲရတဲ့
အခန်းထဲက ကုတင်ပေါ်မှာထိုင်နေတယ်
ဆစ်လ်ဗီယာ ပလာသ့်ရှိတယ်
ဂစ်တာအစုတ်တစ်လုံးရှိတယ်
ဗုံးတွေ ကိုယ်စီကိုင်ထားကြတဲ့
greeen day ၀ိုင်းတော်သားတွေရှိတယ်
ဟိုလူအားနာ ဒီလူအားနာနဲ့ နေခြောက်လှန်းခံရလို့
ကိုက်ခဲနေတဲ့ ခေါင်းတစ်ခြမ်းရှိတယ်
တိမ်မရှိတဲ့ကောင်းကင်ကြီးကိုငေးဖို့
ပြတင်းပေါက်တစ်ခြမ်းရှိတယ်
ကပ်ချင်တဲ့နေရာကို လျှောက်ကပ်တတ်တဲ့
သတိရစိတ်ကြောင့် တစ်ဝက်ပဲပြုံးတဲ့နှုတ်ခမ်းတွေရှိတယ်
တံတွေးတွေပြန်မျိုချတဲ့ ပါးစပ်
မျက်ရည်တွေပြန်မျိုချတဲ့ မျက်လုံး
ခံစားမှု့တွေပြန်မျိုချတဲ့ နှလုံးသားလည်းရှိတယ်
မဏိစန္ဒာ သီချင်းသံကြားနေရတယ်
ခင်ဦဲးလို့ပဲခေါ်လိုက်မယ်
ခင်ဦးရေ မင်းရဲ့စိတ္တဇဖြစ်မှု့တွေနဲ့ထပ်တူ
မင်းကျန်စစ်လည်း မေးခွန်းတွေနဲ့ အဖြေမဲ့နေမှာပါ…။

မြေနံ့